Black Myth: Wukong ဗီဒီယိုဂိမ်း အံ့မခန်းအောင်မြင်မှုများ ရရှိနေ

ကိုလုံး၊ ဩဂုတ် ၂၅ ရက် (ဆင်ဟွာ)

Black Myth: Wukong ဗီဒီယိုဂိမ်းသည် အလွန်လူကြိုက်များ ရေပန်းစားလျက်ရှိကာ အံ့မခန်း အောင်မြင်မှုများကို ရရှိပိုင်ဆိုင်ထားကြောင်း သိရသည်။ဩဂုတ် ၂၀ ရက်က ကမ္ဘာတစ်ဝန်း၌ ပွဲဦးထွက်မိတ်ဆက်ခဲ့ပြီးနောက် Game Science ကုမ္ပဏီမှ ဖြန့်ချိသော တရုတ်အက်ရှင် RPG ဂိမ်းသည် စိတ်လှုပ်ရှားမှုများကို ကျယ်ကျယ်ပြန့်ပြန့် ဖြစ်ပေါ်စေခဲ့ကာ အချိန်တိုအတွင်း၌ပင် Steam ၌ တစ်ဦးတည်းဆော့ကစားသည့် ဂိမ်းများအနက် ကစားသူအများဆုံးဂိမ်း ဖြစ်လာခဲ့သည်။

တုံ့ပြန်မှုများကလည်း အံ့အားသင့်ဖွယ်ကောင်းလှသည်။”ဒီဂိမ်းမှာ သုံးဖက်မြင်ပုံရိပ် အတွေ့အကြုံတွေ ဖန်တီးပေးတဲ့ မယုံနိုင်လောက်တဲ့ ဂိမ်းအင်ဂျင်တစ်မျိုးပါတာမို့ တရုတ်ဒဏ္ဍာရီလာ ကမ္ဘာတစ်ခုထဲကို ရောက်သွားသလိုမျိုး ခံစားရစေတယ်။ ပြောင်မြောက်တဲ့ ဂရပ်ဖစ်ဖန်တီးချက်တွေ၊ ဖမ်းစားနိုင်တဲ့ အက်ရှင်လှုပ်ရှားမှုတွေက တကယ့်ကိုကျေနပ်စရာကောင်းတယ်” ဟု တူကီယဲနိုင်ငံမှ Iconical Creative ကုမ္ပဏီပိုင်ရှင်နှင့် ဆိုရှယ်မီဒီယာ၊ ဒစ်ဂျစ်တယ်အကြောင်းအရာ ကျွမ်းကျင်ပညာရှင် တူနေး ဂူဇီလက်က ပြောကြားခဲ့သည်။၎င်းဂိမ်းသည် ဆိုရှယ်မီဒီယာ ပလက်ဖောင်းများတွင် အလွန်ရေပန်းစားပြီး လှုပ်လှုပ်ခတ်ခတ်ဖြစ်နေသည့် အကြောင်းအရာဖြစ်နေကာ ကျွမ်းကျင်သည့် ဂိမ်းကစားသူများက Live Stream ကစားကြသည်။

ကျွမ်းကျင် လက်လီအရောင်းသမားများကလည်း ဂိမ်းတီထွင်ထုတ်လုပ်သူနှင့် အကျိုးတူပူးပေါင်း၍ ရောင်းအားကောင်းစေရန် ကြော်ငြာလျက်ရှိသည်။
ဂျာမနီနိုင်ငံ ကိုလုံးမြို့တွင် ပြုလုပ်ခဲ့သည့် ယခုနှစ်၏ Gamescom ပွဲတော်၌ Black Myth: Wukong ဂိမ်း တီထွင်သူ တက်ရောက်ခဲ့ခြင်းမရှိသော်လည်း ဂိမ်းချစ်သူများက ကြော်ငြာပိုစတာရှေ့တွင် စုဝေးကာ အမှတ်တရဓာတ်ပုံရိုက်ခဲ့သည်။

