၁၁ သုတ်မြောက် တောင်ကိုရီးယားနိုင်ငံရှိ တရုတ်ပြည်သူ့စေတနာ့ဝန်ထမ်း အာဇာနည်စစ်သည်များ၏ ရုပ်ကြွင်းများအား တရုတ်နိုင်ငံသို့ ပြန်လည်သယ်ဆောင်လာ

စိန်ရန်၊ နိုဝင်ဘာ ၂၈ ရက် (ဆင်ဟွာ)
တောင်ကိုရီးယားနိုင်ငံရှိ ၁၁ သုတ်မြောက် တရုတ်ပြည်သူ့စေတနာ့ဝန်ထမ်း အာဇာနည်စစ်သည်များ၏ ရုပ်ကြွင်းများကို နိုဝင်ဘာ ၂၈ ရက်တွင် တရုတ်နိုင်ငံသို့ ပြန်လည်သယ်ဆောင်လာမည်ဖြစ်ကြောင်း စစ်မှုထမ်းဟောင်းရေးရာဝန်ကြီးဌာနမှ သိခဲ့ရသည်။
နိုဝင်ဘာ ၂၈ ရက် နံနက်ပိုင်းတွင် တောင်ကိုရီးယားနိုင်ငံ အင်ချွန်းမြို့ရှိ အာဇာနည်ရုပ်ကြွင်းများ ယာယီထားရှိရာ စင်တာ၌ ၁၁ သုတ်မြောက် တောင်ကိုရီးယားနိုင်ငံရှိ တရုတ်ပြည်သူ့စေတနာ့ဝန်ထမ်း အာဇာနည်စစ်သည်များ၏ ရုပ်ကြွင်းများအား ခေါင်းတလားသွင်းခြင်း အခမ်းအနားကို တရုတ်နှင့် တောင်ကိုရီးယား နှစ်နိုင်ငံ ပူးပေါင်းကျင်းပခဲ့သည်။ တောင်ကိုရီးယားဘက်က စေတနာ့ဝန်ထမ်းအာဇာနည် စစ်သည်များ၏ ရုပ်ကြွင်းများကို ခေါင်းသွင်းခဲ့ပြီး တရုတ်ဘက်သို့ တောင်ကိုရီးယားနိုင်ငံရှိ တရုတ်ပြည်သူ့စေတနာ့ဝန်ထမ်းအာဇာနည် စစ်သည် ၄၃ ဦး၏ ရုပ်ကြွင်းနှင့် ၎င်းတို့ကျန်ရှိခဲ့သောပစ္စည်း ၄၉၅ ခု တို့ကို လွှဲပြောင်းပေးအပ်ခဲ့သည်။
ခေါင်းတလားသွင်းခြင်း အခမ်းအနားအပြီးတွင် တရုတ်နှင့် တောင်ကိုရီးယားနိုင်ငံတို့က အာဇာနည်များ၏ ရုပ်ကြွင်းများပါသော ခေါင်းတလားများကို အင်ချွန်း အပြည်ပြည်ဆိုင်ရာလေဆိပ်သို့ အတူတကွသယ်ဆောင်ခဲ့သည်။ အင်ချွန်း အပြည်ပြည်ဆိုင်ရာလေဆိပ် လေယာဉ်ပြေးလမ်းတွင် အောက်မေ့ဖွယ် အခမ်းအနားကို တည်ကြည်လေးနက်စွာ ကျင်းပခဲ့ပြီး တရုတ်ပြည်သူ့သမ္မတနိုင်ငံ နိုင်ငံတော်သီချင်းကို တီးခတ်သီဆိုခဲ့ကြသည်။ တောင်ကိုရီးယားနိုင်ငံဆိုင်ရာ တရုတ်နိုင်ငံ သံရုံး၏ ယာယီသံမှူးကြီး ဖန်းခွန်က အာဇာနည်စစ်သည်များ၏ ခေါင်းတလားများကို နိုင်ငံတော်အလံဖြင့် တစ်ခုချင်းစီ ဖုံးအုပ်ပေးခဲ့သည်။ တက်ရောက်လာသူအားလုံးက စေတနာ့ဝန်ထမ်း အာဇာနည်စစ်သည်များအား သုံးကြိမ် ဦးညွှတ်အလေးပြုခဲ့ကြသည်။ တရုတ်ပြည်သူ့လွတ်မြောက်ရေးတပ်မတော်၏ ဂုဏ်ပြုတပ်ဖွဲ့ စစ်သည်က နိုင်ငံတော်အလံကို ကိုင်ဆောင်ကာ အာဇာနည်များ၏ ခေါင်းတလားများကို လေတပ် Y-20 သယ်ယူပို့ဆောင်ရေး အထူးလေယာဉ်ပေါ်သို့ ဦးဆောင် လိုက်ပါပို့ဆောင်ခဲ့သည်။
ထိုအခမ်းအနားသို့ စစ်မှုထမ်းဟောင်းရေးရာဝန်ကြီးဌာန ပါတီအဖွဲ့ဝင်၊ ဒုတိယဝန်ကြီး ချောင်ကျွင့် နှင့် တောင်ကိုရီးယားနိုင်ငံဆိုင် တရုတ်သံရုံး ယာယီသံမှူးကြီး ဖန်းခွန်တို့ တက်ရောက်ခဲ့ကြသည်။ ဗဟိုကော်မတီ ပြန်ကြားရေးဌာန၊ ဗဟိုကော်မတီ နိုင်ငံတကာဆက်သွယ်ရေးဌာန၊ နိုင်ငံခြားရေးဝန်ကြီးဌာန၊ အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင်၊ ဘဏ္ဍာရေးဝန်ကြီးဌာန၊ စစ်မှုထမ်းဟောင်းရေးရာဝန်ကြီးဌာနနှင့် ဗဟိုစစ်ကော်မရှင် နိုင်ငံရေးလုပ်ငန်းဆိုင်ရာဌာန စသည့် စစ်ဘက်ဆိုင်ရာဌာနများ ဖွဲ့စည်းထားသော တရုတ်ကိုယ်စားလှယ်အဖွဲ့နှင့် တောင်ကိုရီးယားနိုင်ငံဆိုင်ရာ တရုတ်သံရုံးမှ ကာကွယ်ရေး စစ်သံမှူးစသည့် သက်ဆိုင်ရာပုဂ္ဂိုလ်များက စေတနာ့ဝန်ထမ်း အာဇာနည်စစ်သည်များ၏ ရုပ်ကြွင်းများကို အမိမြေသို့ ပြန်လည် သယ်ဆောင်ခြင်းအား အတူတကွ သက်သေပြုခဲ့ကြသည်။
၂၀၁၄ ခုနှစ်မှစတင်၍ တရုတ်နှင့် တောင်ကိုရီးယားတို့သည် နိုင်ငံတကာဥပဒေနှင့် လူသားချင်းစာနာထောက်ထားမှုဆိုင်ရာ အခြေခံမူများကို လိုက်နာကြပြီး ချစ်ခင်ရင်နှီးပွင့်လင်းစွာ၊ လက်တွေ့ကျကျ ပူးပေါင်းဆောင်ရွက်ကာ တောင်ကိုရီးယားနိုင်ငံရှိ စေတနာ့ဝန်ထမ်း အာဇာနည်စစ်သည်ပေါင်း ၉၈၁ ဦး၏ ရုပ်ကြွင်းများနှင့် ဆက်ဆိုင်ရာ ကျန်ရစ်ခဲ့သည့် ပစ္စည်းများကို ၁၁ နှစ်ဆက်တိုက် အောင်မြင်စွာ လွှဲပြောင်းပေးအပ်ခဲ့သည်။ (Xinhua)

