ရှီကျင့်ဖိန်နှင့် အိုက်စလန်နိုင်ငံ သမ္မတ Halla Tomasdottir တွေ့ဆုံဆွေးနွေး

ပေကျင်း၊ အောက်တိုဘာ ၁၄ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် အောက်တိုဘာ ၁၄ ရက် နံနက်ပိုင်းတွင် ပေကျင်းမြို့ ပြည်သူ့ခန်းမဆောင်၌ တရုတ်နိုင်ငံသို့ လာရောက်၍ ကမ္ဘာ့အမျိုးသမီးခေါင်းဆောင်များ ထိပ်သီးအစည်းအဝေးတက်ရောက်လာသည့် အိုက်စလန်နိုင်ငံ သမ္မတ Halla Tomasdottir နှင့် တွေ့ဆုံဆွေးနွေးခဲ့သည်။
ထိုသို့တွေ့ဆုံဆွေးနွေးရာတွင် ရှီကျင့်ဖိန်က တရုတ်နှင့် အိုက်စလန်တို့ သံတမန်ဆက်ဆံရေးထူထောင်သည့် ၅၄ နှစ်ကာလတစ်လျှောက်တွင် အပြန်အလှန် လေးစားမှု၊ အပြန်အလှန် အကျိုးပြုသော ပူးပေါင်းဆောင်ရွက်မှုအား ထိန်းသိမ်းထားကာ နှစ်နိုင်ငံဆက်ဆံရေးတွင် ကြွယ်ဝသော အောင်မြင်မှုရလဒ်များရရှိခြင်းက မတူညီသော နိုင်ငံအခြေအနေရှိသည့် နိုင်ငံများသည် လူမှုရေးစနစ် စသည့် ကွဲပြားခြားနားမှုများကို အပြည့်အဝကျော်လွှားနိုင်ကြပြီး အပြန်အလှန်အကျိုးဖြစ်ထွန်းအောင် ဘုံအကျိုးစီးပွား ဖော်ဆောင်နိုင်ကြောင်း အပြည့်အဝ သက်သေပြုနိုင်ခဲ့ကြောင်း၊ တရုတ်နိုင်ငံသည် အိုက်စလန်နိုင်ငံနှင့် ဆက်ဆံရေး ဖွံ့ဖြိုးတိုးတက်ရေးကို အထူးအလေးထားပြီး အိုက်စလန်နိုင်ငံနှင့်အတူ ကူးလူးဆက်ဆံမှု အားကောင်းရန်၊ ပူးပေါင်းဆောင်ရွက်မှု နက်ရှိုင်းရန်၊ နှစ်နိုင်ငံ ပြည်သူများအတွက် ပိုမိုများပြားသော အကျိုးကျေးဇူးများ ဆောင်ကြဉ်းပေးရန် ဆောင်ရွက်သွားလိုကြောင်း ထောက်ပြခဲ့သည်။
တရုတ်-အိုက်စလန် နှစ်ဖက်အနေဖြင့် ကိုယ်စီရွေးချယ်သော ဖွံ့ဖြိုးတိုးတက်ရေးလမ်းကြောင်းကို ဆက်လက်၍ လေးစား ထောက်ခံပြီး အပြန်အလှန်၏ အဓိကကျသော အကျိုးစီးပွားနှင့် အရေးကြီးစိုးရိမ်မှုများဆိုင်ရာ ကိစ္စရပ်များတွင် အပြန်အလှန် ထောက်ခံအားပေးရမည်ဖြစ်ကြောင်း၊ ကုန်သွယ်စီးပွားရေး၊ ဘူမိအပူစွမ်းအင်၊ ကျန်းမာရေးစောင့်ရှောက်မှုစသည့် ကဏ္ဍများတွင် လက်တွေ့ကျသော ပူးပေါင်းဆောင်ရွက်မှုများ နက်ရှိုင်းစေပြီး အစိမ်းရောင် အသွင်ပြောင်းမှု မြှင့်တင်ရန်၊ ရာသီဥတုပြောင်းလဲမှု ကိုင်တွယ်ဖြေရှင်းရန် အတူတကွ ဆောင်ရွက်ကြရမည်ဖြစ်ကြောင်း ရှီကျင့်ဖိန်က အလေးထားပြောကြားခဲ့သည်။
