တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်၊ ဗဟို နိုင်ငံခြားရေးရာ ကော်မရှင်ရုံး အကြီးအကဲ ဝမ်ရိက တရုတ်-တောင်အာရှ ကုန်စည်ပြပွဲ ဖွင့်ပွဲအခမ်းအနားတွင် အမှာစကားပြောကြား

ကူမင်း၊ ဩဂုတ် ၁၇ ရက် (ဆင်ဟွာ)

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်၊ ဗဟို နိုင်ငံခြားရေးရာ ကော်မရှင်ရုံး အကြီးအကဲ ဝမ်ရိသည် ဩဂုတ် ၁၆ ရက်က ကူမင်းမြို့၌ ကျင်းပသော (၇)ကြိမ်မြောက် တရုတ်-တောင်အာရှ ကုန်စည်ပြပွဲဖွင့်ပွဲအခမ်းအနားသို့ တက်ရောက်၍ အမှာစကား ပြောကြားခဲ့သည်။

အဆိုပါ အခမ်းအနားသို့ သီရိလင်္ကာနိုင်ငံ ဝန်ကြီးချုပ် Dinesh Gunawardena ၊ လာအိုနိုင်ငံ ဒုတိယ သမ္မတ Pany Yathotou ၊ နီပေါနိုင်ငံ ဒုတိယ သမ္မတ Ram Sahay Prasad Yadav ၊ ဗီယက်နမ်နိုင်ငံ ဒုတိယ ဝန်ကြီးချုပ် Tran Luu Quang တို့ တက်ရောက်၍ အမှာစကားပြောကြားခဲ့ကြကြောင်း သိရသည်။

ထိုသို့ အမှာစကားပြောကြားရာတွင် ဝမ်ရိက တရုတ်နိုင်ငံနှင့် တောင်အာရှနိုင်ငံများသည် တောတောင်ရေမြေချင်း ဆက်စပ်နေသလို ကံကြမ္မာချင်း ယှက်နွယ်လျက်ရှိပြီး ယဉ်ကျေးမှု တစ်ဖန် ပြန်လည် တိုးတက်လာသည့်ဖြစ်စဉ်တွင် အပြန်အလှန်တန်ဖိုးထား၍ ကမ္ဘာလုံးဆိုင်ရာအသွင်ပြောင်းမှု ခေတ်ရေစီးကြောင်းတွင် လက်တွဲအတူ လျှောက်လှမ်းခဲ့ကြကြောင်း၊ ကမ္ဘာတွင် တိုးတက်မှုအမြန်ဆုံး၊ တက်ကြွမှုအရှိဆုံး ဒေသဖြစ်အောင် မိမိတို့အနေဖြင့် သမိုင်းရေစီးကြောင်းအတိုင်း ဖွံ့ဖြိုးတိုးတက်ရေးကို အရှိန်အဟုန်မြှင့် ဆောင်ရွက်ခဲ့ကြကြောင်း၊ မိမိတို့အနေဖြင့် တန်းတူညီမျှလေးစားမှု၊ ဦးတည်ချက်တူ လျှောက်လှမ်းမှုများကြောင့် ကဏ္ဍအသီးသီးပူးပေါင်းဆောင်ရွက်မှုများက အောင်မြင်မှုရလဒ်များ ရရှိခဲ့ကြောင်း ပြောကြားခဲ့သည်။

ဝမ်ရိက ယခုနှစ်သည် တရုတ်-တောင်အာရှ ကုန်စည်ပြပွဲ ကျင်းပသည့် ၁၀ နှစ်ပြည့် ဖြစ်သလို သမ္မတ ရှီကျင့်ဖိန် အဆိုပြုသည့် “ရပ်ဝန်းနှင့်ပိုးလမ်းမ”အဆိုပြုချက် နှင့် “ချစ်ကြည်ရင်းနှီးခြင်း၊ စိတ်ရင်းစေတနာမှန်ကန်ခြင်း၊ အပြန်အလှန် အကျိုးဖြစ်ထွန်းခြင်း၊ အားလုံးလက်ခံပါဝင်စေခြင်း”ဟူသော အိမ်နီးချင်း သံတမန် ဆက်ဆံရေးအယူအဆ၏ ၁၀ နှစ်ပြည့် အခါသမယလည်း ဖြစ်ကြောင်း ပြောကြားခဲ့သည်။

