တရုတ်နိုင်ငံ သမ္မတ ရှီကျင့်ဖိန်နှင့် မကာအို အထူးဒေသ အုပ်ချုပ်ရေးမှူးတာဝန် ထမ်းဆောင်မည့် ချန်ဟောက်ဟွေး တွေ့ဆုံ

ပေကျင်း၊ နိုဝင်ဘာ ၂ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် နိုဝင်ဘာ ၁ ရက် ညနေပိုင်းက ပေကျင်းမြို့ ပြည်သူ့ခန်းမဆောင်တွင် မကာအို အထူးအုပ်ချုပ်ခွင့်ရဒေသ ဆဋ္ဌမမြောက် အုပ်ချုပ်ရေးမှူးအဖြစ် အသစ်ရွေးချယ်ခံရပြီး ဗဟိုအစိုးရမှ ခန့်အပ်တာဝန်ပေးခံရသော ချန်ဟောက်ဟွေးနှင့် တွေ့ဆုံခဲ့သည်။
သမ္မတ ရှီကျင့်ဖိန်၏ မျက်မြင်သက်သေပြုမှုတွင် နိုင်ငံတော်ကောင်စီ ဝန်ကြီးချုပ် လီချန်က ချန်ဟောက်ဟွေးအား တရုတ်ပြည်သူ့သမ္မတနိုင်ငံ မကာအို အထူးအုပ်ချုပ်ခွင့်ရဒေသ ဆဋ္ဌမမြောက် အုပ်ချုပ်ရေးမှူးအဖြစ် ခန့်အပ်သော အမှတ် ၇၉၄ အမိန့်စာအား ပေးအပ်ခဲ့သည်။

သမ္မတ ရှီကျင့်ဖိန်က ချန်ဟောက်ဟွေးအား ဗဟိုအစိုးရ၏ မကာအို အထူးဒေသ ဆဋ္ဌမမြောက် အုပ်ချုပ်ရေးမှူးအဖြစ် ခန့်အပ်မှုကို ရရှိသည့်အတွက် ဂုဏ်ပြုကြောင်း ပြောကြားခဲ့သည်။ ချန်ဟောက်ဟွေး အနေဖြင့် နောက်ဆုံးအယူခံတရားရုံးအကြီးအကဲအဖြစ် ကာလကြာရှည် တာဝန်ထမ်းဆောင်ခဲ့ရာ တိုင်းပြည်ကို ချစ်မြတ်နိုးသော၊ မကာအိုကို ချစ်မြတ်နိုးသော ရပ်တည်ချက် ခိုင်မာခြင်း၊ တရားဥပဒေနှင့်အညီ တာဝန်များကို ကျေပွန်စွာ ထမ်းဆောင်ပြီး မကာအို သာယာဝပြောရေးနှင့် တည်ငြိမ်ရေးအတွက် တက်ကြွစွာ အကျိုးဆောင်ခဲ့ကြောင်း၊ ၎င်း အုပ်ချုပ်ရေးမှူး ရွေးကောက်တင်မြှောက်ပွဲ၌ ပါဝင်ချိန်တွင် ပြည်သူများအပေါ် လက်တွေ့ချစ်ခင်ရင်းနှီးမှု၊ ပြဿနာများကို ရင်ဆိုင်ဝံ့သည့် ကောင်းမွန်သော ပုံရိပ်ကို ပြသနိုင်ခဲ့ကြောင်း၊ ရွေးကောက်ပွဲ နိုင်ငံရေးလုပ်ငန်းစဉ်နှင့် အုပ်ချုပ်မှုရေးရာ အတွေးအခေါ်များသည် မကာအို၏ လက်တွေ့နှင့်ကိုက်ညီသလို မကာအိုနေထိုင်သူ အများအပြား၏ သာယာလှပသော ဘဝ မျှော်လင့်ချက်နှင့်လည်း ကိုက်ညီကြောင်း၊ အုပ်ချုပ်ရေးမှူး ရွေးကောက်ပွဲတွင် ဆန္ဒမဲအများအပြားဖြင့် အမည်စာရင်းတင်သွင်းခံရသလို မဲအများစုဖြင့် ရွေးချယ်ခံခဲ့ရခြင်းမှာ မကာအို လူမှုအဖွဲ့အစည်းက ၎င်းအပေါ် အသိအမှတ်ပြုမှုနှင့် အားပေးထောက်ခံမှု ကျယ်ကျယ်ပြန့်ပြန့်ရှိခြင်းကို ဖော်ပြကြောင်း၊ ဗဟိုအစိုးရအနေဖြင့် ၎င်းအပေါ် အပြည့်အဝ အသိအမှတ်ပြုသလို အပြည့်အဝ ယုံကြည်ကြောင်း ရှီကျင့်ဖိန်က ပြောကြားခဲ့သည်။

