သမ္မတ ရှီက ပါကစ္စတန် သမ္မတအဖြစ်ရွေးကောက်ခံရသော ဇာဒါရီထံ ဝမ်းမြောက်ကြောင်းသဝဏ်လွှာပေးပို့

ပေကျင်း၊ မတ် ၁၂ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ပါကစ္စတန်နိုင်ငံ သမ္မတအဖြစ် ရွေးကောက်ခံရသော အဆစ် အလီ ဇာဒါရီထံ ဝမ်းမြောက်ကြောင်းသဝဏ်လွှာကို မတ် ၁၀ ရက်က ပေးပို့ခဲ့ကြောင်း သိရသည်။
တရုတ်နိုင်ငံနှင့် ပါကစ္စတန်နိုင်ငံတို့သည် အိမ်နီးချင်းကောင်း၊ မိတ်ဆွေကောင်း၊ မိတ်ဖက်ကောင်းနှင့် ညီအစ်ကိုကောင်းများဖြစ်ကြကြောင်း၊ နှစ်နိုင်ငံ၏ သံမဏိချစ်ကြည်ရေးသည် နှစ်နိုင်ငံပြည်သူများ၏ သမိုင်းကြောင်းရွေးချယ်မှုနှင့် အဖိုးထိုက်တန်သောရတနာဖြစ်ကြောင်း ရှီက သဝဏ်လွှာ၌ ထည့်သွင်းပြောကြားခဲ့သည်။

ထို့ပြင် နှစ်နိုင်ငံတို့သည် မကြာသေးမီနှစ်များအတွင်း ရင်းနှီးသော အဆင့်မြင့်ကူးလူးဆက်ဆံမှုများ ထိန်းသိမ်းခဲ့ကြကြောင်း၊ တစ်နိုင်ငံနှင့် တစ်နိုင်ငံ ဘုံအကျိုးစီးပွားများ၊ အဓိကစိုးရိမ်ပူပန်မှုများနှင့်ဆက်စပ်သော ကိစ္စရပ်များကို အချင်းချင်း ပံ့ပိုးကူညီလျက်ရှိကြောင်း၊ တရုတ်-ပါကစ္စတန် စီးပွားရေးစင်္ကြံ တည်ဆောက်ရာတွင် အကျိုးရလဒ်များ ရရှိခဲ့ကြောင်းနှင့် နှစ်နိုင်ငံ ဆက်ဆံရေး အဆင့်မြင့်ဖွံ့ဖြိုးတိုးတက်မှုကို ထိန်းထားလျက်ရှိကြောင်း ရှီက မှတ်ချက်ပြုခဲ့သည်။

တရုတ်နိုင်ငံ ခေါင်းဆောင် ရှီက ၎င်းအနေဖြင့် တရုတ်-ပါကစ္စတန် ဆက်ဆံရေး ဖွံ့ဖြိုးတိုးတက်မှုကို အထူးအလေးထားကြောင်း၊ သမ္မတ ဇာဒါရီနှင့်အတူ တရုတ်-ပါကစ္စတန်ကြား အစဉ်အလာရှိသော ချစ်ကြည်ရင်းနှီးမှုကို ရှေ့ဆက်ဆောင်ရွက်ရေး၊ နယ်ပယ်မျိုးစုံတွင် လက်တွေ့ပူးပေါင်းဆောင်ရွက်မှု အဆင့်မြှင့်တင်ရေး၊ တရုတ်-ပါကစ္စတန် နယ်ပယ်စုံမဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေး ကြီးမားစွာဖွံ့ဖြိုးတိုးတက်မှုအတွက် တွန်းအားပေးဆောင်ရွက်ရေး၊ ခေတ်သစ်တွင် တရုတ်-ပါကစ္စတန် အေးအတူပူအမျှအသိုက်အဝန်း တည်ဆောက်မှု အရှိန်မြှင့်တင်ရေး၊ နှစ်နိုင်ငံပြည်သူများအတွက် ပိုမိုကောင်းမွန်သော အကျိုးကျေးဇူးများ ရရှိနိုင်ရေးအတွက် ဆောင်ရွက်ရန် အသင့်ရှိကြောင်း ပြောကြားခဲ့သည်။ (Xinhua)

…………………………………
(English Version)
Xi congratulates Zardari on election as Pakistani president
BEIJING, March 10 (Xinhua) — Chinese President Xi Jinping on Sunday congratulated Asif Ali Zardari on his election as president of the Islamic Republic of Pakistan.
In his message, Xi said China and Pakistan are good neighbors, good friends, good partners and good brothers, adding that the two countries’ iron-clad friendship is a choice of history and a precious treasure of the two peoples.
Xi noted that the two countries have in recent years maintained close high-level exchanges, supported each other on issues concerning their respective core interests and major concerns, achieved fruitful results in the construction of the China-Pakistan Economic Corridor, and maintained a high level of development of bilateral relations.
The Chinese leader said he highly regards the development of China-Pakistan relations, and is ready to work with President Zardari to carry forward the traditional friendship between China and Pakistan, advance practical cooperation in various fields, push for greater development of China-Pakistan all-weather strategic cooperative partnership, accelerate the building of an even closer China-Pakistan community with a shared future in the new era, so as to better benefit the two peoples.