“ကရုဏာထား ပံ့ပိုးပေးသော ဟိုတယ်အခန်းများ” ဖြင့် ဟောင်ကောင် တာ့ဖူခရိုင် မီးဘေးသင့်ပြည်သူများအား ကူညီစောင့်ရှောက်ပေး

ဟောင်ကောင်၊ နိုဝင်ဘာ ၂၉ ရက် (ဆင်ဟွာ)

တရုတ်နိုင်ငံ ဟောင်ကောင်အထူးအုပ်ချုပ်ခွင့်ရဒေသ ရှင်းကျဲ့နယ်မြေ၊ တာ့ဖူခရိုင် ဟုန်ဖူအိမ်ရာတွင် နေထိုင်သော ၇၁ နှစ်အရွယ် ခွမ့်ဖေ့လျင်နှင့် ၎င်း၏ဇနီးသည်တို့သည် နိုဝင်ဘာ ၂၆ ရက် မွန်းလွဲချိန်တွင် တစ်နာရီမကြာ အပြင်ခနထွက်၍ အလုပ်လုပ်ခဲ့ရာ ၎င်းတို့ နှစ်ပေါင်း ၄၀ ကျော်နေထိုင်ခဲ့သော အိမ်မှာ မီးလောင်ရာတွင် ပါသွားခဲ့ပြီဖြစ်သည်။
“တစ်တိုက်လုံး မီးတွေနဲ့ဝိုင်းနေခဲ့တော့ အိမ်ထဲဝင်မရတော့ဘူး၊ ကျွန်တော့်ဆီမှာ မှတ်ပုံတင်နဲ့ မြေးလေးရဲ့ ဓာတ်ပုံပဲ ပါခဲ့တယ်” ဟု ခွမ့်ဖေ့လျင်က ပြောကြားခဲ့သည်။
နိုဝင်ဘာ ၂၆ ရက်တွင် ဟောင်ကောင်အထူးအုပ်ချုပ်ခွင့်ရဒေသ ရှင်းကျဲ့နယ်မြေ၊ တာ့ဖူခရိုင် ဟုန်ဖူအိမ်ရာတွင် ပြင်းအားအဆင့် ၅ ရှိ မီးလောင်ကျွမ်းမှုဖြစ်ပွားခဲ့ရာ လက်ရှိတွင် လူပေါင်း ၁၂၈ ဦး သေဆုံးကာ ဒါဇင်နှင့်ချီ ဒဏ်ရာရရှိခဲ့ပြီး ပြည်သူအများစုမှာ နေအိမ်များ ဖျက်ဆီးခံရခြင်း၊ ယာယီပြန်လည်နေရာချထားရေးပြဿနာနှင့် ရင်ဆိုင်နေရသည်။
ကပ်ဘေးနှင့် ရင်ဆိုင်ရချိန်တွင် ဟောင်ကောင်လူမှုအဖွဲ့အစည်း နယ်ပယ်အသီးသီးက ဝိုင်းဝန်းကူညီဖေးမပေးသော အင်းအားများကို ချက်ချင်းစုစည်းပြီး လက်တွေ့လုပ်ဆောင်မှုများဖြင့် ဘေးဒဏ်သင့်ပြည်သူများအတွက် “ဘေးကင်းခိုလှုံရာနေရာ” များ ထူထောင်ပေးခဲ့သည်။

