တရုတ်နိုင်ငံ ဆန်းတုန်းဆိပ်ကမ်းရှိ ချင်းသောင်ဆိပ်ကမ်း နွေဦးပွဲတော်ကာလအတွင်း “အင်တိုက်အားတိုက် လည်ပတ်လျက်ရှိ”

ချင်းသောင် (ဆန်းတုန်း)၊ ဖေဖော်ဝါရီ ၂၀ ရက် (ဆင်ဟွာ)

ဖေဖော်ဝါရီ ၁၈ ရက်၊ တရုတ်ပြက္ခဒိန်အရ နှစ်ဆန်း နှစ်ရက်နေ့တွင် တရုတ်နိုင်ငံ ဆန်းတုန်းဆိပ်ကမ်းရှိ ချင်းသောင်ဆိပ်ကမ်း ချန်ဝမ်းကွန်တိန်နာဆိပ်ကမ်း၌ သင်္ဘောရပ်နားနေရာတွင် နေရာပြည့် ထိရောက်စွာ လည်ပတ်လျက်ရှိသည်။ ဥရောပ၊ မြေထဲပင်လယ်၊ အရှေ့တောင်အာရှ၊ အလယ်နှင့်တောင်အမေရိက လမ်းကြောင်းများမှလာသော ကွန်တိန်နာသင်္ဘော ၂၀ ကျော်သည် ဆိပ်ကမ်းသို့ တစ်စုတစ်စည်း ရောက်ရှိလာခဲ့ပြီး စံကွန်တိန်နာ ၈,၀၀၀ ကျော် တင်ဆောင်ထားသော သင်္ဘော ၈ စီးအထိ ရှိခဲ့သည်။ ၎င်းတို့အနက် အရှည် ၃၉၉ မီတာရှိသော MSC Mette သင်္ဘော၏ ဆိပ်ကမ်း၌ ကုန်တင်ကုန်ချပမာဏမှာ စံကွန်တိန်နာ ၂၄,၀၀၀ အထိ ရောက်ရှိကာ နွေဦးပွဲတော်ကာလ လှုပ်ရှားမှုအတွင်း တစ်စင်းတည်း လုပ်ငန်းဆောင်ရွက်မှု ကွန်တိန်နာအရေအတွက် စံချိန်သစ် တင်နိုင်ခဲ့သည်။

နွေဦးပွဲတော်ကာလ ထုတ်လုပ်မှု ထူးခြားချက်ကို ဦးတည်၍ ချင်းသောင်ဆိပ်ကမ်းသည် ကြိုတင်၍ သင်္ဘောကုမ္ပဏီများ၊ ကုန်ပစ္စည်းပိုင်ရှင်များနှင့် ညှိနှိုင်းဆက်သွယ်ထားပြီး ထုတ်လုပ်မှု အဖွဲ့အစည်း၊ စက်ယန္တရားပြုပြင်ထိန်းသိမ်းရေးနှင့် ထောက်ပံ့ပစ္စည်းပံ့ပိုးမှု စသည့် အာမခံချက်များကို အားကောင်းစေခဲ့သလို ၂၄ နာရီအတွင်း တုံ့ပြန်ဆောင်ရွက်နိုင်ရန် သေချာစေခဲ့ကြောင်း၊ ဘေးကင်းလုံခြုံစွာ ထုတ်လုပ်သည့် အခြေအနေတွင် သင်္ဘော ဆိုက်ကပ်ချိန်နှင့် ထွက်ခွာချိန်အကြား ကွာဟချိန်၊ ထောက်ပံ့ပို့ဆောင်ရေးလည်ပတ်ချိန်များကို လျှော့ချရန် ကြိုးပမ်းကာ ပြည်ပကုန်သွယ်ရေး ဆိပ်ကမ်းလုပ်ငန်းပတ်ဝန်းကျင်ကို စဉ်ဆက်မပြတ်ကောင်းမွန်စေခဲ့ကြောင်း ဖော်ပြချက်အရ သိရသည်။ (Xinhua)

………………………………
(Chinese Version)
新春走基层｜山东港口青岛港：春节会战“马力全开”
新华社照片，青岛（山东），2026年2月18日
2月18日农历大年初二，山东港口青岛港前湾集装箱码头泊位饱满、高效运行，来自欧洲、地中海、东南亚、中南美航线的20余条集装箱船舶集中到港，载箱量超过8000标准箱的船舶达到8条。其中，399米的“地中海梅特”轮在港装卸量高达2.4万标箱，创春节会战单船作业箱量新高。
据介绍，针对春节生产特点，青岛港提前对接船公司、货主港口，加强生产组织、机械维护、物资供应等保障，确保24小时响应，在安全生产前提下，努力压缩船舶靠离间隙和物流周转时间，持续优化外贸口岸营商环境。