တရုတ်နိုင်ငံကို စည်းကြပ်ခွန်ထပ်တိုးကောက်ခံခြင်း စသည့် ကန့်သတ်ချက်အစီအမံများအား ယခုကာလများတွင် အမေရိကန် ကြေညာသည့်အပေါ် တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန တုံ့ပြန်

ပေကျင်း၊ အောက်တိုဘာ ၁၄ ရက် (ဆင်ဟွာ)

အမေရိကန်ဘက်က တစ်ဖက်တွင် ဆွေးနွေးပြီး တစ်ဖက်တွင် ကန့်သတ်ချက် အစီအမံအသစ်များကို ခြိမ်းခြောက်ထုတ်ပြန်၍ မရကြောင်း၊ ယင်းမှာ တရုတ်နိုင်ငံနှင့်ဆက်ဆံသည့် မှန်ကန်သောနည်းလမ်း မဟုတ်ကြောင်း တရုတ်နိုင်ငံကို စည်းကြပ်ခွန်ထပ်တိုးကောက်ခံခြင်း စသည့် ကန့်သတ်ချက်အစီအမံများအား ယခုကာလများတွင် အမေရိကန်ဘက်က ကြေညာခြင်းနှင့်စပ်လျဉ်း၍ သတင်းထောက်များ၏ မေးမြန်းမှုကို တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောရေးဆိုခွင့်ရှိသူက အောက်တိုဘာ ၁၄ ရက်တွင် ဖြေကြားခဲ့သည်။
တရုတ်နိုင်ငံအနေဖြင့် အမေရိကန်ဘက်က မှားယွင်းသည့်လုပ်ရပ်များကို လျင်မြန်စွာ ပြုပြင်ရန်၊ ဆွေးနွေးလိုသည့် ရိုးသားမှုစိတ်ရင်းအမှန်ကို ပြသကာ တရုတ်နိုင်ငံနှင့်ဦးတည်ချက်တူ လျှောက်လှမ်းရန် တိုက်တွန်းလိုကြောင်း ၎င်းက ပြောကြားခဲ့သည်။

တရုတ်ဘက်က မြေရှားသတ္တု စသည့် သက်ဆိုင်ရာပစ္စည်းများ တင်ပို့မှုကို ထိန်းချုပ်ခြင်းအစီအမံများ ဆောင်ရွက်ခြင်းအား သိရှိရပြီးနောက် တရုတ်နိုင်ငံနှင့်ဆက်သွယ်ဆွေးနွေးရန် အဆိုပြုခဲ့သော်လည်း တရုတ်ဘက်က ထိုအကြံပြုချက်ကို ရွှေ့ဆိုင်းခဲ့သည်ဟု ယခုရက်ပိုင်းများတွင် အမေရိကန် အရာရှိများက ပြောကြားခဲ့ကြောင်း၊ တစ်ချိန်တည်းတွင် အမေရိကန်ဘက်က နှစ်ဖက်အနေဖြင့် တည်ငြိမ်သောအခြေအနေသို့ ပြန်လည်ရောက်ရှိရေးနည်းလမ်းကို ရှာဖွေရန်လိုအပ်သည်ဟု ပြောကြားခဲ့ကြောင်း၊ ထို့အပေါ် တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက မည်သို့ သုံးသပ်ပြောကြားလိုပါသနည်းဟု သတင်းထောက်တစ်ဦးက မေးမြန်းခဲ့ခြင်း ဖြစ်သည်။

