ဗဟုဝင်ရိုးကမ္ဘာစနစ်နှင့် မျှတသော နိုင်ငံတကာအစီအစဉ်အတွက် တရုတ်နိုင်ငံနှင့်အတူ ကြိုးပမ်းအားထုတ်မည်ဖြစ်ကြောင်း ရုရှားနိုင်ငံ သမ္မတ ဗလာတီမာပူတင်ပြောကြား

စိန့်ပီတာစဘတ်၊ စက်တင်ဘာ ၁၄ ရက် (ဆင်ဟွာ)
ဗဟုဝင်ရိုးကမ္ဘာစနစ်ကို ဆက်လက်ဖော်ဆောင်ရေး၊ တရားမျှတမှုနှင့် နိုင်ငံတကာဥပဒေတို့အပေါ် အခြေခံသည့် နိုင်ငံတကာ အစီအစဉ်တစ်ခုကို ပုံဖော်တည်ဆောက်ရေးအတွက် တရုတ်နိုင်ငံနှင့်အတူ ကြိုးပမ်းအားထုတ်ရန် ဆန္ဒရှိကြောင်း ရုရှားနိုင်ငံ သမ္မတ ဗလာတီမာပူတင်က စက်တင်ဘာ ၁၃ ရက်၌ ပြောကြားခဲ့သည်။
စိန့်ပီတာစဘတ်မြို့၌ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ ဗဟိုနိုင်ငံခြားရေးရာကော်မရှင်ရုံး အကြီးအကဲ ဝမ်ရိနှင့် တွေ့ဆုံဆွေးနွေးစဉ် ပူတင်က အထက်ပါအတိုင်း ပြောကြားခဲ့ခြင်းဖြစ်သည်။
၎င်း၏ လှိုက်လှဲသော နှုတ်ခွန်းဆက်မှုနှင့် ဆုမွန်ကောင်းများကို သမ္မတကြီး ရှီကျင့်ဖိန်အား တစ်ဆင့်ပြောကြားပေးပါရန် ပူတင်က ဝမ်အား ပြောကြားခဲ့ကာ လာမည့်အောက်တိုဘာလ၌ ကာဇန်မြို့တွင် ကျင်းပမည့် BRICS ခေါင်းဆောင်များ ထိပ်သီးအစည်းအဝေးသို့ တရုတ်နိုင်ငံက တက်ရောက်မည်ဟု မျှော်လင့်ကြောင်း ပြောကြားခဲ့သည်။
တန်းတူညီမျှမှုရှိရေးနှင့် အပြန်အလှန်အကျိုးဖြစ်ထွန်းရေး မူဝါဒများကို ကျင့်သုံးလျက်ရှိသည့် ရုရှားနိုင်ငံနှင့် တရုတ်နိုင်ငံတို့သည် ခေတ်သစ်ကာလအတွက် ဘက်ပေါင်းစုံ မဟာဗျူဟာမြောက် မိတ်ဖက်ဆက်ဆံမှုအရ ညှိနှိုင်းဆောင်ရွက်မှုများကို နက်နက်ရှိုင်းရှိုင်း ဖော်ဆောင်လျက်ရှိကြောင်း၊ အဆင့်အသီးသီး၌ အပြန်အလှန် ထိတွေ့ဆက်ဆံရာတွင် ခိုင်မာအားကောင်းသော အရှိန်အဟုန်ကို ဆက်လက်ထိန်းသိမ်းထားကြောင်း၊ နယ်ပယ်စုံ ပူးပေါင်းဆောင်ရွက်မှုများကလည်း ချောမွေ့စွာ တိုးတက်လျက်ရှိကြောင်း ပူတင်က ဆိုသည်။
ယခုနှစ်၌ နှစ်နိုင်ငံ သံတမန်ဆက်ဆံရေးထူထောင်မှု ၇၅ နှစ်မြောက် အခါသမယအား နှစ်နိုင်ငံ ခေါင်းဆောင်များအကြား ရရှိထားသော အရေးပါသည့် ဘုံသဘောတူညီမှုများကို ဆက်လက်အကောင်အထည်ဖော်ရေးအတွက် အခွင့်အလမ်းတစ်ခုအဖြစ် အသုံးချရန်၊ ဖွံ့ဖြိုးတိုးတက်ရေး မဟာဗျူဟာများအား ပေါင်းစည်းချိန်ညှိမှုကို အခိုင်အမာလုပ်ဆောင်ရန်၊ ရုရှား-တရုတ် ဆက်ဆံရေးကို အဆင့်သစ်တစ်ခုသို့ တိုးမြှင့်ရန် ရုရှားနိုင်ငံက ဆန္ဒရှိကြောင်း ၎င်းက ပြောကြားခဲ့သည်။
