တရုတ်နှစ်သစ်ကူးပွဲတော်ကျင်းပခြင်းကြောင့် တရုတ်-မြန်မာရင်းနှီးမှုပိုင်မိုခိုင်စေဟုပြောကြား

ရန်ကုန်၊ဖေဖော်ဝါရီ၂ရက်(ဆင်ဟွာ)

တရုတ်နှစ်သစ်ကူးပွဲတော်ကို နှစ်စဉ်နှစ်တိုင်းတရုတ်လူမျိုးများကကျင်းပလေ့ရှိကြောင်း၊ ထိုကဲ့သို့ ကျင်းပခြင်းကြောင့် တရုတ်-မြန်မာနှစ်နိုင်ငံအိမ်နီးချင်းအချင်းချင်းရင်းနှီးမှုကိုပိုမိုခိုင်မာစေကြောင်း၊မြန်မာနှင့် တရုတ် နှစ်နိုင်ငံသည် ဆွေမျိုးပေါက်ဖော်ဆက်ဆံရေးမျိုးရှိကြသည့် အိမ်နီးချင်းကောင်းများ ဖြစ်ကြကြောင်း မြန်မာနိုင်ငံဆိုင်ရာတရုတ်သံအမတ်ကြီးမစ္စတာဟုန်လျန်က ၎င်း နေအိမ်တွင် ကျင်းပသည့် တရုတ်နှစ်သစ်ကူးပွဲတော်တွင် ဖေဖော်ဝါရီလ ၂ရက်က ပြောကြားခဲ့သည်။

တရုတ် ရိုးရာ နှစ်သစ်အား ကြိုဆိုသည့် အထိမ်းအမှတ် အဖြစ် တရုတ်ရိုးရာ နှစ်သစ်ကူးပွဲတော်အားယနေ့ဖေဖော်ဝါရီ ၂ ရက်တွင် ရန်ကုန်မြို ့ပြည်လမ်းမပေါ်ရှိမြန်မာနိုင်ငံဆိုင်ရာတရုတ်သံအမတ်ကြီးမစ္စတာဟုန်လျန်၏ နေအိမ်၌ကျင်းပပြုလုပ်သည့်ပွဲသို့ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြင့်ဆွေ နှင့်ဇနီး၊ ရန်ကုန်မြို့တော်ဝန်ဦးလှမြင့် ၊ မြန်မာ-တရုတ်ချစ်ကြည်ရေးအသင်းမှ ဥက္ကဌ ဦးစိန်ဝင်းအောင် နှင့် ကုမ္ပဏီ ၊ အဖွဲ့အစည်းအသီးသီးနှင့် စီးပွားရေးလုပ်ငန်းရှင်များလည်း ပါဝင် တက်ရောက်ကြသည်။
မြန်မာနိုင်ငံဆိုင်ရာတရုတ်သံအမတ်ကြီးမစ္စတာဟုန်လျန်က “တရုတ်ရာသီစက်ဝိုင်းအရ နှစ်တစ်နှစ်ဆီကတိရစ္ဆာန် ၁၂ မျိုးထဲကတစ်မျိုးစီနဲ့ ဆက်စပ်နေတယ်။ ဒီနှစ်ကမျောက်နှစ်ဖြစ်တယ်။ အနောက်ဘက်သို့ခရီးသွားမှတ်တမ်းဆိုတဲ့ တရုတ်ဂန္တဝင်မြောက်ဇာတ်လမ်းမှာစွန်ဝူးခုန်းမျောက်မင်း ဇာတ်လမ်းတွဲကရေပန်းစားတဲ့ ဇာတ်လမ်းတစ်ခုဖြစ်ပါတယ်’’ ဟုပြောသည်။
ရန်ကုန်တိုင်းဒေသကြီးဝန်ကြီးချုပ်ဦးမြင့်ဆွေက “ တရုတ်လူမျိုးများကတရုတ်ရိုးရာအရကောင်းမွန်ခြင်းများနဲ့ နှစ်သစ်ကို ကြိုဆိုလေ့ရှိတယ်။ ဒီနှစ်ကမျောက်နှစ်ခါသမယ နှစ်သစ်ကူးဖြစ်ပါတယ်။ သံအမတ်ကြီးကလည်း စွန်းဝူခုန်းမျောက်မင်းအကြောင်းကိုပြောသွားပါတယ်။ စွန်ဝူးခုန်းမျောက်မင်းက ခွန်အားကြီးမားသလိုစွမ်းအင်များကြီးမားတဲ့အတွက် စွန်းဝူခုန်းမျောက်မင်းလို စီးပွါးရေးများတိုးတက်တဲ့ နှစ်ဖြစ်ပါစေလို့ ကျွန်တော့်အနေနဲ့ ဆုမွန်ကောင်းတောင်းပါတယ်’’ ဟုပြောကြားခဲ့သည်။

