တရုတ်နိုင်ငံနှင့်ချစ်ကြည်ရင်းနှီးမှုအပေါ် တွန်ဂါနိုင်ငံချီးကျူး ၊ တရုတ်တစ်နိုင်ငံတည်းမူဝါဒကိုမြဲမြံစွာလိုက်နာမည်ဟု ကတိပြု

နူကူးအေလိုဖာ ၊ ဇွန် ၁ ရက်(ဆင်ဟွာ)

၎င်းတို့၏ သံတမန်ဆက်ဆံရေးထူထောင်ချိန်မှစတင်ကာ တွန်ဂါနိုင်ငံ နှင့် တရုတ်နိုင်ငံတို့သည် ခိုင်မာသန်စွမ်းသောတိုးတက်မှုကို မြင်တွေ့ခဲ့ရပြီးဖြစ်ကြောင်း တွန်ဂါနိုင်ငံဘုရင် Tupou VI က မေ ၃၁ ရက်တွင်ပြောကြားခဲ့ပြီး တရုတ်တစ်နိုင်ငံတည်းမူဝါဒကို မြဲမြံစွာလိုက်နာရန် ကတိပြုကြောင်း နှင့် နှစ်နိုင်ငံဆက်ဆံရေးပိုမိုကြီးမားတိုးတက်စေရန် မြှင့်တင်သွားမည်ဖြစ်ကြောင်း ထုတ်ဖော်ပြောကြားခဲ့သည်။တွန်ဂါဘုရင် Tupou VI သည် တွန်ဂါနိုင်ငံသို့ အလည်အပတ်ရောက်ရှိနေသည့် တရုတ်နိုင်ငံ နိုင်ငံတော်ကောင်စီဝင် နှင့် နိုင်ငံခြားရေးဝန်ကြီး ဝမ်ရိနှင့်တွေ့ဆုံ ဆွေးနွေးစဉ် ထိုသို့မှတ်ချက်ပြုပြောကြားခဲ့ခြင်းဖြစ်သည်။

အချက်အလက်များ၏ သက်သေပြချက်အရ တရုတ်နိုင်ငံနှင့်ချစ်ကြည်ရင်းနှီးမှုသည် စကားလုံးများထက် လုပ်ရပ်အပြုအမှုအပေါ်အခြေခံကာ အစဉ်အမြဲတည်ရှိခဲ့ကြောင်း ဘုရင် Tupou VI က ဆိုသည်။

တွန်ဂါနိုင်ငံ၌ မီးတောင်ပေါက်ကွဲမှု ၊ ဆူနာမီဖြစ်စဉ် ၊ လေကြောင်းပျံသန်းမှုရပ်ဆိုင်းခြင်း နှင့် ကိုဗစ်-၁၉ ကပ်ရောဂါကဲ့သို့သော စိန်ခေါ်မှုအမျိုးမျိုးဖြင့် ရင်ဆိုင်ကြုံတွေ့ရချိန်တွင် တရုတ်နိုင်ငံသည် တုံ့ဆိုင်းမှုမရှိဘဲ ၎င်း၏ အကူအညီများကို ပေးပို့လာခဲ့သဖြင့် တွန်ဂါပြည်သူများထံမှ ချီးကျူးမှု နှင့် ကျေးဇူးတင်ရှိမှုကို ရရှိခဲ့ကြောင်း Tupou VI က ဆိုသည်။

ထို့ပြင် ဒုတိယအကြိမ်မြောက် တရုတ်-ပစိဖိတ်ကျွန်းနိုင်ငံများ နိုင်ငံခြားရေးဝန်ကြီးအစည်းအဝေးကို အောင်မြင်စွာကျင်းပနိုင်ခဲ့ခြင်းအပေါ် ဝမ်းမြောက်ဂုဏ်ယူကြောင်း နှင့် ကပ်ရောဂါအခက်အခဲကြားတွင် တောင်ပစိဖိတ်ကျွန်းနိုင်ငံများသို့ လာရောက်လည်ပတ်သည့် တရုတ်ကိုယ်စားလှယ်များအား ကျေးဇူးအထူးတင်ရှိကြောင်း ၎င်းက ဆက်လက်ပြောကြားခဲ့သည်။

