မြောက်ကိုရီးယားက ဂြိုလ်တုအောင်မြင်စွာ လွှတ်တင်

ပြုံယမ်း၊ ဖေဖော်ဝါရီ ၈ ရက် (ဆင်ဟွာ)

မြောက်ကိုရီးယားနိုင်ငံ (DPRK) သည် Kwangmyongsong-4 ဂြိုလ်တုအား ဖေဖော်ဝါရီ ၇ ရက်နေ့က အောင်မြင်စွာ လွှတ်တင်နိုင်ခဲ့ကြောင်း KCTV ရုပ်သံက သတင်းထုတ်ပြန်ခဲ့သည်။

အဆိုပါ ကမ္ဘာမြေလေ့လာရေး ဂြိုလ်တု အား Phyongan ပြည်နယ် မြောက်ပိုင်း Cholsan စီရင်စု ရှိ Sohae အာကာသ စခန်းမှ ဒေသစံတော်ချိန် နံနက် ၉ နာရီ (ဂရင်းနစ်စံတော်ချိန် 0030) တွင် လွှတ်တင်ခဲ့ပြီး နောက် သတ်မှတ် ဂြိုလ်ပတ်လမ်းကြောင်း အတွင်းသို့ ဝင်ရောက်နိုင်ခဲ့ကြောင်း KCTV ကဖော်ပြခဲ့သည်။

ဂြိုလ်တုလွှတ်တင်ရေး ခွင့်ပြုမိန့်အား မြောက်ကိုရီးယားနိုင်ငံ (DPRK) ခေါင်းဆောင် ကင်ဂျုံအန်းက ဖေဖော်ဝါရီ ၆ ရက်တွင် လက်မှတ် ရေးထိုး ခွင့်ပြုပေးခဲ့ခြင်းပြီး KCTV က ကင်ဂျုံအန်း၏ လက်မှတ်အား ထုတ်ဖော်ပြသ ခဲ့ကြောင်း သိရသည်။

တောင်ကိုရီးယားနိုင်ငံ (ROK) ၏ ဒုတိယ ကာကွယ်ရေးဝန်ကြီး Yoo Jeh-Seung က တောင်ကိုရီးယားနိုင်ငံ (ROK) နှင့် အမေရိကန်နိုင်ငံ တို့သည် မကြာသေးမီက မြောက်ကိုရီးယားနိုင်ငံ (DPRK) က စမ်းသပ် ဖောက်ခွဲခဲ့သည့် နျူကလီးယား ကိစ္စနှင့် တာဝေးဒုံးကျည် လွှတ်တင်မှုတို့နှင့် ပတ်သက်၍ အမြင်ချင်း ဖလှယ်ခဲ့ကြပြီး အဆိုပါလုပ်ရပ်များသည် တောင်ကိုရီးယားနိုင်ငံ (ROK) နှင့် အာရှ-ပစိဖိတ် ဒေသ တစ်ခုလုံး၏ ငြိမ်းချမ်းရေး နှင့် တည်ငြိမ်အေးချမ်းမှုကို ကြီးစွာ ခြိမ်းခြောက်နေခြင်း ဖြစ်ကြောင်း ပြောကြားခဲ့သည်။

Yoo က မြောက်ကိုရီးယားနိုင်ငံ(DPRK)၏ ခြိမ်းခြောက်မှုများအား ပြန်လည်တုံ့ပြန်ရန် အမေရိကန်နိုင်ငံနှင့် ဒုံးကျည် ကာကွယ်ရေး စနစ် ဖြန့်ကျက်ရန် တရားဝင်ဆွေးနွေးသွားမည်ဖြစ်ပြီး နှစ်နိုင်ငံ ချိတ်ဆက်၍ ဒုံးကျည်ကာကွယ်ရေးကို မြှင့်တင်သွားမည်ဖြစ်ကြောင်း ပြောကြားခဲ့သည်။ (Xinhua)