Media
တရုတ် ကယ်ဆယ်ရေးအင်အားများ မန္တလေးတွင် ပူးတွဲ ရှာဖွေကယ်ဆယ်ရေး ပြုလုပ်
မန္တလေး၊ ဧပြီ ၂ ရက် (ဆင်ဟွာ)
တရုတ်နိုင်ငံ ကယ်ဆယ်ရေးအဖွဲ့ နှင့် တရုတ်နိုင်ငံ ဟောင်ကောင် အထူးအုပ်ချုပ်ခွင့်ရဒေသ ကယ်ဆယ်ရေးအဖွဲ့များသည် ဒေသစံတော်ချိန် ဧပြီ ၁ ရက် နံနက်ပိုင်းတွင် မြန်မာနိုင်ငံ မန္တလေးမြို့ရှိ Sky Villa ကွန်ဒိုသို့ ထပ်မံရောက်ရှိလာပြီး ပူးတွဲရှာဖွေကယ်ဆယ်ရေးများ ဆောင်ရွက်ခဲ့သည်။
ကယ်ဆယ်ရေးအဖွဲ့နှစ်ဖွဲ့သည် မြွေမျက်လုံးပမာကင်မရာများ (Flexible Snake Scope Camera)၊ ရေဒါလှိုင်း မြင်ကွင်းပြည့် ကင်မရာ၊ ဒရုန်း စသည့် စက်ပစ္စည်းများကို သယ်ဆောင်လာပြီး ကယ်ဆယ်ရေးသမားများနှင့် စက်ပစ္စည်းများကို သုံး၍သော်လည်းကောင်း၊ ဝေဟင်နှင့် မြေပြင် ပေါင်းစပ်၍ သော်လည်းကောင်း ရှာဖွေကယ်ဆယ်ရေးလုပ်ငန်းများကို လုပ်ဆောင်ခဲ့ကြောင်း သိရသည်။ ယခုအကြိမ် ပူးတွဲကယ်ဆယ်ရေးတွင် ကယ်ဆယ်ရေးသမား ၂၄ ဦးပါဝင်ရာ အသက်ရှင်ကျန်ရစ်သူများအား ကယ်ဆယ်ပြီးနောက် အချိန်မီဆေးကုသပေးနိုင်ရန်အတွက် ဆေးကုသရေးဝန်ထမ်းများလည်းပါဝင်ကာ တစ်ချိန်တည်းတွင်ပင် ကယ်ဆယ်ရေးအင်အားများက ရောဂါကာကွယ်ရေး ပိုးသတ်မှုများ ပူးပေါင်းလုပ်ဆောင်ခဲ့ကြောင်း သိရသည်။
မတ် ၂၈ ရက်က မြန်မာနိုင်ငံတွင် အင်အားပြင်းငလျင်လှုပ်ခတ်မှု ဖြစ်ပွားခဲ့ရာ ငလျင်ဗဟိုချက်နှင့် ပို၍နီးကပ်သည့် မန္တလေးသည် ငလျင်ဒဏ်ဆိုးရွားစွာခံရသောဒေသ ဖြစ်ခဲ့သည်။ တရုတ်ကယ်ဆယ်ရေးအဖွဲ့များက ရက်ပေါင်းများစွာဆက်တိုက် Sky Villa ကွန်ဒိုတွင် အကြိမ်ကြိမ် ရှာဖွေကယ်ဆယ်ရေးများ ဆောင်ရွက်ခဲ့ကြောင်း သိရသည်။ (Xinhua)
———————-
(Chinese Version)
中国救援力量在曼德勒开展联合搜救
新华社缅甸曼德勒4月1日电(记者马卓言 才扬)当地时间4月1日上午,中国救援队和中国香港特区救援队再次来到缅甸曼德勒天空公寓开展联合搜救。
据记者了解,两支救援队携带蛇眼内窥镜、雷达波全视摄像头、无人机等设备,实行人机作业、空地作业结合。本次联合救援一共出动24人,包括医疗救护人员,确保幸存者被救出后及时得到救治,同时配合救援力量进行防疫消杀。
3月28日,缅甸发生强烈地震,离震中较近的曼德勒是重灾区。连日来,中方救援队已在天空公寓开展多轮搜救。(完)