ဆက်လက်၍ BRICS အဖွဲ့၏ အလှည့်ကျဥက္ကဋ္ဌအဖြစ် ရုရှားနိုင်ငံက ဆောင်ရွက်ခြင်းအပေါ် ထောက်ခံအားပေးမှုအတွက် တရုတ်နိုင်ငံအား ကျေးဇူးတင်ကြောင်း ပူတင်က ပြောကြားခဲ့ကာ BRICS လုံခြုံရေးကောင်စီ အစည်းအဝေးသည် အပြုသဘောဆောင်သည့် ရလဒ်များကို ဖြစ်ထွန်းစေပြီး ကမ္ဘာ့တောင်ဘက်ခြမ်း နိုင်ငံများနှင့် အောင်မြင်သော ဆွေးနွေးမှုများက BRICS အဖွဲ့၏ ဩဇာလွှမ်းမိုးမှုနှင့် စွမ်းပကားကို အပြည့်အဝပြသလျက်ရှိကြောင်း ပြောကြားခဲ့သည်။
ရုရှားသမ္မတက ရေရှည်အတွက် လူသားမျိုးနွယ်၏ ဘုံအနာဂတ်ကို အခြေခံသော တရုတ်နိုင်ငံ၏ သံတမန်နည်းလမ်းအား ချီးကျူးခဲ့ကာ ကမ္ဘာ့တောင်ဘက်ခြမ်း နိုင်ငံများနှင့် ပိုမိုပေါင်းစည်းလျက် ဗဟုဝင်ရိုးကမ္ဘာအား ပူးတွဲပုံဖော်၍ တရားမျှတမှုနှင့် နိုင်ငံတကာ ဥပဒေများအပေါ် အခြေခံသော နိုင်ငံတကာအခင်းအကျင်းတစ်ခုကို တည်ဆောက်ရာတွင် တရုတ်နိုင်ငံနှင့် ညှိနှိုင်းဆောင်ရွက်မှုများကို အခိုင်အမာလုပ်ဆောင်ရန် ဆန္ဒရှိကြောင်းလည်း ပြောကြားခဲ့သည်။
ဝမ်ကလည်း ရှီ၏ လှိုက်လှဲသော နှုတ်ခွန်းဆက်စကားများကို ပူတင်အား တစ်ဆင့်ပြန်လည်ပြောကြားခဲ့သည်။
တရုတ်နိုင်ငံနှင့် ရုရှားနိုင်ငံအကြား ခိုင်မာသော အပြန်အလှန်ယုံကြည်မှု၊ အလွန်လေးနက်သော ချစ်ကြည်ရင်းနှီးမှုများရှိကြောင်း၊ နှစ်နိုင်ငံခေါင်းဆောင်များ၏ မဟာဗျူဟာမြောက် လမ်းညွှန်မှုအောက်တွင် ခေတ်သစ်ကာလအတွက် တရုတ်-ရုရှား ဘက်ပေါင်းစုံ မဟာဗျူဟာမြောက် မိတ်ဖက်ဆက်ဆံရေးအရ ညှိနှိုင်းဆောင်ရွက်မှုသည် ခိုင်မာတည်ငြိမ်သော ဖွံ့ဖြိုးတိုးတက်မှုများ ရရှိခဲ့ကြောင်း ဝမ်က ပြောကြားခဲ့သည်။
နှစ်ဖက်လုံးက မဟာဗျူဟာကျသော ပူးပေါင်းဆောင်ရွက်မှုများကို ခိုင်မာအောင်လုပ်ဆောင်ခဲ့ကာ တစ်ဖက်သတ် ဗိုလ်ကျအနိုင်ကျင့်မှုကို ပယ်ချပြီး အုပ်စုဖွဲ့ ထိပ်တိုက်တွေ့မှုအား ခေတ်ကာလ၏ လားရာအရသော်လည်းကောင်း၊ ကမ္ဘာ့တောင်ဘက်ခြမ်း နိုင်ငံအများအပြား၏ ဘုံရည်မှန်းချက်များအရသော်လည်းကောင်း ဆန့်ကျင်တွန်းလှန်ခဲ့သည်ဟု ဝမ်က ပြောကြားခဲ့သည်။ ဆက်လက်၍ တရုတ်နိုင်ငံက ရုရှားနိုင်ငံနှင့် မဟာဗျူဟာမြောက် ဆက်ဆံရေးကို ထိန်းသိမ်းရန်၊ စိတ်တူကိုယ်တူ နိုင်ငံများနှင့် ပိုမိုပေါင်းစည်းရန်၊ ဗဟုဝင်ရိုးကမ္ဘာ အခင်းအကျင်းကို အထောက်အကူပြုရန် တရုတ်နိုင်ငံက ဆန္ဒရှိကြောင်းလည်း ၎င်းက ထည့်သွင်းပြောကြားခဲ့သည်။
