ကုလသမဂ္ဂလုံခြုံရေးကောင်စီ ဂါဇာအရေးဆုံးဖြတ်ချက်မူကြမ်းအား အမေရိကန် ပယ်ချသည့်အပေါ် တရုတ်ကိုယ်စားလှယ် မေးခွန်းသုံးခုထုတ်ခဲ့

ကုလသမဂ္ဂ၊ စက်တင်ဘာ ၁၉ ရက် (ဆင်ဟွာ)
ကုလသမဂ္ဂလုံခြုံရေးကောင်စီက ဂါဇာအရေးနှင့်စပ်လျဉ်းသည့် ဆုံးဖြတ်ချက်မူကြမ်းကို စက်တင်ဘာ ၁၈ ရက်တွင် မဲခွဲဆုံးဖြတ်ခဲ့သည်။ လုံခြုံရေးကောင်စီအဖွဲ့ဝင်နိုင်ငံ ၁၅ နိုင်ငံအနက် ၁၄ နိုင်ငံက ထောက်ခံမဲပေးခဲ့ပြီး အမြဲတမ်းအဖွဲ့ဝင်ဖြစ်သည့် အမေရိကန်နိုင်ငံက ဗီတိုအာဏာဖြင့် ပယ်ချခဲ့ခြင်းကြောင့် ဆုံးဖြတ်ချက်မူကြမ်း အတည်မပြုနိုင် ဖြစ်ခဲ့သည်။ မဲခွဲဆုံးဖြတ်ပြီးနောက် ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ရှင်းလင်းချက်ထုတ်ပြန်ဆွေးနွေးရာတွင် အမေရိကန်၏ ဗီတိုအာဏာ အလွဲသုံးမှုအပေါ် မေးခွန်းသုံးခုထုတ်ခဲ့သည်။

မဲခွဲဆုံးဖြတ်သည့်ရလဒ်အပေါ် တရုတ်နိုင်ငံအနေဖြင့် အလွန် စိတ်ပျက်မိကြောင်း၊ ဂါဇာပဋိပက္ခ ဖြစ်ပွားနေသည်မှာ ၂ နှစ် နီးပါး ရှိပြီဖြစ်ရာ ယခင်မကြုံခဲ့ရဖူးသော လူသားချင်းစာနာမှုကပ်ဘေးများ ဖြစ်ပွားခဲ့ကြောင်း၊ လုံခြုံရေးကောင်စီက တစ်ကြိမ်ပြီးတစ်ကြိမ် စမ်းသပ်ကြိုးပမ်းခဲ့သော်လည်း အမေရိကန်၏အဓမ္မ တားဆီးမှုများကို အကြိမ်ကြိမ် ခံခဲ့ရကြောင်း ၎င်းက ပြောကြားခဲ့သည်။ မည်မျှ အပြစ်မဲ့အသက်များ ဆုံးရှုံးသွားပြီးပါမှ ဂါဇာအပစ်ရပ်ရေးကို ဖော်ဆောင်နိုင်မည်နည်း၊ မည်မျှ ကြေကွဲဖွယ်ဖြစ်ရပ်များ ဖြစ်ပွားပြီးပါမှ လူသားချင်းစာနာမှု အထောက်အပံ့ပစ္စည်းများ အတားအဆီးမရှိ ချောမွေ့စွာ ပို့ဆောင်နိုင်မည်နည်း၊ မည်သည့်အချိန်အထိ စောင့်ဆိုင်းပြီးပါမှ လုံခြုံရေးကောင်စီက တာဝန်ဝတ္တရားများကို လက်တွေ့ဖော်ဆောင်နိုင်မည်နည်း ဟု မိမိတို့အနေဖြင့် မေးခွန်းထုတ်လိုကြောင်း ၎င်းက ပြောကြားခဲ့သည်။

