ရှီကျင့်ဖိန်နှင့် မြန်မာနိုင်ငံ ယာယီ သမ္မတ မင်းအောင်လှိုင် တွေ့ဆုံဆွေးနွေး

ထျန်းကျင်း၊ ဩဂုတ် ၃၀ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် တရုတ်နိုင်ငံသို့ လာရောက်၍ ၂၀၂၅ ခုနှစ် ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ထိပ်သီးအစည်းအဝေး၊ တရုတ်ပြည်သူများ ဖက်ဆစ်ဂျပန်ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အခမ်းအနားသို့ တက်ရောက်သော မြန်မာနိုင်ငံ ယာယီ သမ္မတ မင်းအောင်လှိုင်အား ထျန်းကျင်းမြို့ ဧည့်ဂေဟာတွင် ဩဂုတ် ၃၀ ရက် ညနေပိုင်းက လက်ခံတွေ့ဆုံဆွေးနွေးခဲ့သည်။

ထိုသို့ တွေ့ဆုံရာတွင် ရှီကျင့်ဖိန်က မြန်မာနိုင်ငံသည် ကမ္ဘာ့ဖက်ဆစ်တော်လှန်ရေးစစ်ပွဲ အရှေ့တိုင်းစစ်မျက်နှာစာ၏ အစိတ်အပိုင်းတစ်ခုဖြစ်ခဲ့သလို ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ၏ အရေးကြီး ဆွေးနွေးဖက်နိုင်ငံဖြစ်ကြောင်း၊ တရုတ်-မြန်မာ ဆွေမျိုးပေါက်ဖော်ချစ်ကြည်ရေးသည် ပြည်သူတွင် အခြေတည်၍ အချိန်ကာလကြာသည်နှင့်အမျှ ပို၍ရှင်သန်တိုးတက်လျက်ရှိကြောင်း၊ နှစ်ဖက်အနေဖြင့် တရုတ်-မြန်မာ သံတမန်ဆက်ဆံရေး ထူထောင်ခြင်း ၇၅ နှစ်ပြည့် အခါသမယကို အခွင့်အလမ်းအဖြစ်ထားရှိကာ မဟာဗျူဟာ ပူးပေါင်းဆောင်ရွက်မှု နက်ရှိုင်းစေရန်၊ အေးတူ ပူအမျှ အသိုက်အဝန်း တည်ဆောက်ရေး အရှိန်မြှင့်တွန်းအားပေးရန်၊ နှစ်နိုင်ငံပြည်သူများ၏ အကျိုးစီးပွားကို ပိုမိုဆောင်ကြဉ်းပေးရန် ဆောင်ရွက်ကြရမည်ဖြစ်ကြောင်း ပြောကြားခဲ့သည်။

တရုတ်နိုင်ငံအနေဖြင့် မြန်မာနိုင်ငံ၏ မိမိနိုင်ငံအကျိုးစီးပွားနှင့်လျော်ညီသည့် ဖွံ့ဖြိုးတိုးတက်ရေးလမ်းစဉ် လျှောက်လှမ်းမှု၊ နိုင်ငံ အချုပ်အခြာအာဏာ၊ လုံခြုံရေး၊ ဖွံ့ဖြိုးတိုးတက်ရေးအကျိုးစီးပွားကို ကာကွယ်မှုအပေါ် ထောက်ခံသလို မြန်မာနိုင်ငံ ငလျင်ကြီးအလွန် ပြန်လည်တည်ဆောက်ရေး၊ လူမှုဘဝကောင်းမွန်ရေး ဆောင်ရွက်မှုများကို ထောက်ခံပြီး မြန်မာနိုင်ငံအနေဖြင့် ပြည်တွင်းနိုင်ငံရေးအင်အားကို ကျယ်ကျယ်ပြန့်ပြန့် သွေးစည်းညီညွတ်အောင် ဆောင်ရွက်ကာ တည်ငြိမ်ရေးနှင့် ဖွံ့ဖြိုးတိုးတက်ရေး ပြန်လည်ဖော်ဆောင်မှုကို ထောက်ခံကြောင်း ရှီကျင့်ဖိန်က အလေးထားပြောကြားခဲ့သည်။