တရုတ်နိုင်ငံက သက်ဆိုင်ရာအခြေအနေများကို သတိပြုမိကြောင်း ပြောရေးဆိုခွင့်ရှိသူက ပြောကြားခဲ့သည်။
ယခုရက်ပိုင်းများတွင် တရုတ်နိုင်ငံကို စည်းကြပ်ခွန် ၁၀၀ ရာခိုင်နှုန်း ထပ်တိုးကောက်ခံခြင်း စသည့် ကန့်သတ်ချက်အစီအမံများဖြင့် အမေရိကန်၏ ခြိမ်းခြောက်မှုနှင့်စပ်လျဉ်း၍ တရုတ်ဘက်က သက်ဆိုင်ရာရပ်တည်ချက်များကို ပြောကြားခဲ့ပြီးဖြစ်ကြောင်း၊ မိမိအနေဖြင့် ထပ်မံအလေးထား ပြောကြားလိုသည်မှာ မြေရှား စသည့် သက်ဆိုင်ရာပစ္စည်းများနှင့်စပ်လျဉ်းသည့် တင်ပို့မှုထိန်းချုပ်ခြင်း အစီအမံများသည် တရုတ်နိုင်ငံအစိုးရက တရားဥပဒေစည်းမျဉ်းစည်းကမ်းများနှင့်အညီ မိမိ၏ပို့ကုန်ထိန်းချုပ်ခြင်းစနစ်ကို ကောင်းမွန်ပြည့်စုံစေရန် လုပ်ဆောင်သည့် တရားဝင်ကျင့်ထုံးများ ဖြစ်ကြောင်း၊ တရုတ်နိုင်ငံသည် တာဝန်ယူမှုရှိသော နိုင်ငံကြီးအနေဖြင့် မိမိနိုင်ငံလုံခြုံရေးနှင့် နိုင်ငံတကာ ဘုံလုံခြုံရေးကို အစဉ်အမြဲ ခိုင်မာစွာ ကာကွယ်ထိန်းသိမ်းလျက်ရှိရာ တရုတ်နိုင်ငံ၏ ပို့ကုန်ထိန်းချုပ်မှုသည် ပို့ကုန်တားမြစ်ခြင်းမဟုတ်ဘဲ သတ်မှတ်ချက်နှင့်ကိုက်ညီသော လျှောက်ထားမှုများသည် ယခင်ကဲ့သို့ပင် ခွင့်ပြုမည်ဖြစ်ပြီး ကမ္ဘာလုံးဆိုင်ရာ ထုတ်လုပ်မှုနှင့်ပံ့ပိုးမှုကွင်းဆက် လုံခြုံတည်ငြိမ်ရေးကို အတူတကွ ကာကွယ်သွားမည် ဖြစ်ကြောင်း ၎င်းက ပြောကြားခဲ့သည်။

အစီအမံများ မထုတ်ပြန်မီ တရုတ်နိုင်ငံက နှစ်ဖက်ပို့ကုန်ထိန်းချုပ်မှု ဆွေးနွေးရေးယန္တရားမှတစ်ဆင့် အမေရိကန်ဘက်သို့ အကြောင်းကြားပြီးဖြစ်ကြောင်း၊ သို့သော် အပြန်အလှန်အားဖြင့် အမေရိကန်ဘက်ကို ကြည့်မည်ဆိုလျှင် အမျိုးသားလုံခြုံရေးကို ရေရှည်အကျယ်ချဲ့ခြင်း၊ ပို့ကုန်ထိန်းချုပ်မှု အလွဲသုံးခြင်း၊ တရုတ်နိုင်ငံအပေါ် ခွဲခြားဆက်ဆံသည့် လုပ်ရပ်များ လုပ်ဆောင်ခြင်း ပြုခဲ့ကြောင်း၊ အထူးသဖြင့် တရုတ်-အမေရိကန် မက်ဒရစ် ကုန်သွယ်စီးပွားကဏ္ဍတွေ့ဆုံဆွေးနွေးပွဲမှစ၍ အမေရိကန်ဘက်က တရုတ်နိုင်ငံအပေါ် ကန့်သတ်ချက်အစီအမံများစွာ ဆက်တိုက်အသစ်ထပ်တိုး ထုတ်ပြန်ခဲ့ရာ တရုတ်နိုင်ငံ၏ အကျိုးစီးပွားကို ဆိုးရွားစွာ ထိခိုက်စေသလို နှစ်ဖက် ကုန်သွယ်စီးပွားကဏ္ဍတွေ့ဆုံဆွေးနွေးမှု အငွေ့အသက်ကိုလည်း ဆိုးရွားစွာ ပျက်စီးစေကြောင်း၊ ထို့အပေါ် တရုတ်နိုင်ငံက အခိုင်အမာ ကန့်ကွက်ကြောင်း ၎င်းက ပြောကြားခဲ့သည်။

