တရုတ်နိုင်ငံ ဒုတိယသမ္မတ ဟန်ကျိန့်နှင့် ရုရှားနိုင်ငံ သမ္မတ ဗလာတီမာပူတင်တို့ တွေ့ဆုံ

ဗလာဒီဗော့စတော့ခ်၊ စက်တင်ဘာ ၅ ရက် (ဆင်ဟွာ)
တရုတ်နိုင်ငံ ဒုတိယသမ္မတ ဟန်ကျိန့်သည် ရုရှားနိုင်ငံ အရှေ့ဖျားရှိ ဗလာဒီဗော့စတော့ခ်မြို့၌ ရုရှားနိုင်ငံ သမ္မတ ဗလာတီမာပူတင်နှင့် စက်တင်ဘာ ၄ ရက်တွင် တွေ့ဆုံခဲ့သည်။
ဟန်က တရုတ်နိုင်ငံသမ္မတ ရှီကျင့်ဖိန်၏ နွေးထွေးပျူငှာသော ဆုတောင်းမေတ္တာ ပို့သမှုများနှင့် ဆုမွန်ကောင်းများကို သမ္မတပူတင်အား ထပ်ဆင့်ပြောကြားခဲ့ပြီး နှစ်နိုင်ငံဆက်ဆံရေး ထူထောင်မှု ၇၅ နှစ် ပြည့်မြောက်သော သမိုင်းဝင် နိဒါန်းအသစ်၌ ခေတ်သစ်ကာလ တရုတ်-ရုရှား ဆက်ဆံရေးသည် နှစ်နိုင်ငံခေါင်းဆောင် နှစ်ဦး၏ မဟာဗျူဟာမြောက် လမ်းညွှန်မှုအောက်တွင် အဆင့်အတန်းမြင့်မားစွာ တည်မြဲလျက်ရှိကြောင်း ပြောကြားခဲ့သည်။
နှစ်နိုင်ငံအကြား ပူးပေါင်းဆောင်ရွက်မှု အလားအလာများအပေါ် တရုတ်နိုင်ငံက အပြည့်အဝယုံကြည်ကြောင်း ဟန်က ဆိုသည်။ တရုတ်နိုင်ငံအနေဖြင့် အရှေ့ဖျားစီးပွားရေးဖိုရမ်၏ အခန်းကဏ္ဍနှင့် ဩဇာအရှိန်အဝါတို့ကို အလွန်ပင်တန်ဖိုးထားကာ ရုရှားနိုင်ငံ အရှေ့ဖျားဒေသ၏ ဖွံ့ဖြိုးတိုးတက်မှုနှင့် ပူးပေါင်းဆောင်ရွက်မှုများကို တက်ကြွစွာထောက်ခံအားပေးလျက် ပါဝင်နေပြီး နှစ်နိုင်ငံပြည်သူများအား တိုးတက်ဖြစ်ထွန်းမှုများ ပိုမိုရရှိစေရေးနှင့် ဘုံဖွံ့ဖြိုးတိုးတက်မှုနှင့် အားသစ်လောင်းမှုတို့ကို အထောက်အကူပေးရေးအတွက် ရုရှားနိုင်ငံအား ဖွံ့ဖြိုးတိုးတက်မှု အခွင့်အလမ်းများ မျှဝေရန် အသင့်ရှိနေကြောင်းလည်း ၎င်းက ပြောကြားခဲ့သည်။
သမ္မတပူတင်ကလည်း ၉ ကြိမ်မြောက် အရှေ့ဖျားစီးပွားရေးဖိုရမ် တက်ရောက်ရန် ရုရှားသို့ရောက်ရှိလာသည့် ဟန်ကို ကြိုဆိုခဲ့ကာ ၎င်း၏လှိုက်လှဲသော နှုတ်ခွန်းဆက်စကားနှင့် ဆုမွန်ကောင်းများကို သမ္မတရှီအား ထပ်ဆင့်ပြောကြားပေးပါရန် ပန်ကြားခဲ့သည်။
သမ္မတပူတင်က ရုရှား-တရုတ် ဆက်ဆံရေးသည် သမိုင်းတစ်လျှောက် အကောင်းဆုံးကာလသို့ ရောက်ရှိနေကြောင်း၊ ရုရှားနိုင်ငံက စီးပွားရေး၊ ကုန်သွယ်ရေး၊ ယဉ်ကျေးမှုနှင့် ဒေသတွင်း အပြန်အလှန် ထိတွေ့ဆက်ဆံမှုကဲ့သို့ နယ်ပယ်အသီးသီးတွင် နှစ်နိုင်ငံ ပူးပေါင်းဆောင်ရွက်မှုများကို အလွန်တန်ဖိုးထားကြောင်း၊ တရုတ်နိုင်ငံနှင့်အတူ ဖွံ့ဖြိုးတိုးတက်မှု အခွင့်အလမ်းသစ်များကို ထပ်မံရှာဖွေရန် မျှော်လင့်ကြောင်း အလေးအနက်ပြောကြားခဲ့သည်။ (Xinhua)

……………………
(English Version)
Chinese VP meets with Putin
VLADIVOSTOK, Sept. 4 (Xinhua) — Chinese Vice President Han Zheng met with Russian President Vladimir Putin here in Russia’s Far East city on Wednesday.
Han conveyed Chinese President Xi Jinping’s warm regards and best wishes to Putin, saying that at this new historical starting point of the 75th anniversary of the establishment of bilateral ties, China-Russia relations in the new era continue to operate at a high level under the strategic guidance of the two heads of state.
Han said China is full of confidence in the prospects of cooperation between the two countries. China highly values the role and influence of the Eastern Economic Forum, actively supports and participates in the development and cooperation of Russia’s Far East region and stands ready to share development opportunities with Russia, so as to benefit the two peoples with more achievements and promote common development and revitalization.
Putin welcomed Han to Russia for the ninth Eastern Economic Forum and asked him to convey his cordial greetings and best wishes to Xi.
Noting that Russia-China relations are in the best period in history, Putin said Russia highly values bilateral cooperation in various fields such as economy, trade, culture and local exchanges and looks forward to exploring more new development opportunities with China. Enditem
English Caption
Chinese Vice President Han Zheng meets with Russian President Vladimir Putin in Vladivostok, Russia, Sept. 4, 2024. (Xinhua/Wang Ye)