နှစ်ဖက်အနေဖြင့် တရုတ်-မြန်မာ စီးပွားရေးစင်္ကြံအဓိကစီမံကိန်းများကို တွန်းအားပေးဆောင်ရွက်ကာ ကုန်သွယ်စီးပွားကဏ္ဍ ပူးပေါင်းဆောင်ရွက်မှုကို မြှင့်တင်ရမည်ဖြစ်ကြောင်း၊ နယ်စပ်ဖြတ်ကျော် ပြစ်မှုကျူးလွန်မှုများကို စုပေါင်းအင်အားဖြင့် တိုက်ဖျက်ကာ တရုတ်-မြန်မာ နယ်စပ်ဒေသ တည်ငြိမ်အေးချမ်းရေးကို အတူတကွကာကွယ်ရမည် ဖြစ်သလို မြန်မာနိုင်ငံရှိ တရုတ်နိုင်ငံ၏ လူပုဂ္ဂိုလ်၊ အဖွဲ့အစည်း၊ စီမံကိန်းလုံခြုံရေးကို သေချာစေရမည်ဖြစ်ကြောင်း၊ ငြိမ်းချမ်းစွာ အတူယှဉ်တွဲနေထိုင်ရေး မူကြီး ငါးရပ် စိတ်ဓာတ်ကို မြှင့်တင်ကာ ကုလသမဂ္ဂဗဟိုပြုသည့် နိုင်ငံတကာစနစ်ကို အတူတကွ ကာကွယ်ထိန်းသိမ်းရမည် ဖြစ်ကြောင်း ၎င်းက ပြောကြားခဲ့သည်။

မင်းအောင်လှိုင်က မြန်မာ-တရုတ် နှစ်နိုင်ငံသည် နက်ရှိုင်းသည့် ဆွေမျိုးပေါက်ဖော် ချစ်ကြည်ရေးနှင့် ငြိမ်းချမ်းတည်ငြိမ်ရေးအပေါ်  အတူတကွကြိုးပမ်းလိုမှု ရှိကြရာ ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ရေးအတွက် အရေးကြီးသည့်အကျိုးကို ထမ်းဆောင်ခဲ့ကြကြောင်း ပြောကြားခဲ့သည်။

တရုတ်နိုင်ငံသည် အစဉ်အမြဲအားဖြင့် မြန်မာနိုင်ငံ၏ အိမ်နီးချင်းကောင်း၊ မိတ်ဆွေကောင်းဖြစ်ကြောင်း၊ မြန်မာနိုင်ငံ လူမှုစီးပွားဖွံ့ဖြိုးတိုးတက်ရေးအတွက် ရေရှည်ပံ့ပိုးပေးသလို မြန်မာနိုင်ငံ ကပ်ဘေးအလွန် ပြန်လည်တည်ဆောက်ရေးကို အားပေး ပံ့ပိုးခဲ့ပြီး မြန်မာနိုင်ငံ မြောက်ပိုင်း ငြိမ်းချမ်းရေးနှင့် တည်ငြိမ်ရေးအတွက် အပြုသဘောအခန်းကဏ္ဍမှ ပါဝင်ခဲ့ကြောင်း၊ မြန်မာနိုင်ငံအနေဖြင့် တရုတ်တစ်နိုင်ငံတည်းမူဝါဒကို အခိုင်အမာ မမှိတ်မသုန်လက်ကိုင်ထားကျင့်သုံးမည် ဖြစ်ကြောင်း၊ တရုတ်နိုင်ငံနှင့်အတူ “ရပ်ဝန်းနှင့်ပိုးလမ်းမ”အရည်အသွေးမြင့်အတူတည်ဆောက်ကာ ကုန်သွယ်ရေး၊ ရင်းနှီးမြှုပ်နှံရေး၊ စွမ်းအင်၊ အခြေခံအဆောက်အဦစသည့် ကဏ္ဍများ၌ ပူးပေါင်းဆောင်ရွက်မှု တိုးချဲ့ပြီး နှစ်နိုင်ငံပြည်သူများအတွက် ပိုမိုများပြားသော အကျိုးစီးပွားများ ဖန်တီးသွားလိုကြောင်း၊ ရှန်ဟိုင်းပူးပေါင်းဆောင်ရွက်မှုအဖွဲ့ (SCO)၏ ဆွေးနွေးဖက်နိုင်ငံအနေဖြင့် မြန်မာနိုင်ငံသည် SCO ဖွံ့ဖြိုးတိုးတက်ရေးအတွက် တက်ကြွစွာ အကျိုးဆောင်သွားလိုကြောင်း ၎င်းက ပြောကြားခဲ့သည်။