ကျိုလုန်ဧရိယာ၊ ကျန်းရှားကျွီတွင် တည်ရှိသော Oasis Avenue ဟိုတယ်သည် အရေးပေါ်တုံ့ပြန်မှုယန္တရားကို ချက်ချင်းစတင်ခဲ့ပြီး ပြင်ပဧည့်သည်များ အခန်းကြိုတင်မှာယူမှုကို ချက်ချင်းရပ်ဆိုင်းကာ ဘေးသင့်ပြည်သူများအား လက်ခံရန်အတွက် အခန်းများကို အတတ်နိုင်ဆုံး ချန်ထား၍ အသင့်ပြင်ထားသည်။
“ကျွန်တော်တို့ရဲ့ ပထမဆုံးဦးစားပေးရည်မှန်းချက်ကတော့ ကပ်ဘေးသင့်ရပ်ကွက်သူရပ်ကွက်သားတွေ အစားအစာတွေကို ပူပူနွေးနွေး အချိန်မီ စားသုံးနိုင်ပြီး နှစ်နှစ်ခြိုက်ခြိုက်အိပ်စက်နိုင်ဖို့ ဖြစ်တယ်” ဟု Oasis Avenue ဟိုတယ် မန်းနေဂျင်းဒါရိုက်တာ ကျောက်စွမ်က သတင်းထောက်များ၏ မေးမြန်းမှုကို ဖြေကြားရာတွင် ပြောကြားခဲ့သည်။ ဟိုတယ်သည် အထူးအရေးပေါ်တုံ့ပြန်ရေးအဖွဲ့ငယ် ဖွဲ့စည်းခဲ့ပြီး ထောက်ပံ့ရေးပစ္စည်းများပြင်ဆင်မှုမှ ဝန်ဆောင်မှုချိတ်ဆက်မှုအထိ အစအဆုံးတွင် တာဝန်ယူသူ သီးသန့်ထားရှိကြောင်း ၎င်းက ပြောကြားခဲ့သည်။
Oasis Avenue ဟိုတယ်က “ကရုဏာထား ပံ့ပိုးပေးသော ဟိုတယ်အခန်း” ၁၀ ခန်းကို ပထမအသုတ်အနေဖြင့် စတင်ခဲ့ပြီး ဘေးသင့်ပြည်သူများအတွက် တစ်ပတ်ကြာ အခမဲ့နေထိုင်ခွင့်ပေးကာ နောက်ပိုင်းတွင် လက်တွေ့လိုအပ်ချက်ပေါ်မူတည်၍ အခန်းအရေအတွက်ကို ပြောင်းလဲသတ်မှတ်သွားမည်ဖြစ်ကြောင်း၊ နိုဝင်ဘာ ၂၇ ရက်မှစတင်၍ ဘေးဒဏ်သင့်ပြည်သူ ၃၀ ခန့်ကို ဆက်တိုက် နေရာချထားပေးခဲ့ပြီး ခွမ့်ဖေ့လျင်မှာ ၎င်းတို့အနက် တစ်ဦးဖြစ်ကြောင်း သိရသည်။

“ကျွန်တော်တို့နေတဲ့အခန်းကတော့ standard room ၊ ပတ်ဝန်းကျင် သန့်ရှင်းတယ်၊ အားလုံးကလည်း ကျွန်တော်တို့ကို အလွန်ဂရုစိုက်ပေးကြတယ်၊ စိတ်ထဲမှာ တော်တော် သက်သောင့်သက်သာဖြစ်ရတယ်” ဟု ခွမ့်ဖေ့လျင်က ကျေးဇူးတင်စွာ ပြောကြားခဲ့သည်။
နေထိုင်သူအများစု ဘေးလွတ်ရာတိမ်းရှောင်ချိန်တွင် အလွန်အလောတကြီးဖြစ်ကာ တချို့ဆိုလျှင် အဝတ်တစ်ထည် ကိုယ်တစ်ခုဖြင့် ဘယ်ညာမတူသော ဖိနပ်တို့စီး၍ဆင်းလာကြရာ လူနေမှု ထောက်ပံ့ပစ္စည်းများ ပြင်းထန်စွာ လိုအပ်နေသောကြောင့် ကြိုတင်စီစဉ်ထားသော၊ နေရာချထားသော အခန်းများတွင် ဘေးဒဏ်သင့်ပြည်သူများအတွက် အဝတ်အစား၊ သုံးနေကျဆေးဝါးများနှင့် အစားအသောက်များကို ဟိုတယ်က ပြင်ဆင်ပေးထားသည်။ ဟိုတယ်သည် လိုအပ်ချက်များအား စစ်တမ်းကောက်ယူသည့် မေးခွန်းလွှာကိုပါ အထူးရေးဆွဲခဲ့ပြီး နေထိုင်သူများ လာရောက်တည်းခိုချိန်တွင် ၎င်းတို့လိုအပ်သော ပစ္စည်းများကို ဖြည့်စွက်ပြီးနောက် ဝန်ထမ်းများက ချက်ချင်းပင် အပြင်ထွက်၍ ဝယ်ယူပေးမည်ဖြစ်သည်။

