တရုတ်နိုင်ငံအနေဖြင့် ကုလသမဂ္ဂနှင့်အတူ ပူးပေါင်းဆောင်ရွက်မှု ဆက်လက်နက်ရှိုင်းစေပြီး ကမ္ဘာလုံးဆိုင်ရာ အစီအမံကြီး ၄ ရပ် လက်တွေ့ဖော်ဆောင်မှုကို စဉ်ဆက်မပြတ် မြှင့်တင်သွားမည်ဟု တရုတ်နိုင်ငံခြားရေးဝန်ကြီးဌာန ပြောကြား

ပေကျင်း၊ စက်တင်ဘာ ၁၉ ရက် (ဆင်ဟွာ)
တရုတ်နိုင်ငံသည် ကုလသမဂ္ဂ အထွေထွေအတွင်းရေးမှူးချုပ် ဂူတာရက်စ်၏ တရုတ်နိုင်ငံ ကမ္ဘာလုံးဆိုင်ရာ အစီအမံကြီးများနှင့်စပ်လျဉ်း၍ ပြောကြားချက်များကို တန်ဖိုးထားချီးကျူးကြောင်း၊ ကုလသမဂ္ဂနှင့်အတူ ပူးပေါင်းဆောင်ရွက်မှု ဆက်လက်နက်ရှိုင်းစေပြီး ကမ္ဘာလုံးဆိုင်ရာ အစီအမံကြီး ၄ ရပ် လက်တွေ့ဖော်ဆောင်မှုကို စဉ်ဆက်မပြတ် မြှင့်တင်သွားမည်ဖြစ်ကြောင်း၊ နိုင်ငံတကာအသိုင်းအဝိုင်းနှင့်လက်တွဲ၍ ကမ္ဘာကြီးငြိမ်းချမ်းရေးကို ကာကွယ်စောင့်ရှောက်ကာ ဖွံ့ဖြိုးတိုးတက်မှုနှင့် စည်ပင်ဝပြောမှုကို မြှင့်တင်သွားမည်ဖြစ်ကြောင်း တရုတ်နိုင်ငံခြားရေးဝန်ကြီးဌာန လျင်ကျန့်က စက်တင်ဘာ ၁၈ ရက်တွင် ပြောကြားခဲ့သည်။
မကြာသေးမီရက်တွင် ကုလသမဂ္ဂအထွေထွေအတွင်းရေးမှူးချုပ် ဂူတာရက်စ်က သတင်းစာရှင်းလင်းပွဲတွင် မီဒီယာများ၏ မေးမြန်းမှုကို ဖြေကြားရာတွင် တရုတ်နိုင်ငံက အဆိုပြုသည့် ကမ္ဘာလုံးဆိုင်ရာ အစီအမံများသည် ကုလသမဂ္ဂပဋိညာဉ်စာတမ်း စိတ်ဓာတ်နှင့် လုံးဝကိုက်ညီပြီး နိုင်ငံစုံပူးပေါင်းဆောင်ရွက်ရေးဝါဒကို အပြည့်အဝလေးစားလိုက်နာကာ နိုင်ငံစုံ အဖွဲ့အစည်းအဖြစ် ကုလသမဂ္ဂ၏ ပင်မ အခန်းကဏ္ဍကို အပြည့်အဝထောက်ခံသလို နိုင်ငံတကာပူးပေါင်းဆောင်ရွက်ရေးနှင့် ပဋိပက္ခများအား ငြိမ်းချမ်းစွာ ဖြေရှင်းရေး မြှင့်တင်ရာတွင် အခိုင်အမာ အားထားဆောင်ရွက်လျက်ရှိကြောင်း ပြောကြားခဲ့ရာ တရုတ်နိုင်ငံအနေဖြင့် မည်သို့မှတ်ချက်ပြုလိုပါသနည်းဟု သတင်းထောက်တစ်ဦးက ထိုနေ့ ပုံမှန်သတင်းစာရှင်းလင်းပွဲတွင် မေးမြန်းခဲ့ခြင်းဖြစ်သည်။
“အထွေထွေအတွင်းရေးမှူးချုပ် ဂူတာရက်စ်ရဲ့ သက်ဆိုင်ရာ ပြောကြားချက်တွေကို ကျွန်တော်တို့ တန်ဖိုးထားလေးစားပါတယ်” ဟု လျင်ကျန့်က ပြောကြားခဲ့သည်။ တရုတ်နိုင်ငံသည် နိုင်ငံတကာစနစ်အတွင်း ကုလသမဂ္ဂ၏ အချက်အချာကျသော အနေအထားကို ခိုင်ခိုင်မာမာ ထိန်းသိမ်းကာကွယ်ပြီး စစ်မှန်သော နိုင်ငံစုံပူးပေါင်းဆောင်ရွက်ရေးဝါဒကို ကျင့်သုံးကာ ကမ္ဘာ့ငြိမ်းချမ်းရေး တည်ဆောက်သူ၊ ကမ္ဘာလုံးဆိုင်ရာ ဖွံ့ဖြိုးတိုးတက်မှုအတွက် ကူညီပံ့ပိုးသူ၊ နိုင်ငံတကာစည်းစနစ် ထိန်းသိမ်းကာကွယ်သူ၊ အများပြည်သူထုတ်ကုန်ပစ္စည်းများ ပံ့ပိုးပေးသူ အစဉ်အမြဲဖြစ်ကြောင်း၊ သမ္မတ ရှီကျင့်ဖိန် အဆိုပြုသော ကမ္ဘာလုံးဆိုင်ရာ ဖွံ့ဖြိုးတိုးတက်ရေးအစီအမံသည် ဖွံ့ဖြိုးတိုးတက်မှု မမျှတခြင်း၊ အပြည့်အဝမရှိခြင်း ပြဿနာများကို အားထားကိုင်တွယ်ဖြေရှင်းပေးပြီး ကမ္ဘာလုံးဆိုင်ရာ စဉ်ဆက်မပြတ်ဖွံ့ဖြိုးတိုးတက်မှုကို မြှင့်တင်ပေးကြောင်း၊ ကမ္ဘာလုံးဆိုင်ရာ လုံခြုံရေးအစီအမံ အဆိုပြု၍ ထိပ်တိုက်ရင်ဆိုင်မှု မဟုတ်သည့် တွေ့ဆုံဆွေးနွေးမှု၊ မဟာမိတ်ဖွဲ့ခြင်း မဟုတ်သည့် မိတ်ဖက်ဆက်ဆံမှု၊ အနိုင်အရှုံးအားပြိုင်ခြင်း မဟုတ်သည့် ဘုံအကျိုးစီးပွား ဖော်ဆောင်ခြင်းကို ထိန်းသိမ်းကာ အမျိုးမျိုးသော အန္တရာယ် စိန်ခေါ်မှုများကို ကိုင်တွယ်ဖြေရှင်းမည်ဖြစ်ကြောင်း၊ ကမ္ဘာလုံးဆိုင်ရာ ယဉ်ကျေးမှု အစီအမံ အဆိုပြုကာ ပြည်သူများ အပြန်အလှန် နားလည်မှုနှင့် ချစ်ကြည်ရင်းနှီးမှု၊ ယဉ်ကျေးမှု အားလုံးပါဝင်နိုင်မှု၊ အပြန်အလှန် လေ့လာသင်ယူမှုကို မြှင့်တင်မည်ဖြစ်ကြောင်း ၎င်းက ပြောကြားခဲ့သည်။
မကြာသေးမီက သမ္မတ ရှီကျင့်ဖိန် “SCO plus” အစည်းအဝေးသို့ တက်ရောက်၍ ကမ္ဘာလုံးဆိုင်ရာ စီမံခန့်ခွဲမှု အစီအမံ အဆိုပြုကာ အချုပ်အခြာအာဏာတန်းတူညီမျှမှုကို ကျင့်သုံးခြင်း၊ အပြည်ပြည်ဆိုင်ရာဥပဒေစိုးမိုးရေးကို လေးစားလိုက်နာခြင်း၊ နိုင်ငံစုံပူးပေါင်းဆောင်ရွက်မှုဝါဒကို ဖော်ဆောင်ခြင်း၊ ပြည်သူ့ဗဟိုပြုမှုကို မြှင့်တင်ခြင်းနှင့် လှုပ်ရှားမှုဦးတည်ချက်အား အလေးထားသည့် အချက်အချာ သဘောတရားများကို နက်ရှိုင်းစွာ ရှင်းလင်းပြောကြားခဲ့ပြီး ပိုမိုတရားမျှတ၊ ကျိုးကြောင်းဆီလျော်မှုရှိသော ကမ္ဘာလုံးဆိုင်ရာ စီမံခန့်ခွဲရေးစနစ် ဖွဲ့စည်းတည်ဆောက်ခြင်းကို မြှင့်တင်ရန်အတွက် လိုက်နာရန် လိုအပ်မည့် အခြေခံမူများ၊ နည်းလမ်းများနှင့် လမ်းကြောင်းများကို ပံ့ပိုးပေးခဲ့ကြောင်း၊ ယင်းနောက် ကျင်းပခဲ့သော BRICS နိုင်ငံ ခေါင်းဆောင်များ အွန်လိုင်းထိပ်သီးအစည်းအဝေးတွင် သမ္မတ ရှီကျင့်ဖိန်က ကမ္ဘာလုံးဆိုင်ရာ စီမံခန့်ခွဲရေးအစီအမံ၏ နက်ရှိုင်းသော အနှစ်သာရကို ထပ်မံ ရှင်းလင်းပြောကြားခဲ့ကြောင်း လျင်ကျန့်က ပြောကြားခဲ့သည်။ နိုင်ငံတကာအသိုင်းအဝိုင်းက လှိုက်လှိုက်လှဲလှဲ တုံ့ပြန်ခဲ့ပြီး နိုင်ငံနှင့် နိုင်ငံတကာ အဖွဲ့အစည်းအများအပြားက ယင်းအစီအမံကို ကြိုဆို၍ ထောက်ခံအားပေးကြောင်း ဖော်ပြခဲ့သည်ဟု ၎င်းက ပြောကြားခဲ့သည်။