“ဒီဂိမ်းက ဆော့လို့သိပ်ကောင်းပြီး ဂရပ်ဖစ်ဖန်တီးချက်တွေကလည်း သိပ်ကောင်းတယ်။ ပတ်ဝန်းကျင် အသွင်အပြင်ကလည်း သိပ်ကောင်းတယ်။ ကျွန်တော်က အဲဒီဇာတ်ကောင်ကို တကယ်စိတ်ဝင်စားတယ်။ ဝူခုန်းက တခြားဂိမ်းတွေကနေလည်း ကြားဖူးနေတဲ့ ဇာတ်ကောင်တစ်ခုလိုပဲ” ဟု ၂၀၂၄ ခုနှစ် Gamescom ပွဲတော်သို့ တက်ရောက်ခဲ့သည့် အိုကန်ဟု အမည်ရသူက ဆိုသည်။”လောလောဆယ်မှာ ကျွန်တော်က Soulslike ဂိမ်းတွေကို အကြိုက်ဆုံးပရိသတ်ဖြစ်နေလို့ ဝူခုန်းက ကျွန်တော့်အကြိုက်ပဲ။ ကျွန်တော် အဲဒီဂိမ်းအကြောင်း စပြီးကြားကတည်းက အဲဒါကို တော်တော်လေး မျှော်လင့်နေတာ။ အဲဒီတုန်းက ဒီဂိမ်းက တကယ့်ကိုအသစ်အဆန်းပဲ။ ကျွန်တော်ပြန်ပြီး တစ်ဝကြီးဆော့မှာ” ဟု ပိုလန်ဂိမ်းထုတ်လုပ်ရေး စတူဒီယို Render Cube ၏ အမှုဆောင်ချုပ် ဒါမီယန် ဇီမန်စကီးက ပြောကြားခဲ့သည်။

၁၆ ရာစု တရုတ်ဂန္တဝင် ဝတ္ထုဇာတ်လမ်းကောင်းဖြစ်သည့် “အနောက်ဘက်သို့ခရီးသွားခြင်း” (Journey to the West) အား ကျောရိုးပြု၍ ဆန်းသစ်ဖန်တီးထားသော အဆိုပါဂိမ်းကြောင့် တရုတ်နိုင်ငံ၏ ရိုးရာယဉ်ကျေးမှုအပေါ် စိတ်ဝင်စားမှုများ တစ်ဟုန်ထိုးမြင့်တက်စေခဲ့သည်။”ကျွန်တော်က ဒီဇာတ်လမ်းနဲ့ တရုတ်နိုင်ငံရဲ့ သမိုင်းကြောင်းကို သိပ်သဘောကျတော့ ဈေးကွက်မှာ လူတွေသဘောကျတဲ့အရာမျိုးရှိနေတာ သိပ်ကောင်းတယ်” ဟု ဇီမန်စကီးက ဆိုသည်။

“ကျွန်တော်က စထွက်တဲ့နေ့ကတည်းက အဲဒီဂိမ်းကိုဝယ်ပြီး နှစ်ရက်ဆက်တိုက် ဆော့ခဲ့တယ်။ မနေ့တုန်းကနဲ့ တစ်နေ့ကပေါ့။ ဒီလိုမျိုး ARPG ဂိမ်းအမျိုးအစားထဲမှာ တရုတ်ရိုးရာ ရသစာပေထဲက ဇာတ်ကောင်တွေကို မြင်ဖူးတာ ဒါပထမဆုံးပဲဗျ။ ဒီဂိမ်းက တကယ့်ကို အသက်ဝင်တယ်” ဟု Bonn တက္ကသိုလ်တွင် တက်ရောက်နေသော တရုတ်ကျောင်းသားတစ်ဦးဖြစ်သည့် ရှင်းကျိချောင်က ပြောကြားခဲ့သည်။”ဒီလိုဂိမ်းမျိုးက တရုတ်ဒဏ္ဍာရီရဲ့ အနှစ်သာရတွေကို တစ်ကမ္ဘာလုံးကို ကျိန်းသေပေါက် ဖြန့်ဝေပေးနိုင်မယ်လို့ ကျွန်တော်ထင်တယ်။ အထူးသဖြင့် အနောက်နိုင်ငံတွေမှာသိကြတဲ့ မျောက်ဘုရင်ဝူခုန်းအကြောင်းကိုရော ဒဏ္ဍာရီလာ ဇာတ်ကောင်ဖြစ်တဲ့ စွန်းဝူခုန်းရဲ့ သရုပ်မှန်ကိုပါ သိမြင်နားလည်လာနိုင်တယ်။ ဒီဂိမ်းက ဒီလိုကြီးကျယ်ခမ်းနားတဲ့ ဒဏ္ဍာရီလာ ပုဂ္ဂိုလ်အကြောင်း ထင်ထင်ရှားရှားသိစေဖို့ အရေးပါတဲ့ နည်းလမ်းတစ်ခုကိုပေးပါတယ်” ဟု ဂူဇီလက်က ၎င်း၏အမြင်ကို ထုတ်ဖော်ပြောကြားခဲ့သည်။Communication University of China မှ ဂိမ်းယဉ်ကျေးမှု ဘာသာရပ်ဆိုင်ရာ ကျွမ်းကျင်သူ ဝူဝေ့ဟွာက Black Myth: Wukong ဂိမ်း၏ နောက်ကွယ်မှ အောင်မြင်မှုသည် ဒဏ္ဍာရီမဟုတ်ဟု ဆိုသည်။

