၇၇ နှစ်မြောက် လွတ်လပ်ရေးနေ့အထိမ်းအမှတ် ပျော်ပွဲရွှင်ပွဲနှင့် အားကစားပြိုင်ပွဲများ နေပြည်တော် ဇမ္ဗူသီရိမြို့နယ်တွင် ကျင်းပ

နေပြည်တော်၊ ဇန်နဝါရီ ၄ ရက် (ဆင်ဟွာ)

၂၀၂၅ ခုနှစ် ဇန်နဝါရီ ၄ ရက်တွင် ကျရောက်သည့် ၇၇ နှစ်မြောက် လွတ်လပ်ရေးနေ့အထိမ်းအမှတ် ပျော်ပွဲရွှင်ပွဲနှင့် အားကစားပြိုင်ပွဲများကို ၂၀၂၄ ခုနှစ် ဒီဇင်ဘာ ၃၀ ရက်မှ ၂၀၂၅ ခုနှစ် ဇန်နဝါရီ ၄ ရက်အထိ နေပြည်တော် ဇမ္ဗူသီရိမြို့နယ်တွင် ကျင်းပခဲ့ကြောင်း သိရသည်။ အဆိုပါ အားကစားပြိုင်ပွဲများတွင် ပိုက်ကျော်ခြင်း၊ ဘော်လီဘော၊ ရိုးရာခြင်းလုံး အားကစားပြိုင်ပွဲများနှင့် ပျော်ပွဲရွှင်ပွဲအဖြစ် ခေါင်းအုံးရိုက်ပြိုင်ပွဲ၊ အာလူးကောက်ပြိုင်ပွဲ၊ ဘဲဖမ်းပြိုင်ပွဲ၊ မုန့်စားပြိုင်ပွဲများလည်း ထည့်သွင်းကျင်းပခဲ့ပြီး ကလေးငယ်များ ဝင်ရောက်ဆင်နွှဲခဲ့ကြကြောင်း သိရသည်။ (Xinhua)