News
စမတ်နည်းပညာသုံး ဦးထုပ်ဖြင့် နိုင်ငံပေါင်း၃၆ နိုင်ငံတွင်ကပ်ရောဂါကာကွယ်ထိန်းချုပ်ရေးလုပ်ဆောင်လျက်ရှိ
ကွမ်တုန်း၊ နိုဝင်ဘာ ၁၅ ရက် (ဆင်ဟွာ) ဘာသာပြန် နှင့် တည်းဖြတ်/စုဝင့်
တရုတ်နိုင်ငံ တောင်ပိုင်း ကွမ်တုန်းပြည်နယ် ရှန်းကျန့် တွင် ကျင်းပနေသည့် ၂၂ ကြိမ်မြောက် တရုတ်အဆင့်မြင့်နည်းပညာပစ္စည်းများပြပွဲ (CHTF) တွင် ပတ်ခြာလည် အကွာအဝေး ၅ မီတာ မှ နေ၍ ကိုယ်အပူချိန် ကို အလိုအလျောက် တိုင်းတာ ပေးနိုင်သည့် စမတ်နည်းပညာသုံး ဦးထုပ်ကိုပြသထားသည်။
၎င်း ဦးထုပ်သည် မော်တော်ဆိုင်ကယ်ဦးထုပ်ပုံစံဖြစ်ပြီး ရှန်းကျန့်အခြေစိုက် နည်းပညာလုပ်ငန်းစုကြီးတစ်ခုဖြစ်သည့် Kuang-chi က ထုတ်လုပ်ခဲ့ခြင်းဖြစ်သည်။ဦးထုပ်ဖြင့် စကန်ဖတ်ရာတွင် ကိုယ်အပူချိန် ၃၇.၃ ဒီဂရီ ဆဲလ်စီးယပ် ထက် ကျော်လွန်သူရှိပါ ဦးထုပ်၏ အလိုအလျှောက်စနစ်မှ သတိပေးအသံနှင့်အတူ အလင်းရောင်လှိုင်း ထွက်ပေါ်လာမည်ဖြစ်သည်။
ဦးထုတ်ဆောင်း၍ လူတစ်ရာကျော်ကို အချိန် နှစ်မိနစ်အတွင်း အပူချိန်တိုင်းတာနိုင်ပြီး မှတ်တမ်းရယူထားနိုင်ကြောင်း သိရသည်။အဆိုပါဦးထုပ်ကို ကပ်ရောဂါ စတင်ဖြစ်ပွားကတည်းက အသုံးပြုလျက်ရှိသည့်နိုင်ငံပေါင်း ၃၆ နိုင်ငံထိရှိပြီဖြစ်ကြောင်းသိရသည်။ (Xinhua)