တရုတ်နိုင်ငံ၏ စီးပွားရေးလုပ်ငန်းမှာ မူလ အတိုင်း လမ်းကြောင်းမှန်သို့ပြန်လည်ရောက်ရှိ

ကွမ်တုံ၊ မတ် ၁၂ ရက် (ဆင်ဟွာ)

တရုတ်နိုင်ငံတောင်ပိုင်းကွမ်တုံပြည်နယ် ကွမ်ကျိုးမြို့ရှိ  Zhujiang မြို့သစ်သည် ကွမ်ကျိုးမြို့၏ စီးပွားရေး လုပ်ငန်းပေါင်းစုံ ဗဟိုချက် နေရာတစ်ခုဖြစ်သည်။ ထိုဒေသတွင် ကုန်သွယ်ရေးအဆောက်အဦပေါင်း ၁၂၁ ခုရှိသည်။ ယခုအခါတွင် ဝန်ထမ်းပေါင်း၁၈၀,၀၀၀ ဦးစလုံးလုပ်ငန်းခွင်သို့ပြန်လည်ဝင်ရောက် လာခဲ့ပြီးလုပ်ငန်းများ အားလုံးပြန်လည်ဖွင့်လှစ်ပြီဖြစ်သည်။ ကမ္ဘာတစ်ဝန်းတွင်လတ်တလောပျံ့နှံ့နေသည့် COVID-19 ကို ကာကွယ်သည့်အနေဖြင့် ကွမ်ကျိုးနိုင်ငံတကာငွေကြေးစင်တာ၌အဆောက်အဦသို့ဝင်ရောက်လာသူတိုင်း၏ ခရီးသွားရာဇဝင်ကိုဖြည့်စွက်ပေးရသည့်အပြင် ဝင်ပေါက်တွင်တပ်ဆင်ထားသည့် ကိုယ်အပူချိန်တိုင်း သာမိုမီတာရှေ့တွင် မိမိတို့၏ ကိုယ်အပူချိန်ကိုတိုင်းတာရသည်။

လူထူထပ်မှုရှောင်ကြဉ်ရန် ဓါတ်လှေခါးထဲတွင် အများဆုံး လူ ၁၀ ဦးအထိသာစီးနင်းခွင့်ရှိသည်။ အများသုံး နေရာများတွင် တစ်နေ့လျှင်နှစ်ကြိမ် ပိုးသတ်ဆေးဖြန်းကြသည်။ထို့အပြင် အဆောက်အဦ ထဲတွင် စမတ်နည်းပညာသုံးလေထုတိုင်းတာရေးစက်ကြီးများကို အသုံးပြုကာ ပတ်ဝန်းကျင် လေထု အရည်အသွေးကိုစောင့်ကြည့်တိုင်းတာလျှက်ရှိသည်။အသုံးပြုပြီးသည့် မျက်နှာဖုံးများကိုစွန့်ပစ်ရန် သီးခြားအမှိုက်ပုံးများကိုလည်းထားရှိပြီး အမြဲ ပိုးသတ်ဆေးဖြန်းထားသည်။ သေဆုံးမှုမြင့်မားသည့် နိုဗယ်လ် ကိုရိုနာဗိုင်းရပ်စ်ကို ရင်ဆိုင်နိုင်ရန်သင်တို့အနေဖြင့် “သတိဆိုတာပိုတယ်ဟူ၍မရှိပါ” တရုတ်နိုင်ငံတစ်ဝန်း ကုမ္ပဏီများ တစ်ခုပြီးတစ်ခု ပြန်လည်ဖွင့်လှစ်ပြီးနောက် တရုတ်နိုင်ငံ၏ စီးပွားရေးလုပ်ငန်းမှာ မူလ အတိုင်းလမ်းကြောင်းမှန်သို့ပြန်လည်ရောက်ရှိခဲ့ပြီဖြစ်ကြောင်းသိရသည်။  (Xinhua)