တစ်ဖက်သတ် နိုင်ထက်စီးနင်းပြုမူသော အစီအမံများကို ရပ်တန့်ရေးအတွက် ကြိုးပမ်းသွားရန် ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် တိုက်တွန်း

ကုလသမဂ္ဂ၊ အောက်တိုဘာ ၂၃ ရက် (ဆင်ဟွာ)
ဖွံ့ဖြိုးဆဲနိုင်ငံများအနေဖြင့် တစ်ဖက်သတ် နိုင်ထက်စီးနင်းပြုမူသော အစီအမံများ၏ဒဏ်ကို ဆက်လက်ခံစားနေရကာ ယင်းသည် အသက်အန္တရာယ်ပြုနိုင်သော အကျိုးဆက်များကိုပင် ဖြစ်ပေါ်စေသည်ဟု ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက အောက်တိုဘာ ၂၂ ရက်၌ ပြောကြားခဲ့ပြီး ထိုသို့သော တရားမဝင်သည့် အလေ့အထကို အမြန်ဆုံး အလုံးစုံရပ်တန့်ရေးအတွက် ကြိုးပမ်းသွားကြရန်လည်း ၎င်းက တိုက်တွန်းခဲ့သည်။
ကမ္ဘာကြီးသည် အပြန်အလှန် ဆက်နွှယ်နေသည့် ကမ္ဘာလုံးဆိုင်ရာ စိန်ခေါ်မှုများကို ရင်ဆိုင်နေရကာ ဖွံ့ဖြိုးဆဲနိုင်ငံများအပေါ် အချိုးမညီသော သက်ရောက်မှုများ ဖြစ်ပေါ်စေသဖြင့် နိုင်ငံတကာ၏ စုပေါင်းညီညာမှု၊ ညီညွတ်မှု၊ ပူးပေါင်းဆောင်ရွက်မှုတို့ကို အခြေခံလျက် ထိရောက်၍ လက်တွေ့ကျပြီး စစ်မှန်သော နိုင်ငံစုံပါဝင်သည့် စနစ်ကို ယခင်ကထက်ပင် အပူတပြင်း လိုအပ်လျက်ရှိကြောင်း ၇၉ ကြိမ်မြောက် ကုလသမဂ္ဂ အထွေထွေညီလာခံ၊ တတိယကော်မတီ၌ အဖွဲ့ဝင် ၂၈ နိုင်ငံကိုယ်စား ပူးတွဲကြေညာချက်ကို ဖတ်ကြားရာတွင် ဖုက ထည့်သွင်းပြောကြားခဲ့သည်။
သို့ရာတွင် ဖွံ့ဖြိုးဆဲနိုင်ငံများနှင့် ယင်းတို့၏ ပြည်သူများသည် တစ်ဖက်သတ် နိုင်ထက်စီးနင်းပြုမူသော အစီအမံများကြောင့် ထိခိုက်ခံစားနေရဆဲဖြစ်ကြောင်း၊ ယင်းအစီအမံများက အချုပ်အခြာအာဏာပိုင် နိုင်ငံများ၏ တန်းတူညီမျှရှိရေး၊ ပူးပေါင်းဆောင်ရွက်ရေး မူဝါဒကို ချိုးဖောက်လျက်ရှိကာ အခြားနိုင်ငံများ၏ ပြည်တွင်းရေးကိစ္စများကို ကြားဝင်စွက်ဖက်နေခြင်းဖြစ်ပြီး ကုလသမဂ္ဂ ပဋိညာဉ်စာတမ်းနှင့် နိုင်ငံတကာဥပဒေများ၏ မူဝါဒနှင့် ရည်ရွယ်ချက်များ၊ နိုင်ငံစုံပူးပေါင်းဆောင်ရွက်ရေးဝါဒ၊ နိုင်ငံတကာဆက်ဆံရေး၏ အခြေခံစံနှုန်းများကို လျစ်လျူရှုနေခြင်းဖြစ်ကြောင်း ၎င်းက ဆိုသည်။
“ဝမ်းနည်းစရာကောင်းတာကတော့ တစ်ဖက်သတ် နိုင်ထက်စီးနင်းပြုမူတဲ့ အစီအမံတွေကို အရေးတကြီး ရုပ်သိမ်းဖို့ တစ်ကမ္ဘာလုံးက အပူတပြင်း တောင်းဆိုနေပေမဲ့လည်း အဲဒီလို တရားမဝင်တဲ့ အစီအမံတွေကို ဆက်လက်ကျင့်သုံးနေတာကြောင့် ပစ်မှတ်ထားခံရတဲ့ နိုင်ငံတွေနဲ့ သူတို့ရဲ့ပြည်သူတွေကို အကြီးအကျယ်ထိခိုက်စေသလို တစ်ခါတစ်ရံမှာ အသက်အန္တရာယ်ပြုနိုင်တဲ့ အကျိုးဆက်တွေကိုတောင် ဖြစ်ပေါ်စေတယ်” ဟု ၎င်းက ပြောကြားခဲ့သည်။
တစ်ဖက်သတ် နိုင်ထက်စီးနင်းပြုမူသော အစီအမံများ၊ ယင်းနှင့်ဆက်စပ်နေသည့် ဆင့်ပွားဒဏ်ခတ်ပိတ်ဆို့မှု၊ အလွန်အကျွံ လိုက်လျောမှုတို့က ရှိရင်းစွဲ လူသားချင်းစာနာမှုနှင့် စီးပွားရေးဆိုင်ရာ စိန်ခေါ်မှုများကို ပိုမိုဆိုးရွားစေကာ ကမ္ဘာလုံးဆိုင်ရာ ထုတ်လုပ်မှုနှင့် ထောက်ပံ့ကွင်းဆက်၏ တည်ငြိမ်မှုကိုသာမက အစားအစာ၊ စွမ်းအင်နှင့် ဘဏ္ဍာရေးဆိုင်ရာ ဖူလုံမှုကိုလည်း အပြင်းအထန် ထိခိုက်စေပြီး ကမ္ဘာ့စီးပွားရေး အစီအစဉ်နှင့် စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်ပန်းတိုင်များ (SDGs) ကို ဖော်ဆောင်ရာတွင် သက်ဆိုင်ရာ နိုင်ငံများ၏ ကြိုးပမ်းမှုများကိုလည်း အကြီးအကျယ် ထိခိုက်စေသည်ဟု ဖုက သတိပေးခဲ့သည်။
