တရုတ်-ဂျပန် ဆက်ဆံရေး၏ နိုင်ငံရေးအခြေခံအုတ်မြစ်ကို ဆက်လက်ထိန်းသိမ်းရန် အလွန်အရေးကြီးဟု တရုတ်နိုင်ငံခြားရေးဝန်ကြီး ပြောကြား

တိုကျို၊ မတ် ၂၃ ရက် (ဆင်ဟွာ)

တရုတ်-ဂျပန် ဆက်ဆံရေး တိုးတက်မှုအရှိန်အဟုန်ကို လွယ်လင့်တကူ ရရှိခဲ့ခြင်းမဟုတ်ကြောင်း၊ နှစ်နိုင်ငံဆက်ဆံရေး၏ နိုင်ငံရေးအခြေခံအုတ်မြစ်ကို ဆက်လက်ထိန်းသိမ်းရန် အလွန်အရေးကြီးကြောင်း တရုတ်နိုင်ငံခြားရေးဝန်ကြီး ဝမ်ရိက မတ် ၂၂ ရက်၌ ပြောကြားခဲ့သည်။

တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်လည်းဖြစ်သူ ဝမ်က တိုကျိုမြို့တွင် ဂျပန်နိုင်ငံခြားရေးဝန်ကြီး တာကဲရှိ အိဝါယနှင့် တွေ့ဆုံစဉ် အထက်ပါအတိုင်း ပြောကြားခဲ့ခြင်းဖြစ်သည်။

နီးကပ်သော အိမ်နီးချင်းများဖြစ်သည့် တရုတ်နိုင်ငံနှင့် ဂျပန်နိုင်ငံတို့၏ ဆက်ဆံရေးမှာ နှစ်နိုင်ငံဆက်ဆံရေးနယ်ပယ်ထက်ပင် ကျော်လွန်သည့် အရေးပါမှုရှိကြောင်း၊ နှစ်ဖက်အနေဖြင့် သမိုင်းကြောင်းကို ရင်ဆိုင်ပြီး အနာဂတ်ကို မျှော်တွေးရမည်ဖြစ်ကြောင်း၊ နှစ်နိုင်ငံဆက်ဆံရေး၏ မှန်ကန်သင့်မြတ်သော လမ်းကြောင်းကို ထိန်းသိမ်းရမည်ဖြစ်ကြောင်း၊ နယ်ပယ်အသီးသီးတွင် အပြန်အလှန် အကျိုးဖြစ်ထွန်းစေသော ပူးပေါင်းဆောင်ရွက်မှုများ နက်နက်ရှိုင်းရှိုင်း ဖော်ဆောင်ရမည်ဖြစ်ကြောင်း၊ တည်ငြိမ်၍ ရေရှည်တည်တံ့သော အပြန်အလှန်ဆက်ဆံမှုများကို မြှင့်တင်ရမည်ဖြစ်ကြောင်း၊ နှစ်နိုင်ငံအတွက်သာမက အာရှဒေသ၏ ငြိမ်းချမ်းမှု၊ သာယာဝပြောမှုအတွက်လည်း ပံ့ပိုးထောက်ကူရမည်ဖြစ်ကြောင်း ဝမ်က ပြောကြားခဲ့သည်။

သမိုင်းကြောင်းကို မှန်ကန်စွာနားလည်ပြီး သုံးသပ်ခြင်းက ဂျပန်နိုင်ငံအနေဖြင့် စစ်ပြီးခေတ်တွင် နိုင်ငံတကာအသိုင်းအဝိုင်းနှင့် ပြန်လည်ပေါင်းစည်းခြင်းအတွက် အရေးပါသော မရှိမဖြစ်လိုအပ်ချက်ဖြစ်သလို အိမ်နီးချင်းနိုင်ငံများနှင့် ဆက်ဆံရေး တိုးတက်ကောင်းမွန်စေရေးအတွက်လည်း နိုင်ငံရေး အခြေခံအုတ်မြစ်တစ်ခုဖြစ်ပြီး ဂျပန်အနေဖြင့် ငြိမ်းချမ်းစွာ ဖွံ့ဖြိုးတိုးတက်မှုအတွက် ကတိကဝတ်ပြုမှုကို လိုက်နာစောင့်ထိန်းခြင်းရှိမရှိ စမ်းသပ်အကဲဖြတ်မည့် အရေးပါသော မှတ်ကျောက်တစ်ခုလည်းဖြစ်ကြောင်း ဝမ်က အလေးအနက်ပြောကြားခဲ့သည်။

တရုတ်နိုင်ငံနှင့် ဂျပန်နိုင်ငံကြား နိုင်ငံရေးဆိုင်ရာ ကြေညာချက်လေးရပ်၌ သမိုင်းကြောင်း၊ ထိုင်ဝမ်အရေးကိစ္စတို့နှင့် စပ်လျဉ်းသည့် ရှင်းလင်းပြတ်သားသော ပြဋ္ဌာန်းချက်များ ပါဝင်ကာ ယင်းပြဋ္ဌာန်းချက်များကို တိတိကျကျ ဖော်ဆောင်ရမည်ဖြစ်ကြောင်း ဝမ်က ဆိုသည်။ (Xinhua)

………………………

(English Version)

Maintaining political foundation of China-Japan relations particularly important: Wang Yi

TOKYO, March 22 (Xinhua) — The momentum of improvement in China-Japan relations has not come easily, and it is particularly important to maintain the political foundation of relations between the two countries, Chinese Foreign Minister Wang Yi said here on Saturday.

Wang, also a member of the Political Bureau of the Communist Party of China Central Committee, made the remarks during his meeting with Japanese Foreign Minister Takeshi Iwaya in Tokyo.

As close neighbors, relationship between China and Japan holds significance that goes beyond bilateral scope, Wang noted, saying the two sides should face up to history and look to the future, maintain the right direction of bilateral relations, deepen mutually beneficial cooperation in various fields, promote steady and long-term bilateral relations, and contribute to peace and prosperity of the two countries and Asia.

Wang stressed that correctly understanding and treating history is an important prerequisite for Japan’s post-war return to the international community, political foundation for Japan to develop relations with its neighboring countries, and an important criterion for testing whether Japan can abide by its commitment to peaceful development.

Four political documents between China and Japan have made clear provisions on history and the Taiwan question, which must be strictly implemented, Wang said.

English Caption

Chinese Foreign Minister Wang Yi, also a member of the Political Bureau of the Communist Party of China Central Committee, meets with Japanese Foreign Minister Takeshi Iwaya in Tokyo, Japan, on March 22, 2025. (Xinhua/Jia Haocheng)