၂၀၂၆ ခုနှစ်တွင် ဖီဖာ ကမ္ဘာ့ဖလား အိမ်ရှင်အဖြစ် အမေရိကန်၊ ကနေဒါနှင့် မက္ကဆီကို နိုင်ငံများက ပူးတွဲကျင်းပမည်

မော်စကို၊ ဇွန် ၁၅ ရက် (ဆင်ဟွာ)

မော်စကိုနိုင်ငံတွင် ပြုလုပ်သည့် ၆၈ ကြိမ်မြောက် FIFA Congress တွင် မဲစနစ်ဖြင့် ရွေးချယ်ရာတွင် မော်ရိုကိုနိုင်ငံကို အနိုင်ရရှိသွားခဲ့ပြီး အမေရိကန်၊ ကနေဒါနှင့် မက္ကဆီကို နိုင်ငံများက ၂၀၂၆ ခုနှစ် ဖီဖာ ကမ္ဘာ့ဖလားပွဲအား အိမ်ရှင်အဖြစ် ပူးတွဲကျင်းပခွင့်ရရှိသွားခဲ့ကြောင်း သိရသည်။

United 2026 ဟူသော ခေါင်းစဉ်အောက် ပူးတွဲကျင်းပခွင့်အား ဆန္ဒမဲ ၂၀၃ မဲအနက် ၁၃၄ မဲဖြင့် အနိုင်ရရှိခဲ့ခြင်း ဖြစ်သည်။ ကမ္ဘာ့ဖလား ဘောလုံးပွဲများအား ယခုလို သုံးနိုင်ငံ ပူးတွဲအိမ်ရှင်အဖြစ် ကျင်းပခြင်းသည် ပထမဆုံးဖြစ်ကြောင်း၊ ပွဲစဉ်အများစုအား အမေရိကန်နိုင်ငံတွင် ကျင်းပမည် ဖြစ်ကြောင်း သိရသည်။

အမေရိကန်နိုင်ငံသည် ၁၉၉၄ ခုနှစ်က ကမ္ဘာ့ဖလားကို အိမ်ရှင်အဖြစ် ကျင်းပခဲ့ပြီး မက္ကဆီကိုနိုင်ငံက ၁၉၇၀ ခုနှစ်နှင့် ၁၉၈၆ ခုနှစ်တွင် အသီးသီး ကျင်းပခဲ့ဖူးသည်။ ကနေဒါနိုင်ငံကမူ ပထမဆုံး ကျင်းပခြင်းဖြစ်ကြောင်း သိရသည်။ (Xinhua)