“တစ်နိုင်ငံ စနစ်နှစ်မျိုး” သည် တိုင်းပြည်နှင့် လူမျိုး၏ အခြေခံအကျိုးစီးပွားနှင့်ကိုက်ညီသလို မကာအို၏ အခြေခံအကျိုးစီးပွားနှင့်ကိုက်ညီသည့် စနစ်ကောင်း ဖြစ်ကြောင်း ရှီကျင့်ဖိန်က ပြောကြားခဲ့သည်။ အမိတိုင်းပြည်သို့ မကာအို ပြန်လည်ရောက်ရှိခြင်း ၂၅ နှစ်ကြာကာလ၊ ဗဟိုနှင့် အမိတိုင်းပြည် ပြည်မကြီး၏ အစွမ်းကုန်အားပေးထောက်ခံမှုအောက်တွင် အထူးအုပ်ချုပ်ခွင့်ရဒေသအစိုးရနှင့် လူမှုအဖွဲ့အစည်း ကဏ္ဍ အသီးသီးက ဆက်လက် ကြိုးပမ်းခဲ့ကြရာ မကာအို ထူးခြားချက်ရှိသည့် “တစ်နိုင်ငံ စနစ်နှစ်မျိုး” လက်တွေ့ ဖော်ဆောင်မှုတွင် ကမ္ဘာသိအောင်မြင်မှုများရရှိခဲ့ကြောင်း၊ ဖွဲ့စည်းပုံ အခြေခံဥပဒေနှင့် မကာအို အခြေခံဥပဒေ ပြဋ္ဌာန်းထားသည့် အထူးအုပ်ချုပ်ခွင့်ရဒေသ ဖွဲ့စည်းပုံအခြေခံဥပဒေစနစ်သည် ခိုင်မာတည်တံ့ရာ မကာအို လုပ်ငန်းအသီးသီးတွင် ဘက်စုံ တိုးတက်မှု ရှိသလို နိုင်ငံတကာဩဇာသက်ရောက်မှု သိသိသာသာ တိုးမြင့်လာကြောင်း၊ ဗဟိုအစိုးရအနေဖြင့် “တစ်နိုင်ငံ စနစ်နှစ်မျိုး”၊ “မကာအိုသားများ မကာအိုအား အုပ်ချုပ်ခြင်း”၊ မြင့်မားသည့် ကိုယ်ပိုင်အုပ်ချုပ်မှုရှိခြင်း မူဝါဒကို ဘက်စုံ တိကျ၊ ခိုင်မာစွာ မမှိတ်မသုန်ဆောင်ရွက်သွားမည်ဖြစ်ရာ အသွင်ပုံစံမပြောင်းလဲရန် အာမခံထား ဆောင်ရွက်သွားမည် ဖြစ်ကြောင်း ၎င်းက ပြောကြားခဲ့သည်။