ကမ္ဘာလုံးဆိုင်ရာ အစီအမံကြီး ၄ ရပ်သည် ကုလသမဂ္ဂပဋိညာဉ်စာတမ်း ရည်ရွယ်ချက်များနှင့် အခြေခံမူများနှင့် တစ်သွေးတစ်သားတည်း လက်ဆင့်ကမ်းလျက်ရှိကြောင်း၊ ယင်းတွင် ကိုယ်စီအလေးထားမှုရှိကြ၍ အပြန်အလှန် ပဋိပက္ခမရှိဘဲ အတူယှဉ်တွဲဆောင်ရွက်နိုင်ကြောင်း၊ ပြောင်းလဲရှုပ်ထွေးမှုများကြားရှိ ကမ္ဘာကြီးအား မတူညီသောရှုထောင့်များမှ ပိုမိုများပြားသော အပြုသဘောဆောင်သည့် စွမ်းအင်များ ဖြည့်တင်းပေးကာ လူသားမျိုးနွယ် ဖွံ့ဖြိုးတိုးတက်မှုအတွက် ပိုမိုအားကောင်းသော တွန်းအားများ ပံ့ပိုးပေးကြောင်း လျင်ကျန့်က ပြောကြားခဲ့သည်။
ယခုနှစ်သည် ကုလသမဂ္ဂတည်ထောင်ခြင်း ၈၀ ပြည့်နှစ်ဖြစ်ကြောင်း၊ ကုလသမဂ္ဂအား စတင်ထူထောင်သည့် အဖွဲ့ဝင်နိုင်ငံနှင့် လုံခြုံရေးကောင်စီ အမြဲတမ်းအဖွဲ့ဝင်နိုင်ငံတစ်နိုင်ငံအနေဖြင့် တရုတ်နိုင်ငံသည် ကုလသမဂ္ဂနှင့်အတူ ပူးပေါင်းဆောင်ရွက်မှုကို ဆက်လက်နက်ရှိုင်းစေပြီး ကမ္ဘာလုံးဆိုင်ရာ အစီအမံကြီး ၄ ရပ် လက်တွေ့ဖော်ဆောင်မှုကို စဉ်ဆက်မပြတ် မြှင့်တင်သွားမည်ဖြစ်ကြောင်း၊ နိုင်ငံတကာအသိုင်းအဝိုင်းနှင့်လက်တွဲ၍ ကမ္ဘာကြီးငြိမ်းချမ်းရေးကို ကာကွယ်စောင့်ရှောက်ကာ ဖွံ့ဖြိုးတိုးတက်မှုနှင့် စည်ပင်ဝပြောမှုကို မြှင့်တင်သွားမည်ဖြစ်ကြောင်း ၎င်းက ပြောကြားခဲ့သည်။ (Xinhua)
…………………………………..
(Chinese Version)
外交部：中方将继续深化同联合国合作 持续推进落实四大全球倡议
新华社北京9月18日电（记者马卓言、刘杨）外交部发言人林剑18日表示，中方赞赏联合国秘书长古特雷斯有关中方系列全球倡议的表态，将继续深化同联合国合作，持续推进落实四大全球倡议，携手国际社会维护世界和平，促进发展繁荣。
当日例行记者会上，有记者问：日前，联合国秘书长古特雷斯在新闻发布会回答媒体提问时表示，中方提出的一系列全球倡议完全符合联合国宪章精神，充分尊重多边主义，全力支持联合国作为多边机构的核心地位，坚定致力于推动国际合作与和平解决冲突。中方对此有何评论？
“我们赞赏古特雷斯秘书长有关表态。”林剑说，中国坚定维护联合国在国际体系中的核心地位，践行真正的多边主义，始终是世界和平的建设者、全球发展的贡献者、国际秩序的维护者、公共产品的提供者。习近平主席提出全球发展倡议，着力解决发展不平衡、不充分问题，促进全球可持续发展；提出全球安全倡议，坚持对话而不对抗、结伴而不结盟、共赢而非零和，应对各类风险挑战；提出全球文明倡议，推动人民相知相亲、文明包容互鉴。
林剑表示，前不久，习近平主席在“上海合作组织+”会议上提出全球治理倡议，深入阐述奉行主权平等、遵守国际法治、践行多边主义、倡导以人为本、注重行动导向核心理念，为推动构建更加公正合理的全球治理体系提供了需要遵循的原则、方法和路径。在此后金砖国家领导人线上峰会上，习近平主席再次阐释全球治理倡议的深刻内涵。国际社会反响热烈，许多国家和国际组织对倡议表达欢迎和支持。
林剑说，四大全球倡议与联合国宪章宗旨和原则一脉相承，各有侧重、并行不悖，将从不同角度为变乱交织的世界注入更多正能量，为人类发展进步提供更强推动力。今年是联合国成立80周年。作为联合国创始会员国和安理会常任理事国，中方将继续深化同联合国合作，持续推进落实四大全球倡议，携手国际社会维护世界和平，促进发展繁荣。（完）