ခရီးသွားလုပ်ငန်း၊ ပညာရှင် စသည့် ကဏ္ဍများ၏ လူမှုယဉ်ကျေးမှု ဖလှယ်ရေး အားကောင်းစေပြီး နှစ်နိုင်ငံ ပြည်သူများ ချစ်ကြည်ရင်းနှီးမှုနှင့် အပြန်အလှန် နားလည်မှု တိုးတက်စေရမည်ဖြစ်ကြောင်း၊ တရုတ်နိုင်ငံနှင့် အိုက်စလန်နိုင်ငံတို့သည် နိုင်ငံစုံပူးပေါင်းဆောင်ရွက်ရေးဝါဒကို ထောက်ခံကြပြီး ကုလသမဂ္ဂအား ဗဟိုပြုသော နိုင်ငံတကာစနစ်နှင့် နိုင်ငံတကာဥပဒေအား အရင်းခံသည့် နိုင်ငံတကာ စည်းစနစ်များကို ထောက်ခံအားပေးကြရာ နှစ်ဖက်အနေဖြင့် နီးကပ်စွာ ညှိနှိုင်းဆွေးနွေး၍ ဟန်ချက်ညီဆောင်ရွက်ရမည်ဖြစ်ကြောင်း၊ ဆွေးနွေးညှိနှိုင်းမှုမှတစ်ဆင့် နိုင်ငံတကာ အငြင်းပွားမှုများကို ကိုင်တွယ်ဖြေရှင်းရေးကို အတူတကွ အားထားဆောင်ရွက်ကာ ပိုမိုတရားမျှတ၍ ကျိုးကြောင်းဆီလျော်သော ကမ္ဘာလုံးဆိုင်ရာ စီမံခန့်ခွဲရေးစနစ် ဖွဲ့စည်းတည်ဆောက်ရေးကို မြှင့်တင်ရမည်ဖြစ်ကြောင်း၊ ကမ္ဘာ့အမျိုးသမီးခေါင်းဆောင်များ ထိပ်သီးအစည်းအဝေး အောင်မြင်စွာ ကျင်းပခြင်းကို အခွင့်အလမ်းအဖြစ် ကမ္ဘာလုံးဆိုင်ရာ အမျိုးသမီးများ လုပ်ငန်းကဏ္ဍ အဆက်မပြတ် ဖွံ့ဖြိုးတိုးတက်မှုကို မြှင့်တင်ရမည်ဖြစ်ကြောင်း ၎င်းက အလေးအနက်ထား ပြောကြားခဲ့သည်။
Tomasdottir က ကမ္ဘာ့အမျိုးသမီးခေါင်းဆောင်များ ထိပ်သီးအစည်းအဝေးကို အောင်မြင်စွာ ကြီးမှူးကျင်းပခဲ့ခြင်းအပေါ် တရုတ်နိုင်ငံအား ဂုဏ်ယူဝမ်းမြောက်ကြောင်း၊ တရုတ်နိုင်ငံ၏ နွေးထွေးပျူငှာစွာ ဧည့်ဝတ်ပြုခြင်းနှင့် အိုက်စလန်ကဲ့သို့ နိုင်ငံငယ်လေးအား လေးစားမှုအပြည့် ပေးသည့်အတွက် ကျေးဇူးတင်ရှိကြောင်း ပြောကြားခဲ့သည်။
အိုက်စလန်နိုင်ငံ အနေဖြင့် တရုတ်နိုင်ငံက ကမ္ဘာ့အမျိုးသမီးများ လုပ်ငန်းကဏ္ဍ မြှင့်တင်ရန် အခန်းကဏ္ဍတွင် အရေးပါသော ပံ့ပိုးကူညီမှုများ လုပ်ဆောင်ခဲ့ခြင်းအပေါ် အထူးလေးစားချီးကျူးကြောင်း၊ တရုတ်နိုင်ငံနှင့်အတူ ဆွေးနွေးညှိနှိုင်း ပူးပေါင်းဆောင်ရွက်မှုကို အားကောင်းစေပြီး ကမ္ဘာ့အမျိုးသမီးများ ဘက်စုံဖွံ့ဖြိုးတိုးတက်ရေးကို မြှင့်တင်ဆောင်ရွက်သွားလိုကြောင်း၊ အိုက်စလန်နှင့် တရုတ်နိုင်ငံသည် ရေရှည်မိတ်ဆွေများဖြစ်ကြပြီး နှစ်ဖက်ဆက်ဆံရေးသည် ခိုင်မာအားကောင်းကြောင်း၊ ကုန်သွယ်ရေး၊ ဘူမိအပူစွမ်းအင်၊ ခရီးသွားလုပ်ငန်းစသည့် ကဏ္ဍ ပူးပေါင်းဆောင်ရွက်မှုတွင် အောင်မြင်မှုရလဒ်ကြွယ်ဝကြောင်း၊ အိုက်စလန်နိုင်ငံသည် အိုက်စလန်-တရုတ် ဆက်ဆံရေးကို အထူးအလေးထားပြီး တရုတ်နိုင်ငံနှင့်အတူ ပူးပေါင်းဆောင်ရွက်မှုအလားအလာများ တိုးချဲ့ရန်၊ လူမှုယဉ်ကျေးမှု နီးကပ်စွာ ဖလှယ်ရန်၊ နှစ်နိုင်ငံ ဆက်ဆံရေး ပိုမိုကြီးမားသော ဖွံ့ဖြိုးတိုးတက်မှု ရရှိစေရေး တွန်းအားပေးရန် ဆက်လက်ဆောင်ရွက်သွားလိုကြောင်း၊ ကမောက်ကမဖြင့် မတည်ငြိမ်သော ကမ္ဘာကြီးနှင့် ရင်ဆိုင်ရာတွင် တရုတ်နိုင်ငံသည် ကမ္ဘာလုံးဆိုင်ရာ စိန်ခေါ်မှုများ ကိုင်တွယ်ဖြေရှင်းရာတွင် ဦးဆောင်နိုင်စွမ်းကို ပြသခဲ့ရာ အိုက်စလန်နိုင်ငံအနေဖြင့် တရုတ်နိုင်ငံနှင့်အတူ ညှိနှိုင်းဆွေးနွေးမှုနှင့် ဟန်ချက်ညီညီဆောင်ရွက်မှုကို အားကောင်းစေပြီး ကမ္ဘာလုံးဆိုင်ရာ စိန်ခေါ်မှုများကို အတူတကွ ကိုင်တွယ်ဖြေရှင်းသွားလိုကြောင်း ၎င်းက ပြောကြားခဲ့သည်။
နှစ်ဖက်သည် “ဘူမိအပူစွမ်းအင်နှင့် အစွမ်းရောင်အသွင်ပြောင်း ပူးပေါင်းဆောင်ရွက်မှု တစ်ဆင့်တိုး အားကောင်းစေခြင်းဆိုင်ရာ တရုတ်ပြည်သူ့သမ္မတနိုင်ငံနှင့် အိုက်စလန်နိုင်ငံ၏ ပူးတွဲကြေညာချက်” ကို ထုတ်ပြန်ခဲ့သည်။
အဆိုပါတွေ့ဆုံဆွေးနွေးမှုတွင် ဝမ်ရိ ပါဝင်တက်ရောက်ခဲ့သည်။ (Xinhua)
…………………..
(Chinese Version)
习近平会见冰岛总统托马斯多蒂尔
新华社北京10月14日电（记者孙奕、曹嘉玥）10月14日上午，国家主席习近平在北京人民大会堂会见来华出席全球妇女峰会的冰岛总统托马斯多蒂尔。
习近平指出，中国和冰岛建交54年来，坚持相互尊重、互利合作，两国关系取得的丰硕成果充分证明，不同国情国家完全能够超越社会制度等差异实现互利共赢。中国重视发展同冰岛的关系，愿同冰方加强交往、深化合作，为两国人民带来更多福祉。
习近平强调，中冰双方要继续尊重和支持各自选择的发展道路，在涉及彼此核心利益和重大关切问题上坚定相互支持。深化经贸、地热、医疗健康等领域务实合作，共同推进绿色转型、应对气候变化。加强旅游、教育等方面人文交流，增进两国人民友谊和相互理解。中国和冰岛都支持多边主义，支持以联合国为核心的国际体系和以国际法为基础的国际秩序，双方要密切沟通和协调，共同致力于通过对话协商解决国际争端，推动构建更加公正合理的全球治理体系。要以全球妇女峰会成功召开为契机，促进全球妇女事业不断发展。
托马斯多蒂尔表示，祝贺中国成功主办全球妇女峰会，感谢中方热情接待，给予冰岛这样一个小国充分尊重。冰岛高度赞赏中国为促进世界妇女事业作出的重要贡献，愿同中方加强沟通合作，促进世界妇女全面发展。冰岛和中国长期友好，双边关系强劲有力，贸易、地热、旅游等领域合作成果丰硕。冰方高度重视冰中关系，愿同中方继续拓展合作空间，密切人文交流，推动两国关系得到更大发展。面对动荡不安的世界，中方为应对全球性挑战展现了领导力，冰方愿同中方加强沟通和协调，共同应对全球性挑战。
双方发表《中华人民共和国和冰岛关于进一步加强地热和绿色转型合作的联合声明》。
王毅参加会见。（完）
图说：10月14日上午，国家主席习近平在北京人民大会堂会见来华出席全球妇女峰会的冰岛总统托马斯多蒂尔。 新华社记者 李响 摄