ပစိဖိတ်ကျွန်းနိုင်ငံများနှင့်အတူ တရုတ်နိုင်ငံ၏ ပူးပေါင်းဆောင်ရွက်မှုအပေါ် အချို့နိုင်ငံများက ဝေဖန် မှတ်ချက်ပြုခဲ့ခြင်းနှင့်ပတ်သက်၍ အချုပ်အခြာအာဏာပိုင်နိုင်ငံများအနေဖြင့် ပစိဖိတ်ကျွန်းနိုင်ငံများသည် အခြားနိုင်ငံများနှင့် မည်သို့ဆက်ဆံရမည်ကို သူတို့ကိုယ်တိုင် ရွေးချယ်ဆုံးဖြတ်ပိုင်ခွင့်ရှိကြောင်း Tupou VI က ဆိုသည်။

တရုတ်နိုင်ငံတော်ကောင်စီဝင် နှင့် နိုင်ငံခြားရေးဝန်ကြီး ဝမ်ရိက တွန်ဂါနိုင်ငံသည် ကြီးမားသော မီးတောင်ပေါက်ကွဲမှုတစ်ခုကြုံတွေ့ခဲ့ရပြီးနောက်တွင် တွန်ဂါနိုင်ငံအားထောက်ပံ့ရန် တရုတ်နိုင်ငံရှိ ဌာနအသီးသီးက ကယ်ဆယ်ရေးအကူအညီများ အလျင်အမြန်ပေးပို့ခဲ့ကြောင်း နှင့် နှစ်နိုင်ငံခေါင်းဆောင်များအနေဖြင့် တရုတ်-တွန်ဂါ ဆက်ဆံရေး တည်ငြိမ်ရေး နှင့် ဖွံ့ဖြိုးတိုးတက်မှုအရှိန်အဟုန်းကောင်းကို ထိန်းသိမ်းထားကြောင်း ပြောကြားခဲ့သည်။

ကိုဗစ်-၁၉ ကပ်ရောဂါစတင်ဖြစ်ပွားချိန်မှစ၍ တရုတ်နိုင်ငံသည် အချိန်နှင့်တစ်ပြေးညီဆိုသလို တွန်ဂါနိုင်ငံသို့ အရေးပေါ်ထောက်ပံ့ ကူညီမှုများ အသုတ်ပေါင်းများစွာ ပေးပို့ခဲ့ကြောင်း ၊ ယင်းမှာ နှစ်နိုင်ငံအကြား ချစ်ကြည်ရင်းနှီးမှုကို တိုးတက်ခိုင်မာစေကြောင်း ဝမ်က ဆိုသည်။

တွန်ဂါနိုင်ငံ၏ ထူးခြားသောနိုင်ငံတော် အခြေအနေများ နှင့် အုပ်ချုပ်ရေးပုံစံကို တရုတ်နိုင်ငံက အစဉ်တစ်စိုက်လေးစားကြောင်း ၊ ၎င်း၏ လွတ်လပ်ရေး ၊ အချုပ်အခြာအာဏာ နှင့် လူမှုတည်ငြိမ်ရေးကို ထိန်းသိမ်းစောင့်ရှောက်ရန် တွန်ဂါနိုင်ငံအား ထောက်ခံအားပေးကြောင်း ဝမ်က ဆိုသည်။ ထို့ပြင် တွန်ဂါပြည်သူများ ပျော်ရွှင်အေးချမ်းသော ဘဝတစ်ခုနှင့် ပိုမိုကောင်းမွန်သော ဖွံ့ဖြိုးတိုးတက်မှုအတွက် တရုတ်နိုင်ငံ ဆန္ဒပြု ဆုတောင်းပေးပါကြောင်း ၎င်း ဆက်လက်ပြောကြားခဲ့သည်။

