တရုတ်နှင့် ရုရှားက အိမ်နီးချင်းနိုင်ငံကြီးများ၏ မှန်ကန်သောဆက်ဆံရေးနည်းလမ်းကို ရှာဖွေတွေ့ရှိခဲ့ကြောင်း သမ္မတ ရှီပြော

ကာဇန်၊ အောက်တိုဘာ ၂၃ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်က တရုတ်နှင့် ရုရှား နိုင်ငံတို့သည် အိမ်နီးချင်းနိုင်ငံကြီးများအနေဖြင့် မဟာမိတ်မဖွဲ့ခြင်း၊ ထိပ်တိုက်တွေ့ဆုံမှုမပြုခြင်းနှင့် အခြားတတိယနိုင်ငံကို ဦးတည်မှုမပြုခြင်း စသည့် မှန်ကန်သောဆက်ဆံရေးနည်းလမ်းကို ရှာဖွေတွေ့ရှိခဲ့ကြောင်း အောက်တိုဘာ ၂၂ ရက်က ပြောကြားခဲ့သည်။
ရုရှားနိုင်ငံ သမ္မတ ဗလာတီမာ ပူတင်နှင့် တွေ့ဆုံစဉ် သမ္မတ ရှီက အထက်ပါအတိုင်းမှတ်ချက်ပြုခဲ့ခြင်းဖြစ်သည်။ တရုတ်နိုင်ငံ သမ္မတ ရှီကျင့်ဖိန်သည် အောက်တိုဘာ ၂၂ ရက် နံနက်ပိုင်းတွင် ၁၆ ကြိမ်မြောက် BRICS ထိပ်သီးအစည်းအဝေး တက်ရောက်ရန် ကာဇန်မြို့သို့ ရောက်ရှိလာခဲ့သည်။
ယခုနှစ်သည် တရုတ်နိုင်ငံနှင့် ရုရှားနိုင်ငံကြား သံတမန်ဆက်ဆံရေးထူထောင်သည့် ၇၅ နှစ်မြောက် နှစ်ပတ်လည် အခါသမယဖြစ်ပြီး လွန်ခဲ့သောနှစ်များအတွင်း နှစ်နိုင်ငံကြား ဆက်ဆံရေးမှာ စိန်ခေါ်မှုများ ကြုံတွေ့ခဲ့ရကြောင်း သမ္မတ ရှီက မှတ်ချက်ပြုပြောကြားခဲ့သည်။
နှစ်နိုင်ငံအနေဖြင့် ရေရှည်တည်တံ့သော အိမ်နီးချင်းကောင်းဆက်ဆံရေးနှင့် ချစ်ကြည်ရင်းနှီးမှု၊ ဘက်စုံမဟာဗျူဟာမြောက် ညှိနှိုင်းဆောင်ရွက်မှုနှင့် အပြန်အလှန်အကျိုးပြု၍ နှစ်နိုင်ငံ အကျိုးဖြစ်ထွန်းသော ပူးပေါင်းဆောင်ရွက်မှုစိတ်ဓာတ်ကို ထိန်းသိမ်းလျက် နယ်ပယ်စုံ၌ ဘက်စုံမဟာဗျူဟာမြောက် ညှိနှိုင်းဆောင်ရွက်မှုနှင့် လက်တွေ့ကျသော ပူးပေါင်းဆောင်ရွက်မှုအား စဉ်ဆက်မပြတ် နက်နက်ရှိုင်းရှိုင်း တိုးချဲ့လျက်ရှိကြောင်းလည်း သမ္မတ ရှီက ပြောခဲ့သည်။
