အမေရိကန်ပြည်ထောင်စု ဝါရှင်တန်မြို့တွင် ဆန္ဒပြပွဲ ဒုတိယနေ့ ဆက်လက်ဖြစ်ပွား

ဝါရှင်တန်ဒီစီ၊ မေ ၃၁ ရက်(ဆင်ဟွာ)

အာဖရိကန်အမေရိကန်လူမည်း ဂျော့ဂျ်ဖလွိုက်(George Floyd) သေဆုံးမှု အပေါ် ပြည်သူများက မကျေမနပ်ဖြစ်ပွားပြီးနောက် အမေရိကန်ပြည်ထောင်စုတစ်ဝန်းဆန္ဒပြပွဲများဆက်တိုက်ဖြစ်ပွားလျှက်ရှိရာ ဝါရှင်တန်မြို့တွင်လည်း ဒုတိယနေ့အဖြစ် ဆန္ဒပြသူများက အိမ်ဖြူတော်သို့ စုရုံးချီတက်ခဲ့ကြကြောင်းသိရသည်။ 

အသက် ၄၆ နှစ်အရွယ်ရှိပြီဖြစ်သည့် ဖလွိုက် အား မေ ၂၅ ရက်တွင် လူဖြူရဲအရာရှိတစ်ဦးဖြစ်သည့် ဒဲရက် ချော်ဗန် (Derek Chauvin) က လမ်းပေါ်၌ မှောက်လျက်အနေအထားရှစ်မိနစ် ကျော်ကြာ ဒူးခေါင်းဖြင့် ဖိနှိပ်ချုပ်ထားခဲ့ရာ ဖလွိုက်သည် “ကျွန်တော်အသက်ရှုလို့မရတော့ဘူး၊ ကျွန်တော့်ကို အသက်ချမ်းသာပေးပါ” စသဖြင့် အော်ဟစ်ရင်း အသက်ရှူကြပ်၍ သေဆုံးသွားခဲ့ခြင်းဖြစ်သည်။ ထိုလုပ်ရပ်အပေါ် လူထု၏ ဒေါသများပေါက်ကွဲထွက်လာပြီးနောက် ဆန္ဒပြပွဲများယခုကဲ့သို့ဖြစ်ပွားလာခဲ့ကြောင်းသိရသည်။ (Xinhua)