တရုတ်နိုင်ငံ စိန်ရန်မြို့ ချင်းနျန်းလမ်းမတွင် ဆောင်ပုဒ်စာသားအား နိုဝင်ဘာ ၂၇ ရက်က တွေ့ရစဉ် (ဆင်ဟွာ)

………………………..
(Chinese Version)
第十一批在韩中国人民志愿军烈士遗骸回国
新华社沈阳11月28日电（记者黎云、李秉宣）记者从退役军人事务部获悉，第十一批在韩中国人民志愿军烈士遗骸28日回国。
28日上午，中韩双方在韩国仁川烈士遗骸临时安置所共同举行第十一批在韩中国人民志愿军烈士遗骸装殓仪式。韩方对志愿军烈士遗骸进行装殓，向中方移交43位在韩中国人民志愿军烈士遗骸及495件遗物。
装殓仪式后，中韩双方共同将烈士遗骸棺椁运送至韩国仁川国际机场。中方在仁川国际机场停机坪举行庄严悼念仪式，奏唱中华人民共和国国歌。中国驻韩国使馆临时代办方坤为烈士遗骸棺椁一一覆盖国旗。全体人员向志愿军烈士三鞠躬。中国人民解放军仪仗司礼大队礼兵手持国旗，引领护送烈士遗骸棺椁登上空军运-20专机。
退役军人事务部党组成员、副部长曹俊，中国驻韩国使馆临时代办方坤出席仪式。中央宣传部、中央对外联络部、外交部、国家发展改革委、财政部、退役军人事务部、中央军委政治工作部等军地有关部门组成的中方交接代表团组和中国驻韩国使馆国防武官等相关人员共同见证迎接志愿军烈士遗骸回家。
2014年以来，中韩双方遵循国际法和人道主义原则，坦诚友好、务实合作，已连续11年成功交接981位在韩志愿军烈士遗骸及相关遗物。（完）
图说1：11月27日拍摄的沈阳街头的标语。新华社记者 李钢 摄
图说2：这是在沈阳市青年大街拍摄的标语（11月27日摄）。新华社记者 潘昱龙 摄