၁၀ နှစ်ကြာ ကာလတွင် မိမိတို့သည် စည်းလုံးညီညွတ်စွာ ပူးပေါင်းဆောင်ရွက်ခြင်းကို ခိုင်မာစွာ ဆောင်ရွက်ခဲ့ကြပြီး ဒေသတွင်းလုံခြုံရေး နှင့် ဖွံ့ဖြိုးတိုးတက်တက်ရေး ပတ်ဝန်းကျင်ကို အတူတကွ ကာကွယ်ထိန်းသိမ်းခဲ့ကြကြောင်း၊ မိမိတို့သည် “ရပ်ဝန်းနှင့်ပိုးလမ်းမ”ကို ဆက်လက်အတူလက်တွဲ တည်ဆောက်ခဲ့ရာတွင် အပြန်အလှန်ချိတ်ဆက်မှု၊ အခြေခံအဆောက်အအုံ၊ ကုန်သွယ်ရေးရင်းနှီးမြှုပ်နှံမှုကဏ္ဍများတွင် ဝမ်းမြောက်ဖွယ်ရာ တိုးတက်မှုများ ရရှိခဲ့ကြောင်း၊ မိမိတို့သည် ချစ်ကြည်ရင်းနှီးစွာ ကူးလူးဖလှယ်မှုများကို နက်ရှိုင်းစွာ ဆောင်ရွက်ခဲ့ကြရာတွင် ပွင့်လင်းမှု၊ အားလုံးပါဝင်မှု ဟူသော အတွေးအခေါ်ကို လက်ကိုင်ထားပြီး အလွှာအသီးသီး အရပ်ဘက် ဖလှယ်ရေး ပလက်ဖောင်းကို တည်ဆောက်ခဲ့ကြကြောင်း ၊ နှစ်ထောင်ချီ ယဉ်ကျေးမှု အပြန်အလှန်ဖလှယ်မှုအတွက် အားအင်သစ် ဖြည့်တင်းခဲ့ကြသလို ဒေသကြီးနှစ်ခု ပူးပေါင်းဆောင်ရွက်မှုအတွက် ခိုင်မာသည့် ပြည်သူ့ဆန္ဒအခြေခံအုတ်မြစ်ကို တည်ဆောက်နိုင်ခဲ့ကြရာ တရုတ်-တောင်အာရှ ချစ်ကြည်ရင်းနှီးမှု ခေတ်ကာလ၏ စာမျက်နှာသစ်ကို ရေးဆွဲနိုင်ခဲ့ကြကြောင်း ဝမ်ရိက ပြောကြားခဲ့သည်။

ဝမ်ရိက တရုတ်နိုင်ငံအနေဖြင့် တောင်အာရှနိုင်ငံများက တရုတ်နိုင်ငံ၏ဖွံ့ဖြိုးတိုးတက်ရေး အမြန်ယာဉ်တွင် ဆက်လက်လိုက်ပါ၍ တရုတ်နိုင်ငံ၏ဖွံ့ဖြိုးတိုးတက်မှု အကျိုးများကို အတူမျှဝေခံစားကြရန် ကြိုဆိုပါကြောင်း အလေးထားပြောကြားခဲ့သည်။ တောင်အာရှနိုင်ငံများနှင့်အတူ သမိုင်းအခွင့်အလမ်းကို အမိအရဆုပ်ကိုင်၍ စည်းလုံညီညွတ်မှုနှင့်အတူ ဟန်ချက်ညီညီ ပူးပေါင်းဆောင်ရွက်မှုများကို အားဖြည့်ဆောင်ရွက်သွားမည် ဖြစ်ကြောင်း၊ ဖွံ့ဖြိုးတိုးတက်ရေး စွမ်းအားသစ်များကို အဆက်မပြတ် ဖြည့်တင်းသွားမည်ဖြစ်ပြီး ဖွံ့ဖြိုးတိုးတက်ရေးအကျိုးတူအသိုက်အဝန်းကို တည်ဆောက်ကာ ဒေသတွင်း ရေရှည်တည်ငြိမ်အေးချမ်းရေး နှင့်စည်ပင်ဝပြောရေးအတွက် အကျိုးပြုသွားလိုကြောင်း ဝမ်ရိက ပြောကြားခဲ့သည်။