သက်ဆိုင်သူအားလုံး၏ ပူးပေါင်းအားထုတ်မှုများနှင့်အတူ BRICS Plus ပူးပေါင်းဆောင်ရွက်မှုသည် အစကောင်းမွန်ခဲ့ကြောင်းလည်း ဝမ်က ဆိုသည်။
BRICS အဖွဲ့အား တိုးချဲ့ပြီးနောက် ခေါင်းဆောင်များ၏ ပထမဆုံးအစည်းအဝေးဖြစ်သော မကြာမီကျင်းပမည့် ကာဇန် ထိပ်သီးအစည်းအဝေး၌ ရုရှားနိုင်ငံက သဘာပတိအဖြစ် ဆောင်ရွက်မှုနှင့် ထိပ်သီးအစည်းအဝေး အလုံးစုံ အောင်မြင်ရေးအတွက် တရုတ်နိုင်ငံက ဆက်လက်၍ အပြည့်အဝ ပံ့ပိုးကူညီမည်ဖြစ်ကြောင်း သိရသည်။
သာတူညီမျှရှိ၍ စနစ်ကျသော ဗဟုဝင်ရိုးကမ္ဘာ အခင်းအကျင်းနှင့် တစ်ကမ္ဘာလုံးအတွက် အကျိုးရှိစေပြီး အားလုံးပါဝင်သော ကမ္ဘာ့စီးပွားရေး ပေါင်းစည်းမှုစနစ်အား အားပေးထောက်ကူလျက် လူသားမျိုးနွယ်အတွက် အေးအတူပူအမျှ အသိုက်အဝန်း တည်ဆောက်ရေးကို အထောက်အကူပေးရန် BRICS မိတ်ဖက်နိုင်ငံများနှင့်အတူ လက်တွဲလုပ်ဆောင်ရန် တရုတ်နိုင်ငံက အသင့်ရှိကြောင်းလည်း ဝမ်က ပြောကြားခဲ့သည်။
ထို့အပြင် ယူကရိန်းအရေးကိစ္စနှင့် စပ်လျဉ်း၍လည်း နှစ်ဖက် အမြင်ချင်းဖလှယ်ဆွေးနွေးခဲ့ကြောင်း သိရသည်။
တရုတ်နိုင်ငံနှင့် ဘရာဇီးနိုင်ငံတို့က အဆိုပြုထားသည့် ဘုံသဘောတူညီချက် ၆ ရပ်ကို အသိအမှတ်ပြုကြောင်း၊ ဆွေးနွေးညှိနှိုင်းမှုများအတွက် ရုရှားနိုင်ငံက လမ်းဖွင့်ထားကြောင်း ပူတင်က ပြောကြားခဲ့သည်။
ဝမ်ကလည်း တရုတ်နိုင်ငံအနေဖြင့် ထိုအကျပ်အတည်းအား နိုင်ငံရေးနည်းလမ်းဖြင့် ဖြေရှင်းမှုကို အထောက်အကူပေးရန် စိတ်ပိုင်းဖြတ်ထားကြောင်း၊ နိုင်ငံတကာအသိုင်းအဝိုင်းတွင် ဓမ္မဓိဋ္ဌာန်ကျ၍ ကျိုးကြောင်းဆီလျော်ကာ မျှတသော သဘောထားကို အားဖြည့်ပေးရန်အတွက် သက်ဆိုင်သူအားလုံးနှင့်အတူ ကြိုးပမ်းအားထုတ်ရန် ဆန္ဒရှိကြောင်း ပြောကြားခဲ့သည်။ (Xinhua)
…………………………
(English Version)
Russia to work with China for multipolarity, fair int’l order, says Putin
ST. PETERSBURG, Sept. 12 (Xinhua) — Russian President Vladimir Putin on Thursday voiced willingness to work together with China to advance multipolarity and build an international order based on justice and international law.