၂၀၂၃ ခုနှစ် အောက်တိုဘာလက ဂါဇာအရေးဆုံးဖြတ်ချက်မူကြမ်းကို အမေရိကန် ပထမအကြိမ် ဗီတိုအာဏာသုံး၍ ပယ်ချချိန်တွင် ပဋိပက္ခကြောင့် လူပေါင်း ၃,၀၀၀ နီးပါး အသက်ဆုံးရှုံးခဲ့ပြီးဖြစ်ကြောင်း၊ ယခုအခါ ဂါဇာ၌ သေဆုံးသူဦးရေမှာ ၆၅,၀၀၀ ကျော်အထိ ခုန်တက်ခဲ့ပြီဖြစ်ကြောင်း ဖုချုံးက ပြောကြားခဲ့သည်။
လက်နက်အင်အားဖြင့် ငြိမ်းချမ်းရေးရအောင် တိုက်ခိုက်၍မရသလို အကြမ်းဖက်ခြင်းဖြင့် လုံခြုံရေးကို လဲလှယ်၍မရကြောင်း၊ စစ်ပွဲကို အချိန်ဆွဲခြင်းသည် သေဆုံးမှုနှင့် အမုန်းတရားများကို ပို၍များပြားစေမည်သာ ဖြစ်ကြောင်း၊ အစ္စရေးအနေဖြင့် ဂါဇာဒေသ၌ စစ်ရေးလှုပ်ရှားမှုများကို ချက်ချင်း မဖြစ်မနေ ရပ်တန့်ရမည်ဖြစ်သလို အခြေအနေပို၍တင်းမာစေသည့် အန္တရာယ်များသော မည်သည့် လုပ်ဆောင်မှုကိုမဆို ရပ်တန့်ရမည်ဖြစ်ကြောင်း၊ တရုတ်နိုင်ငံအနေဖြင့် အမေရိကန်သည် နိုင်ငံတကာအသိုက်အဝန်းနှင့် စိတ်တူကိုယ်တူ ဆောင်ရွက်ရန်၊ တရားမျှတမှု၊ တာဝန်ယူမှုရှိသောရပ်တည်ချက်ကို လက်ကိုင်ထား၍ အပစ်ရပ်ရေးဖော်ဆောင်ရန်အတွက် လက်တွေ့တကျ အပြုသဘော ကြိုးပမ်းဆောင်ရွက်ရန် မျှော်လင့်ကြောင်း ၎င်းက ပြောကြားခဲ့သည်။

အဆုံးစွန်ပိတ်ဆို့သည့်အခြေအနေတွင် ဂါဇာသည် ငတ်မွတ်ခေါင်းပါးမှု၊ ရောဂါလျင်မြန်စွာ ကူးစက်ပြန့်ပွားမှုများ ဖြစ်ပေါ်နေပြီ ဖြစ်ကြောင်း ၎င်းက ပြောကြားခဲ့သည်။ အမေရိကန်၊ အစ္စရေး တို့က စစ်ရေးအသွင် အထောက်အပံ့ပစ္စည်းများ ဝေငှမှုယန္တရား လုပ်ဆောင်ပြီး ကုလသမဂ္ဂ စသည့် လူသားချင်းစာနာမှုအဖွဲ့အစည်းများ၏ ကူညီပံ့ပိုးမှုကို တားဆီးခြင်းသည် လူသားချင်းစာနာထောက်ထားမှုဆိုင်ရာ အခြေအနေများကို ကောင်းမွန်အောင် မပြောင်းလဲနိုင်သည့်အပြင် အထောက်အပံ့ပစ္စည်းများ ရှာဖွေနေကြရသည့် အရပ်သား အများအပြား သေဆုံးမှု ဖြစ်ပွားစေခဲ့ကြောင်း၊ အစ္စရေးအနေဖြင့် သိမ်းပိုက်သူဘက်၏ နိုင်ငံတကာ လူသားချင်းစာနာမှု တာဝန်ဝတ္တရားများကို ဖော်ဆောင်ရမည် ဖြစ်ပြီး လူသားချင်းစာနာမှု အထောက်အပံ့ပစ္စည်းများ ဝင်ရောက်မှု အကန့်အသတ်ကို ဖယ်ရှားရမည် ဖြစ်သလို ကုလသမဂ္ဂ၏ လူသားချင်းစာနာမှုအခြေခံမူများနှင့် ကိုက်ညီသည့်နည်းလမ်းဖြင့် ကူညီပံ့ပိုးမှုများကို ထောက်ခံအားပေးရမည် ဖြစ်ကြောင်း ၎င်းက ပြောကြားခဲ့သည်။