ဝမ်ရိက နှစ်ဖက်ဆက်ဆံရေး ကဏ္ဍ ၄ ရပ် ပူးပေါင်းဆောင်ရွက်မှုအပေါ် အကြံပြု ပြောကြားခဲ့ရာတွင်-

ပထမအနေဖြင့် မဟာဗျူဟာ အပြန်အလှန် ယုံကြည်မှုကို နက်ရှိုင်းစွာ ဆောင်ရွက်ရမည် ဖြစ်ရာ နိုင်ငံတကာနှင့်ဒေသရေးရာ ကိစ္စရပ်များတွင် အပြန်အလှန် ထောက်ခံအားပေးကြရမည် ဖြစ်ကြောင်း၊ ပွင့်လင်းသော ဒေသတွင်းဝါဒကို လက်တွဲအတူအဆိုပြု၍ ပိုမို နီးကပ်မှုရှိသည့် ဒေသတွင်း ပူးပေါင်းဆောင်ရွက်မှုကို တည်ဆောက်ကြရမည် ဖြစ်ကြောင်း ၊ ဖွံ့ဖြိုးဆဲနိုင်ငံများ၏ အကျိုးစီးပွားနှင့် နိုင်ငံတကာ တရားမျှတမှုကို အတူကာကွယ် ထိန်းသိမ်းရမည် ဖြစ်ကြောင်း ပြောကြားခဲ့သည်။

ဒုတိယအနေဖြင့် အပြန်အလှန် ချိတ်ဆက်မှုများကို နက်ရှိုင်းစွာ ဆောင်ရွက်ရမည် ဖြစ်ကြောင်း၊ တရုတ်-ပါကစ္စတန် စီးပွားရေးစင်္ကြံ၊ တရုတ်-နီပေါ နယ်စပ်ဖြတ်ကျော် ရထားလမ်း စသည့် အဓိက လမ်းကြောင်း တည်ဆောက်မှုများကို တွန်းအားပေးဆောင်ရွက်ရမည် ဖြစ်ကြောင်း၊ အဓိကကျသော လမ်းကြောင်း၊ အချက်အချာကျသော နေရာနှင့် အရေးကြီး စီမံကိန်း တည်ဆောက်မှုများကို အရှိန်အဟုန်မြှင့်တင်၍ ဒေသတွင်း စီးပွားရေး လည်ပတ်မှု အဆင်ပြေချောမွေ့ရေး အဆင့်မြှင့်တင်မှုကို တွန်းအားပေး ဆောင်ရွက်သွားရမည် ဖြစ်ကြောင်း ပြောကြားခဲ့သည်။

တတိယအနေဖြင့် ကုန်သွယ်စီးပွား ပူးပေါင်းဆောင်ရွက်မှုများကို နက်ရှိုင်းစွာ ဆောင်ရွက်ရမည် ဖြစ်ကြောင်း၊ ကုန်သွယ်ရေးကဏ္ဍ အဆင်ပြေလွယ်ကူမှုရှိစေရန်နှင့် စည်းစနစ်တကျ ချိတ်ဆက်နိုင်ရန် တစ်ဆင့်တိုး ဆောင်ရွက်သွားရမည် ဖြစ်ကြောင်း၊ အတူဆွေးနွေး၊ အတူတည်ဆောက်၊ အတူမျှဝေမှုဖြင့် ရင်းနှီးမြှုပ်နှံမှု၊ ပူးပေါင်းဆောင်ရွက်မှုများကို မြှင့်တင်ရမည် ဖြစ်သလို ကမ္ဘာလုံးဆိုင်ရာ ကုန်ထုတ်လုပ်မှုကွင်းဆက် နီးကပ်စွာ ချိတ်ဆက်မှု ရှိစေရန် ဆောင်ရွက်ရမည် ဖြစ်ကြောင်း ပြောကြားခဲ့သည်။

