အာရှတွင် အုပ်စုဖွဲ့ ထိပ်တိုက်ရင်ဆိုင်စေမည့် လှုံ့ဆော်မှုများကို ဆန့်ကျင်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြောကြား

ပေကျင်း၊ ဇွန် ၆ ရက် (ဆင်ဟွာ)

တရုတ်နိုင်ငံသည် အာဆီယံနိုင်ငံများအပါအဝင် ဒေသတွင်း နိုင်ငံများနှင့်အတူ တံခါးဖွင့်ပူးပေါင်းဆောင်ရွက်မှု၊ ဘုံအကျိုးဖြစ်ထွန်းစေမှုကို လက်ကိုင်ထား၍ အာရှတွင် အုပ်စုဖွဲ့ ထိပ်တိုက်ရင်ဆိုင်စေမည့် လှုံ့ဆော်မှုများကို ဆန့်ကျင်သွားမည် ဖြစ်ပြီး အာရှဒေသကို ငြိမ်းချမ်းရေး၏ထောက်တိုင်၊ ဖွံ့ဖြိုးတိုးတက်ရေးနှင့် ပူးပေါင်းဆောင်ရွက်ရေး၏ နေရာကောင်း အဖြစ် အတူ လက်တွဲ တည်ဆောက်သွားမည် ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက ဇွန် ၅ ရက်တွင် ပြောကြားခဲ့သည်။မကြာသေးမီက ကျင်းပခဲ့သော ရှန်ဂရီလာ တွေ့ဆုံဆွေးနွေးပွဲကာလတွင် အင်ဒိုနီးရှား၊ စင်ကာပူ စသည့် နိုင်ငံများ၏ အဆင့်မြင့်အရာရှိများက “စစ်အေးတိုက်ပွဲသစ်”ကို မြင်တွေ့လိုခြင်း မရှိသလို တရုတ်နှင့်အမေရိကန်ကြား ဖိအားပေး ဘက်ရွေးရပ်တည်စေမှုကိုလည်း မဖြစ်စေလိုကြောင်း ပြောကြားခဲ့ရာ ထို့အပေါ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက မည်သို့ မှတ်ချက်ပြုလိုပါသနည်းဟု ယင်းနေ့သတင်းစာရှင်းလင်းပွဲတွင် သတင်းထောက်တစ်ဦးက မေးမြန်းခဲ့ခြင်း ဖြစ်သည်။

အချို့သောနိုင်ငံများ၏ အာရှတွင် “စစ်အေးတိုက်ပွဲသစ်” ဆင်နွှဲလိုမှု၊ ဒေသတွင်းနိုင်ငံများအား ဘက်ရွေးရပ်တည်ရန် ဖိအားပေးမှု များကို ဒေသတွင်းနိုင်ငံအများအပြားက သတိထား၍ ခိုင်မာစွာ ဆန့်ကျင်ကြသည်ကို သက်ဆိုင်ရာများ၏ သဘောထားက အပြည့်အဝ ဖော်ပြပြီးဖြစ်ကြောင်း ဝမ်ဝန်ပင်းက ပြောကြားခဲ့သည်။ မဟာဗျူဟာ သီးခြားရပ်တည်ရန်၊ ဒေသတွင်း တည်ငြိမ်ရေးနှင့် ဖွံ့ဖြိုးတိုးတက်ရေးကို ကာကွယ်ထိန်းသိမ်းရန်မှာ ဒေသတွင်းနိုင်ငံများ၏ တူညီသော စိတ်ဆန္ဒဖြစ်ကြောင်း ၎င်းက ပြောကြားခဲ့သည်။ (Xinhua)
—————————
外交部发言人：反对在亚洲煽动阵营对抗的言行
新华社北京6月5日电（记者邵艺博、董雪）外交部发言人汪文斌5日表示，中方愿同包括东盟国家在内的地区伙伴一道，秉持开放合作、互利共赢理念，反对在亚洲煽动阵营对抗的言行，携手把亚洲打造成和平的支柱、发展的高地、合作的热土。
当日例行记者会上，有记者问：在日前举行的香格里拉对话会期间，印尼、新加坡等多国高层表示，不愿看到“新冷战”，不希望被迫在中美之间选边站队。发言人对此有何评论？
汪文斌表示，有关表态充分说明，个别国家意图在亚洲发动“新冷战”、逼迫地区国家选边站队，引起地区国家的普遍警惕和坚决反对。坚持战略自主，维护地区稳定与发展，是地区国家的共同心声。