“ကပ်ဘေးသင့်ပြည်သူများအတွက် ကျွန်တော်တို့ ၂၄ နာရီ ဝန်ဆောင်မှုပေးပါတယ်၊ သူတို့ရဲ့လိုအပ်ချက်တွေကို အတတ်နိုင်ဆုံးဖြည့်ဆည်းပေးဖို့ ဝန်ထမ်းသီးသန့်ရှိပါတယ်”၊ “ဟိုတယ်မှာနေထိုင်တဲ့ ရပ်ကွက်သူရပ်ကွက်သားတွေကို ကျွန်တော်တို့ရဲ့ မိသားစုဝင်တွေလို့ အမြဲမှတ်ယူထားပြီး မိသားစုဝင်တွေရဲ့ လိုအပ်ချက်ဟာ ကျွန်တော်တို့ရဲ့ တာဝန်ဖြစ်ပါတယ်” ဟု ကျောက်စွမ်က ပြောကြားခဲ့သည်။
မီးဘေးကြောင့် နေထိုင်သူများ စိတ်ပိုင်းဆိုင်ရာ ရိုက်ခတ်မှုများရှိမည်ကို ထည့်သွင်းစဉ်းစားသောအနေဖြင့် ဟိုတယ်သည် ဟောင်ကောင်အထူးအုပ်ချုပ်ခွင့်ရဒေသ သက်ဆိုင်ရာဌာနများနှင့် ချိတ်ဆက်ကာ လိုအပ်မှုရှိသော နေထိုင်သူများအား စိတ်ပိုင်းဆိုင်ရာ ဖျောင်းဖျပေးသောဝန်ဆောင်မှုများ ပေးအပ်ရန်အတွက် ပရော်ဖက်ရှင်နယ် စိတ်ပိုင်းဆိုင်ရာ အကြံပေးအရင်းအမြစ်များကို ညှိနှိုင်းဆောင်ရွက်ပေးခဲ့သည်။
Oasis Avenue ဟိုတယ်အပြင် ဟောင်ကောင်ဒေသ ကုမ္ပဏီလုပ်ငန်းနှင့် အဖွဲ့အစည်းအများအပြားသည် ကူညီပံ့ပိုးမှုတွင် ပါဝင်လာကြသည်။ Sino Group သည် NG Teng Fong Charitable Foundation Ltd. နှင့်အတူ ပူးတွဲ၍ ဟောင်ကောင်ရှိ Oasis Avenue ဟိုတယ်၊ Royal Pacific ဟိုတယ်နှင့် The Fullerton Ocean Park ဟိုတယ်တို့တွင် အခန်း ၁၆၀ ကြိုတင်မှာယူထားပြီး ကပ်ဘေးသင့်ပြည်သူများကို အခမဲ့တည်းခိုရန် ပံ့ပိုးပေးခဲ့သည်။ အခြားဟိုတယ် အများအပြားကလည်း အထူးအုပ်ချုပ်ခွင့်ရဒေသအစိုးရကို ဆက်သွယ်ခဲ့ပြီး ကပ်ဘေးသင့်ပြည်သူများအား လက်ခံရန် ၎င်းတို့၏အခန်းများကို ဖွင့်လှစ်ပေးထားရန် ဆန္ဒရှိကြောင်း ဖော်ပြခဲ့ကြသည်။ “ကရုဏာထား ပံ့ပိုးပေးသော ဟိုတယ်အခန်းများ” သည် ဟောင်ကောင်ဒေသတွင် နွေးထွေးမှုလက်ဆင့်ကမ်းပေးသော အရေးကြီးသည့် ဆောင်ကြဉ်းရာဖြစ်လာခဲ့သည်။
လက်ရှိတွင် ဟောင်ကောင်အထူးအုပ်ချုပ်ခွင့်ရဒေသ အစိုးရသည် ဘက်စုံကူညီကယ်ဆယ်မှုများ လုပ်ဆောင်လျက်ရှိပြီး အုပ်ချုပ်ရေးမှူး လီကျားချောင်းက ကူညီကယ်ဆယ်ရေးနှင့် နောက်ဆက်တွဲလုပ်ငန်းများအတွက် ဌာနဖြတ်ကျော် အရေးပေါ်အစည်းအဝေးများစွာကို ဦးဆောင်ပြုလုပ်ခဲ့ခြင်း၊ ပြည်သူ့ရေးရာဌာနအနေဖြင့် ယာယီခိုလှုံရာနေရာများစွာကို ဖွင့်လှစ်ခဲ့ခြင်း၊ ဟောင်ကောင်ဒေါ်လာ သန်း ၃၀၀ ရင်းနှီးမြှုပ်နှံကာ “တာ့ဖူခရိုင် ဟုန်ဖူအိမ်ရာ အကူအညီရန်ပုံငွေ” ထူထောင်ခြင်း စသည်တို့က ဟောင်ကောင်လူ့အဖွဲ့အစည်း နယ်ပယ်အသီးသီးက တစ်လှေတည်းစီး တစ်ခရီးတည်းသွားစိတ်ဓာတ်ဖြင့် ကပ်ဘေးသင့်ပြည်သူများအတွက် နွေးထွေးမှုနှင့် မျှော်လင့်ချက်များ ဆောင်ကြဉ်းပေးသည်။ (Xinhua)