စည်းကြပ်ခွန်စစ်ပွဲ၊ ကုန်သွယ်ရေးစစ်ပွဲနှင့်စပ်လျဉ်း၍ တရုတ်နိုင်ငံ၏ ရပ်တည်ချက်သည် တစ်သမတ်တည်းဖြစ်ကြောင်း၊ တိုက်ခိုက်မည်ဆိုလျှင် ရေဆုံးမြေဆုံးလိုက်ရန် အသင့်ရှိသလို ဆွေးနွေးမည်ဆိုလျှင် တံခါးဖွင့်လှစ်ထားမည် ဖြစ်ကြောင်း ပြောရေဆိုခွင့်ရှိသူက ပြောကြားခဲ့သည်။
တရုတ်-အမေရိကန်တွင် ကျယ်ပြန့်သည့် ဘုံအကျိုးစီးပွားနှင့် ကျယ်ပြောသည့် ပူးပေါင်းဆောင်ရွက်မှု အလားအလာရှိရာ နှစ်ဖက်သင့်မြတ်လျှင် နှစ်ဖက်အကျိုးရှိမည်ဖြစ်ပြီး နှစ်ဖက်တိုက်ခိုက်လျှင် အားလုံး အထိနာမည်ဖြစ်ကြောင်း၊ တရုတ်-အမေရိကန်အနေဖြင့် အပြန်အလှန်လေးစားမှု၊ တန်းတူညီမျှ ညှိနှိုင်းဆွေးနွေမှုအခြေခံပေါ်တွင် ဖြေရှင်းရေးနည်းလမ်းကို ရှာဖွေတွေ့ရှိနိုင်သည်ကို ကျင်းပခဲ့ပြီးဖြစ်သော ကုန်သွယ်စီးပွားကဏ္ဍ စေ့စပ်ဆွေးနွေးပွဲ ၄ ကြိမ်က အပြည့်အဝ သက်သေပြပြီးဖြစ်ကြောင်း၊ နှစ်ဖက်အနေဖြင့် တရုတ်-အမေရိကန် ကုန်သွယ်စီးပွားကဏ္ဍ ဆွေးနွေးမှုယန္တရားမူဘောင်အောက်တွင် ညှိနှိုင်းဆွေးနွေးမှုများကို အစဉ်တစိုက် ထိန်းသိမ်းထားရာ ယမန်နေ့ကပင် လုပ်ငန်းအဆင့်ဆွေးနွေးပွဲ ပြုလုပ်ခဲ့ကြောင်း ၎င်းက ပြောကြားခဲ့သည်။