အခမ်းအနားတွင် မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန်လျန် မှနှုတ်ခွန်းဆက်စကားပြောကြားစဉ်

အခမ်းအနားတွင် ရန်ကုန်တိုင်းဒေသကြီးဝန်ကြီးချုပ် ဦးမြင့်ဆွေမှ နှုတ်ခွန်းဆက်စကားပြောကြားနေစဉ်။

အခမ်းအနားသို့ တက်ရောက်လာကြသော ဧည့်သည်တော်များကိုတွေ့ရစဉ်
တရုတ်ရိုးရာယဉ်ကျေးမှု သရုပ်ပြပွဲများအားမိနစ် ၄၀ကြာပြုလုပ်ကျင်းပခဲ့သည်။ တရုတ်ရိုးရာနဂါးအက၊ ခြင်္သေ့အကများနှင့် ဖျော်ဖြေမှုများ၊ မိန်းမပျိုလေးများ၏ တရုတ်ရိုးရာအက၊ တရုတ်ရိုးရာသိုင်းအကများ နှင့် ဖျော်ဖြေခဲ့ကြသည်။ မျောက်မင်းအကအားကပြဖျော်ဖြေရန် အတွက် ယူနန်ပြည်နယ်မှ တရုတ်အနုပညာရှင်များကိုလည်းဖိတ်ခေါ်၍ ဖျော်ဖြေခဲ့သည်။
၎င်းနှစ်သစ်ကူးပွဲတွင် ပြခန်းပေါင်း ၉ ခန်းပြသခဲ့သည်။ နှစ်သစ်ကူးပွဲတော်တွင် တရုတ်ရိုးရာ နှစ်သစ်ကူးအထိမ်းအမှတ် အဖြစ် တရုတ် ရိုးရာအနုပညာ ဖြစ်သည့် ပန်းဖြင့် စာလုံးပုံဖော်ခြင်း ၊ ခြင်္သေ့ အကများ ၊ တရုတ် ရိုးရာအက၊ အလှများအပြင် တရုတ် ရိုးရာမုန့်အမျိုးမျိုးများကို ပြုလုပ်နည်းများကိုထည့်သွင်း ပြသထားသည့် အပြင် မြန်မာနိုင်ငံရှိတရုတ်သတင်းမီဒီယာများ ဖြစ်ကြသည့် Xinhua ၊ ရွှေဇာမဏီ ၊ China.com တို့ကလည်း ပြခန်းများ ဝင်ရောက် ပြသခဲ့သည်။ဖိတ်ကြားထားသည့်ဧည့်သည်တော်များမှ ပြခန်းများအားစိတ်ဝင်တစားကြည့်ရှုလေ့လာကြကာတရုတ်နှစ်သစ်ကူးပွဲတော်ကိုညနေ ၄ နာရီ မှ စတင်၍ ဧည့်သည်တော်များလောက်ရောက်ပါဝင်ဆင်နွှဲကြတာတွေ့ရသည်။(Xinhua)