တရုတ်နိုင်ငံက မြန်မာနိုင်ငံကို အရေးပေါ် လူသားချင်းစာနာမှု သဘာဝဘေးကယ်ဆယ်ရေး အကူအညီ အသစ်တစ်သုတ် ထပ်မံထောက်ပံ့မည်

ပေကျင်း၊ ဧပြီ ၁၁ ရက် (ဆင်ဟွာ)

တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လျင်ကျန့်သည် ဧပြီ ၁၀ ရက် ပုံမှန်သတင်းစာရှင်းလင်းပွဲ၌ တရုတ်နိုင်ငံက မြန်မာနိုင်ငံ ငလျင်ဒဏ် ကယ်ဆယ်ရေးအတွက် ကူညီပေးမှု သက်ဆိုင်ရာအခြေအနေများနှင့် နောက်တစ်ဆင့် စဉ်းစားထားမှုများအကြောင်း မိတ်ဆက်ပြောကြားခဲ့သည်။ ချစ်ကြည်ရင်းနှီးသော အိမ်နီးချင်းနိုင်ငံနှင့် ဆွေမျိုးပေါက်ဖော် ညီအစ်ကိုအနေဖြင့် တရုတ်နိုင်ငံက မြန်မာနိုင်ငံကို အရေးပေါ် လူသားချင်းစာနာမှု သဘာဝဘေးကယ်ဆယ်ရေး အကူအညီ အသစ်တစ်သုတ် ထပ်မံထောက်ပံ့ပေးရန် ဆုံးဖြတ်လိုက်ကြောင်း သိရသည်။
မြန်မာနိုင်ငံ၏ မတ် ၂၈ ရက် ငလျင် (မန္တလေးငလျင်ကြီး) လှုပ်ခတ်ပြီးကတည်းက တရုတ်နိုင်ငံအနေဖြင့် မြန်မာနိုင်ငံ ကယ်ဆယ်ရေးလုပ်ငန်းများလုပ်ဆောင်ရန် အစွမ်းကုန် ကူညီလုပ်ဆောင်ပေးခဲ့ရာ မြန်မာပြည်သူများနှင့် နိုင်ငံတကာအသိုက်အဝန်း၏ ချီးကျူးခြင်းခံခဲ့ရကြောင်း၊ တရုတ်နိုင်ငံက မြန်မာနိုင်ငံ ငလျင်ဒဏ် ကယ်ဆယ်ရေးအတွက် ကူညီပေးမှု သက်ဆိုင်ရာအခြေအနေများနှင့် နောက်တစ်ဆင့် စဉ်းစားထားမှုများအကြောင်းကို ပြောရေးဆိုခွင့်ရှိသူမှ မိတ်ဆက်ပေးရန် သတင်းထောက်က ထိုနေ့ သတင်းစာရှင်းလင်းပွဲတွင် မေးမြန်းခဲ့သည်။
မြန်မာနိုင်ငံတွင် ငလျင်လှုပ်ခတ်ပြီးနောက် တရုတ်ကယ်ဆယ်ရေးအင်အားများက အမြန်ဆုံးစုစည်းကာ အချိန်လု၍ အသက်ကယ်ဆယ်မှုများ လုပ်ဆောင်ခဲ့ကြောင်း လျင်ကျန့်က ပြောကြားခဲ့သည်။ တရုတ်နိုင်ငံသည် မြန်မာနိုင်ငံအပေါ် အရေးပေါ်ကူညီမှုများ ထောက်ပံ့ပေးမည်ဟု ပထမဆုံး ထုတ်ပြန်ကြေညာခဲ့ပြီး မြန်မာနိုင်ငံသို့ ကယ်ဆယ်ရေးအဖွဲ့ ပထမဆုံးစေလွှတ်ခဲ့ကာ မြန်မာနိုင်ငံတွင် ပိတ်မိနေပြီး အသက်ရှင်ကျန်ရစ်သူအား ပထမဆုံးကယ်ထုတ်နိုင်ခဲ့သည့်အပြင် ငလျင်သင့်ဒေသ၌ ပထမဆုံး ပြန်လည်နေရာချထားရေးစခန်း တည်ဆောက်ခဲ့ကြောင်း ၎င်းက ပြောကြားခဲ့သည်။
တရုတ်နိုင်ငံမှ ကယ်ဆယ်ရေးအဖွဲ့ ၃၀ ကျော်၊ ကယ်ဆယ်ရေးအဖွဲ့ဝင် ၆၀၀ ကျော် မြန်မာနိုင်ငံသို့သွားရောက်၍ ကယ်ဆယ်ရေးလုပ်ငန်းများ လုပ်ဆောင်ခဲ့ပြီး မြန်မာနိုင်ငံကို အရေးပေါ်ကယ်ဆယ်ရေး အကူအညီပစ္စည်းများ အသုတ်များစွာ ထောက်ပံ့ပေးခဲ့သဖြင့် တရုတ်နိုင်ငံ အမြန်နှုန်း၊ တရုတ်နိုင်ငံ အင်အား၊ တရုတ်နိုင်ငံ နွေးထွေးမှုတို့ကို ဖော်ပြလိုက်ကာ မြန်မာပြည်သူများ၏ လှိုက်လှိုက်လှဲလှဲ ကြိုဆိုမှုနှင့် ကျေးဇူးတင်ရှိမှုများ ရရှိခဲ့ကြောင်း ၎င်းကဆိုသည်။
လက်ရှိ မြန်မာနိုင်ငံ၏ သဘာဝဘေးကယ်ဆယ်ရေးလုပ်ငန်းများသည် ကပ်ရောဂါ ကာကွယ်ထိန်းချုပ်ရေးနှင့် ပြန်လည်ထူထောင်ရေး လုပ်ငန်းများအဆင့်သို့ ပြောင်းလဲဝင်ရောက်သွားပြီဖြစ်ကြောင်း လျင်ကျန့်က ပြောကြားခဲ့သည်။
ချစ်ကြည်ရင်းနှီးသော အိမ်နီးချင်းနှင့် ဆွေမျိုးပေါက်ဖော် ညီအစ်ကိုအနေဖြင့် တရုတ်နိုင်ငံသည် မြန်မာနိုင်ငံသို့ အရေးပေါ် လူသားချင်းစာနာမှု သဘာဝဘေးကယ်ဆယ်ရေး အကူအညီ အသစ်တစ်သုတ် ထပ်မံထောက်ပံ့ပေးရန် ဆုံးဖြတ်ခဲ့ကြောင်း၊ အဆိုပါအကူအညီများတွင် လောင်စာဆီ၊ အသင့်တပ်ဆင်ရန်အိမ် (prefabricated houses) ၊ ခွဲစိတ်ခန်း၊ ဆေးဝါး၊ ကာကွယ်ဆေး စသည့် အရေးပေါ်လိုအပ်သော ပစ္စည်းများ ပါဝင်ကြောင်း ၎င်းကဆိုသည်။
ထို့ပြင် ကုသကယ်ဆယ်ရေးနှင့် ပိုးသတ်ခြင်းများ လုပ်ဆောင်ရန်အတွက် ဆေးကုသရေးနှင့် ကပ်ရောဂါကာကွယ်ရေး ကျွမ်းကျင်ပညာရှင်အဖွဲ့များ စေလွှတ်သွားမည်ဖြစ်ကြောင်း၊ အဆောက်အအုံ ဘေးကင်းလုံခြုံမှုနှင့် ယဉ်ကျေးမှုပစ္စည်းများ ပျက်စီးမှု အခြေအနေအား စစ်ဆေးအကဲဖြတ်ရန်နှင့် ခိုင်ခံ့အောင် ပြုပြင်မွမ်းမံရန်အတွက်လည်း ပညာရှင်များ စေလွှတ်သွားမည်ဖြစ်ကြောင်း ၎င်းက ပြောကြားခဲ့သည်။
“သဘာဝဘေးအန္တရာယ်က မေတ္တာမရှိသော်လည်း လူ့လောကမှာ မေတ္တာတရားရှိပါတယ်” ဟု လျင်ကျန့်က ပြောကြားခဲ့သည်။ “တရုတ်နိုင်ငံအနေဖြင့် တရုတ်-မြန်မာ ဆွေမျိုးပေါက်ဖော် ချစ်ကြည်ရေးသံယောဇဉ်ကို ပြန့်ပွားအောင်လုပ်ဆောင်ပြီး အခက်အခဲများကို အတူတကွကျော်ဖြတ်ကြသော တရုတ်-မြန်မာ အေးအတူပူအမျှအသိုက်အဝန်းစိတ်ဓာတ် အရင်းခံကာ မြန်မာပြည်သူများ အခက်အခဲကိုကျော်ဖြတ်၍ နေရပ်ဌာနေ ပြန်လည်တည်ဆောက်ရန် ကူညီပေးသွားမှာဖြစ်ပါတယ်” ဟုလည်း ၎င်းက ဆိုခဲ့သည်။ (Xinhua)

