တရုတ်နိုင်ငံ ကြက်ခြေနီအသင်း၏ ပထမဆုံးအသုတ် မြန်မာနိုင်ငံသို့ ကူညီပေးသည့်ပစ္စည်းများ ငလျင်ဗဟိုချက်ဖြစ်ခဲ့သည့် မန္တလေးမြို့သို့ ရောက်ရှိ

ပေကျင်း၊ ဧပြီ ၂ ရက် (ဆင်ဟွာ)
တရုတ်နိုင်ငံ ကြက်ခြေနီအသင်း၏ ပထမဆုံးအသုတ် မြန်မာနိုင်ငံသို့ ကူညီပေးသည့်ပစ္စည်းများသည် တရုတ်နိုင်ငံ ယူနန်ပြည်နယ် လျင်ချန်းမြို့ မိန်းတိန်-ချင်းရွှေဟော် နယ်စပ်ဂိတ်မှ မြန်မာနိုင်ငံ ပြည်တွင်းသို့ ရောက်ရှိပြီးနောက် ဧပြီ ၂ ရက်တွင် ငလျင်ဗဟိုချက်ဖြစ်ခဲ့သည့် မန္တလေးမြို့တွင်းသို့ ရောက်ရှိခဲ့ကြောင်း တရုတ်နိုင်ငံ ကြက်ခြေနီအသင်းချုပ်မှ သိရှိရသည်။

အဆိုပါပစ္စည်းများတွင် ရွက်ဖျင်တဲ၊ ခြုံစောင်၊ ခေါက်ကုတင်နှင့် ငလျင်ဒဏ်သင့်အိမ်ထောင်စုပေါင်း ၂,၀၀၀ အသုံးပြုရန်လုံလောက်သော အကူအညီပစ္စည်းအိတ် စသည်တို့ အခုရေ (အစုံရေ) ၄,၉၀၀ ကျော်ပါဝင်ပြီး မြန်မာနိုင်ငံ ကြက်ခြေနီအသင်းမှတစ်ဆင့် ငလျင်ဒဏ်သင့်ပြည်သူများအား ခွဲဝေပေးသွားမည်ဖြစ်ကြောင်း သိရသည်။

ကနဦးကာလက မြန်မာနိုင်ငံသို့ရောက်ရှိလာသည့် တရုတ်နိုင်ငံ ကြက်ခြေနီအသင်း နိုင်ငံတကာကယ်ဆယ်ရေးအဖွဲ့သည် မြန်မာနိုင်ငံဘက်က ပစ္စည်းများခွဲဝေပေးရေးနှင့် ငလျင်ဒဏ်သင့်ပြည်သူများ ယာယီနေထိုင်ရာနေရာ တည်ဆောက်မှု စသည့်လုပ်ငန်းများတွင် ကူညီလုပ်ဆောင်ပေးသွားမည်ဖြစ်သည်။

၂၀၂၅ ခုနှစ် မတ် ၂၈ ရက်တွင် မြန်မာနိုင်ငံ၌ ၇.၉ အဆင့် ငလျင်လှုပ်ခတ်ခဲ့ပြီးနောက် တရုတ်နိုင်ငံ ကြက်ခြေနီအသင်းသည် မြန်မာနိုင်ငံ ကြက်ခြေနီအသင်းထံသို့ နှစ်သိမ့်အားပေးကြောင်း စာလွှာ ချက်ချင်းပေးပို့ခဲ့ပြီး အရေးပေါ် လက်ငင်းကူညီငွေ ယွမ် ၁.၅ သန်း ထောက်ပံ့ပေးခဲ့သည်။

မြန်မာနိုင်ငံ၏ တောင်းဆိုချက်အရ ယူနန် ကြက်ခြေနီအသင်း သဘာဝဘေးအန္တရာယ် ကြိုတင်ပြင်ဆင်ရေးနှင့် ကယ်ဆယ်ရေးစင်တာက ငလျင်ဒဏ်သင့်ဒေသအား ကူညီရန်အတွက် ပစ္စည်းများကို အရေးပေါ်စုဆောင်းပြီး ပို့ဆောင်ခဲ့သည်။ တစ်ချိန်တည်းတွင် လူသားချင်းစာနာမှု ကယ်ဆယ်ရေးလုပ်ငန်းများ လုပ်ဆောင်ရန် တရုတ်ကြက်ခြေနီအသင်း နိုင်ငံတကာ ကယ်ဆယ်ရေးအဖွဲ့အား ငလျင်ဗဟိုချက်ဖြစ်ခဲ့သည့်နေရာသို့ စေလွှတ်ခဲ့သည်။

လက်ရှိတွင် ပထမဆုံး မန္တလေးမြို့သို့ရောက်ရှိသည့် ကြက်ခြေနီအသင်း ကယ်ဆယ်ရေးအဖွဲ့ဝင် ၁၅ ဦးသည် အဆောက်အဦဖြိုဖျက်၍ ရှာဖွေကယ်ဆယ်ရေး၊ ရှေးဦးသူနာပြုကုသရေးနှင့် ရွှေ့ပြောင်းပို့ဆောင်ရေး၊ ကုသရေးနှင့် ကယ်ဆယ်ကူညီရေး၊ စိတ်ပိုင်းဆိုင်ရာ တိုင်ပင်ဆွေးနွေးခြင်း စသည့်လုပ်ငန်းများ လုပ်ဆောင်လျက်ရှိသည်။ တရုတ်နိုင်ငံ ကြက်ခြေနီအသင်းအနေဖြင့် မြန်မာနိုင်ငံ ငလျင်ဒဏ်ကယ်ဆယ်ရေးလုပ်ငန်း လိုအပ်ချက်များကို ဆက်လက်ဂရုပြုသွားမည်ဖြစ်ပြီး အခြေအနေအရ လူသားချင်းစာနာမှု အကူအညီများ ဆက်လက်ပေးသွားမည်ဖြစ်သည်။ (Xinhua)

———————-
(Chinese Version)
中国红十字会首批援缅物资运抵震中曼德勒
新华社北京4月2日电（记者董博婷）记者从中国红十字会总会获悉，中国红十字会首批援助缅甸物资经云南省临沧市孟定清水河口岸进入缅甸境内后，于4月2日运抵震中曼德勒市区。
据悉，该批物资包括帐篷、毛巾被、折叠床以及可满足2000个受灾家庭使用的赈济家庭包等4900余件（套），将交由缅甸红十字会分发给受灾民众，前期入缅的中国红十字国际救援队将协助缅方开展物资发放和安置点建设等工作。
2025年3月28日，缅甸7.9级地震发生后，中国红十字会即向缅甸红十字会发出慰问信并提供150万元人民币紧急现汇援助。应缅方需求，从云南红十字备灾救灾中心紧急调运物资援助灾区，同时派出中国红十字国际救援队前往震中开展人道救援。目前，首批抵达曼德勒市的15名红十字救援队员正开展破拆搜救、护理转运、医疗救助和心理疏导等工作。中国红十字会将持续关注缅甸抗震救灾需求，视情况继续给予人道援助。（完）
图说：当地时间4月1日上午，中国救援队和中国香港特区救援队再次来到缅甸曼德勒天空公寓开展联合搜救。新华社记者 才扬 摄