လာရောက်နေထိုင်သော ကပ်ဘေးသင့်ပြည်သူများအတွက် Oasis Avenue ဟိုတယ်က ပြင်ဆင်ပေးသော အဝတ်အစားများကို နိုဝင်ဘာ ၂၈ ရက်က တွေ့ရစဉ် (ဆင်ဟွာ)

…………………
(Chinese Version)
特写：“爱心客房”守护香港大埔火灾受灾民众
新华社香港11月29日电（记者陈铎、阎月巧）26日午后，71岁的宏福苑居民邝佩麟和老伴出门办事不到一小时。当他们返回小区时，住了40多年的家已被大火吞噬。
“整个楼已被大火包围，进不了门了，我身上只带了身份证和小孙子的照片。”邝佩麟说。
11月26日，香港新界大埔区宏福苑发生五级火警，目前已造成128人遇难，数十人受伤，众多居民面临家园损毁、临时安置的问题。
灾难面前，香港社会各界迅速凝聚起守望相助的力量，以实际行动为受灾民众搭建“避风港”。位于九龙尖沙咀的粤海酒店第一时间启动应急响应机制，当即暂停对外客房预订，全力腾空房间准备接收受灾民众。
“我们的首要目标就是让受灾乡亲能及时吃上热饭、睡个安稳觉。”粤海酒店董事总经理赵爽在接受记者采访时表示，酒店已组建专项应急小组，从物资筹备到服务对接，全程专人负责。
粤海酒店首批推出10间“爱心客房”，为受灾民众提供为期一周的免费住宿，后续将根据实际需求动态调整房间数量；自11月27日起，已陆续安置约30名受灾民众，邝佩麟便是其中一员。
“住的是标准间，环境干净，大家都很照顾我们，心里踏实多了。”邝佩麟欣慰地说。 　　由于多数居民撤离时极为仓促，甚至有人仅穿着单衣、不成对的拖鞋，生活物资严重短缺，酒店在预备的安置房间内为受灾民众准备了衣物、常用药品及食品。酒店还专门设计了需求调查问卷，居民入住时填写所需物品后，工作人员会第一时间外出采购。
“我们为受灾民众提供24小时服务，有专门的同事对接，尽量满足他们的需求。”赵爽说，“我们始终把住店的乡亲当家人，家人的需求就是我们的责任。”
考虑到火灾对居民造成的心理冲击，酒店正积极对接香港特区政府相关部门，协调专业心理咨询资源，为有需要的居民提供心理疏导服务。
记者了解到，除粤海酒店外，香港多家企业与机构也纷纷加入援助行列。信和集团联合黄廷方慈善基金，在香港黄金海岸酒店、皇家太平洋酒店及香港富丽敦海洋公园酒店预留160间客房，为受灾民众提供免费住宿；另有多家酒店主动联系特区政府，表示愿开放房间接纳受灾民众，“爱心客房”成为香江大地传递温暖的重要载体。
当前，香港特区政府正全方位展开救助：行政长官李家超多次主持跨部门紧急会议部署救援与善后工作；民政事务总署开放多个临时庇护中心；投入3亿港元启动资金设立“大埔宏福苑援助基金”……香港各界正以同舟共济的精神，为受灾民众带去温暖与希望。（完）
图说：11月28日，宏福苑居民邝佩麟在粤海酒店“爱心客房”里整理床铺。新华社记者 陈铎 摄
图说：这是11月28日拍摄的粤海酒店为入住的受灾居民准备的衣物。新华社记者 陈铎 摄