ယင်းမှာ နှစ်နိုင်ငံ ဖွံ့ဖြိုးတိုးတက်မှု၊ ရှင်သန်နိုးကြားမှုနှင့် ခေတ်မီအသွင်ပြောင်းမှုအဖြစ် အားကောင်းသော အရှိန်အဟုန် ဖြည့်တင်းပေးခဲ့ပြီး တရုတ်နှင့် ရုရှားပြည်သူများ၏ သာယာဝပြောမှုကို မြှင့်တင်ရေးနှင့် နိုင်ငံတကာ တရားမျှတမှုကို ထိန်းသိမ်းရေးအတွက် အရေးကြီးသည့် ပံ့ပိုးကူညီမှုများကိုလည်း လုပ်ဆောင်ခဲ့ကြောင်း ရှီက ပြောကြားခဲ့သည်။
ယနေ့ခေတ်ကမ္ဘာကြီးသည် ရာစုနှစ်အတွင်း မကြုံတွေ့ဖူးသော ပြုပြင်ပြောင်းလဲမှု အရှိန်အဟုန်ဖြင့် ရင်ဆိုင်နေရပြီး ပြောင်းလဲမှုမြန်ဆန်၍ ရှုပ်ထွေးသော နိုင်ငံတကာအခင်းအကျင်း ဖြစ်ပေါ်နေရာ တရုတ်နိုင်ငံနှင့် ရုရှားနိုင်ငံကြား ခိုင်မာ တည်မြဲသော ချစ်ကြည်ရင်းနှီးမှုက ပြောင်းလဲသွားမည်မဟုတ်ကြောင်းနှင့် ကမ္ဘာကြီးနှင့် ပြည်သူများအတွက် အဓိကနိုင်ငံကြီးများအဖြစ် တာဝန်သိစိတ်မှာလည်း ပြောင်းလဲမည်မဟုတ်ကြောင်း သမ္မတ ရှီက ပြောကြားခဲ့သည်။
ရှုပ်ထွေး၍ ဆိုးဝါးသော ပြည်ပစိန်ခေါ်မှုများ ရှိနေလင့်ကစား ကုန်သွယ်‌မှုကဲ့သို့ နယ်ပယ်များတွင် နှစ်နိုင်ငံ ပူးပေါင်းဆောင်ရွက်မှုကို ဆက်လက်မြှင့်တင်လျက်ရှိသလို ပူးတွဲစီမံကိန်း အမြောက်အမြားမှာလည်း တည်ငြိမ်စွာ ဆက်လက်လည်ပတ်လျက်ရှိကြောင်း၊ နှစ်နိုင်ငံအနေဖြင့် သက်ဆိုင်ရာ အရည်အသွေးမြင့် စီးပွားရေးတိုးတက်မှုကို ထောက်ကူပေးနိုင်ရန် ရပ်ဝန်းနှင့် ပိုးလမ်းမ အဆိုပြုချက်နှင့် ယူရေးရှားစီးပွား‌ရေးသမဂ္ဂချိန်ညှိမှုကို တစ်ဆင့်တိုးမြှင့်တင်သွားမည်ဖြစ်ကြောင်း သမ္မတ ရှီက ဖြည့်စွက်ပြောခဲ့သည်။
လာမည့်နှစ်သည် ကုလသမဂ္ဂ တည်ထောင်ခြင်းနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်မြင်မှု နှစ်ပေါင်း ၈၀ ပြည့်မြောက်သည့် နှစ်ပတ်လည်လည်းဖြစ်သည်ဟု ရှီက အလေးထားပြောခဲ့သည်။
ထို့ပြင် ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံများနှင့် ကမ္ဘာ့ အဓိကနိုင်ငံကြီးများ ဖြစ်ကြသော တရုတ်နိုင်ငံနှင့် ရုရှားနိုင်ငံတို့သည် ကုလသမဂ္ဂနှင့် ရှန်ဟိုင်းပူးပေါင်းဆောင်ရွက်မှုအဖွဲ့ စသည့် နိုင်ငံစုံပူးပေါင်းဆောင်ရွက်မှု မူဘောင်အတွင်း မဟာဗျူဟာမြောက် ညှိနှိုင်းဆောင်ရွက်မှုနက်ရှိုင်းရေး၊ ဆက်ဆံရေးနှင့် ပူးပေါင်းဆောင်ရွက်မှုအားကောင်းရေး ဆောင်ရွက်သွားမည်ဖြစ်သလို ဒုတိယကမ္ဘာစစ် သမိုင်းကို မှန်ကန်စွာရှုမြင်မှု မြှင့်တင်ခြင်း၊ ကုလသမဂ္ဂဗဟိုပြုနိုင်ငံတကာစနစ်ကို အခိုင်အမာထိန်းသိမ်းခြင်း၊ ကမ္ဘာလုံးဆိုင်ရာ ဗျူဟာမြောက် တည်ငြိမ်ရေးနှင့် နိုင်ငံတကာ တရားမျှတမှုကို ပူးတွဲကာကွယ်ထိန်းသိမ်းခြင်းများ ဆောင်ရွက်မည်ဖြစ်ကြောင်း သမ္မတ ရှီကျင့်ဖိန်က ပြောကြားခဲ့သည်။
BRICS ယန္တရားသည် ထွန်းသစ်စနိုင်ငံများနှင့် ဖွံ့ဖြိုးဆဲနိုင်ငံများကြား စည်းလုံးညီညွတ်မှုနှင့် ပူးပေါင်းဆောင်ရွက်မှုဆိုင်ရာ ကမ္ဘာ့အရေးပါဆုံးပလက်ဖောင်းဖြစ်ပြီး BRICS ဥက္ကဋ္ဌအဖြစ် ရုရှားနိုင်ငံ၏ ကြီးမားသောကြိုးပမ်းအားထုတ်မှုများအပေါ် တရုတ်နိုင်ငံအနေဖြင့် လွန်စွာချီးကျူးပါကြောင်း သမ္မတ ရှီက ထည့်သွင်းပြောကြားခဲ့သည်။
ထို့ပြင် ကမ္ဘာ့တောင်ဘက်ခြမ်းအတွက် အခွင့်အလမ်းများ ပိုမိုဆောင်ကြဉ်းပေးနိုင်ရေးအတွက် အခြားသောနိုင်ငံများအကြား သဘောတူညီမှု တည်ဆောက်ရန်၊ စည်းလုံးညီညွတ်မှုနှင့် ပူးပေါင်းဆောင်ရွက်မှု သတင်းကောင်းပါးနိုင်ရန်၊ BRICS အဖွဲ့ဝင်နိုင်ငံများအတွင်း နယ်ပယ်စုံ၌ ဗျူဟာမြောက် ညှိနှိုင်းဆောင်ရွက်မှုနှင့် လက်တွေ့ပူးပေါင်းဆောင်ရွက်မှု အဆင့်မြှင့်တင်ရန် BRICS ယန္တရားအနာဂတ်ဖွံ့ဖြိုးတိုးတက်မှုဆိုင်ရာ ထိပ်သီးအစည်းအဝေး တက်ရောက်ကြမည့် ခေါင်းဆောင်များအနေဖြင့် လေးလေးနက်နက် ဆွေးနွေးကြမည်ဟု မျှော်လင့်ကြောင်းလည်း သမ္မတ ရှီက ပြောကြားခဲ့သည်။
ရုရှားနိုင်ငံ သမ္မတ ဗလာတီမာ ပူတင်က လွန်ခဲ့သော ၇၅ နှစ်အကြာက ရုရှားနိုင်ငံနှင့် တရုတ်နိုင်ငံကြား သံတမန်ဆက်ဆံရေး ထူထောင်ချိန်မှစ၍ နှစ်နိုင်ငံဆက်ဆံရေး မြင့်မားသောတိုးတက်မှုကို ထိန်းသိမ်းထားခြင်း၊ အဓိကနိုင်ငံကြီးများကြား ဆက်ဆံရေးပုံစံသစ်အတွက် စံနမူနာအဖြစ် ကြိုးပမ်းဆောင်ရွက်ခြင်းဖြင့် ခေတ်သစ် ဗျူဟာမြောက်ညှိနှိုင်းဆောင်ရွက်မှု မိတ်ဖက်များအဖြစ် တိုးတက်လာခဲ့ကြောင်း ပြောကြားခဲ့သည်။
