တရုတ်နိုင်ငံ ဝန်ကြီးချုပ်လီခဲ့ချန်၏ အရှေ့ဥရောပ နိုင်ငံ ခရီးစဉ်

ပေကျင်း၊ နိုဝင်ဘာ ၁ဝ ရက် (ဆင်ဟွာ)

တရုတ်နိုင်ငံဝန်ကြီးချုပ်လီခဲ့ချန်၏ နိုဝင်ဘာလ ၂ ရက်နေ့ က စတင်ခဲ့သည့် အရှေ့ဥရောပ နိုင်ငံများ ခရီးစဉ်အတွင်း ကာဇက်စတန်နိုင်ငံ သို့ ပထမဆုံးသွားရောက်ခဲ့ပြီး ရှန်ဟိုင်းပူးပေါင်းဆောင်ရွက်မှုအဖွဲ့အစည်း မှ ကျင်းပသည့် ၁၅ ကြိမ်မြောက် ဝန်ကြီးချုပ်များအစည်းအဝေး ကို တက်ရောက်ခဲ့သည်။ နိုဝင်ဘာလ ၃ ရက်နေ့တွင် ဝန်ကြီးချုပ်လီသည် ကာဇက်စတန် နိုင်ငံသို့ သွားရောက်လည်ပတ်ကာ တတိယအကြိမ်မြောက် ပုံမှန်အစည်းအဝေးကို တက်ရောက်ခဲ့ပြီး ကာဇက်စတန် နိုင်ငံဝန်ကြီးချုပ်နှင့် နှစ်နိုင်ငံ ပူးပေါင်းဆောင်ရွက်မှုဆိုင်ရာ ကိစ္စ ရပ်များကို ဆွေးနွေးခဲ့သည်။ နိုဝင်ဘာလ ၄ ရက်နေ့တွင် ဝန်ကြီးချုပ်လီသည် လတ်ဗီးယားနိုင်ငံသို့ တရားဝင်ချစ်ကြည်ရေးခရီးစဉ်အဖြစ် သွားရောက်ခဲ့ပြီး (၅) ကြိမ်မြောက် တရုတ်နှင့် ဥရောပ အလယ်ပိုင်း၊ အရှေ့ပိုင်းနိုင်ငံများ မူဘောင် အစည်းအဝေး ကို တက်ရောက်ခဲ့သည်။ နိုဝင်ဘာလ (၆) ရက်နေ့တွင် ဝန်ကြီးချုပ်လီ သည် ရုရှားနိုင်ငံ ကို တရားဝင်ချစ်ကြည်ရေးခရီးစဉ်အဖြစ် ရောက်ရှိခဲ့ပြီး ၂၁ ကြိမ်မြောက် တရုတ်-ရုရှား ဝန်ကြီးချုပ်များ ပုံမှန်အစည်းအဝေးကို တက်ရောက်ခဲ့သည်။ (Xinhua)