လမ်းမလျှောက်တတ်သေးသော်လည်း နှင်းလျှောစီးနိုင်သည့် ၁၁ လ အရွယ် ချစ်စရာကလေးငယ်

ရှီကျားကျွမ်း၊ နိုဝင်ဘာ ၁၉ ရက်(ဆင်ဟွာ)

ဆောင်းရာသီရောက်ခါနီးတွင် အနယ်နယ်အရပ်ရပ်က ဆီးနှင်းအားကစားမိတ်ဆွေများ နှင်းဖွေးဖွေးကျရာနေရာသို့ တပျော်တပါးလာရောက်ပြီး ဆော့ကစားကြသူများအကြား အသက် ၁၁ လ အရွယ် ချစ်စရာကလေးငယ် ဝမ်ယွီကြည်က နာမည်ကြီးလာသည့် စကိတ်စီးသမားလေးဖြစ်လာသည်။

ချစ်စဖွယ်ကလေးငယ် ဝမ်ယွီကြည်က သူ့ဖခင်၏အကူအညီဖြင့် နှင်းလျှောစီးပစ္စည်းလေးများအား ချွတ်နေသည်ကို နိုဝင်ဘာ ၁၈ ရက်က တွေ့ရစဉ်(ဆင်ဟွာ)

ချစ်စဖွယ်ကလေးငယ် ဝမ်ယွီကြည်က သူ့ဖခင်၊ သူ့အိမ်တွင်မွေးထားသည့် ခွေးကလေးနှင့်အတူ နှင်းလျှောစီးဆော့ကစားနေသည်ကို နိုဝင်ဘာ ၁၈ ရက်က တွေ့ရစဉ်(ဆင်ဟွာ)

၎င်း၏မိဘများသည် ယခုကာလများအတွင်း ဟဲပေပြည်နယ် ကျန်းကျားခိုမြို့ ချုံလီသို့ လာရောက်ပြီး နှင်းလျှောစီးသင်ယူကြရာမှ ဝမ်ယွီကြည်၏ ဘဝတွင် ပထမဆုံး နှင်းလျှောစီးခရီးစဉ် စတင်ခဲ့ခြင်းဖြစ်သည်။

“လမ်းမလျှောက်တတ်သေးပေမယ့် နှင်းလျှောစီးနိုင်တယ်” ဟူသော ဗီဒီယို လူမှုကွန်ရက်မီဒီယာပေါ် တင်လိုက်ပြီးနောက်ပိုင်း လူအများက ဝမ်ယွီကြည်ကို ဂရုပြုမိခဲ့ကြသည်။

ကလေးမိခင် ဖန့်ရွှယ်ယဉ်က ၎င်းနှင့် ၎င်း၏အမျိုးသား နှစ်ယောက်စလုံးက ၁၉၈၀ ခုနှစ်နောက်ပိုင်း မွေးဖွားသူများဖြစ်ကြပြီး ပေကျင်း၌ အလုပ်လုပ်ကိုင်ကြောင်းနှင့် ပြင်ပအားကစားလုပ်ရတာမျိုးကို နှစ်သက်ကြောင်း ပြောခဲ့သည်။ “တရုတ်နိုင်ငံမှာ ဆောင်းရာသီအိုလံပစ်ပွဲကျင်းပတော့မယ်၊ လူသန်းပေါင်း ၃၀၀ ကို ဆီးနှင်းအားကစားပါဝင်ဆော့ကစားကြမယ်ဆိုတဲ့ ဆောင်ပုဒ်အတိုင်းပဲ၊ အခု ပထမဆုံး ချုံလီမှာ လာပြီး နှင်းလျှောစီးသင်တာပါ” ဟု ဖန့်ရွှယ်ယဉ်က ပြောသည်။

အဘယ်ကြောင့် ကလေးငယ်ကိုခေါ်ပြီး ဆီးနှင်းအားကစားကွင်းကိုလာသနည်းဟူသော အမေးကို ဖန့်ရွှယ်ယဉ်က “ကျွန်မတို့မိသားစုမှာကျတော့ မိဘအုပ်ထိန်းသူလုပ်တဲ့အားကစားကို ကလေးသင်ယူဖို့လည်းအားပေးတယ်လေ၊ ကျွန်မတို့ မတတ်တဲ့အားကစားကိုတော့ မရွေးချယ်ဖြစ်ဘူးပေါ့၊ ကျွန်မနဲ့သူ့အဖေက နှင်းလျှောစီးတယ်၊ ဒါကြောင့် သူ့ကိုလည်း စကိတ်ဘုတ်‌လေး ဝယ်ပေးထားတာ” ဟု ဆိုသည်။

“အစကတော့ သူလေးနည်းနည်းကြီးမှ စမ်းကြည့်မလားပေါ့၊ မထင်မှတ်ပဲ ဒီအားကစားကို သူ အရမ်းကြိုက်သွားတယ်။ ဆီးနှင်းကစားကွင်းရောက်ပြီဆို သူမှာပျော်လိုက်တာ၊ သူပျော်ပျော်ပါးပါးကို ဆော့ကစားနေတာ” ဟု ဖန့်ရွှယ်ယဉ်က ဆိုသည်။ ချစ်စဖွယ်ကလေးမလေးသည် အသက် ၁၁ လ ပြည့်ခါစသာ ရှိသေးပြီး ဆီးနှင်းအားကစားကွင်းကို မလာမီ ရက်အနည်းငယ်ကမှ မတ်တပ်ရပ်တတ်ခြင်းဖြစ်ကြောင်း၊ သို့သော်လည်း ကိုယ်ကာယကြံ့ခိုင်ပြီး အားကစားကို လိုလိုလားလားဖြစ်သည်ဟု ဆိုသည်။