“ပထမဆုံးအနေနဲ့ Black Myth: Wukong ဂိမ်းဟာ တရုတ်ယဉ်ကျေးမှုဓလေ့ကို ပီပီပြင်ပြင်ယူထားပြီး ကမ္ဘာတစ်လွှားကို ပျံ့နှံ့သွားအောင် လုပ်ထားတယ်။ ဒီဂိမ်းက တစ်ကမ္ဘာလုံးက သုံးစွဲသူတွေ၊ ဂိမ်းကစားသူတွေနဲ့ ပရိသတ်တွေ တရုတ်ဇာတ်လမ်းကို နားလည်လာပြီး အလေးထားလာအောင် လုပ်ပေးတယ်” ဟု ဝူက ပြောကြားခဲ့သည်။”ဒုတိယအချက်ကတော့ ဒီဂန္တဝင် အကြောင်းအရာကို ခေတ်ပေါ်ပုံစံနဲ့ ပုံဖော်ထားတယ်။ ဒီဂိမ်းထဲက ဇာတ်ကြောင်း၊ ဇာတ်ကောင်တွေ၊ ဇာတ်ကြောင်းပြန်တာနဲ့ အဓိကဇာတ်ကောင်တွေရဲ့ သက်ဝင်လှုပ်ရှားပုံတွေက ဂန္တဝင်စာပေတွေထဲက အကြောင်းအရာတွေကို ကူးယူရုံသက်သက်မဟုတ်ဘဲ ခေတ်နဲ့လျော်ညီအောင်လည်း ဖန်တီးထားတယ်” ဟု ၎င်းက ဆိုသည်။ “နောက်ဆုံးမှပြောဖြစ်ပေမဲ့ အရေးပါတဲ့ နောက်ထပ်အချက်တစ်ချက်ကတော့ ဂိမ်းတီထွင်တဲ့သူဟာ ဂိမ်းကစားသူတွေ အကျွမ်းတဝင်မရှိသေးတဲ့ အရာတစ်ခုကို အကျွမ်းတဝင်ဖြစ်အောင် ပြောင်းလဲပေးခဲ့တယ်။ အလှမ်းဝေးပြီး လက်လှမ်းမမီတဲ့ ရှုခင်းရှုကွက်တွေကို ကျွန်တော်တို့မျက်စိရှေ့မှောက်ကို ယူလာပေးတယ်” ဟုလည်း ဝူက ပြောကြားခဲ့သည်။
ဂိမ်းအတော်များများ၏ အခင်းအကျင်းဒီဇိုင်းများထဲတွင် တရုတ်ရိုးရာယဉ်ကျေးမှု အကြောင်းအရာများကို ပေါင်းစပ်ထည့်သွင်းထားသော်လည်း ထိုဂိမ်းအားလုံး အောင်မြင်နိုင်မည် မဟုတ်ဟုလည်း ဝူက ဆိုသည်။