အဆိုပါအခမ်းအနားတွင် နှစ်ဖက်အနေဖြင့် အကောက်ခွန်၊ သတင်းမီဒီယာ စသည့် ကဏ္ဍများဆိုင်ရာ နှစ်ဖက်ပူးပေါင်းဆောင်ရွက်ရေးစာချုပ်များ လက်မှတ်ရေးထိုးခဲ့ကြသည်။

အဆိုပါအခမ်းအနားသို့ ချိုက်ချီ၊ ဝမ်ရိ၊ ချန်မင်အယ် စသည်တို့ ပါဝင်တက်ရောက်ခဲ့ကြကြောင်း သိရသည်။ (Xinhua)

——————

(Chinese Version)

上合组织天津峰会|习近平会见缅甸代总统敏昂莱

新华社天津8月30日电（记者马卓言、白佳丽）8月30日下午，国家主席习近平在天津迎宾馆会见来华出席2025年上海合作组织峰会和纪念中国人民抗日战争暨世界反法西斯战争胜利80周年活动的缅甸代总统敏昂莱。

习近平指出，缅甸是世界反法西斯战争东方战场的组成部分，是上海合作组织重要对话伙伴。中缅胞波情谊植根于人民，历久弥新。双方要以中缅建交75周年为契机，深化战略合作，加快推进命运共同体建设，给两国人民带来更多福祉。

习近平强调，中方支持缅甸走符合本国国情的发展道路，维护国家主权、安全、发展利益，支持缅甸震后重建、改善民生，支持缅甸广泛团结国内政治力量，恢复稳定和发展。双方要推进中缅经济走廊重点项目，促进经贸合作。合力打击跨境犯罪，共同维护中缅边境地区安宁，确保中方在缅人员、机构、项目安全。弘扬和平共处五项原则精神，共同捍卫以联合国为核心的国际体系。

敏昂莱表示，缅中有着深厚的胞波情谊和对和平稳定的共同追求，都为世界反法西斯战争胜利作出重要贡献。中国一直是缅甸的好邻居、好朋友，长期以来为缅经济社会发展提供帮助，支持缅灾后重建，为维护缅北和平稳定发挥建设性作用。缅方将坚定不移奉行一个中国政策，愿同中方高质量共建“一带一路”，拓展贸易、投资、能源、基础设施等领域合作，为两国人民创造更多福祉。作为上海合作组织对话伙伴，缅方愿为上合组织发展积极作出贡献。

双方签署海关、新闻等领域多份双边合作文件。

蔡奇、王毅、陈敏尔等参加会见。（完）

图说：8月30日下午，国家主席习近平在天津迎宾馆会见来华出席2025年上海合作组织峰会和纪念中国人民抗日战争暨世界反法西斯战争胜利80周年活动的缅甸代总统敏昂莱。新华社记者 翟健岚 摄