မြန်မာနိုင်ငံ ငလျင်ဒဏ်သင့်မှုနှင့်စပ်လျဉ်း၍ ရှီကျင့်ဖိန်က မြန်မာနိုင်ငံ အကြီးအကဲ ဗိုလ်ချုပ်မှူးကြီး မင်းအောင်လှိုင်အား နှစ်သိမ့်ကြောင်း သဝဏ်လွှာပေးပို့

ပေကျင်း၊ မတ် ၂၉ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် မြန်မာနိုင်ငံ ငလျင်ဒဏ်သင့်မှုနှင့်စပ်လျဉ်း၍ မတ် ၂၉ ရက်တွင် မြန်မာနိုင်ငံအကြီးအကဲ ဗိုလ်ချုပ်မှူးကြီး မင်းအောင်လှိုင်အား နှစ်သိမ့်ကြောင်း သဝဏ်လွှာပေးပို့ခဲ့သည်။

သဝဏ်လွှာတွင် ရှီကျင့်ဖိန်က မြန်မာနိုင်ငံ၌ ပြင်းထန်သော ငလျင်ဒဏ်သင့်ပြီး ကြီးမားသော လူသေဆုံးဒဏ်ရာရရှိမှုနှင့် ပစ္စည်းဥစ္စာဆုံးရှုံးမှုများ ဖြစ်ပွားသည်ကို ထိတ်လန့်စွာ ကြားသိရကြောင်း၊ မိမိအနေဖြင့် တရုတ်နိုင်ငံအစိုးရနှင့် တရုတ်နိုင်ငံပြည်သူများကိုယ်စား သေဆုံးသူများအပေါ် အလေးအနက် ဝမ်းနည်းမိကြောင်း၊ သေဆုံးသူ၏ မိသားစုဝင်များ၊ ဒဏ်ရာရရှိသူများနှင့် ငလျင်ဒဏ်သင့်ဒေသမှ ပြည်သူများကို စိတ်ရင်းစေတနာမှန်ဖြင့် နှစ်သိမ့်အားပေးပါကြောင်း ရေးသားဖော်ပြခဲ့သည်။

ရှီကျင့်ဖိန်က တရုတ်နိုင်ငံနှင့် မြန်မာနိုင်ငံသည် အခက်အခဲများကို အတူတကွကျော်ဖြတ်ကြသော အေးအတူပူအမျှအသိုက်အဝန်းဖြစ်ကြောင်း၊ နှစ်နိုင်ငံပြည်သူများ၏ ဆွေမျိုးပေါက်ဖော်ချစ်ကြည်ရေး သံယောဇဉ်သည် နက်ရှိုင်းလှကြောင်း၊ ငလျင်ဒဏ်သင့်ဒေသရှိပြည်သူများ သဘာဝဘေးအန္တရာယ်ကို ဆောလျင်စွာ ကျော်ဖြတ်နိုင်ပြီး နေရပ်ဌာနေ ပြန်လည်တည်ဆောက်နိုင်ရေးအတွက် တရုတ်နိုင်ငံအနေဖြင့် မြန်မာနိုင်ငံဘက်သို့ လိုအပ်သည့်အကူအညီများ ပေးအပ်သွားရန် ဆန္ဒရှိကြောင်း ရေးသားဖော်ပြခဲ့သည်။

ထိုနေ့တွင်ပင် တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်ကလည်း မြန်မာနိုင်ငံက ငလျင်ဒဏ်သင့်မှုနှင့်စပ်လျဉ်း၍ ဗိုလ်ချုပ်မှူးကြီး မင်းအောင်လှိုင်ထံ သဝဏ်လွှာပေးပို့ခဲ့သည်။ (Xinhua)

——————
(Chinese Version)
习近平就缅甸遭受地震灾害向缅甸领导人敏昂莱致慰问电
新华社北京3月29日电　3月29日，国家主席习近平就缅甸遭受地震灾害向缅甸领导人敏昂莱致慰问电。
习近平表示，惊悉缅甸遭受强烈地震灾害，造成重大人员伤亡和财产损失。我谨代表中国政府和中国人民，对遇难者表示深切哀悼，向遇难者家属、受伤人员和灾区民众致以诚挚慰问。中国和缅甸是同甘共苦的命运共同体，两国人民胞波情谊深厚。中方愿向缅方提供需要的帮助，支持灾区人民早日战胜灾害、重建家园。
同日，国务院总理李强就缅甸遭受地震灾害向敏昂莱致慰问电。（完）