အမေရိကန်အကျဉ်းထောင်တစ်ခု၌ ထောင်လုံခြုံရေးဝန်ထမ်းများကို ထောင်သားများက ဓားစာခံအဖြစ် ဖမ်းဆီးထား

ဝါရှင်တန် ၊ ဖေဖော်ဝါရီ ၂ ရက် (ဆင်ဟွာ)

အမေရိကန်နိုင်ငံ အရှေ့ပိုင်းပြည်နယ်တစ်ခု၌ ဖေဖော်ဝါရီ ၁ ရက်က အကျဉ်းသား ၂၅ဝဝ ကျော်ရှိ အကျဉ်းထောင်တစ်ခုတွင် ထောင်လုံခြုံရေးဝန်ထမ်းများအား အကျဉ်းသားများက ဓားစာခံအဖြစ် ဖမ်းဆီးခဲ့သည့် ဖြစ်စဉ်ဖြစ်ပွားခဲ့ပြီးနောက် ၎င်းအကျဉ်းထောင်အား ပိတ်ဆို့ဝန်းရံထားကြောင်း သိရသည်။

အခင်းဖြစ်ပွားရာ Delaware ပြည်နယ် Smyrna မြို့ရှိ James T.Vaughn ( JVTCC) အကျဉ်းထောင်သို့နီးစပ်ရာ ပင်ဆူဗေးနီးယားပြည်နယ်မှ အရေးပေါ်အခြေအနေတုံ့ပြန်ရေးအဖွဲ့ဝင် ပေါင်း မြောက်များစွာ အလျင်အမြန်ရောက်ရှိလာခဲ့ကြောင်း သိရသည်။

Delaware ပြည်နယ် အကျဉ်းထောင်အရာရှိများအသင်းဥက္ကဋ္ဌ Geoffrey Klopp က အကျဉ်းထောင်လုံခြုံရေးဝန်ထမ်းများသည် ဓားစားခံများအဖြစ် ဖမ်းဆီးခံထားရကြောင်း ပြောကြားခဲ့သည်။

အကျဉ်းထောင်များစီမံခန့်ခွဲမှုကော်မတီအဖွဲ့ဝင် William Carson ကလည်း အခင်းဖြစ်ပွားရာ အကျဉ်းထောင်အခြေအနေနှင့်ပတ်သက်၍ “ ဓားစားခံအဖြစ် ဖမ်းဆီးခံထားရတဲ့ မြင်ကွင်းပါပဲ” ဟု ပြောကြားခဲ့သည်။

“ ထောင်လုံခြုံရေးဝန်ထမ်းတွေကို အဆောက်အအုံပြင်ပမှာ ဖမ်းထားတယ်” ဟု ၎င်းကဆိုသည်။

အကျဉ်းထောင်ဌာနပြောခွင့်ရ အမျိုးသမီးက ယင်းမှာ မတော်တဆဖြစ်စဉ်တစ်ခုဖြစ်ပြီး ပြည်သူတို့၏ လုံခြုံရေးကို ခြိမ်းခြောက်ခြင်းမရှိကြောင်း ပြောကြားခဲ့သည်။ ပြည်နယ်လုံခြုံရေးတပ်ဖွဲ့ဝင်များက အကျဉ်းထောင် ပတ်ပတ်လည်ကို ပိတ်ဆို့ဝန်းရံထားသည်။

၎င်းအကျဉ်းထောင်ကို ၁၉၇၁ ခုနှစ်တွင် တည်ထောင်ခဲ့ခြင်းဖြစ်ပြီး လက်ရှိတွင် ဓားစားခံများ လွတ်မြောက်ရေးအတွက် ဆက်လက်ဆောင်ရွက်လျက်ရှိနေသော်လည်း အသေးစိတ် အခြေအနေကိုမူ မသိရှိရသေးပေ။ (Xinhua)