စတုတ္ထအနေဖြင့် လူမှုယဉ်ကျေးမှုဖလှယ်ရေးကို နက်ရှိုင်းစွာ ဆောင်ရွက်ရမည် ဖြစ်ကြောင်း၊ ချိတ်ဆက်မှုများ နီးကပ်အောင် ဆောင်ရွက်ရမည်ဖြစ်သလို အစဉ်အလာ ချစ်ကြည်ရေးကို အဆင့်မြှင့်တင်ရမည် ဖြစ်ကြောင်း၊ ဒေသတွင်း ပူးပေါင်းဆောင်ရွက်မှုများအတွက် ပို၍ စုစည်း၊ ပို၍ အရောင်သွေးစုံလင်မှုရှိသည့် လူမှုရေး အခြေခံကို တည်ဆောက်ရမည် ဖြစ်ကြောင်း ပြောကြားခဲ့သည်။

ဝမ်ရိက တရုတ်-တောင်အာရှ ကုန်စည်ပြပွဲသည် တရုတ်နိုင်ငံနှင့် တောင်အာရှနိုင်ငံများသာမက ကမ္ဘာ့နိုင်ငံအသီးသီး ကူးလူးဖလှယ် ပူးပေါင်းဆောင်ရွက်ကြသည့် အရေးကြီး ပလက်ဖောင်း ဖြစ်နေပြီ ဖြစ်ကြောင်း ပြောကြားခဲ့သည်။

ယခုကုန်စည်ပြပွဲကြီးမှတစ်ဆင့် တောင်အာရှနိုင်ငံများက ပူးပေါင်းဆောင်ရွက်မှု အခွင့်အလမ်းများကို ပိုမို ဖော်ဆောင်၍ ပို၍ များပြားသော ပူးပေါင်းဆောင်ရွက်မှု ရလဒ်များရရှိရန်၊ အာရှဖွံ့ဖြိုးတိုးတက်ရေးကို အတူ တွန်းအားပေး၍ ပိုမိုသာယာလှပသော အနာဂတ်ကို လက်တွဲအတူ ဖန်တီးကြရန် ကြိုဆိုကြောင်း ပြောကြားခဲ့သည်။

ဘက်ပေါင်းစုံကလည်း တောင်အာရှနိုင်ငံများသည် တရုတ်နိုင်ငံနှင့်အတူ “ရပ်ဝန်းနှင့်ပိုးလမ်းမ” အရည်အသွေးမြင့် လက်တွဲတည်ဆောက်ရေးကို တက်ကြွစွာ တွန်းအားပေးလုပ်ဆောင်ခဲ့ရာတွင် အောင်မြင်မှုရလဒ်အများအပြား ရရှိခဲ့ကြောင်း ပြောကြားခဲ့ကြသည်။ ယခုအကြိမ် ကုန်စည်ပြပွဲသည် ခေတ်ကာလရေစီးကြောင်းနှင့်လျော်ညီသလို နိုင်ငံအသီးသီး၏ ဖွံ့ဖြိုးတိုးတက်ရေးလိုအပ်ချက်နှင့်လည်း ကိုက်ညီကြောင်း၊ တရုတ်နိုင်ငံက ထိရောက်အားကောင်းသည့် ပူးပေါင်းဆောင်ရွက်မှု ပလက်ဖောင်း တည်ဆောက်ပြီး တောင်အာရှနိုင်ငံများအနေဖြင့် တရုတ်နိုင်ငံ၏ဖွံ့ဖြိုးတိုးတက်ရေး အမြန်ယာဉ်တွင် လိုက်ပါနိုင်ရန် အထောက်အကူဖြစ်စေသည့်အတွက် ကျေးဇူးတင်ရှိကြောင်း ၊ တရုတ်နိုင်ငံနှင့်အတူ စည်းစည်းလုံးလုံး ပူးပေါင်းဆောင်ရွက်ခြင်းဖြင့် ဒေသအတွက် ပွင့်လင်းမှု၊ အားလုံးပါဝင်မှု၊ တည်ငြိမ်အေးချမ်းမှုနှင့်ဘုံဖွံ့ဖြိုးတိုးတက်မှရှိစေရေးအတွက် အကျိုးဆောင်သွားလိုကြောင်း ၎င်းတို့က ပြောကြားခဲ့သည်။