တွန်ဂါနိုင်ငံသို့ လာရောက်လည်ပတ်ခြင်းသည် ၎င်း၏ ပစိဖိတ်ကျွန်းနိုင်ငံများခရီးစဉ်၏ အစိတ်အပိုင်းတစ်ခုဖြစ်ကြောင်း ၊ နိုင်ငံကြီးဖြစ်စေ သို့မဟုတ် နိုင်ငံငယ်ဖြစ်စေ အားလုံးသောနိုင်ငံများအပေါ် တန်းတူညီမျှ သဘာထားသည့် သံခင်းတမန်ခင်းအမြင်ကို လက်တွေ့ပြုမူကျင့်သုံးရန် ရည်ရွယ်ကြောင်း နှင့် တွန်ဂါနိုင်ငံ၏ သဘာဝဘေးဒဏ်ပြန်လည်ထူထောင်ရေး နှင့် တည်ဆောက်ရေးအတွက် ထောက်ပံ့ပေးရန် ခိုင်မာသော လုပ်ဆောင်ချက်များ ဆောင်ရွက်ခြင်းဖြစ်ကြောင်း ဝမ်ရိက ပြောကြားခဲ့သည်။

တောင်ပစိဖိတ်ဒေသသို့ သွားရောက်လျက်ရှိသည့် ၎င်း၏ ခရီးစဉ်မှာ ချစ်ကြည်ရင်းနှီးမှု နှင့် ပူးပေါင်းဆောင်ရွက်မှု ခရီးစဉ်တစ်ခုဖြစ်ပြီး တရုတ်နိုင်ငံက ယင်းကို အချက်အလက်များဖြင့် သက်သေပြလိမ့်မည်ဖြစ်ကြောင်း ဝမ်က ဖြည့်စွက်ပြောကြားခဲ့သည်။

မိမိတို့ကိုယ်တိုင်ဖွံ့ဖြိုးဆဲနိုင်ငံတစ်နိုင်ငံအနေဖြင့် တရုတ်နိုင်ငံသည်
အခြားဖွံ့ဖြိုးဆဲနိုင်ငံများ အထူးသဖြင့် နိုင်ငံငယ်များ နှင့် အလယ်အလတ်အဆင့်ရှိနိုင်ငံများ၏ တရားဝင်လိုအပ်ချက်များ နှင့် အရေးတကြီးစိတ်ဆန္ဒကို အပြည့်အဝ နားလည်ပါကြောင်း ဝမ်က မှတ်ချက်ပြုခဲ့သည်။
တရုတ်နိုင်ငံအနေဖြင့် အချိန်နှင့်တစ်ပြေးညီ ခေတ်ရေစီးကြောင်းကို အမှီလိုက်နိုင်ရန် နှင့် ဖွံ့ဖြိုးတိုးတက်မှု နှင့် ပြန်လည်ရှင်သန်းမှု အရှိန်အဟုန်မြှင့်တင်ရန် အခြားဖွံ့ဖြိုးဆဲနိုင်ငံများအား ကူညီရန် အသင့်ရှိကြောင်း ၎င်းက ဆိုသည်။
အားလုံးသောနိုင်ငံများအကြား စစ်မှန်သော မျှတမှု နှင့် စစ်မှန်သော တန်းတူညီမျှတစ်ခုအတွက် တရုတ်နိုင်ငံက မျှော်လင့်ကြောင်း ၎င်းက ပြောကြားခဲ့သည်။

ပစိဖိတ်ကျွန်းနိုင်ငံများအတွက် တရုတ်နိုင်ငံ၏ အရေးပေါ်ထောက်ပံ့ကူညီမှုအရံအဖွဲ့တစ်ခု ထူထောင်ခြင်း နှင့် ဆင်းရဲနွမ်းပါးမှု လျှော့ချရေး နှင့် ရာသီဥတုပြောင်းလဲမှု ပူးပေါင်းဆောင်ရွက်ရေးကို ဆက်လက်ဆောင်ရွက်နေခြင်းအပေါ် ကျေးဇူးတင်ရှိကြောင်း Tupou VI ကဖော်ပြခဲ့သည်။
ဆင်းရဲနွမ်းပါးမှုလျှော့ချရေး ၊ ရာသီဥတုပြောင်းလဲမှု ၊ သဘာဝဘေးအန္တရာယ်ကြိုတင်ကာကွယ်ရေး ၊ စိုက်ပျိုးရေး နှင့် Juncao နည်းပညာဆိုင်ရာ ကိစ္စရပ်များအတွက် ပစိဖိတ်ကျွန်းနိုင်ငံများနှင့်အတူ ပူးပေါင်းဆောင်ရေး စင်္ကြံသစ် ၆ ခုကို တည်ဆောက်ရန် တရုတ်နိုင်ငံက အထူးအလေးထားကြိုးပမ်းဆောင်ရွက်ခဲ့ပြီးဖြစ်ကြောင်း ဝမ်က ဆိုသည်။
တရုတ်နိုင်ငံသည် ၎င်း၏ ဖွံ့ဖြိုးတိုးတက်မှုအတွေ့အကြုံကောင်းများကို ပစိဖိတ်ကျွန်းနိုင်ငံများနှင့်အတူ မျှဝေရန် ၊ ၎င်းတို့အား ရုပ်ပိုင်းဆိုင်ရာ ၊ နည်းပညာရပ် နှင့် ငွေကြေးပံ့ပိုးမှု တို့ကို ထောက်ပံ့ပေးရန် နှင့် အဆိုပါနိုင်ငံများအား လွတ်လပ်သောဖွံ့ဖြိုးတိုးတက်မှုအတွက် ၎င်းတို့၏ စွမ်းဆောင်ရည်ကို မြှင့်တင်မှုတွင် ကူညီပေးရန် ဆန္ဒရှိကြောင်း ဝမ်က ဖြည့်စွက်ပြောကြားခဲ့သည်။(Xinhua)