နှစ်နိုင်ငံ၏ ပူးပေါင်းကြိုးပမ်းမှုများကြောင့် သာတူညီမျှရှိမှု၊ အပြန်အလှန်လေးစားမှုနှင့် အပြန်အလှန်အကျိုးဖြစ်ထွန်းစေမှုပေါ် အခြေခံထားသည့် ရုရှား-တရုတ်ပူးပေါင်းဆောင်ရွက်မှုသည် ဆက်လက်တိုးတက်လျက်ရှိကြောင်း၊ ရုရှား-တရုတ် ယဉ်ကျေးမှုနှစ်ဆိုင်ရာ အစီအစဉ်များကိုလည်း အောင်မြင်စွာ ကျင်းပလျက်ရှိကြောင်း သမ္မတ ပူတင်က ပြောခဲ့သည်။
လာမည့်နှစ်သည် ဒုတိယကမ္ဘာစစ် နှစ်ပေါင်း ၈၀ ပြည့်မြောက်သည့် နှစ်ပတ်လည်ဖြစ်ကြောင်း၊ ရုရှားနိုင်ငံနှင့် တရုတ်နိုင်ငံတို့သည် ကမ္ဘာ့ဖက်ဆစ်တော်လှန်ရေးစစ်ပွဲ အောင်မြင်မှုအတွက် ကြီးမားစွာပေးဆပ်ခဲ့ကြရကြောင်း၊ ရုရှားနိုင်ငံအနေဖြင့် အဆိုပါ အရေးပါသောသမိုင်းမှတ်တိုင် အထိမ်းအမှတ်အစီအစဉ်ကို တရုတ်နိုင်ငံနှင့်အတူ ဆောင်ရွက်သွားလိုကြောင်း သမ္မတ ပူတင်က ဆိုသည်။
ထို့ပြင် ပူတင်က BRICS အလှည့်ကျဥက္ကဋ္ဌအဖြစ် ရုရှားနိုင်ငံတာဝန်ယူသည့်အပေါ် တရုတ်နိုင်ငံ၏ ထောက်ခံအားပေးမှုအတွက် ကျေးဇူးတင်ကြောင်း၊ ပိုမိုကြီးမားသော BRICS ပူးပေါင်းဆောင်ရွက်မှုတွင် ကောင်းမွန်သောရလဒ်များ ထွက်ပေါ်လာနိုင်အောင် အဖွဲ့ဝင်နိုင်ငံတိုးချဲ့ပြီးနောက် ပထမဆုံး BRICS ထိပ်သီးအစည်းအဝေး အောင်မြင်စွာကျင်းပနိုင်ရေးအတွက် ရုရှားနိုင်ငံက တရုတ်နိုင်ငံနှင့်အတူ အနီးကပ်ပူးပေါင်းဆောင်ရွက်ရန် အသင့်ရှိကြောင်း ပြောကြားခဲ့သည်။
ထို့နောက် နှစ်နိုင်ငံ ခေါင်းဆောင်များသည် ဘုံစိုးရိမ်ပူပန်ရသော အဓိက နိုင်ငံတကာနှင့် ဒေသတွင်းရေးရာများအပေါ် အမြင်ချင်းဖလှယ် ဆွေးနွေးခဲ့ကြကြောင်း သိရသည်။ (Xinhua)

တရုတ်နိုင်ငံ သမ္မတ ရှီကျင့်ဖိန်က ရုရှားနိုင်ငံ သမ္မတ ဗလာတီမာ ပူတင်၏ ဖိတ်ကြားချက်အရ ၁၆ ကြိမ်မြောက် BRICS ထိပ်သီးအစည်းအဝေးတက်ရောက်ရန် ကာဇန်မြို့သို့ ၂၀၂၄ ခုနှစ် အောက်တိုဘာ ၂၂ ရက်က ရောက်ရှိလာစဉ် (ဆင်ဟွာ)

……………………………………..