ယခုအကြိမ် ကုန်စည်ပြပွဲကို ဩဂုတ် ၁၆ ရက်မှ ၂၀ ရက် အထိ ကူမင်းမြို့တွင် ကျင်းပလျက်ရှိသည်။ အဆိုပါ ကုန်စည်ပြပွဲကို တရုတ်နိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ယူနန်ပြည်နယ် အစိုးရတို့အတူ ကြီးမှူးကျင်းပခြင်း ဖြစ်ပြီး နိုင်ငံ၊ ဒေသနှင့် နိုင်ငံတကာအဖွဲ့အစည်း ၈၅ ခုမှ သက်ဆိုင်ရာ ကိုယ်စားလှယ်များနှင့် အွန်လိုင်းအော့ဖ်လိုင်းဖြင့် ပြပွဲတွင် ပါဝင်ပြသသော ကုန်သည်လုပ်ငန်းရှင် ၃၀,၀၀၀ ကျော်ကို ဆွဲဆောင်နိုင်ခဲ့သည်။ (Xinhua)

……………………………….
(Chinese Version)
王毅出席中国－南亚博览会开幕式并致辞
新华社昆明8月16日电（记者赵珮然）8月16日，中共中央政治局委员、中央外办主任王毅在昆明出席第七届中国－南亚博览会开幕式并致辞。斯里兰卡总理古纳瓦德纳、老挝国家副主席巴妮、尼泊尔副总统亚达夫、越南副总理陈流光等出席并致辞。
王毅说，中国和南亚国家山海相连、命运相系，在文明复兴进程中相互欣赏，在全球化潮流中携手同行。我们顺应历史大势，加快发展振兴，成长为世界上增长最快、最富活力的地区。我们平等尊重，相向而行，各领域合作取得丰硕成果。
王毅表示，今年是南博会举行十周年，也是习近平主席提出“一带一路”倡议和亲诚惠容周边外交理念十周年。十年来，我们巩固团结合作，共同维护地区安全和发展环境。我们持续共建“一带一路”，互联互通、基础设施、贸易投资取得可喜进展。我们深入开展友好交流，坚持开放包容理念，构建多层次民间交流平台，为千年文明互动赋予新的生机，为两大区域合作奠定坚实民意基础，谱写了中国南亚友好的时代新篇。
王毅强调，中方欢迎南亚国家继续搭乘中国发展快车，分享中国发展红利。愿同南亚各国一道，把握历史机遇，加强团结协作，不断培育发展新动能，构建发展共同体，为地区的长治久安、稳定繁荣贡献力量。王毅就深化双方四方面合作提出建议。
一是深化战略互信，在国际和地区事务中相互支持，携手倡导开放的区域主义，构建更加紧密的区域合作，共同维护发展中国家利益，共同捍卫国际公平正义。
二是深化互联互通，推进中巴经济走廊、中尼跨境铁路等骨干通道建设，加快推进关键通道、关键节点和重点工程建设，推动区域经济循环畅通升级。
三是深化经贸合作，进一步推进贸易便利化和制度标准对接，以共商共建共享带动投资合作，密切全球产供链联系。
四是深化人文交流，拉紧联系纽带，升华传统友谊，为开展区域合作创造更具凝聚力、更富多样性的社会基础。
王毅说，中国－南亚博览会已成为促进中国与南亚乃至世界各国交流合作的重要平台。欢迎南亚各国通过本次盛会发掘更多合作机遇，形成更多合作成果，共同推动亚洲发展振兴，携手创造更加美好未来。
各方表示，南亚国家积极推进同中国高质量共建“一带一路”，取得丰硕成果。本次博览会主题顺应时代潮流，符合各国发展需要，感谢中方打造高效合作平台，助力南亚国家搭乘中国发展快车，期待同中方加强团结协作，为区域开放包容、和平稳定和共同发展作出贡献。
本届博览会8月16日至20日在昆明举行，由商务部和云南省政府共同主办，吸引85个国家、地区和国际组织的相关代表、线上线下3万余家参展商参会。（完）
1. This aerial photo taken on Aug. 7, 2023 shows a view of Kunming Dianchi International Convention and Exhibition Center, the venue for the seventh China-South Asia Expo in Kunming, southwest China’s Yunnan Province.