ကုလသမဂ္ဂ ဖွဲ့စည်းပုံပြုပြင်ပြောင်းလဲရေးအတွက် ပဏာမအကြံပြုချက် ၃ ရပ်အား တရုတ်ကိုယ်စားလှယ်အဆိုပြု

ကုလသမဂ္ဂ၊ အောက်တိုဘာ ၁၆ ရက် (ဆင်ဟွာ)
အပြောင်းအလဲများဖြင့် ရှုပ်ထွေးနေသည့် နိုင်ငံတကာအခြေအနေကို ရင်ဆိုင်ရာတွင် နိုင်ငံပေါင်းစုံ ပူးပေါင်းဆောင်ရွက်ရေးဝါဒကို အခိုင်အမာ လက်ကိုင်ထားခြင်း၊ ကုလသမဂ္ဂအခန်းကဏ္ဍကို မြှင့်တင်ခြင်း၊ ကမ္ဘာလုံးဆိုင်ရာ စီမံခန့်ခွဲမှု ကောင်းမွန်ပြည့်စုံအောင် ပြုပြင်ပြောင်းလဲခြင်းသည် နိုင်ငံအသီးသီး၏ ဘုံမျှော်လင့်ချက်ဖြစ်သလို “ကုလသမဂ္ဂ နှစ် ၈၀ ပြည့် ပြုပြင်ပြောင်းလဲရေးအစီအမံ” ၏ နောက်ဆုံးရည်မှန်းချက်လည်း ဖြစ်ကြောင်း ကုလသမဂ္ဂဆိုင်ရာ တရုတ်နိုင်ငံအမြဲတမ်းကိုယ်စားလှယ် ဖုချုံးက အောက်တိုဘာ ၁၅ ရက် “ကုလသမဂ္ဂ နှစ် ၈၀ ပြည့် ပြုပြင်ပြောင်းလဲရေးအစီအမံ” (UN80) ဖွဲ့စည်းပုံ ပြုပြင်ပြောင်းလဲရေး အဆိုပြုဆွေးနွေးပွဲ၌ ပါဝင်ဆွေးနွေးရာ၌ ပြောကြားခဲ့သည်။ တရုတ်နိုင်ငံအနေဖြင့် ကုလသမဂ္ဂ အထွေထွေအတွင်းရေးမှူးချုပ်၏ ဖွဲ့စည်းပုံ ပြုပြင်ပြောင်းလဲရေးအစီရင်ခံစာကို အထူးအလေးထားပြီး စေ့စပ်သေချာစွာ လေ့လာလျက်ရှိရာ ပဏာမအကြုံပြုချက် သုံးရပ်အား အဆိုပြုပါကြောင်း ၎င်းက ပြောကြားခဲ့သည်။

ပထမအနေဖြင့် ဖွဲ့စည်းပုံပြုပြင်ပြောင်းလဲရေးသည် အစီအစဉ်ချမှတ်ပြီးမှ လုပ်ဆောင်ရမည် ဖြစ်ကြောင်း၊ ဖွဲ့စည်းပုံ ချိန်ညှိပြောင်းလဲမှုသည် UN80 ပြုပြင်ပြောင်းလဲရေးတွင် အခက်အခဲအကြီးဆုံးနှင့် သက်ရောက်မှု အလှမ်းဝေးဆုံး ခြေလှမ်းတစ်ရပ်ဖြစ်ရာ အပြည့်အဝ ကြိုတင်ပြင်ဆင်မှုနှင့် ညှိနှိုင်းဆွေးနွေးမှု လိုအပ်ကြောင်း၊ ကုလသမဂ္ဂ အတွင်းရေးမှူးရုံးအနေဖြင့် ယခင်အတွေ့အကြုံများကို အနှစ်ချုပ်သုံးသပ်ပြီး ရေရှည်တိုးတက်ရေးကို မျှော်တွေးသည့် အခြေခံပေါ်တွင် ပြုပြင်ပြောင်းလဲရေးနည်းလမ်းကို တည်ငြိမ်သင့်လျော်စွာ အဆိုပြုရမည်ဖြစ်ကြောင်း၊ ယင်းသို့ဆောင်ရွက်စဉ်တွင် ထဲထဲဝင်ဝင် စစ်ဆေးလေ့လာရန်၊ ကောင်းကျိုးနှင့် ဆိုးကျိုးကို အပြန်ပြန်အလှန်လှန် ချိန်ညှိရန်၊ ဘက်စုံ သိပ္ပံနည်းကျသက်သေပြုရန် လုပ်ဆောင်သည့် တစ်ချိန်တည်းတွင် ပွင့်လင်းမြင်သာမှုကို ထိန်းသိမ်းကာ အဖွဲ့ဝင်နိုင်ငံများနှင့် ကျယ်ကျယ်ပြန့်ပြန့် ညှိနှိုင်းဆွေးနွေးရန်၊ အကြီးမာဆုံးသဘောတူညီချက်ကို စုစည်းရန်၊ ပြုပြင်ပြောင်းလဲရေး ဆုံးဖြတ်ချက်သည် သမိုင်း၏စမ်းသပ်မှုဒဏ်ခံနိုင်ရေး သေချာစေရန် ဆောင်ရွက်ရမည်ဖြစ်ကြောင်း ၎င်းက ပြောကြားခဲ့သည်။

ဒုတိယအနေဖြင့် ဖွဲ့စည်းပုံပြုပြင်ပြောင်းလဲရေးသည် ဦးတည်ချက်ကို မှန်ကန်တိကျစွာ ထားရှိရမည်ဖြစ်ကြောင်း၊ ဖွံ့ဖြိုးရေးကဏ္ဍ ပြုပြင်ပြောင်းလဲရာတွင် ကုလသမဂ္ဂ စီးပွားရေးနှင့် လူမှုရေးရာဌာန (DESA) ၏ ဖွံ့ဖြိုးတိုးတက်ရေးမဏ္ဏိုင် အချက်အချာဌာနဖြစ်သော အခန်းကဏ္ဍကို အားဖြည့်ရမည်ဖြစ်ကြောင်း၊ DESA ကို ဗဟိုပြု၍ အတွင်းရေးမှူးရုံး ဌာနအတွင်း စုစည်းစီမံညှိနှိုင်းမှုများကို မြှင့်တင်ကာ ဒေသတွင်းနှင့် နိုင်ငံအလိုက်လုပ်ငန်းများအပေါ် ညွှန်ကြားမှုကို အားကောင်းအောင် ဆောင်ရွက်ရမည်ဖြစ်ကြောင်း၊ ဒေသအသီးသီး၏ ဖွံ့ဖြိုးတိုးတက်မှုအဆင့်၊ လက်တွေ့အခြေအနေများသည် မတူကွဲပြားမှုရှိကြရာ ဒေသတွင်းအလွှာ ပြုပြင်ပြောင်းလဲရေးသည် လက်တွေ့အခြေအနေမှန်နှင့် လျော်ညီမှုရှိရမည်ဖြစ်ပြီး ဒေသတွင်းနိုင်ငံများ၏ တောင်းဆိုချက်နှင့်အညီ ကိုက်ညီအောင် ဆောင်ရွက်ရမည်ဖြစ်ကြောင်း၊ ဒေသအခြေစိုက် ဖွံ့ဖြိုးရေးစနစ်ညှိနှိုင်းသူများသည် ဖွံ့ဖြိုးတိုးတက်ရေး အခွင့်အာဏာပေးအပ်မှုကို အာရုံစိုက်ဖော်ဆောင်ကာ ငြိမ်းချမ်းရေးနှင့် လုံခြုံရေး စသည့် အခြားကဏ္ဍများသို့ မျက်စိစုံမှိတ်ချဲ့ထွင်ခြင်းအား ရှောင်ရှားရမည်ဖြစ်ကြောင်း၊ ငြိမ်းချမ်းရေးနှင့် လုံခြုံရေးကဏ္ဍ အချို့အစိတ်အပိုင်းများ၏ အခွင့်အာဏာပေးအပ်မှုသည် လုံခြုံရေးကောင်စီမှလာခြင်း ဖြစ်ရာ သက်ဆိုင်ရာဖွဲ့စည်းပုံ ချိန်ညှိပြောင်းလဲမှုသည် လုံခြုံရေးကောင်စီ၏သဘောထားကို အလေးထားရမည်ဖြစ်ကြောင်း၊ လူ့အခွင့်အရေးအဖွဲ့ငယ် ထူထောင်ခြင်းနှင့်စပ်လျဉ်း၍ သက်ဆိုင်သော ထည့်သွင်းစဉ်းစားမှုနှင့် လုပ်ငန်းနည်းလမ်းများအား တရုတ်နိုင်ငံအနေဖြင့် တစ်ဆင့်တိုး သိရှိနားလည်လိုကြောင်း ဖုချုံးက ပြောကြားခဲ့သည်။

တတိယအနေဖြင့် ဖွဲ့စည်းပုံပြုပြင်ပြောင်းလဲရေး မုချလက်တွေ့ထိရောက်မှုရှိရန် လုပ်ဆောင်ရမည်ဖြစ်ကြောင်း၊ ကုလသမဂ္ဂ ဌာနနှင့်အဖွဲ့အစည်းအသီးသီးက ပင်မအခွင့်အာဏာကို ထိပ်တန်းတာဝန်ဝတ္တရားအဖြစ် ဖော်ဆောင်သင့်ရာ မိမိ၏အားသာချက်နှင့် ကျွမ်းကျင်မှုကို အသုံးပြုရမည်ဖြစ်ပြီး ပင်မလုပ်ငန်းနှင့် သွေဖည်မှုကို ရှောင်ရှားရမည်ဖြစ်ကြောင်း၊ အထွေထွေအတွင်းရေးမှူးချုပ်၏ အထူးသံတမန်၊ ကိုယ်စားလှယ်၊ ညှိနှိုင်းရေးမှူး၊ အကြံပေးပုဂ္ဂိုလ် စသည့် အဆင့်မြင့်ရာထူးနေရာများအား စိစစ်ခြင်းနှင့်စပ်လျဉ်း၍ အဖွဲ့ဝင်နိုင်ငံများ စိစစ်ဆွေးနွေးနိုင်ရန် အတွင်းရေးမှူးရုံးအနေဖြင့် စိစစ်ရေးအစီရင်ခံစာနှင့် ပြုပြင်ပြောင်းလဲရေးအကြံပြုချက်များကို လျင်မြန်စွာ ပံ့ပိုးပေးရန် မျှော်လင့်ကြောင်း၊ အတွင်းရေးမှူးရုံးတွင် ဖွံ့ဖြိုးဆဲနိုင်ငံများ၏ ကိုယ်စားပြုမှု မလုံလောက်သည့်ကိစ္စရပ်အား အထူးအလေးထားရမည် ဖြစ်ရာ ပြုပြင်ပြောင်းလဲရေးလုပ်ငန်းစဉ်တွင် ဝန်ထမ်းရေးရာ ဒေသကိုယ်စားပြုမှု ဟန်ချက်မညီခြင်းကို ပို၍ဆိုးရွားအောင် လုပ်ဆောင်၍ မရကြောင်း ၎င်းက ပြောကြားခဲ့သည်။