—————————
(English Version)
Tonga lauds friendly relations with China, vows to stick to one-China policy
NUKU’ALOFA, May 31 (Xinhua) — Tonga’s King Tupou VI said on Tuesday that Tonga and China have witnessed vigorous development of their ties since the establishment of diplomatic relations, and vowed to stick to the one-China policy and promote even greater development of bilateral ties.
Tupou VI made the remarks at a meeting with visiting Chinese State Councilor and Foreign Minister Wang Yi.
As facts have proven, Tupou VI said, Chinese friendship has always been based on deeds rather than words.
When Tonga was faced with multiple challenges at the time, including volcanic eruption, tsunami, suspension of flights and the COVID-19 pandemic, China came to its assistance without hesitation, winning wide praise and heartfelt gratitude from the Tongan people, Tupou VI said.
Tupou VI said he was glad to see the successful holding of the second China-Pacific Island Countries Foreign Ministers’ Meeting and thanked the Chinese delegation for overcoming the difficulties caused by the pandemic to visit South Pacific island countries.
Some people have commented on Pacific island countries’ cooperation with China. As sovereign states, Pacific island countries have the right to choose how they deal with other countries, Tupou VI said.
For his part, Wang said under the guidance of the two heads of the state, China-Tonga relations have maintained a steady and sound momentum of development, noting that after Tonga was hit by a massive volcanic eruption, various departments in China raced against time to deliver relief supplies to Tonga.
Since the outbreak of COVID-19, China has provided many batches of emergency supplies to Tonga in a timely manner, which has further enhanced the friendship between the two countries, Wang said.
China will, as always, respect Tonga’s unique national conditions and governance model, support Tonga in safeguarding its independence, sovereignty and social stability, Wang said, wishing the Tongan people a happy life and better development.
Wang said that his visit to Tonga, as part of his tour to South Pacific island countries, aims at putting into practice the diplomatic vision that all countries, big or small, are equal, and taking concrete measures to support Tonga’s post-disaster recovery and reconstruction.
China will prove with facts that his ongoing trip to the South Pacific region is a trip of friendship and cooperation, he said.
Noting that as a developing country itself, China fully understands the legitimate needs and urgent aspirations of other developing countries, especially the small and medium-sized countries, Wang said China is ready to do its utmost to help other developing countries catch up with the trend of the times and speed up development and revitalization.
China expects a truly fair world and true equality among all countries, he said.
Tupou VI expressed gratitude for China’s establishment of an emergency supplies reserve for Pacific island countries and carrying out cooperation on poverty reduction and climate change.
Wang said China has made specific efforts to build six new platforms for cooperation with Pacific island countries on poverty reduction, climate change, disaster prevention, agriculture and the Juncao technology.
China is willing to share its development experience with Pacific island countries, provide them with personnel, technology and financing support, and help them enhance their capacity for independent development, Wang added.

Photo- Tonga’s King Tupou VI (R) meets with visiting Chinese State Councilor and Foreign Minister Wang Yi in Nuku’alofa, Tonga, May 31, 2022. (Xinhua)