“ထိုင်ဝမ်ခွဲထွက်ရေး” ကို အားပေးအားမြှောက်လုပ်ခြင်းက တရုတ်နိုင်ငံ၏ ဖွဲ့စည်းပုံအခြေခံဥပဒေနှင့် နိုင်ငံတကာ ဥပဒေတို့ကို ချိုးဖောက်ခြင်းဖြစ်ဟု တရုတ်နိုင်ငံခြားရေးဝန်ကြီး ပြောကြား

ပေကျင်း၊ ဒီဇင်ဘာ ၉ ရက် (ဆင်ဟွာ)
“ထိုင်ဝမ်ခွဲထွက်ရေး” ကို ဇွတ်တိုးလုပ်ဆောင်ရန် ကြိုးပမ်းမှုများမှာ တရုတ်နိုင်ငံ၏ နယ်မြေပိုင်နက်အား ခွဲထုတ်ခြင်းဟူ၍ အဓိပ္ပာယ်သက်ရောက်သကဲ့သို့ “ထိုင်ဝမ်ခွဲထွက်ရေး” ကို အားပေးအားမြှောက်လုပ်ခြင်းမှာလည်း တရုတ်နိုင်ငံ၏ ပြည်တွင်းရေးကို ဝင်ရောက်စွက်ဖက်ခြင်းပင်ဖြစ်သဖြင့် တရုတ်နိုင်ငံ၏ ဖွဲ့စည်းပုံအခြေခံဥပဒေကိုသာမက နိုင်ငံတကာဥပဒေကိုပါ ချိုးဖောက်ခြင်းဖြစ်သည်ဟု တရုတ်နိုင်ငံခြားရေးဝန်ကြီး ဝမ်ရိက ပေကျင်းမြို့တွင် ဒီဇင်ဘာ ၈ ရက်က ပြောကြားခဲ့သည်။
ဂျာမနီနိုင်ငံခြားရေးဝန်ကြီး ယိုဟန် ဝါဒီဖူးလ်နှင့် တွေ့ဆုံဆွေးနွေးစဉ် ဝမ်က အထက်ပါအတိုင်း ပြောကြားခဲ့ခြင်းဖြစ်ကာ ထိုသို့တွေ့ဆုံစဉ်အတွင်း ထိုင်ဝမ်အရေးနှင့်စပ်လျဉ်း၍ သမိုင်းကြောင်းဆိုင်ရာ အဖြစ်မှန်များနှင့် ဥပဒေအထောက်အထားများကိုလည်း ၎င်းက ရှင်းလင်းပြောဆိုခဲ့သည်။
ယခုနှစ်သည် တရုတ်ပြည်သူများ ဖက်ဆစ်ဂျပန်ခုခံတော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ်ကာလဖြစ်ကြောင်း၊ စစ်ရှုံးနိုင်ငံဖြစ်သည့် ဂျပန်နိုင်ငံအနေဖြင့် လေးလေးနက်နက် ဆင်ခြင်သုံးသပ်ကာ ပိုမိုသတိကြီးစွာ ပြုမူလုပ်ဆောင်သင့်ကြောင်း တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်လည်းဖြစ်သူ ဝမ်က ပြောကြားခဲ့သည်။
“ဒါပေမဲ့လည်း လက်ရှိဂျပန်ခေါင်းဆောင်ဟာ ရာစုနှစ်တစ်ဝက်လောက် ဂျပန်နိုင်ငံက ကိုလိုနီပြုသိမ်းပိုက်ခဲ့ပြီး တရုတ်လူမျိုးတွေအပေါ် ပြစ်မှုအမြောက်အမြားကျူးလွန်ခဲ့တဲ့ နယ်မြေဖြစ်တဲ့ ထိုင်ဝမ်ဒေသရဲ့အရေးကို အမြတ်ထုတ်ဖို့ကြိုးစားရင်း ပြဿနာကိုနှိုးဆွကာ တရုတ်နိုင်ငံကို စစ်ရေးအရခြိမ်းခြောက်နေပါတယ်။ အဲဒါကို လုံးဝလက်သင့်မခံနိုင်ပါဘူး” ဟု ဝမ်က ဆက်လက်ပြောကြားသည်။
တရုတ်ပြည်သူများအနေဖြင့် ကမ္ဘာတစ်ဝန်းမှ ငြိမ်းချမ်းရေးမြတ်နိုးသူအားလုံးနှင့်အတူ ကုလသမဂ္ဂ ပဋိညာဉ်စာတမ်းတွင်ပါရှိသော မူဝါဒများနှင့် ရည်မှန်းချက်များကို လိုက်နာစောင့်ထိန်းရမည့်တာဝန်ရှိသကဲ့သို့ ဂျပန်နိုင်ငံ၏ တစ်ကျော့ပြန် စစ်ပုံစံသွင်းခြင်းနှင့် စစ်ဝါဒီရည်မှန်းချက်များ ပြန်လည်အသက်သွင်းရန် ကြိုးပမ်းနေခြင်းတို့ကို တားဆီးရန်လည်း တာဝန်ရှိကြောင်း ဝမ်က အလေးအနက်ပြောကြားခဲ့သည်။ (Xinhua)
……………
(English Version)
Supporting “Taiwan independence” violates China’s constitution, international law: Chinese FM
BEIJING, Dec. 8 (Xinhua) — Attempts to pursue “Taiwan independence” mean splitting China’s territory, and supporting “Taiwan independence” amounts to interference in China’s internal affairs, which violates both China’s constitution and international law, said Chinese Foreign Minister Wang Yi in Beijing on Monday.
Wang made the remarks when holding talks with German Foreign Minister Johann Wadephul, during which Wang elaborated on both the historical realities and legal foundations regarding the Taiwan question.
Noting that this year marks the 80th anniversary of the victory of the Chinese People’s War of Resistance Against Japanese Aggression, Wang, also a member of the Political Bureau of the Communist Party of China Central Committee, stated that Japan, as a defeated nation, should have undertaken profound reflection and acted with greater caution.
“Yet now, its current leader is trying to exploit the Taiwan question — the very territory Japan colonized for half a century, committing countless crimes against the Chinese people — to provoke trouble and threaten China militarily. This is completely unacceptable,” he said.
The Chinese people, together with all peace-loving people around the world, bear the responsibility to uphold the purposes and principles of the UN Charter, and have the obligation to prevent Japan from re-militarization and attempting to revive its militarist ambitions, Wang emphasized. Enditem