(English Version)
Xi says China, Russia find right way for neighboring major countries to get along with each other
KAZAN, Russia, Oct. 22 (Xinhua) — Chinese President Xi Jinping said Tuesday that China and Russia have found the right way for neighboring major countries to get along with each other, which features non-alliance, non-confrontation and not targeting any third party.
Xi made the remarks when meeting with Russian President Vladimir Putin. The Chinese president arrived in Kazan earlier in the day for the 16th BRICS Summit.
Noting that this year marks the 75th anniversary of the establishment of diplomatic relations between China and Russia, Xi said that over the past years, the relationship between the two countries has weathered challenges.
Both sides, upholding the spirit of lasting good-neighborliness and friendship, comprehensive strategic coordination, and mutually beneficial and win-win cooperation, have continuously deepened and expanded their comprehensive strategic coordination and practical cooperation across various fields, Xi said.
This has injected strong momentum into the development, revitalization, and modernization of both nations and made important contributions to enhancing the well-being of the Chinese and Russian people and upholding international fairness and justice, Xi said.
Noting that the world today is facing momentous transformations unseen in a century, resulting in a fast-changing and turbulent international landscape, Xi expressed confidence that the profound and lasting friendship between China and Russia will not change, nor will their sense of responsibility as major countries for the world and for the people.
Despite complex and severe external challenges, bilateral cooperation in areas such as trade continues to advance, and large-scale joint projects remain stable in operation, Xi said, adding that both countries should further promote the alignment of the Belt and Road Initiative with the Eurasian Economic Union to support their respective high-quality economic development.
Next year marks the 80th anniversary of the founding of the United Nations and the victory of the World Anti-Fascist War, Xi stressed.
China and Russia, both permanent members of the UN Security Council and major countries in the world, should deepen comprehensive strategic coordination, strengthen communication and coordination within multilateral frameworks such as the United Nations and the Shanghai Cooperation Organization, promote a correct view of World War II history, firmly uphold the UN-centered international system, and jointly safeguard global strategic stability and international fairness and justice, Xi said.
The BRICS mechanism is the world’s most important platform for solidarity and cooperation between emerging markets and developing countries, Xi said, adding that China highly commends Russia’s great efforts as BRICS chair.
Xi voiced expectation of having in-depth discussions with leaders participating in the upcoming summit on the future development of the BRICS mechanism to build consensus among the parties, send a positive message of solidarity and cooperation, and advance strategic coordination and practical cooperation within BRICS in various fields, so as to secure more opportunities for the Global South.
For his part, Putin said that since the establishment of diplomatic ties between Russia and China 75 years ago, the two countries have developed into comprehensive strategic partners of coordination for the new era, with bilateral relations maintaining high-level growth and forging a model for a new type of relationship between major countries.
Thanks to joint efforts from both sides, the Russia-China cooperation, based on equality, mutual respect, and mutual benefit, continues to advance, and the activities of the Russia-China Years of Culture have been successfully held, he said.
Noting that next year marks the 80th anniversary of the end of World War II, Putin said that both Russia and China made tremendous sacrifices for victory in the World Anti-Fascist War, and that Russia is willing to commemorate this important milestone together with China.
Russia is also ready to maintain close high-level exchanges and strategic communication and coordination with China in international affairs, and work with China to uphold international fairness and justice as well as global strategic stability, he added.
Putin thanked China for its support during Russia’s presidency of BRICS, stressing that Russia is ready to closely cooperate with China to ensure the success of the first BRICS Summit after its expansion, driving positive outcomes in greater BRICS cooperation.
The two heads of state also made in-depth exchange of views on major international and regional issues of common concern.
Photo 1: Russian President Vladimir Putin greets Chinese President Xi Jinping prior to a welcoming banquet in Kazan, Russia, Oct. 22, 2024. (Xinhua/Shen Hong)
Photo 2: Chinese President Xi Jinping arrives in Russia’s Kazan for the 16th BRICS Summit at the invitation of President of the Russian Federation Vladimir Putin, Oct. 22, 2024. (Xinhua/Xie Huanchi)