တရုတ်နိုင်ငံ၏ ပထမဆုံး ပြည်တွင်းဖြစ် ရေအောက်ရေနံတူးဖော်ရေး (Xmas Tree) စမ်းသပ်မှုအောင်မြင်

ပေကျင်း၊မေ ၁၆ ရက် (ဆင်ဟွာ)

တရုတ်နိုင်ငံ၏ ပထမဆုံး ပြည်တွင်းဖြစ် ရေအောက်ရေနံတူးဖော်ရေးစနစ်သစ် Subsea Xmas Tree စနစ်အား Bohai ပင်လယ်ပြင်၌ စမ်းသပ်ခဲ့ရာအောင်မြင်မှုရရှိခဲ့ကြောင်းသိရသည်။

စမ်းသပ်မှုကို ဦးဆောင် ပြုလုပ်သည့် CNOOC က ယခု စနစ်မှာ အလွန် အသုံးဝင်ပြီး၊ ဘေးအန္တရာယ်ကင်းကာ စနစ်တစ်ခုလုံး၏ လုပ်ဆောင်နိုင်မှုများအား အပြည့်အဝ စစ်ဆေးထားခဲ့ပြီးဖြစ်ကြောင်းဆိုသည်။

Xmas Tree စနစ် သည် ကမ်းလွန်ရေနံရှာဖွေတူးဖော်ရေးကဏ္ဍတွင် အရေးပါသည်။CNOOC ၏ စီမံကိန်းမန်နေဂျာ Mi Lijun “အစိတ်အပိုင်းပေါင်း ၁၃၀၀ ကျော်ကိုဒီဇိုင်းဆွဲ၊ ထုတ်လုပ်၊ တပ်ဆင်၊ စမ်းသပ် ထားပါတယ်၊ နောက်ဆုံးအနေနဲ့ ကျွန်တော်တို့ဟာ Subsea Xmas Tree စနစ်ကို မိမိတို့ရဲ့ ဥာဏစွမ်းရည်ကိုပဲ အမှီပြုကာ ကိုယ်ပိုင်ထုတ်လုပ်နိုင်ခဲ့ပါပြီ” ဟုဆိုသည်။

CNOOC ထျန်းကျင်းရုံးခွဲမှ Xu Jie က “ကမ်းလွန်ရေနံစမ်းသပ်ထုတ်လုပ်ခြင်းဟာ ၃၂ ရက် ကြာ ခဲ့ပြီး တင်းကြပ်တဲ့ စစ်ဆေး စမ်းသပ်မှု ၉၈ ခုကို ပြုလုပ်ခဲ့တာပါ။ ကျွန်တော်တို့ တပ်ဆင်ခြင်း၊ လုပ်ဆောင်မှုများအားစစ်ဆေးခြင်းနှင့် ပြန်လည် လည်ပတ်နိုင်စွမ်းနှင့် ကောင်းမွန်စွာတူးဖော်နိုင်စွမ်း စတာတွေကိုလည်း အောင်မြင်အောင်စမ်းသပ် ပြီးစီးခဲ့ပါတယ်။ ဒါဟာ တရုတ်နိုင်ငံရဲ့ ရေနံနှင့် သဘာဝဓါတ်ငွေ့ တူးဖော်ရေးလုပ်ငန်းမှာ အဓိကကျပြီး အလွန်အရေးပါတဲ့ အခန်းကဏ္ဍကနေပါဝင်နေပါတယ်” ဟုဆိုသည်။ (Xinhua)