မြို့ပြမြင်ကွင်းမှ ပြင်ပရှုမြင်ကွင်းကို ပြောင်းလဲသွားသည့်အတွက် ကလေးက အရာရာအသစ်အဆန်းဖြစ်နေပြီး ငိုယိုကျီကျခြင်းမျိုး မရှိကြောင်း ဆိုသည်။

“နွေရာသီမှာတော့ ထိုက်ဝူနှင်းလျှောစီးအပန်းဖြေစခန်းကို ခဏခဏလာတယ်။ အဲဒီက ဝန်ထမ်းတွေ၊ အိမ်နီးချင်းတွေနဲ့လည်း အရမ်းခင်ကြတယ်၊ အားလုံးက သူ့ကို ချစ်တယ်လေ။ မြို့မှာကျတော့ ဒီလိုကျယ်ကျယ်ဝန်းဝန်းမရှိဘူး ၊ ဒါကြောင့် အခုဆို နေ့တိုင်း သုံးလေးနာရီလောက် သူ့ကို အပြင်မှာပေးဆော့တယ်”ဟု ပြောသည်။

၂၀၀၈ ခုနှစ် ပေကျင်းအိုလံပစ်အားကစားပွဲကျင်းပစဉ် ဖန့်ရွှယ်ယဉ်သည် ပေကျင်းတွင် ဒုတိယနှစ် တက္ကသိုလ်ကျောင်းသူ ဖြစ်ကြောင်း၊ “ပေကျင်းအိုလံပစ်အားကစားပွဲ ကျင်းပတုန်းကဆို နေ့တိုင်း အိမ်အပြင်ထွက်လိုက်တာနဲ့ အိုလံပစ်အားကစားအငွေ့အသက်ကို ခံစားရတယ်။ ဒီနှစ် ဆောင်းရာသီအိုလံပစ်ကို ပေကျင်းမှာ ကျင်းပမှာ ဆိုတော့…ချုံလီကလည်း ပြိုင်ပွဲဧရိယာတစ်ခုပဲလေ၊ အကယ်၍ ဖြစ်နိုင်တယ်ဆို ဆောင်းရာသီမှာ တစ်မိသားစုလုံး ဒီကိုထပ်လာမယ်၊ ဆောင်းရာသီအိုလံပစ်အငွေ့အသက်ကို ကိုယ်တိုင်လာပြီး ခံစားကြည့်ချင်တယ်”ဟု ဖန့်ရွှယ်ယဉ်က ဆိုသည်။ (Xinhua)
—————————–
(Chinese Version)
走近冬奥|“不会走路就能滑雪” 火爆全网的萌宝来了！
2021-11-18 23:40:16
新华社石家庄11月18日电（记者杨帆、董意行）雪季来临，各地雪友争相前往“雪国”崇礼一展风采，11个月大的萌宝王予玑成为当红“滑手”——因为父母近期在崇礼学滑雪，她迎来了人生首次单板滑雪之旅，“不会走路就能滑雪”的视频上传到社交媒体后，引来广泛关注。
11月18日，萌宝王予玑在滑雪。新华社记者张帆摄
萌宝的妈妈范雪吟告诉记者，自己和丈夫都是“80后”，在北京工作，很喜欢户外运动。“国家要举办冬奥会，算是响应‘带动三亿人参与冰雪运动’的号召，最近第一次来崇礼学滑雪。”范雪吟说。
谈到为什么带萌宝上雪，范雪吟表示：“我们家一直以来的理念是，家长会什么运动，就鼓励孩子学什么运动，不会选择那种我们自己不会的运动让她学。我和她爸爸滑雪，所以给她买了一个小雪板。”

11月18日，萌宝王予玑在爸爸的帮助下脱下雪具。新华社记者杨世尧摄
“本来想等她大一点之后再试，结果没想到她很喜欢。来雪场后，她玩得很开心，很享受这个过程。”范雪吟说，宝宝刚11个月，来到雪场这几天才学会站立，但身体素质比较好，对运动不会抗拒。
从都市场景切换到户外模式，范雪吟说，宝宝对外界新鲜的事物能接受，没有哭闹。“夏天经常来太舞滑雪小镇，和小镇的工作人员、邻居相处非常好，大家很喜欢她。城市没有那么大空间，所以现在每天三四个小时让她在外面玩。”
11月18日，萌宝王予玑在爸爸和宠物狗“旺仔”的陪伴下滑雪。新华社记者张帆摄
范雪吟表示，2008年北京奥运会时，她正在北京读大学二年级。“北京奥运会时，每天出门都能感受到奥运氛围。今年冬奥会在北京举办，崇礼也是赛区，如果条件允许，冬天全家会再来崇礼，感受冬奥氛围。”
编辑：郑直、吴博文、赵建通