ဂျပန်နိုင်ငံ လစ်ဘရယ်ဒီမိုကရက်တစ်ပါတီဥက္ကဋ္ဌသစ်ရာထူးအတွက် ယှဉ်ပြိုင်မှု၊ မကြာမီက ဥက္ကဋ္ဌလောင်းအဖြစ် ဝင်ရောက်ရွေးချယ်ခံရန် လူအများအပြား စီစဉ်နေ

ပေကျင်း၊ ဩဂုတ် ၂၆ ရက် (ဆင်ဟွာ)

ဂျပန်နိုင်ငံ ဒစ်ဂျစ်တယ်ဝန်ကြီး Taro Kono နှင့် သဘာဝပတ်ဝန်းကျင် ထိန်းသိမ်းရေးဝန်ကြီးဟောင်း Shinjiro Koizumi တို့သည် မကြာသေးမီက ဂျပန်အာဏာရပါတီ လစ်ဘရယ်ဒီမိုကရက်တစ်ပါတီ၏ ဥက္ကဋ္ဌသစ်ရာထူးအတွက် ဝင်ရောက်ရွေးချယ်ခံရန် ကြေညာမည်ဖြစ်ပြီး အခြားသော ပါဝင်ယှဉ်ပြိုင်မည့်သူများကလည်း ကြေညာရန် သင့်တော်သောအချိန်ကို စဉ်စားနေကြကြောင်း ဂျပန်မီဒီယာများက ဩဂုတ် ၂၅ ရက်တွင် သတင်းထုတ်ပြန်ခဲ့သည်။ ယခုအကြိမ်တွင် လစ်ဘရယ်ဒီမိုကရက်တစ်ပါတီ၏ ဥက္ကဋ္ဌလောင်းရွေးချယ်ပွဲယှဉ်ပြိုင်မှုသည် ပိုမိုပြင်းထန်လာမည်ဖြစ်သည်။

ဂျပန်နိုင်ငံ လစ်ဘရယ်ဒီမိုကရက်တစ်ပါတီသည် ပါတီဥက္ကဋ္ဌ ရွေးချယ်ပွဲ မဲပေးမှုကို စက်တင်ဘာ ၂၇ ရက်တွင် ကျင်းပမည်ဖြစ်ပြီး မဲဆွယ်စည်းရုံးမှု ကြေညာချက်ကို စက်တင်ဘာ ၁၂ ရက်တွင် ထုတ်ပြန်မည်ဖြစ်သည်။ လက်ရှိဂျပန်ဝန်ကြီးချုပ်၊ လစ်ဘရယ်ဒီမိုကရက်တစ်ပါတီဥက္ကဋ္ဌ ဖူမီအို ခီရှီဒါက ဥက္ကဋ္ဌလောင်းအဖြစ် ဝင်ရောက်ရွေးချယ်ခံခြင်းမှနုတ်ထွက်ကြောင်း ကြေညာခဲ့ပြီး ၎င်းအနေဖြင့် ရွေးကောက်ပွဲအပြီးတွင် ဝန်ကြီးချုပ်အဖြစ် ဆက်လက်တာဝန်ယူတော့မည်မဟုတ်ကြောင်းနှင့် လစ်ဘရယ်ဒီမိုကရက်တစ်ပါတီဥက္ကဋ္ဌသစ်က ဝန်ကြီးချုပ်အဖြစ် တာဝန်ထမ်းဆောင်မည်ဖြစ်ကြောင်း သိရသည်။
Taro Kono သည် ပါတီဥက္ကဋ္ဌအဖြစ် ဝင်ရောက်ရွေးချယ်ခံမည်ဟု တရားဝင်ကြေညာရန် ဩဂုတ် ၂၆ ရက်၌ သတင်းစာရှင်းလင်းပွဲတစ်ခု ပြုလုပ်ရန် စီစဉ်ထားကြောင်း ဂျပန်မီဒီယာများက ဩဂုတ် ၂၅ ရက်တွင် သတင်းထုတ်ပြန်ခဲ့သည်။ ၎င်းသည် ဥက္ကဋ္ဌလောင်းအဖြစ် တရားဝင် ကြေညာခဲ့သည့် တတိယမြောက် ပြိုင်ပွဲဝင် ဖြစ်လာမည်ဖြစ်သည်။ ယခင်က စီးပွားရေးလုံခြုံရေးဝန်ကြီးဟောင်း Takayuki Kobayashi နှင့် လစ်ဘရယ် ဒီမိုကရက်တစ်ပါတီ ညွှန်ကြားရေးမှူးချုပ်ဟောင်း Shigeru Ishiba တို့သည်လည်း ဝင်ရောက်ရွေးချယ်ခံရန် ကြေညာခဲ့ပြီးဖြစ်သည်။
Shinjirō Koizumi သည် ဥက္ကဋ္ဌလောင်းအဖြစ် ဝင်ရောက်ရွေးချယ်ခံမည်ကို ဩဂုတ် ၃၀ ရက်၌ တရားဝင်ကြေညာမည်ဖြစ်ကြောင်း ဂျပန်မီဒီယာများ၏ အဆိုအရ သိရသည်။ ထို့အပြင် ဥက္ကဋ္ဌလောင်းအဖြစ် ဝင်ရောက်ရွေးချယ်ခံရန် လိုအပ်သော လွှတ်တော်အမတ် ၂၀ ၏ ထောက်ခံချက်များကို စုဆောင်းခဲ့ပြီးဖြစ်ကြောင်း၊ လစ်ဘရယ်ဒီမိုကရက်တစ်ပါတီ ညွှန်ကြားရေးမှူးချုပ် Toshimitsu Motegi ၊ အစိုးရအဖွဲ့အတွင်းဝန်ချုပ် Yoshimasa Hayashi ၊ လက်ရှိ စီးပွားရေးလုံခြုံရေးဝန်ကြီး Sanae Takaichi တို့ကလည်း ဥက္ကဋ္ဌလောင်းအဖြစ် ဝင်ရောက်ရွေးချယ်ခံမည့်သတင်းအား ပြင်ပသို့ ကြေညာရန် သင့်တော်သောအချိန်ကို စဉ်စားနေကြကြောင်း နိုင်ငံခြားရေးဝန်ကြီး Yōko Kamikawa က ပြောကြားခဲ့သည်။
လစ်ဘရယ်ဒီမိုကရက်တစ်ပါတီ ဥက္ကဋ္ဌသစ်အဖြစ် မည်သူ့အား ရွေးကောက်တင်မြှောက်လိုပါသနည်းဟု မေးမြန်းခဲ့ရာ ဝင်ရောက်ရွေးချယ်ခံမည့်အလားအလာရှိသော လွှတ်တော်အမတ် ၁၁ ဦးအနက် ဖြေဆိုသူ ၂၉ ရာခိုင်နှုန်းက Shigeru Ishiba ၊ ၁၆ ရာခိုင်နှုန်းက Shinjirō Koizumi ၊ ၁၃ ရာခိုင်နှုန်းက Sanae Takaichi ကို ရွေးချယ်ခဲ့ပြီး အခြား ၁၂ ရာခိုင်နှုန်းက “နာမည်စာရင်းတွင် ရွေးချယ်ခံစေချင်သောသူ မပါဝင်ပါ” ဟု ဖြေဆိုခဲ့သလို ၇ ရာခိုင်နှုန်းမှာမူ “မသိဘူး၊ ဂရုမစိုက်ဘူး” ဟူ၍ ဖြေဆိုခဲ့ကြောင်း ဂျပန်နိုင်ငံ Mainichi Shimbun ၏ စစ်တမ်းတစ်ခုအရ သိရသည်။ (Xinhua)

…………………
(Chinese Version)
日本自民党新总裁之争：多人拟于近日宣布参选
新华社北京8月26日电 日本媒体25日报道，日本数字大臣河野太郎、前环境大臣小泉进次郎将于近日宣布参选日本执政党自由民主党新总裁，另有多名竞争者正考虑宣布参选的合适时机。届时自民党总裁选战将更加激烈。
日本自民党将于9月27日举行党总裁选举投票，竞选公告将于9月12日发布。现任日本首相、自民党总裁岸田文雄已宣布放弃参选，这意味着选后他将不再担任首相，自民党新总裁将接任首相。
日本媒体25日报道，河野太郎计划26日召开记者会，正式宣布参选党总裁。他将成为第三个公开宣布参选的竞争者。此前，前经济安全保障担当大臣小林鹰之和自民党前干事长石破茂已宣布参选。
按日本媒体说法，小泉进次郎将于30日正式宣布加入角逐。此外，外务大臣上川阳子25日表示已集齐参选党总裁所需的20名国会议员推荐，自民党干事长茂木敏充、内阁官房长官林芳正、现任经济安全保障担当大臣高市早苗正考虑对外宣布参选的合适时机。
日本《每日新闻》25日发布的一项民调结果显示，当被问及希望谁当选自民党新总裁时，在有参选意向的11名国会议员中，29%的受访者选择石破茂，16%选择小泉进次郎，13%选择高市早苗。另有12%的受访者回答“希望当选者不在名单中”，7%表示“不知道、不关心”。（张旌）
图说：8月14日，日本首相岸田文雄出席在东京首相官邸举行的记者会。新华社发（Pool图片，方家远摄）