အနောက်ဘက်ဒေသ ကုန်း-ရေ နှစ်သွယ်လမ်းကြောင်းသစ်၏ ထောက်ပံ့ပို့ဆောင်ရေးကွန်ရက်သည် နိုင်ငံနှင့်ဒေသပေါင်း ၁၀၇ ရှိ ဆိပ်ကမ်း ၃၁၅ ခုအထိ တိုးချဲ့နိုင်ခဲ့

ချုံချင့်၊ ဧပြီ ၂၇ ရက်(ဆင်ဟွာ)

အနောက်ဘက်ဒေသ ကုန်း-ရေ နှစ်သွယ်လမ်းကြောင်းသစ်၏ ထောက်ပံ့ပို့ဆောင်ရေးကွန်ရက်သည် နိုင်ငံနှင့်ဒေသပေါင်း ၁၀၇ ရှိ ဆိပ်ကမ်း ၃၁၅ ခုအထိ တိုးချဲ့နိုင်ခဲ့ကြောင်း ဧပြီ ၂၇ ရက်က ချုံချင့်မြို့အစိုးရ ဂိတ်နှင့်သယ်ယူပို့ဆောင်ရေးရုံးမှ မိတ်ဆက်ပြောကြားခဲ့သည်။

အနောက်ဘက် ကုန်း-ရေ နှစ်သွယ်လမ်းကြောင်းသစ်သည် တရုတ်နိုင်ငံအနောက်ပိုင်း ပြည်နယ်များနှင့် အာဆီယံနိုင်ငံများ ပူးပေါင်းဆောင်ရွက်ရေးအတွက် တည်ဆောက်ထားသည့် အပြည်ပြည်ဆိုင်ရာ ကုန်း-‌ရေ နှစ်သွယ်ကုန်သွယ်ရေးလမ်းကြောင်းသစ်ဖြစ်သည်။ အဆိုပါလမ်းကြောင်းသည် ချုံချင့်ကို ဗဟိုပြု၍ တရုတ်နိုင်ငံအနောက်ပိုင်း ပြည်နယ်၊ဒေသ၊ မြို့များကို အဓိကထားကာ ရထားလမ်း၊ ပင်လယ်ရေကြောင်းလမ်း၊ ကားလမ်းစသည့် သယ်ယူပို့ဆောင်မှုပုံစံများဖြင့် တောင်ဘက် ကွမ်ရှီး၊ ယူနန် စသော ပင်လယ်ကမ်းရိုးတန်းနှင့်နယ်စပ်တစ်လျှောက်ဂိတ်များကို ဖြတ်သန်းပြီး ကမ္ဘာ့ဒေသအသီးသီးကို သွားရောက်ခြင်းဖြစ်ရာ အရှေ့ဘက်ဒေသများကို ဖြတ်သန်း၍ ပင်လယ်ထွက်ရသည့် ကြာချိန်ထက် များစွာ လျော့နည်းသက်သာစေသည်။

ချုံချင့်မြို့သည် အနောက်ဘက်ဒေသ ကုန်း-ရေ နှစ်သွယ်လမ်းကြောင်းသစ်၏ လုပ်ငန်းလည်ပတ်မှုအဖွဲ့အစည်းဗဟိုဖြစ်သည်။ ချုံချင့်သည် ယခုနှစ် ပထမသုံးလပတ်အတွင်း အနောက်ဘက်ဒေသ ကုန်း-ရေ နှစ်သွယ်လမ်းကြောင်းသစ်မှတစ်ဆင့် တန်ဖိုးယွမ်ငွေ ၄.၄ ဘီလီယံရှိ ကွန်တိန်နာ ၂၆,၀၀၀ လုံးပို့ဆောင်ခဲ့ရာ ကာလတူထက် ၁၈.၂ ရာခိုင်နှုန်းနှင့် ၂၃.၂ ရာခိုင်နှုန်း အသီးသီးတိုးတက်လာခဲ့ကြောင်း ချုံချင့်မြို့ဂိတ်နှင့်သယ်ယူပို့ဆောင်ရေးရုံး လက်ထောက်ညွှန်ကြားရေးမှူး၊ ပြည်နယ်များ ညှိနှိုင်းပူးပေါင်းဆောင်ရွက်ရေး ပူးတွဲအစည်းအဝေးရုံး လက်ထောက်ညွှန်ကြားရေးမှူး ဟူဟုန်ပင်းက မိတ်ဆက်ပြောကြားခဲ့သည်။