သမ္မတ ရှီကျင့်ဖိန်က တရုတ်ကွန်မြူနစ်ပါတီ ဗဟိုကော်မတီ တတိယအကြိမ်မြောက် မျက်နှာစုံညီအစည်းအဝေးသည် ပြုပြင်ပြောင်းလဲမှုများ တစ်ဆင့်တိုး နက်ရှိုင်းစွာ ဆောင်ရွက်ရေး၊ တရုတ်ပုံစံ ခေတ်မီအသွင်ပြောင်းမှု တွန်းအားပေးရေးအတွက် စနစ်တကျ ဖြန့်ကြက် စီမံခဲ့ရာ “တစ်နိုင်ငံ စနစ်နှစ်မျိုး” အားသာချက်ကို ကောင်းမွန်စွာ ကျင့်သုံးဆောင်ရွက်ရန်၊ တရုတ်နိုင်ငံ ပြည်ပတံခါးဖွင့်လှစ်ရေးတွင် ဟောင်ကောင်၊ မကာအို၏ အခန်းကဏ္ဍယန္တရားကို ကောင်းမွန်ပြည့်စုံအောင် ဖော်ဆောင်ရန် အလေးထားခဲ့ကြောင်း၊ ယင်းမှာ တရုတ်ပုံစံ ခေတ်မီအသွင်ပြောင်းရေး၊ မိမိကိုယ်တိုင် ပိုမိုကောင်းမွန်စွာ ဖွံ့ဖြိုးတိုးတက်ရေးကို ဖော်ဆောင်ရာတွင် ရှင်းလင်းစွာ လမ်းညွှန်မှုပေးခဲ့ပြီး သမိုင်းအခွင့်အလမ်းသစ်ကို ပံ့ပိုးပေးခဲ့ကြောင်း ထောက်ပြ ပြောကြားခဲ့သည်။

အုပ်ချုပ်ရေးမှူးတာဝန်သည် လေးလံသလို ဗဟိုအစိုးရမှ လွှဲပြောင်းပေးအပ်သော ကြီးလေးသည့် တာဝန်နှင့် များပြားလှသော မကာအိုနေပြည်သူများ၏ ကြီးမားသည့် မျှော်လင့်ချက်များ ပါဝင်ကြောင်း၊ ကြီးမားသည့် တာဝန်ကို ရဲဝံ့စွာ ထမ်းဆောင်၍ သမိုင်းပေးတာဝန်ကို မလစ်ဟင်းစေဘဲ အထူးအုပ်ချုပ်ခွင့်ရဒေသ အစိုးရသစ်ကို ဦးဆောင်သွားရန်၊ လူမှုနယ်ပယ်အသီးသီး စည်းလုံးညီညွတ်ခြင်း၊ စိတ်တူကိုယ်တူ၊ မှန်ကန်သောလမ်းစဉ်ကို စောင့်ထိန်းကာ ဆန်းသစ် ဖန်တီးခြင်း၊ ကောင်းမွန်သောနည်းလမ်းဖြင့် ရလဒ်ကောင်းများရရှိအောင် တိုးတက်မှုတာဝန်ထမ်းဆောင်ခြင်းဖြင့် မကာအို ထူးခြားချက်ရှိသည့် “တစ်နိုင်ငံ စနစ်နှစ်မျိုး” အခင်းအကျင်းသစ်ကို စဉ်ဆက်မပြတ် ဖော်ဆောင်ကာ အင်အားကြီးနိုင်ငံ တည်ဆောက်ရေး၊ အမျိုးသားပြန်လည်ဖွံ့ဖြိုးတိုးတက်ရေးအတွက် ပိုမိုကြီးမားသော အခန်းကဏ္ဍမှ ပါဝင်သွားမည်ဟု မျှော်လင့်ကြောင်း ၎င်းက ပြောကြား ခဲ့သည်။

ချန်ဟောက်ဟွေးက ဗဟိုအစိုးရအနေဖြင့် ၎င်းအား မကာအို အထူးဒေသ ဆဋ္ဌမမြောက် အုပ်ချုပ်ရေးမှူးအဖြစ် ခန့်အပ်သည့်အပေါ် အထူးဂုဏ်ဝမ်းမြောက်ပါကြောင်း ပြောကြားခဲ့သည်။
သမ္မတ ရှီကျင့်ဖိန်နှင့် ဗဟိုအစိုးရ၏ ဦးဆောင်မှုအောက်တွင် “တစ်နိုင်ငံ စနစ်နှစ်မျိုး” မူဝါဒကို ဘက်စုံ တိကျ၊ ခိုင်မာစွာ မမှိတ်မသုန်ဆောင်ရွက်သွားရန်၊ နိုင်ငံ၏အချုပ်အခြာအာဏာ၊ လုံခြုံရေး၊ ဖွံ့ဖြိုးတိုးတက်ရေး အကျိုးစီးပွားကို ကာကွယ်ထိန်းသိမ်းရန်၊ နိုင်ငံဖွံ့ဖြိုးတိုးတက်ရေး အခင်းအကျင်းကြီး၌ ပိုမိုကောင်းမွန်စွာ ပေါင်းစည်း၍ ပါဝင်အကျိုးဆောင်သွားရန်၊ ပြည်သူ့အုပ်ချုပ်ရေးစွမ်းရည်နှင့် စီမံအုပ်ချုပ်မှုအဆင့် မြှင့်တင်ရန်၊ စီးပွားရေး အတော်အသင့် စုံလင်ကြွယ်ဝစွာ တိုးတက်ရေး အရှိန်မြှင့်တင်ရန်၊ ပြည်သူ့ဘဝစားဝတ်နေရေး ကောင်းမွန်အောင် အစွမ်းကုန်ဖော်ဆောင်ရန်၊ မကာအို လုပ်ငန်းအသီးသီး ဘက်စုံဖွံ့ဖြိုးတိုးတက်ရေး တွန်းအားပေးရန် ဆုံးဖြတ်ချက်ချထားကြောင်း ၎င်းက ပြောကြားခဲ့သည်။

