ဂျပန် ASDF ဂျက်တိုက်လေယာဉ်တစ်စင်း ပင်လယ်ထဲ ပျက်ကျခဲ့သော်လည်း လေယာဉ်ဝန်ထမ်း ၂ဦးကို ကယ်ဆယ်နိုင်ခဲ့

တိုကျို၊ ဖေဖော်ဝါရီ ၂၀ ရက် (ဆင်ဟွာ)

ဂျပန်ဂျက်တိုက်လေယာဉ် တစ်စင်းသည် ဖေဖော်ဝါရီ ၂၀ ရက် နံနက်ပိုင်းက လေ့ကျင့်ပျံသန်းမှု တစ်ခု ပြုလုပ်နေစဉ်အတွင်း ပျက်ကျခဲ့သော်လည်း လေယာဉ်ဝန်ထမ်း ၂ဦးကို ကယ်ဆယ်နိုင်ခဲ့ကြောင်း သိရသည်။

ဂျပန်နိုင်ငံ ကိုယ်ပိုင်ကာကွယ်ရေးလေတပ် (ASDF) မှ F-2 ဂျက်တိုက်လေယာဉ်တစ်စင်းသည် ရာမဂူချီစီရင်စု ကမ်းခြေအလွန်တွင် ဒေသစံတော်ချိန် နံနက် ၉း၁၈နာရီ တွင် ရေဒါမှ ပျောက်ကွယ်သွားခဲ့ကြောင်း ASDF ကပြောကြားခဲ့သည်။ဖူကူအိုကာစီရင်စု အနောက်တောင်ပိုင်း စုအီကီလေတပ်စခန်း ၏ အရှေ့မြောက်ဘက် ၁၃၀ကီလိုမီတာ အကွာခန့်တွင် ယင်းလေယာဉ်အား ရေဒါပေါ်တွင် နောက်ဆုံးတွေ့မြင်ခဲ့ကြောင်း သိရသည်။F-2 တိုက်လေယာဉ်သည် မပျက်ကျခင် လေကျင့်ပျံသန်းမှုပြုလုပ်ရန် အခြားသော တိုက်လေယာဉ် ၂စင်း နှင့် အတူ ဒေသစံတော်ချိန် နံနက် ၉း၀၀နာရီတွင် လေတပ်စခန်းမှ ထွက်ခွာခဲ့ကြောင်း သိရသည်။ (Xinhua)