——————————
(Chinese Version)
中方将向缅方追加提供新一批紧急人道主义救灾援助
新华社北京4月10日电（记者袁睿、成欣）外交部发言人林剑10日在例行记者会上介绍了中方助缅抗震救灾相关情况和下步考虑。作为友好邻邦和胞波兄弟，中方决定将向缅方追加提供新一批紧急人道主义救灾援助。
有记者问：3月28日缅甸地震以来，中方全力协助缅方开展救援工作，得到缅甸民众和国际社会的赞誉。发言人能否介绍中方助缅抗震救灾的相关情况和下步考虑？
林剑说，缅甸地震发生后，中国救援力量迅速集结，与时间赛跑，展开生命救援。中国第一个宣布对缅提供紧急援助、第一个向缅派出救援队、第一个在缅救出受困幸存者、第一个在震区搭建起安置中心。中方30多支救援队、600多名救援队员赴缅施救，并向缅提供多批紧急救援物资，展现了中国速度、中国力度、中国温度，受到缅甸人民热情欢迎和由衷感谢。
林剑表示，当前缅甸救灾工作已转入疫情防控和恢复重建。作为友好邻邦和胞波兄弟，中方决定将向缅方追加提供新一批紧急人道主义救灾援助，用于提供成品油、板房、手术室、药品、疫苗等急需物资，派遣医疗防疫专家组开展救治和消杀，派遣专家进行建筑安全和文物受损检测评估、加固修复。
“天灾无情，人间有爱。”林剑说，“中国将弘扬中缅胞波情谊，秉持同甘共苦的中缅命运共同体精神，帮助缅甸人民克服困难，重建家园。”（完）