၂၀၁၇ ခုနှစ် တရားဝင်ဖွင့်လှစ်လည်ပတ်ချိန်မှစပြီး အနောက်ဘက်ဒေသ လမ်းကြောင်းသစ်၏ လည်ပတ်မှု အကျိုးဖြစ်ထွန်းခြင်းသည် တည်ငြိမ်စွာတိုးတက်လျက်ရှိကြောင်း ဟူဟုန်ပင်းက ပြောကြားခြ့သည်။ ချုံချင့်သည် အနောက်ဘက်လမ်းကြောင်းသစ်မှ ကုန်စည်သယ်ယူပို့ဆောင်မှု ပမာဏသည် ၂၀၁၇ ခုနှစ်တွင် ကွန်တိန်နာ ၃,၀၀၀ အောက်မှ ၂၀၂၁ ခုနှစ်တွင် ကွန်တိန်နာ ၁၁၂,၀၀၀ အထိတိုးမြင့်လာခဲ့သလို ကုန်ပစ္စည်းတန်ဖိုးမှာလည်း ယွမ် သန်း ၅၈၀ မှ ၁၈.၇ ဘီလီယံ အထိ တိုးလာခဲ့သည်။ ထို့ပြင် ကုန်ပစ္စည်းအမျိုးအစားသည်လည်း ၅၃ မျိုးမှ ၆၄၀ အထိ၊ ထောက်ပံ့ပို့ဆောင်ရေးကွန်ရက်သည် နိုင်ငံနှင့် ဒေသပေါင်း ၃၅ ရှိ ဆိပ်ကမ်း ၅၈ ခုမှ နိုင်ငံနှင့်ဒေသပေါင်း ၁၀၇ ရှိ ဆိပ်ကမ်း ၃၁၅ အထိတိုးတက်ခဲ့ကြောင်း ၎င်းကဆိုသည်။

တရုတ်နိုင်ငံ၏ အနောက်ဘက်ဒေသ ကုန်း-ရေ နှစ်သွယ် လမ်းကြောင်းသစ် ဘက်စုံအစီအစဉ်အရ ချုံချင့်မြို့အစိုးရ ဂိတ်နှင့်သယ်ယူပို့ဆောင်ရေးရုံးသည် ပြီးခဲ့သည့်နှစ် မေလတွင် ပြည်နယ်များ ညှိနှိုင်းပူးပေါင်းဆောင်ရွက်ရေး ပူးတွဲအစည်းအဝေးရုံးအနေဖြင့် အနောက်ဘက်ဒေသ ကုန်း-ရေ နှစ်သွယ်လမ်းကြောင်းသစ် ပထမအဆင့် ဖွံ့ဖြိုးတိုးတက်မှု ညွှန်းကိန်းကို ထုတ်ပြန်ခဲ့သည်။ ပထမအဆင့် ဖွံ့ဖြိုးတိုးတက်မှုညွှန်းကိန်းအရ လမ်းကြောင်းသစ်၏ အခြေခံအဆောက်အအုံ၊ ထောက်ပံ့ပို့ဆောင်ရေး၊ သယ်ယူပို့ဆောင်မှု ပမာဏ စသည့်ကဏ္ဍတွင် ကောင်းမွန်စွာ လည်ပတ်နေသလို စက်မှုစုစည်းမှု၊ ကုန်ပစ္စည်း ဖွဲ့စည်းမှု စသည့်ကဏ္ဍတွင်လည်း အရည်အသွေးမြင့်ဖွံ့ဖြိုးတိုးတက်မှုဆီသို့ လျှောက်လှမ်းနေကြောင်း ဟူဟုန်ပင်းက ပြောကြားခဲ့သည်။(Xinhua)

………………………………………………
(Chinese Version)
西部陆海新通道物流网络拓展至107个国家（
西部陆海新通道物流网络拓展至107个国家（地区）的315个港口
记者4月27日从重庆市政府口岸物流办获悉，西部陆海新通道物流网络已拓展至全球107个国家（地区）的315个港口。
西部陆海新通道是由中国西部省份与东盟国家合作打造的国际陆海贸易新通道，以重庆为运营中心，各西部省区市为关键节点，利用铁路、海运、公路等运输方式，向南经广西、云南等沿海沿边口岸通达世界各地，比经东部地区出海所需时间大幅缩短。
重庆市政府口岸物流办副主任、省际协商合作联席会议办公室副主任胡红兵介绍，作为西部陆海新通道运营组织中心，今年一季度，重庆经西部陆海新通道运输2.6万标箱、货值44亿元，同比分别增长18.2%和23.2%。
“2017年正式开通运营以来，西部陆海新通道运行效益正稳步提高。”胡红兵说，重庆经西部陆海新通道货运量已从2017年的不到3000标箱增加至2021年的11.2万标箱，货值由5.8亿元增加至187亿元，货物品类从53种增加到640种，通道网络由35个国家（地区）的58个港口扩展至107个国家（地区）的315个港口。
去年5月，根据国家《西部陆海新通道总体规划》，重庆市政府口岸物流办作为省际协商合作联席会议办公室发布了西部陆海新通道首期发展指数。“首期发展指数显示，通道在基础设施、物流、贸易、产业规模等方面运行良好，在集约集聚、货物结构等方面正向高质量发展迈进。”胡红兵说。（记者赵宇飞）
图说- 4月2日，陆海新通道中缅印国际联运班列（重庆-仰光-印度洋）在重庆铁路集装箱中心站首发，这是陆海新通道首次开辟直通印度洋的新线路。新华社发（潘婕摄）