“လူကြိုက်များနိုင်တဲ့ ဂိမ်းတွေမှာ ခေတ်မီတဲ့ ဂိမ်းနည်းပညာတွေသုံးတာ၊ ကြွယ်ဝတဲ့ ယဉ်ကျေးမှု အကြောင်းအရာတွေ ပေါင်းစပ်ထားတာနဲ့ မတူကွဲပြားတဲ့ လူမှုရေး အကြောင်းအခြင်းအရာတွေကို ထင်ဟပ်စေတာတို့လို တူညီတဲ့ သွင်ပြင်လက္ခဏာတချို့ ရှိတယ်လို့ ကျွန်တော်ထင်တယ်။ သူတို့ဟာ ဗဟုသုတ တိုးပွားစေတဲ့ တန်ဖိုးကိုလည်း ပိုင်ဆိုင်ထားတယ်။ ဒါ့အပြင် အကြီးအကျယ် လူကြိုက်များနိုင်တဲ့ ဂိမ်းတွေက အများအားဖြင့် သုံးစွဲသူအမျိုးမျိုးကို ဦးတည်တဲ့ ပလက်ဖောင်းအမျိုးမျိုးမှာ ကြော်ငြာကြတယ်” ဟု ဝူဝေ့ဟွာက သုံးသပ်ခဲ့သည်။

တတိယအချက်မှာ လူကြိုက်များသော ဂိမ်းများသည် ဂိမ်းကစားသူများအား တစ်မူထူးခြားသည့် အတွေ့အကြုံများနှင့် ယဉ်ကျေးမှုဆိုင်ရာ အသိအမြင်များ ပေးနိုင်ရမည်ဖြစ်ကြောင်း၊ ဂိမ်းကစားသူတိုင်းက ၎င်းတို့၏ ကိုယ်တွေ့ဘဝအတွေ့အကြုံ သို့မဟုတ် နောက်ခံယဉ်ကျေးမှုနှင့် ဆက်နွှယ်နေသည့် စိတ်ဝင်စားဖွယ် အသေးစိတ်အကြောင်းအရာများကို Black Myth: Wukong ဂိမ်းတွင် တွေ့ရှိနိုင်မည်ဖြစ်ကြောင်းလည်း ၎င်းက ဆိုသည်။

ဗီဒီယိုဖန်တီးထုတ်လုပ်သူ အများအပြားက တရုတ်ဂန္တဝင် ဒဏ္ဍာရီများ၊ ရိုးရာပုံပြင်များနှင့် ဂန္တဝင်စာပေများမှ အကြောင်းအရာများကို မြင်ယောင်လာစေရန် AI နည်းပညာ အသုံးပြုထားသည်ကို မြင်တွေ့ရကြောင်း၊ ထိုနည်းပညာများနှင့် AI နည်းပညာ အခြေပြုသော ရသမြောက်ပုံစံများကို ပုံမှန်အားဖြင့် အလွန်အမင်း အနောက်တိုင်းပုံစံ သွင်းထားသည့်အတွက် ဆီလျော်သဟဇာတဖြစ်မှု မရှိကြောင်း၊ သို့သော် Black Myth: Wukong ဂိမ်းတွင် ဖန်တီးသူများက တရုတ်ပန်းချီပညာ၏ ရသခံစားမှုပေးနိုင်သော အကြောင်းအရာများကို ၎င်းတို့၏ ဒီဇိုင်းဖန်တီးချက်များထဲတွင် ထည့်သွင်းထားကြောင်း၊ ဂန္တဝင်ဝတ္ထုရှည် ‘အနောက်ဘက်သို့ခရီးသွားခြင်း’ ထဲမှ ဂန္တဝင် အကြောင်းအရာများကို AI နည်းပညာနှင့် ပေါင်းစပ်ဖန်တီး၍ ဂိမ်းထဲတွင်ပါဝင်သော နောက်ခံရှုခင်းရှုကွက်များကို ဖန်တီးရုံသက်သက်ဖြင့် Black Myth: Wukong ဂိမ်းသည် ယခုလောက်အထိ အောင်မြင်လိမ့်မည် မဟုတ်ကြောင်း ဝူဝေ့ဟွာက ပြောကြားခဲ့သည်။ (Xinhua)