အဆိုပါတွေ့ဆုံပွဲကို လီချန်၊ ချိုက်ချီ၊ တင်းရွှဲရှန်၊ စီထိုက်ဖုန်း၊ ချန်ဝန်ချင်း၊ ရှပေါင်လုန် တို့ တက်ရောက်ခဲ့ကြကြောင်း သိရသည်။ (Xinhua)

……………………………………
(Chinese Version)

习近平会见澳门特别行政区候任行政长官岑浩辉
新华社北京11月1日电　国家主席习近平11月1日下午在人民大会堂会见了新当选并获中央政府任命的澳门特别行政区第六任行政长官岑浩辉。
在习近平的见证下，国务院总理李强向岑浩辉颁发了任命他为中华人民共和国澳门特别行政区第六任行政长官的国务院第794号令。
习近平对岑浩辉获中央政府任命为澳门特别行政区第六任行政长官表示祝贺。习近平说，你曾长期担任终审法院院长，爱国爱澳立场坚定，依法履职、恪尽职守，为澳门繁荣稳定作出了积极贡献。你参选行政长官以来，展现出务实亲民、敢于直面问题的良好形象，参选政纲和施政理念符合澳门实际，符合广大澳门居民对美好生活的期盼。你在行政长官选举中获得高票提名、高票当选，表明澳门社会对你的广泛认同和支持。中央对你是充分肯定、充分信任的。
习近平表示，“一国两制”是符合国家、民族根本利益，符合澳门根本利益的好制度。澳门回归祖国25年来，在中央和祖国内地大力支持下，特别行政区政府和社会各界接续奋斗，具有澳门特色的“一国两制”实践取得举世瞩目成就，宪法和澳门基本法确立的特别行政区宪制秩序牢固树立，澳门各项事业全面进步，国际影响力显著提升。中央将继续全面准确、坚定不移贯彻“一国两制”、“澳人治澳”、高度自治的方针，确保不会变、不走样。
习近平指出，中国共产党二十届三中全会对进一步全面深化改革、推进中国式现代化作出系统部署，强调要发挥“一国两制”制度优势，健全香港、澳门在国家对外开放中更好发挥作用机制。这为澳门融入中国式现代化、实现自身更好发展指明了方向，提供了新的历史机遇。担任行政长官是一份沉甸甸的责任，承载着中央的重托和广大澳门居民的厚望。希望你勇挑重担、不负使命，带领特别行政区新一届政府，团结社会各界，勠力同心、守正创新，担当进取、善作善成，不断开创具有澳门特色的“一国两制”实践新局面，为强国建设、民族复兴作出更大贡献。
岑浩辉对中央政府任命他为澳门特别行政区第六任行政长官深感荣幸，决心在习近平主席和中央政府的领导下，全面准确、坚定不移贯彻“一国两制”方针，维护国家主权、安全、发展利益，更好融入和服务国家发展大局，提升公共治理能力和管治水平，加快推进经济适度多元发展，大力改善民生，推动澳门各项事业全面发展。
李强、蔡奇、丁薛祥、石泰峰、陈文清、夏宝龙等参加了会见。（完）
1. 11月1日下午，国家主席习近平在北京人民大会堂会见新当选并获中央政府任命的澳门特别行政区第六任行政长官岑浩辉。 新华社记者 谢环驰 摄