(၈၄) ကြိမ်မြောက် သဲပန်းပု ပြိုင်ပွဲ ကျင်းပ

လော့စ်အိန်ဂျလိစ်၊ သြဂုတ် ၁၆ ရက် (ဆင်ဟွာ)

အမေရိကန်ပြည်ထောင်စုတွင် အစဉ်အလာ မပျက် နှစ်စဉ်ကျင်းပလာခဲ့သည့် သဲပန်းပုပြိုင်ပွဲ သည် ယခုနှစ်တွင် ၈၄ ကြိမ်မြောက်ခဲ့ပြီဖြစ်သည်။ယခုနှစ်ပြိုင်ပွဲကို ယခင်နှစ်များအတိုင်း လော့စ်အိန်ဂျလိစ် ၊ long beach ရှိ သဲသောင်ပြင်များတွင် သြဂုတ်လ ၁၃ ရက်နှင့် ၁၄ ရက်နေ့တို့တွင်ကျင်းပခဲ့သည်။

ထိုပွဲတွင်ကမ္ဘာပေါ်ရှိ ဝါရင့်သဲပန်းပု အနုပညာရှင်များ၏ လက်ရာများနှင့် သဲပန်းပုပြုလုပ်ခြင်းဆိုင်ရာ သင်ခန်းစာများ၊ ပြိုင်ပွဲဝင်သဲပန်းပုလက်ရာများကို ဝါသနာရှင်များစွာက လာရောက်အားပေးခဲ့ကြသည်။

ယခုနှစ်တွင် မိသားစုအလိုက်ကမ်းခြေပါတီပွဲများလည်း ဆင်နွှဲခဲ့ကြပြီး အခမဲ့ သဲပန်းပုပြုလုပ်ခြင်းသင်ခန်းစာများလည်း အထူးစိတ်ဝင်စားခြင်းခံခဲ့ရသည်။ (Xinhua)