အိန္ဒိယနိုင်ငံ၏ ပထမဆုံး မြေအောက်ရထားလမ်းကို တရုတ်နိုင်ငံက တည်ဆောက်လျက်ရှိ

မွမ်ဘိုင်း၊ ဇူလိုင် ၃ဝ ရက်(ဆင်ဟွာ)

အိန္ဒိယနိုင်ငံ၏ မြို့တော်မွမ်ဘိုင်းတွင် ၃၃.၅ ကီလိုမီတာ အရှည်ရှိသည့် မြေအောက်ရထားလမ်းကို တရုတ်နိုင်ငံ Shanghai Tunnel Engineering Company က တည်ဆောက်လျက်ရှိသည်။ ထိုရထားလမ်းမှာ အိန္ဒိယနိုင်ငံ၏ လူသိများပြီး ကမ္ဘာလှည့်ခရီးသည်များကို ဆွဲဆောင်ရာနေရာ ဖြစ်သည့် ကိုလာဘာနှင့် အထူးစီးပွားရေးဇုန် SEEPZ တို့ကို ချိတ်ဆက်ပြေးဆွဲမည်ဖြစ်သည်။ ထိုမြေအောက်ရထားလမ်းဖောက်လုပ်ရာတွင် မီးတောင်ကျောက်များကိုဖြတ်သန်းရမည့်မြေအောက်ဥမင်တစ်ခုနှင့် ရောနှောနေသည့် မြေအမျိုးအစားများပေါ်တွင်ဖောက်လုပ်ရမည်ဖြစ်ပြီး မြစ်တစ်စင်း၏ အောက်ဘက်မှ ၁ ကီလိုမီတာ အရှည်ရှိ ရေအောက်ရထားလမ်းကိုပါ ဖောက်လုပ်ရမည့်အတွက် စိန်ခေါ်မှုများရှိကြောင်းသိရသည်။ ရထားလမ်းတစ်ခုလုံး ပြီးစီးပါက ၎င်းမှာ အိန္ဒိယ နိုင်ငံ၏ ဒုတိယမြောက် မြစ်ကြောင်း၏အောက်ဘက်တွင် ဖောက်လုပ်ထားသည့် ရထားလမ်းဖြစ်ပြီး ပထမဆုံး မြေအောက်တွင် ပြေးဆွဲမည့် ရထားလမ်းဖြစ်လာမည်။ ထို မြေအောက်ရထားလမ်း ကို ၂ဝ၂၁ ဒီဇင်ဘာလတွင် ပြီးစီးမည်ဟု ခန့်မှန်းထားကြောင်းသိရသည်။(Xinhua)