အမေရိကန်နိုင်ငံခြားရေးဝန်ကြီး ဘလင်ကန်၏ တရုတ်နိုင်ငံ အလည်အပတ်ခရီးစဉ် ရွှေ့ဆိုင်းမည့်အပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြောကြား

ပေကျင်း၊ ဖေဖော်ဝါရီ ၄ ရက် (ဆင်ဟွာ)

အမေရိကန်နိုင်ငံခြားရေးဝန်ကြီး ဘလင်ကန်၏ တရုတ်နိုင်ငံ အလည်အပတ်ခရီးစဉ် ရွှေ့ဆိုင်းမည်ဟူသော အမေရိကန်၏ ကြေညာချက်အပေါ် သတင်းထောက်၏မေးမြန်းမှုကို တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဖေဖော်ဝါရီ ၄ ရက်တွင် ပြန်လည်ပြောကြားခဲ့သည်။

တရုတ်နိုင်ငံ၏မောင်းသူမဲ့လေသင်္ဘော အမေရိကန်လေပိုင်နက်အတွင်း ဝင်ရောက်လာမှုကြောင့် အမေရိကန်နိုင်ငံခြားရေးဝန်ကြီး ဘလင်ကန်၏ခရီးစဉ်ကို ရွှေ့ဆိုင်းမည်ဟု ဖြစ်ကြောင်း အမေရိကန်နိုင်ငံခြားရေးဝန်ကြီးဌာန အဆင့်မြင့်အရာရှိတစ်ဦးက ဖေဖော်ဝါရီ ၃ ရက်တွင် ပြောကြားခဲ့ရာ ထို့အပေါ် တရုတ်နိုင်ငံအနေဖြင့် မည်သို့ မှတ်ချက်ပြုလိုပါသလဲဟု သတင်းထောက်တစ်ဦးက မေးမြန်းခဲ့ခြင်း ဖြစ်သည်။

တရုတ်နိုင်ငံ၏ မောင်းသူမဲ့ လေသင်္ဘောသည် မရည်ရွယ်ဘဲ မလွှဲသာ၍ အမေရိကန်လေပိုင်နက်ထဲဝင်ရောက်သည့်ကိစ္စနှင့်စပ်လျဉ်းပြီး တရုတ်နိုင်ငံက စစ်ဆေးကာ အမေရိကန်ဘက်သို့ ဆက်သွယ်အကြောင်းပြန်ခဲ့ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ပြောကြားခဲ့သည်။ ယင်းလေသင်္ဘောသည် မိုးလေဝသစသည့် သိပ္ပံသုတေသနများ ဆောင်ရွက်ရာ အရပ်သုံးလေသင်္ဘောဖြစ်ပြီး အနောက်လေတိုက်ခတ်မှုနှင့် လေသင်္ဘော၏ထိန်းချုပ်နိုင်စွမ်းအကန့်အသတ်ရှိခြင်းကြောင့် မူလသတ်မှတ်ထားသောလေကြောင်းလိုင်းနှင့် ဝေးကွာခဲ့ခြင်းဖြစ်ကြောင်း ၊ ယင်းဖြစ်ရပ်မှာ မလွှဲသာ၍ မတော်တဆဖြစ်ပွားခဲ့သော အခြေအနေဖြစ်သည်မှာ ရှင်းလင်းကြောင်း ပြောကြားခဲ့သည်။ တရုတ်နိုင်ငံသည် နိုင်ငံတကာ ဥပဒေကို အစဉ်တစိုက် လေးစားလိုက်နာသလို နိုင်ငံအသီးသီး၏အချုပ်အခြာအာဏာနှင့်နယ်မြေပိုင်နက်ပြည်စုံမှုကို လေးစားကြောင်း၊ မည်သည့်အချုပ်အခြာအာဏာပိုင်နိုင်ငံ၏ နယ်မြေပိုင်နက်နှင့်လေပိုက်နက်ကို ကျူးကျော်လိုသော ဆန္ဒမရှိသလို ကျူးကျော်မည်လည်း မဟုတ်ကြောင်း ၊ အချို့သော အမေရိကန် နိုင်ငံရေးသမားနှင့်မီဒီယာများက ယင်းကိုအကြောင်းပြကာ တရုတ်နိုင်ငံအား အမည်ဖျက်တိုက်ခိုက်ခြင်းကို တရုတ်နိုင်ငံက ပြတ်ပြတ်သားသား ကန့်ကွက်ကြောင်း ပြောကြားခဲ့သည်။

အလွှာအသီးသီး ဆက်သွယ်ဆွေးနွေးမှုများ ထိန်းသိမ်းထားရေးသည် တရုတ်-အမေရိကန် နှစ်နိုင်ငံခေါင်းဆောင်များ၏ ဘာလီကျွန်း တွေ့ဆုံဆွေးနွေးမှုတွင် ရရှိခဲ့သော အရေးကြီး သဘောတူညီချက်များ ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက အလေးထားပြောကြားခဲ့သည်။ နှစ်နိုင်ငံ သံတမန်အဖွဲ့၏အဓိကတာဝန်အများအနက် တစ်ခုမှာ နှစ်ဘက်ဆက်ဆံရေးကို သင့်လျော်ကောင်းမွန်အောင် စီမံထိန်းချုပ်ခြင်းဖြစ်ရာ အထူးသဖြင့် မတော်တဆဖြစ်ပွားသည့်အခြေအနေကို အေးဆေးတည်ငြိမ်စွာ စီမံဖြေရှင်းရမည် ဖြစ်ကြောင်း ၎င်းက ပြောကြားခဲ့သည်။
“တကယ်တော့ အလည်အပတ်ခရီးစဉ်နဲ့ပတ်သက်လို့ တရုတ်-အမေရိကန် နှစ်နိုင်ငံစလုံးက ဘာမှ ကြေညာထားခြင်း မရှိပါဘူး။ အမေရိကန်ဘက်က သက်ဆိုင်ရာသတင်းထုတ်ပြန်တာက သူတို့ကိစ္စပါ။ ဒီအပေါ် ကျွန်တော်တို့က လေးစားသမှုပြုပေးရမှာပဲ ဖြစ်တယ်”ဟု ၎င်းက ပြောကြားခဲ့သည်။ (Xinhua)

………………………………….
(Chinese Version)
外交部发言人就美方宣布推迟美国务卿布林肯访华行程答记者问
新华社北京2月4日电 外交部发言人4日就美方宣布推迟美国务卿布林肯访华行程答记者问。
有记者问：3日，美国务院高官在电话吹风会上称，受中国无人飞艇进入美领空事件影响，美国务卿布林肯已决定推迟访华行程。中方对此有何评论？
发言人说，关于中国无人飞艇因不可抗力误入美国领空事，中方已核查并向美方作出反馈。该飞艇属民用性质，用于气象等科研。受西风带影响，且自身控制能力有限，该飞艇严重偏离预定航线。这完全是一次不可抗力导致的意外情况，事实非常清楚。中国一贯严格遵守国际法，尊重各国主权和领土完整，无意也从不侵犯任何主权国家的领土和领空。美国一些政客、媒体借题发挥，对中国攻击抹黑，中方坚决反对。
发言人强调，保持各层级接触沟通是中美两国元首巴厘岛会晤重要共识。两国外交团队的职责之一就是妥善管控双边关系，尤其是冷静、稳妥处理一些意外情况。“事实上，中美双方都没有宣布过什么访问，美方发布有关消息是美方自己的事情，我们予以尊重。”（完）