အမေရိကန်ဘက်က တစ်ဖက်တွင် ဆွေးနွေးပြီး တစ်ဖက်တွင် ကန့်သတ်ချက်အစီအမံအသစ်များကို ခြိမ်းခြောက်ထုတ်ပြန်၍ မရကြောင်း၊ ယင်းမှာ တရုတ်နိုင်ငံနှင့်ဆက်ဆံသည့် မှန်ကန်သောနည်းလမ်း မဟုတ်ကြောင်း ပြောရေးဆိုခွင့်ရှိသူက ထောက်ပြ ပြောကြားခဲ့သည်။ တရုတ်နိုင်ငံအနေဖြင့် အမေရိကန်ဘက်က မှားယွင်းသည့်လုပ်ရပ်များကို လျင်မြန်စွာ ပြုပြင်ရန်၊ ဆွေးနွေးလိုသည့် ရိုးသားမှုစိတ်ရင်းအမှန်ကို ပြသကာ တရုတ်နိုင်ငံနှင့် ဦးတည်ချက်တူလျှောက်လှမ်းရန်၊ နှစ်နိုင်ငံအကြီးအကဲများ ဖုန်းဖြင့်ဆက်သွယ်ပြောဆိုထားသည့် အရေးကြီးသဘောတူညီချက်များကို လမ်းညွှန်ချက်အဖြစ် ထားရှိရန်၊ ခဲယဉ်းစွာရရှိလာသော ဆွေးနွေးမှုရလဒ်များကို ကာကွယ်ထိန်းသိမ်းရန်၊ တရုတ်-အမေရိကန် ကုန်သွယ်စီးပွားကဏ္ဍ ဆွေးနွေးမှုယန္တရား၏ အခန်းကဏ္ဍကို ဆက်လက်အသုံးပြုရန်၊ တွေ့ဆုံညှိနှိုင်းဆွေးနွေးခြင်းမှတစ်ဆင့် ကိုယ်စီဂရုပြုမှုများကို ဖြေရှင်းကာ ကွဲလွဲမှုများကို သင့်လျော်ကောင်းမွန်စွာ ထိန်းချုပ်ရန်၊ တရုတ်-အမေရိကန် ကုန်သွယ်စီးပွား ဆက်ဆံရေး ကောင်းမွန်၊ တည်ငြိမ်စွာ စဉ်ဆက်မပြတ် ဖွံ့ဖြိုးတိုးတက်ရေးကို တွန်းအားပေးရန် တိုက်တွန်းကြောင်း ၎င်းက ပြောကြားခဲ့သည်။ (Xinhua)

———————-
(Chinese Version)
商务部回应近期美方宣布对华加征关税等限制措施
新华社北京10月14日电 商务部新闻发言人14日就近期美方宣布对华加征关税等限制措施答记者问时表示，美方不能一边要谈，一边威胁恐吓出台新的限制措施，这不是与中方相处的正确之道。中方敦促美方尽快纠正错误做法，拿出谈的诚意，与中方相向而行。
有记者问：近日，美方官员称，在得知中方对稀土等相关物项采取出口管制措施后，提出与中方进行通话，但中方推迟了这一建议。同时美方表示，双方需要找到回到稳定局面的办法。请问商务部对此有何评论？
发言人说，中方注意到有关情况。近日，中方已就美威胁对华加征100%关税等限制措施阐明了有关立场。我愿重申，关于稀土等相关物项的出口管制措施，是中国政府依据法律法规，完善自身出口管制体系的正当做法。中国作为负责任大国，始终坚定维护自身国家安全和国际共同安全，中国的出口管制不是禁止出口，对符合规定的申请将一如既往地予以许可，共同维护全球产供链安全稳定。措施出台前，中方已通过双边出口管制对话机制向美方进行了通报。反观美方，长期泛化国家安全，滥用出口管制，对华采取歧视性做法。特别是中美马德里经贸会谈以来美方持续新增出台一系列对华限制措施，严重损害中方利益，严重破坏双方经贸会谈氛围，中方对此坚决反对。
发言人表示，关于关税战、贸易战，中方立场是一贯的。打，奉陪到底；谈，大门敞开。中美拥有广泛的共同利益和广阔的合作空间，双方合则两利，斗则俱伤。过去4轮经贸磋商充分证明，中美在相互尊重、平等协商基础上，能够找到解决问题的办法。双方在中美经贸磋商机制框架下一直保持沟通，昨天还进行了工作层会谈。
发言人指出，美方不能一边要谈，一边威胁恐吓出台新的限制措施，这不是与中方相处的正确之道。中方敦促美方尽快纠正错误做法，拿出谈的诚意，与中方相向而行，以两国元首通话重要共识为引领，维护好来之不易的磋商成果，继续发挥中美经贸磋商机制作用，通过对话协商解决各自关切，妥善管控分歧，推动中美经贸关系健康、稳定、可持续发展。（完）
1. 10月13日，在江苏省连云港港集装箱码头，货轮在装载出口货物（无人机照片）。新华社发（王健民摄）