ထို့ပြင် ယင်းအစီအမံများက ရပ်တည်ရှင်သန်ခွင့်၊ ကျန်းမာရေး၊ ဖွံ့ဖြိုးတိုးတက်မှု၊ ပညာရေး စသည့် လူသားတို့၏ အခွင့်အရေးများကို ချိုးဖောက်လျက်ရှိသည့်အပြင် ပစ်မှတ်ထားခံရသော နိုင်ငံများ၏ ထိုအခွင့်အရေးများအား လက်တွေ့ကျင့်သုံးနိုင်စွမ်းကိုလည်း အဟန့်အတားဖြစ်စေကာ ယင်းတို့ကြောင့် သက်ဆိုင်ရာနိုင်ငံများ၊ ဒေသများတွင် ဆိုးရွားသော လူသားချင်းစာနာမှုဆိုင်ရာ အကျိုးဆက်များကို ဖြစ်‌စေသည်ဟုလည်း ၎င်းက ထပ်လောင်းပြောကြားခဲ့သည်။
တစ်ဖက်သတ် နိုင်ထက်စီးနင်းပြုမူသော အစီအမံများနှင့် အလွန်အကျွံ လိုက်လျောမှုတို့က ထိခိုက်ခံစားရသော နိုင်ငံများ၏ ပြည်ပရင်းနှီးမြှုပ်နှံမှုနှင့် နည်းပညာများ လက်လှမ်းမီရရှိနိုင်စွမ်းကို အကန့်အသတ်ဖြစ်စေကာ ယဉ်ကျေးမှု၊ အနုပညာ၊ အားကစား၊ ခရီးသွားလာမှု၊ ပြည်သူအချင်းချင်း ကူးလူးဆက်ဆံမှု၊ မြို့ပြလေကြောင်းကဏ္ဍ အပါအဝင် သယ်ယူပို့ဆောင်ရေး ကဏ္ဍတို့တွင် နိုင်ငံတကာ ပူးပေါင်းဆောင်ရွက်မှုများအပေါ် အဟန့်အတားဖြစ်စေမှုကို စိုးရိမ်ကြောင်း ဖုက ပြောကြားခဲ့သည်။
“မိမိတို့အနေနဲ့ တစ်ဖက်သတ် နိုင်ထက်စီးနင်းပြုမူတဲ့ အစီအမံတွေကို ဆန့်ကျင်ပါတယ်လို့ ထပ်လောင်းပြောကြားလိုပြီး အဲဒီအလေ့အထကို ချက်ချင်းပဲ အလုံးစုံရပ်တန့်ပစ်ဖို့ အဲဒီအစီအမံတွေကို ချမှတ်နေတဲ့ နိုင်ငံတွေကို တိုက်တွန်းပါတယ်” ဟု ဖုက ပြောကြားခဲ့ကာ ထိုကဲ့သို့ တရားမဝင် အစီအမံများကြောင့် ထိခိုက်ခံစားနေရသော နိုင်ငံများအား အထောက်အပံ့ပေးရန်နှင့် ၎င်းတို့၏ အခက်အခဲများအား လျော့ပါးသက်သာအောင် ဖေးမကူညီကြရန်လည်း ကုလသမဂ္ဂ အဖွဲ့ဝင်နိုင်ငံများ၊ ကုလသမဂ္ဂစနစ်နှင့် အခြားသော နိုင်ငံတကာအဖွဲ့အစည်းများကို ၎င်းက တိုက်တွန်းခဲ့သည်။
“ကမ္ဘာလုံးဆိုင်ရာ စိန်ခေါ်မှုတွေကို ကိုင်တွယ်ဖြေရှင်းဖို့နဲ့ လူသားအားလုံးရဲ့ အခွင့်အရေးတွေကို ကာကွယ်စောင့်ရှောက်ပြီး မြှင့်တင်အားပေးဖို့အတွက် ထိပ်တိုက်ရင်ဆိုင်မှုနဲ့ သ‌ဘောထားကွဲလွဲမှုတွေမရှိဘဲ စုပေါင်းညီညာမှုနဲ့ ညီညွတ်မှုရှိဖို့ လက်ရှိအခြေအနေက တောင်းဆိုနေပါတယ်” ဟုလည်း ဖုက အ‌လေးအနက်ပြောကြားခဲ့သည်။ (Xinhua)

အမေရိကန်နိုင်ငံ နယူးယောက်မြို့၌ ပြုလုပ်သည့် Future Event အဆင့်မြင့် အကြိုထိပ်သီးညီလာခံတွင် ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ပြောကြားနေပုံကို ၂၀၂၄ ခုနှစ် စက်တင်ဘာ ၂၁ ရက်က တွေ့ရစဉ် (ဆင်ဟွာ)

……………………….
(English Version)
Chinese envoy calls on efforts to cease unilateral coercive measures
UNITED NATIONS, Oct. 22 (Xinhua) — Developing countries continue to fall victim to unilateral coercive measures, which cause devastating, even life-threatening consequences, said Fu Cong, China’s permanent representative to the United Nations, on Tuesday, calling on efforts to immediately and completely cease such illegal practice.
Delivering a joint statement on behalf of 28 member states at the Third Committee of the 79th session of the UN General Assembly, Fu said that the world is facing interlocking global challenges with developing countries disproportionately affected, and a true, effective and functional multilateral system based on international solidarity, unity and cooperation is urgently needed more than ever.
