Connect with us

Culture & Entertainment

“My People, My Country” ရုပ်ရှင်ဇာတ်ကားက တရုတ်နိုင်ငံ ရုံတင်စာရင်းတွင် ထိပ်ဆုံး၌ ရပ်တည်

“My People, My Country” ရုပ်ရှင်ဇာတ်ကားပိုစတာအား တွေ့ရစဉ် (ဓာတ်ပုံ-အင်တာနက်)

ပေကျင်း၊ အောက်တိုဘာ ၁ ရက် (ဆင်ဟွာ)

တရုတ်ပြည်သူ့သမ္မတနိုင်ငံ (PRC) တည်ထောင်ခြင်း နှစ် ၇၀ ပြည့် အထိမ်းအမှတ်အနေဖြင့် ရိုက်ကူးထုတ်လုပ်ထားသော “My People, My Country” ရုပ်ရှင်ဇာတ်ကားသည် စက်တင်ဘာလ ၃၀ ရက် တရုတ်နိုင်ငံ ရုံတင်စာရင်းတွင် ထိပ်ဆုံး၌ ရပ်တည်လျက်ရှိကြောင်း တရုတ် ရုပ်ရှင်ဆိုင်ရာ အချက်အလက်ကွန်ရက်က အောက်တိုဘာလ ၁ ရက်တွင် ဖော်ပြထားသည်။

တရုတ်နိုင်ငံ အမျိုးသားနေ့ မတိုင်မီ တစ်ရက်အလို “My People, My Country” ဇာတ်ကားအား ရုံတင်ပြသသည့် ပထမဆုံးနေ့ဖြစ်သော စက်တင်ဘာလ ၃၀ ရက်တွင် ရုံဝင်လက်မှတ်ရောင်းအား ယွမ် ၂၈၄ သန်း (အမေရိကန်ဒေါ်လာ ၄၀.၁၅ သန်း) ရရှိခဲ့ကြောင်း ယင်းကွန်ရက်ထံမှ သိရသည်။

Chen Kaige ဦးဆောင်သည့် ဒါရိုက်တာ ၇ ဦး ရုပ်ရှင်ဇာတ်လမ်းတို ၇ ခုပါဝင်သော အဆိုပါ ဇာတ်ကားတွင် တရုတ်ပြည်သူ့သမ္မတနိုင်ငံ တည်ထောင်သည့် ၁၉၄၉ ခုနှစ်ကစ၍ အရေးပါသော သမိုင်းဝင် အခိုက်အတံ့များ ပါဝင်ပြီး ကမ္ဘာတစ်ဝန်း တရုတ်ပြည်သူများ၏ အောက်မေ့ဖွယ် အမှတ်တရများ နိုးကြားလာစေရန် ရည်ရွယ်ထားခြင်း ဖြစ်သည်။

၂၀၁၈ ခုနှစ် မေလက စီချွမ်လေကြောင်း ခရီးစဉ်အမှတ် 3U8633 ၏ အံ့အားသင့်ဖွယ် အရေးပေါ် ဆင်းသက်ခဲ့ရမှုကို ရုပ်ရှင် သရုပ်ဖော်ရိုက်ကူးပြသထားသည့် “The Captain” ဇာတ်ကားက လက်မှတ်ရောင်းအား ယွမ် ၂၀၅ သန်းနီးပါးဖြင့် ဒုတိယနေရာတွင် ရပ်တည်လျက်ရှိသည်။

ထို့ပြင် “The Climbers” ဇာတ်ကားကမူ ယွမ် ၁၆၆ သန်းနီးပါး ဝင်ငွေရှိခဲ့ကာ တတိယနေရာတွင် ရှိခဲ့ကြောင်း သိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.