Putin made the remarks during talks with Wang Yi, a member of the Political Bureau of the Communist Party of China Central Committee and director of the Office of the Central Commission for Foreign Affairs, in St. Petersburg.
Putin asked Wang to convey his sincere greetings and best wishes to Chinese President Xi Jinping, expecting China’s attendance at the BRICS leaders’ summit in Kazan next month.
Russia and China, acting on the principles of equality and mutual benefit, have been deepening their comprehensive strategic partnership of coordination for the new era. Interactions at all levels maintain a strong momentum, and cooperation in various fields is progressing smoothly, he said.
Russia is willing to take the 75th anniversary of the establishment of diplomatic relations between the two countries this year as an opportunity to follow through on the important consensus reached by the heads of state, strengthen the alignment of development strategies, and lift the Russia-China relationship to a new level, said Putin.
Putin thanks China for its support for Russia as the rotating chair of BRICS, stressing that the BRICS security council meeting has achieved positive results, and the successful dialogue with the Global South countries fully demonstrates the influence and strength of BRICS.
The Russian president applauded China’s diplomacy based on the long-term and the common future of humanity, and voiced willingness to strengthen coordination with China to unite more Global South countries and jointly push for a multipolar world so as to build an international order based on justice and international law.
For his part, Wang conveyed Xi’s warm greetings to Putin.
China and Russia have solid mutual trust and a profound friendship, he said, adding that under the strategic guidance of the leaders of the two countries, the China-Russia comprehensive strategic partnership of coordination for the new era has achieved sound and steady growth.
The two sides have strengthened strategic cooperation, rejected unilateral bullying, and resist bloc confrontation, which is in line with the trend of the times and the common aspirations of the vast number of the countries of the South, said Wang, adding that China is willing to maintain strategic communication with Russia, unite more like-minded countries, and promote world multipolarity.
He said that with the joint efforts of all parties, the BRICS Plus cooperation has got off to a good start.
At the upcoming Kazan Summit, the first meeting of leaders after the expansion of BRICS, China will continue to offer full support for Russia in fulfilling its responsibilities as the chair, and strive to make the summit a full success.
China is ready to work with BRICS partners to push for an equal and orderly multipolar world and universally beneficial and inclusive economic globalization so as to make contributions to building a community with a shared future for mankind, he added.
The two sides also exchanged views on the Ukraine issue.
Putin appreciated the “six-point consensus” made by China and Brazil, reiterating Russia’s openness to negotiations.
Wang said that China is committed to promoting a political solution to the crisis and is willing to work with all parties to foster an objective, rational, and balanced voice in the international community. Enditem
English Caption
Russian President Vladimir Putin meets with Wang Yi, a member of the Political Bureau of the Communist Party of China Central Committee and director of the Office of the Central Commission for Foreign Affairs, in St. Petersburg, Russia, Sept. 12, 2024. (Xinhua/Cao Yang)