And yet, developing countries and their populations continue to fall victim to unilateral coercive measures, which violate the principle of sovereign equality and cooperation, intervene in other countries’ internal affairs, and disregard the purposes and principles of the UN Charter and international law, multilateralism and the basic norms of international relations, he said.
“Regrettably,” the envoy continued, “despite the global call to urgently lift unilateral coercive measures, the imposition of these illegal measures continues to cause devastating, sometimes even life-threatening consequences, to targeted countries and their peoples.”
Fu warned that unilateral coercive measures, coupled with secondary sanctions and over-compliance, exacerbate existing humanitarian and economic challenges, gravely affect the stability of the global production and supply chains, as well as food, energy, and financial security, and seriously undermine the world economic order and the efforts of the countries concerned to achieve the Sustainable Development Goals (SDGs).
Moreover, those measures violate all human rights, including the right to life, health, development, and education, and impede the ability of targeted countries to realize those rights, he noted, adding that the measures have grave humanitarian effects in countries and regions concerned.
Fu voiced concerns that unilateral coercive measures and over-compliance have limited the ability of affected countries to access and acquire foreign investment and technologies, and hindered international cooperation in culture, arts, sports, travel, people-to-people exchanges, and transports, including civil aviation.
“We reaffirm our opposition to unilateral coercive measures and call on imposing states to immediately and completely cease such practice,” the envoy said, urging member states, the UN system, and other international organizations to support the countries under these illegal practices and help them mitigate their hardships.
“The current circumstance calls for solidarity and unity rather than confrontation and division to address global challenges and promote and protect human rights for all,” Fu stressed. Enditem
English Caption 1
Fu Cong, China’s permanent representative to the United Nations, speaks during the UN General Assembly emergency special session on the Palestinian question, at the UN headquarters in New York, Sept. 17, 2024. (Xinhua/Xie E)
English Caption 2
Fu Cong, China’s permanent representative to the UN, speaks at the High-Level Pre-Summit of the Future Event in New York, the United States, on Sept. 21, 2024. (Xinhua/Li Rui)