လုံခြုံရေးကောင်စီသည် နိုင်ငံတကာငြိမ်းချမ်းရေးနှင့် လုံခြုံရေးကို ကာကွယ်ထိန်းသိမ်းရန် အဓိကတာဝန်ရှိရာ အစောကတည်းကပင် ဂါဇာအပစ်ရပ်ရေး၊ လူသားချင်းစာနာထောက်ထားမှုအခြေအနေ စသည့် အရေးကိစ္စများတွင် သောင်ပြိုကမ်းပြို သဘောတူညီချက် ရရှိခဲ့ပြီးဖြစ်ကြောင်း၊ သို့သော် လုံခြုံရေးကောင်စီ လှုပ်ရှားမှုများအပေါ် အမေရိကန်၏ အနုတ်လက္ခဏာတားဆီးမှု၊ လုံခြုံရေးကောင်စီ ဆုံးဖြတ်ချက်အား ချိုးဖောက်သည့် လှုပ်ရှားမှုများအပေါ် ခေါင်းမာစွာ အကာအကွယ်ပေးမှုများကြောင့် ဂါဇာအရေးတွင် လုံခြုံရေးကောင်စီ၏ ကိုင်တွယ်စီမံမှုအင်အားကို လျော့နည်းစေခဲ့ကြောင်း၊ အမေရိကန်သည် လုံခြုံရေးကောင်စီ အမြဲတမ်းအဖွဲ့ဝင်နိုင်ငံအနေဖြင့် မိမိ၏ တာဝန်ဝတ္တရားကို တည့်မတ်စွာ ရှုမြင်ကာ လုံခြုံရေးကောင်စီ တာဝတ္တရားများ ထိရောက်စွာ ဖော်ဆောင်ရေးကို ထောက်ခံအားပေးရန်၊ ကုလသမဂ္ဂ၏ အခန်းကဏ္ဍနှင့် ဩဇာအရှိန်အဝါကို ကာကွယ်ထိန်းသိမ်းရန် ဆောင်ရွက်သင့်ပြီး ယင်းနှင့် ပြောင်းပြန်လုပ်ဆောင်ရမည် မဟုတ်ကြောင်း ဖုချုံးက ပြောကြားခဲ့သည်။