————————————–
(English Version)
Wukong embarks on “journey to success”
STORYLINE:
The video game Black Myth: Wukong is a smash hit.
The Chinese action RPG (role-playing game) from Game Science sparked widespread excitement following its global debut on Tuesday and has soon become the most-played single-player game on Steam.
The response has been electrifying.
SOUNDBITE 1 (Turkish): TUNAY GUZELAD, Social media and digital content specialist and owner of Iconical Creative Company, Türkiye
“It features an incredible game engine that creates an immersive experience, making you feel as though you’re inside a world of Chinese mythology. Playing the game with its stunning graphics and engaging action is truly enjoyable.”
Social media platforms are abuzz with trending topics.
Skilled players live stream gameplay.
Savvy retailers are launching promotional partnerships with the game’s developer.
At this year’s Gamescom in Cologne, Germany, fans have gathered to pose in front of a promotional board for the game, despite its developer’s absence.
SOUNDBITE 2 (English): OKEN, Visitor at Gamescom 2024
“It’s nice to play and the graphic looks really good. The atmosphere is pretty nice. I’m actually interested in this character. Wukong is like a character you hear from other games as well.”
SOUNDBITE 3 (English): DAMIAN SZYMANSKI, CEO of Polish game development studio Render Cube
“Currently, I’m the biggest fan of Soulslike games, so actually, Wukong is my thing. First I heard about the game, I was really looking forward to it, because back then, it was something new. I will go back, play it a lot.”
Adapting the 16th-century great Chinese classic “Journey to the West,” the game has ignited a surge of interest in traditional Chinese culture.
SOUNDBITE 4 (English): DAMIAN SZYMANSKI, CEO of Polish game development studio Render Cube
“I seriously love the story and history of China, so it’s great to have something on the market that people love.”
SOUNDBITE 5 (Chinese): XIN ZHICHAO, Chinese student, University of Bonn
“I bought it on its release day and played for two days straight, yesterday and the day before. It’s the first time that I’ve seen characters from traditional Chinese literature in an ARPG (action role-playing game) like this. I find it really immersive.”
SOUNDBITE 6 (Turkish): TUNAY GUZELAD, Social media and digital content specialist and owner of Iconical Creative Company, Türkiye
“In my opinion, a game like this can definitely convey the essence of Chinese mythology to the world. Specifically, it can shed light on the Monkey King, (what Wukong is) known in the West, and his true nature as the mythical character Sun Wukong. The game provides a valuable way to showcase this grand mythological figure.”
According to Wu Weihua, a scholar of game culture studies at Communication University of China, the success behind Black Myth: Wukong is not mythical.
SOUNDBITE 7 (Chinese): WU WEIHUA, Scholar of game culture studies, Communication University of China
“(First,) ‘Black Myth: Wukong’ has taken something distinctly Chinese and made it universal. This game enables global users, players, and audiences to understand and appreciate the Chinese story.
Second, the game presents the classic story in a contemporary way. The storyline, characters, narrative, and life of major roles in the game do not just copy those in the classic literature. They have been modernized.
Last but not least, they (the game’s developer) have turned something unfamiliar into familiar to players. They have brought distant, unreachable scenes right to our eyes.”
Wu says although many games also integrate traditional Chinese cultural elements into their designs, not all can succeed.
SOUNDBITE 8 (Chinese): WU WEIHUA, Scholar of game culture studies, Communication University of China
“I think games that can go viral share some common characteristics, such as the adoption of cutting-edge gaming technologies, the integration of rich cultural elements, and the reflection of diverse social contexts. They also possess the added value of knowledge. Moreover, games that can achieve massive popularity are often promoted on various platforms targeting different users.
Third, popular games must provide players with wonderful experiences and cultural awareness. Every player can find interesting details from Black Myth: Wukong that are related to their personal life experience or cultural background.
We see many video producers use AI to visualize the texts of classic Chinese myths, folk stories, and classic literature. These technology-and-AI-oriented aesthetic styles are usually very Westernized, very unharmonious. However, in Black Myth: Wukong, designers have integrated aesthetic elements of Chinese painting into their designs. If they just simply put the classic texts of ‘Journey to the West’ into AI and used AI to design the scenes for them, I’m sure the game would not be as successful as it is today.”
English Caption
People try “Black Myth: Wukong” at the booth of Game Science during Gamescom 2023 in Cologne, Germany, Aug. 23, 2023. (Xinhua/Zhang Fan)