တရုတ်နိုင်ငံက ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) ကို အဆိုပြုခဲ့ရာ နိုင်ငံတကာရေးရာတွင် ကုလသမဂ္ဂ၏ အချက်အချာကျမှု အခန်းကဏ္ဍကို ထောက်ခံအားပေးရန်၊ ကမ္ဘာလုံးဆိုင်ရာ စီမံခန့်ခွဲမှုစနစ် ပို၍ တရားမျှတမှု၊ ကျိုးကြောင်းဆီလျော်မှုရှိသော ဦးတည်ချက်သို့ တိုးတက်ရေးကို တွန်းအားပေးရန် ရည်ရွယ်ကြောင်း၊ တရုတ်နိုင်ငံအနေဖြင့် ကမ္ဘာလုံးဆိုင်ရာ စီမံခန့်ခွဲမှု အစီအမံ (GGI) ၏ လမ်းညွှန်မှုအောက်တွင် အဖွဲ့ဝင်နိုင်ငံများ၊ အတွင်းရေးမှူးရုံးနှင့်အတူ ကြိုးပမ်းကာ UN80 ပြုပြင်ပြောင်းလဲရေးအား ကုလသမဂ္ဂ ရေရှည်ဖွံ့ဖြိုးတိုးတက်မှုအတွက် အကျိုးပြုသော၊ အဖွဲ့ဝင်နိုင်ငံများ ဘုံအကျိုးစီးပွားအတွက် အကျိုးရှိစေသော ဦးတည်ချက်ဆီသို့ တက်လှမ်းရန် တွန်းအားပေးဆောင်ရွက်သွားမည် ဖြစ်ကြောင်း ဖုချုံးက ပြောကြားခဲ့သည်။ (Xinhua)

——————-
(Chinese Version)
中国代表就联合国架构改革提三点初步建议
新华社联合国10月15日电 中国常驻联合国代表傅聪15日在“联合国80周年改革倡议”（UN80）架构改革通报会上发言时说，面对变乱交织的国际形势，坚持多边主义、加强联合国作用、改革完善全球治理是各国的共同期盼，也是“联合国80周年改革倡议”的最终目标。中方重视联合国秘书长关于架构改革的报告，正在认真研究，并提出三点初步建议：
第一，架构改革要谋定后动。架构调整是UN80改革中难度最大、影响最深远的一步，需要充分酝酿和讨论。联合国秘书处要在总结既往经验、着眼长远发展的基础上，稳妥提出改革方案，过程中要深入调查研究、反复权衡利弊、全面科学论证，同时保持公开透明，同会员国广泛协商，凝聚最大共识，确保改革决定经得起历史考验。
第二，架构改革要把准方向。发展领域改革，要加强联合国经济和社会事务部（经社部）作为发展支柱核心部门的作用，以经社部为中心加强秘书处内部统筹协调，强化对区域和国别工作的指导。各区域发展水平、实际情况不同，区域层面改革要实事求是，根据地区国家要求量体裁衣。发展系统驻地协调员要聚焦发展授权，避免向和平安全等其他领域盲目扩张。和平安全领域部分授权来自安理会，有关架构调整要重视安理会意见。关于设立人权小组，中方希望进一步了解有关考虑和工作方案。
第三，架构改革要务求实效。联合国各部门和机构应将履行核心授权作为首要任务，发挥自身优势和专长，避免偏离主业。关于对秘书长特使、代表、协调员、顾问等高级岗位进行审查，希望秘书处尽快拿出审查报告和改革建议，供会员国审议。要高度重视发展中国家在秘书处代表性不足问题，不能在改革过程中加剧职员地域代表性不平衡。
傅聪表示，中方提出全球治理倡议，旨在支持联合国在国际事务中发挥核心作用，推动全球治理体系朝着更加公正合理的方向发展。中方将在全球治理倡议指引下，同会员国及秘书处共同努力，推动UN80改革向有利于联合国长远发展、有利于会员国共同利益的方向前进。（完）
1. 这是位于纽约的联合国总部外景（9月18日摄）。新华社记者 李睿 摄