နိုင်ငံတကာအသိုက်အဝန်းက တရားမျှတရေးနှင့် သမာသမတ်ကျရေးကို ကာကွယ်ထိန်းသိမ်းသည့် ကြိုးပမ်းမှုမှာ ရပ်တန့်သွားမည်မဟုတ်ကြောင်း ၎င်းက ပြောကြားခဲ့သည်။ လာမည့်သီတင်းပတ် ၈၀ ကြိမ်မြောက် ကုလသမဂ္ဂ အထွေထွေညီလာခံတွင် သာမန်အချေအတင်ဆွေးနွေးပွဲနှင့် “နှစ်နိုင်ငံ ဖြေရှင်းမှု နည်းလမ်း” ဖော်ဆောင်ရေး အဆင့်မြင့် အစည်းအဝေးကို ကျင်းပမည် ဖြစ်ကြောင်း၊ တရုတ်နိုင်ငံအနေဖြင့် သက်ဆိုင်ရာနိုင်ငံများက နိုင်ငံတကာအသိုက်အဝန်း၏ ပြင်းထန်သည့်ဟစ်ကြွေးသံကို နားဆင်ရန်၊ အသက်အိုးအိမ်ကို တာဝန်ယူသော၊ သမိုင်းကို တာဝန်ယူသော မှန်ကန်သည့် ဆုံးဖြတ်ချက်ကို ချမှတ်ရန် မျှော်လင့်ကြောင်း၊ တရုတ်နိုင်ငံသည် နိုင်ငံတကာအသိုက်အဝန်းနှင့်အတူတကွ ဆက်လက်ကြိုးပမ်းကာ ဂါဇာစစ်မီးငြှိမ်းသတ်နိုင်ရေး၊ လူသားချင်းစာနာမှုကပ်ဘေးပြေလျော့ရေး၊ “နှစ်နိုင်ငံ ဖြေရှင်းမှု နည်းလမ်း” ဖော်ဆောင်ရေးကို တွန်းအားပေးပြီး နောက်ဆုံးတွင် ပါလက်စတိုင်းအရေး ဘက်စုံ၊ တရားမျှတမှုနှင့် ရေရှည်ဖြေရှင်းနိုင်ရန် ဖော်ဆောင်သွားမည် ဖြစ်ကြောင်း ၎င်းက ပြောကြားခဲ့သည်။ (Xinhua)

——————-
(Chinese Version)
中国代表三问美国否决联合国安理会加沙问题决议草案
新华社联合国9月18日电　联合国安理会18日就加沙问题决议草案进行表决。安理会15个成员中14个投了赞成票，常任理事国美国行使了否决权，导致决议草案未获通过。中国常驻联合国代表傅聪在表决后作解释性发言，对美国滥用否决权发出三问。
他说，中方对表决结果感到非常失望。加沙冲突延宕已近两年，造成前所未有的人道灾难。安理会一次次试图作出努力，却一次次被美国强行阻拦。我们不禁要问：到底还要有多少无辜生命逝去，加沙才能实现停火？到底还要发生多少惨剧，人道物资才能畅通无阻？到底还要等到什么时候，安理会才能履行职责？
傅聪表示，2023年10月美国第一次否决加沙问题决议草案时，冲突导致近3000人丧生。如今加沙死亡人数已飙升至6.5万多人。武力打不出和平，暴力换不来安全。延长战事只会造成更多死亡和仇恨。以色列必须立即停止在加沙的军事行动，停止任何加剧局势紧张的危险举动。中方希望美国同国际社会相向而行，秉持公正负责任立场，切实为实现停火作出积极努力。
他说，在极端封锁下，加沙已经出现饥荒，疾病迅速传播。美国、以色列推行军事化物资分配机制，阻碍联合国等人道机构开展援助，未能改善人道局势，反而造成大量寻找物资的平民死亡。以色列必须履行占领方的国际人道法义务，解除人道物资准入限制，支持联合国以符合人道主义原则的方式开展援助。
傅聪说，安理会承担着维护国际和平与安全的首要责任，早已就加沙停火、人道局势等问题达成压倒性共识。但正是美国对安理会行动的消极阻拦、对违反安理会决议行为的顽固袒护，导致安理会在加沙问题上应对乏力。美国作为安理会常任理事国，应当正视自身责任，支持安理会有效履职，维护联合国作用和权威，而不是相反。
他说，国际社会维护公道正义的努力不会停止。下周第80届联合国大会将举行一般性辩论和落实“两国方案”高级别会议，中方希望有关国家倾听国际社会强烈呼声，作出对生命负责、对历史负责的正确决定。中方将继续同国际社会共同努力，推动平息加沙战火、缓解人道灾难、落实“两国方案”，最终实现巴勒斯坦问题的全面、公正、持久解决。（完）
1. Representatives vote on a draft resolution during a UN Security Council meeting at the UN headquarters in New York, Sept. 18, 2025. The United States on Thursday vetoed a UN Security Council draft resolution that would have demanded Israel immediately lift all restrictions on humanitarian access and delivery in Gaza. (Xinhua/Xie E)