နိုင်ငံတကာ ခရီးသွားဧည့်သည်များက တရုတ်-လာအို ရထားဖြင့် တရုတ်-တောင်အာရှ ကုန်စည်ပြပွဲသို့ တက်ရောက်ကြ

ကူမင်း၊ ဩဂုတ် ၁၆ ရက် (ဆင်ဟွာ)

“တရုတ်-လာအို ရထားလမ်းက ပေါင်းကူးတံတားအဖြစ် တရုတ်နိုင်ငံနဲ့လာအိုနိုင်ငံ ၊ တရုတ်နိုင်ငံနဲ့ကမ္ဘာရဲ့ ကူးလူးဆက်ဆံမှုတွေကို ချိတ်ဆက်ပေးစေချင်တယ်။ တရုတ်-တောင်အာရှ ကုန်စည်ပြပွဲကို ပိုပြီး စည်ကားမယ်လို့ မျှော်လင့်ပါတယ်” ဟု သတ္တမအကြိမ်မြောက် တရုတ်-တောင်အာရှ ကုန်စည်ပြပွဲနှင့် ၂၇ ကြိမ်မြောက် တရုတ်နိုင်ငံ ကူမင်း ပို့ကုန်သွင်းကုန်ပြပွဲကို တက်ရောက်ရန် ကူမင်းသို့ သွားမည့် ဘင်္ဂလားဒေ့ရှ်ခရီးသွားဧည့်သည် မိုဟာမက် ဖေဇာ လဘရပ် က လာအိုနိုင်ငံမှ တရုတ်နိုင်ငံသို့ ဝင်ရောက်သည့်အချိန်တွင် ပြောကြားခဲ့သည်။

တရုတ်-လာအို ရထားဖြင့် လာရောက်သော ခရီးသည်တစ်ဦးက စမတ် ဘာသာပြန်စက်ဖြင့် လူဝင်မှုကြီးကြပ်ရေး ရဲဝန်ထမ်းနှင့် စကားပြောကြားနေသည်ကို ၂၀၂၃ ခုနှစ် ဩဂုတ် ၁၁ ရက်က တွေ့ရစဉ်(ဆင်ဟွာ)

သတ္တမအကြိမ်မြောက် တရုတ်-တောင်အာရှ ကုန်စည်ပြပွဲနှင့် ၂၇ ကြိမ်မြောက် တရုတ်နိုင်ငံ ကူမင်း ပို့ကုန်သွင်းကုန်ပြပွဲကို ဩဂုတ် ၁၆ ရက်မှ ၂၀ ရက်အထိ ကူမင်းမြို့တွင် ကျင်းပမည် ဖြစ်သည်။

ယခုနှစ် ဧပြီ ၁၃ ရက်မှစတင်၍ တရုတ်-လာအို ရထားလမ်းတွင် နိုင်ငံတကာခရီးသည်တင်ရထား ပြေးဆွဲခဲ့ခြင်း ဖြစ်ရာ လာအိုနိုင်ငံ မြို့တော် ဗီယင်ကျန်းမှ တရုတ်နိုင်ငံ ယူနန်ပြည်နယ် ကူမင်းမြို့သို့ တိုက်ရိုက် သွားရောက်နိုင်ကြောင်း သိရသည်။ တရုတ်-တောင်အာရှ ကုန်စည်ပြပွဲသို့ သွားရောက်မည့် နိုင်ငံတကာ ခရီးသည်အချို့က ဤလမ်းကြောင်းကို ရွေးချယ်၍ ကူမင်းမြို့သို့ သွားရောက်ကြသည်။

ဩဂုတ် ၁၅ ရက်အထိ တရုတ်-လာအို နယ်စပ်ရှိ မိုဟန် နယ်စပ် ပြည်ဝင်/ပြည်ထွက် နယ်စပ် စစ်ဆေးရေးဂိတ်၏ စာရင်းများအရ စစ်ဆေးပြီးသော တရုတ်-လာအို နိုင်ငံတကာ ခရီးသည်တင်ရထား ၂၄၆ စင်း ၊ နိုင်ငံနှင့်ဒေသပေါင်း ၅၃ ခုမှ ခရီးသည် ၅၂,၈၈၈ ဦး ရှိကြောင်း သိရသည်။

ဘာသာစကားမတူညီသည့် ခရီးသွားများအတွက် မိုဟန် နယ်စပ် စစ်ဆေးရေးဂိတ်တွင် စမတ် ဘာသာပြန်စက် ထားရှိကြောင်း သိရသည်။ မျက်နှာပြင် အကျယ် ၈ လက်မသာ ရှိသည့် ယင်းဘာသာပြန်စက်ကလေးသည် ဘာသာစကားပေါင်း ၇၀ ကျော်ကို အချိန်နှင့်တစ်ပြေးညီ ဘာသာပြန်ပေးနိုင်သလို တရုတ်နိုင်ငံ တိုင်းရင်းသား လူမျိုးဘာသာစကား ၊ ဒေသိယစကားနှင့် တရုတ် မန်ဒရင်းစကားကို အပြန်အလှန် ဘာသာပြန်ပေးနိုင်ခြင်းကြောင့် နယ်စပ် စစ်ဆေးရေး ဝန်ထမ်းများနှင့် ပြည်တွင်း ပြည်ပ ခရီးသွားဧည့်သည်များအကြား ဆက်သွယ်ပြောဆိုရာ၌ များစွာ အဆင်ပြေလွယ်ကူစေကြောင်း သိရသည်။ (Xinhua)

………………………………
(Chinese Version)
国际旅客搭乘中老铁路参加中国—南亚博览会
新华社昆明8月16日电（记者庄北宁）“希望中老铁路能够像桥梁一样，联通中国和老挝的交流，联通中国和世界的交流，希望南博会越来越精彩。”准备前往昆明参加第7届中国—南亚博览会暨第27届中国昆明进出口商品交易会的孟加拉国籍旅客穆罕默德•法兹勒•拉比日前从老挝入境中国后说。
8月16日至20日，第7届中国—南亚博览会暨第27届中国昆明进出口商品交易会将在昆明举办。中老铁路国际旅客列车今年4月13日正式开通，可从老挝首都万象直达云南省会昆明，一些准备参加南博会的国际旅客开始选择这种交通方式前往昆明。
截至8月15日，位于中老边境的磨憨出入境边防检查站共计查验中老国际旅客列车246列次，验放来自53个国家和地区的出入境旅客共计52888人次。
针对使用不同语言的旅客，磨憨边检站推出智能语言翻译机。尽管屏幕只有8寸大，但这台小机器可以使用70多种语言实时翻译，还支持数种中国少数民族语言、地方方言与汉语普通话互译，极大便利了边检工作人员与国内外旅客之间的沟通。
1. 这是位于中老边境的中老铁路磨憨站（8月11日摄）。新华社发
2. 乘坐中老铁路入境的旅客使用智能翻译机与移民警察交流（8月11日摄）。新华社发