တရုတ်နိုင်ငံက ကမ္ဘာလုံးဆိုင်ရာ ရာသီဥတု စီမံခန့်ခွဲမှုအတွက် အားကောင်းသော စွမ်းအားများ ဖြည့်တင်းပေးခဲ့ကြောင်း စက္ကူဖြူစာတမ်းတွင် ဖော်ပြ

ပေကျင်း၊ နိုဝင်ဘာ ၈ ရက် (ဆင်ဟွာ)

တရုတ်နိုင်ငံက ကမ္ဘာလုံးဆိုင်ရာ ရာသီဥတု စီမံခန့်ခွဲမှုအတွက် အားကောင်းသော စွမ်းအားများ ဖြည့်တင်းပေးခဲ့ကြောင်း၊ တရုတ်နိုင်ငံသည် နိုင်ငံစုံ ပူးပေါင်းဆောင်ရွက်ရေး စနစ်ကို ခိုင်ခိုင်မာမာ ကာကွယ်ထိန်းသိမ်းကာ နိုင်ငံတကာပူးပေါင်းဆောင်ရွက်မှုကို မြှင့်တင်ပေးပြီး တရုတ် အယူအဆများနှင့် လက်တွေ့လုပ်ဆောင်မှုများဖြင့် ကမ္ဘာလုံးဆိုင်ရာ ရာသီဥတုစီမံခန့်ခွဲမှု အခင်းအကျင်းသစ်ကို ဦးဆောင်လျက်ရှိကြောင်း တရုတ်နိုင်ငံ နိုင်ငံတော်ကောင်စီ ပြန်ကြားရေးရုံး (SCIO) ၏ နိုဝင်ဘာ ၈ ရက်က ထုတ်ပြန်သော “ကာဗွန်ထုတ်လွှတ်မှု အမြင့်ဆုံးမှ ပြန်လည်လျှော့ချရေးနှင့် မျှခြေအဆင့် ရောက်ရှိရေးအတွက် တရုတ်နိုင်ငံ လှုပ်ရှားမှု” ဆိုင်ရာ စက္ကူဖြူစာတမ်းတွင် ထောက်ပြခဲ့သည်။

တရုတ်နိုင်ငံသည် ကမ္ဘာလုံးဆိုင်ရာ ရာသီဥတု စီမံခန့်ခွဲမှု လုပ်ငန်းစဉ်ကို ဦးဆောင်လျက် “ပဲရစ်သဘောတူညီချက်” လက်မှတ်ရေးထိုးခြင်း၊ အသက်ဝင်ခြင်းနှင့် အကောင်အထည်ဖော်ခြင်းတို့ကို တက်ကြွစွာ မြှင့်တင်ပေးခဲ့ပြီး “ကုလသမဂ္ဂ ရာသီဥတု ပြောင်းလဲမှုဆိုင်ရာ မူဘောင်ကွန်ဗင်းရှင်း” နှင့် ယင်း “ပဲရစ်သဘောတူညီချက်” တွင် အတည်ပြုထားသော ရည်မှန်းချက်များ၊ အခြေခံမူနှင့် မူဘောင်ကို အခိုင်အမာ ထိန်းသိမ်းကာကွယ်လျက်ရှိကြောင်း၊ တရားမျှတခြင်း၊ ဘုံဖြစ်သော်လည်း ကွဲပြားမှုရှိသော တာဝန်ဝတ္တရားနှင့် ကိုယ်စီ၏ စွမ်းရည်အလိုက် အခြေခံမူများကို လက်ကိုင်ထား၍ တရားမျှတပြီး ကျိုးကြောင်းဆီလျော်သော၊ ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်သော ကမ္ဘာလုံးဆိုင်ရာ ရာသီဥတုစီမံခန့်ခွဲမှုစနစ် ဖွဲ့စည်းတည်ဆောက်ရေးကို မြှင့်တင်ရန် ဆောင်ရွက်လျက်ရှိကြောင်း အဆိုပါ စက္ကူဖြူစာတမ်းတွင် ဖော်ပြထားသည်။

တရုတ်နိုင်ငံနှင့် “ရပ်ဝန်းနှင့် ပိုးလမ်းမ” အတူတည်ဆောက်သည့် နိုင်ငံများသည် အစိမ်းရောင် အခြေခံအဆောက်အအုံများ၊ အစိမ်းရောင်စွမ်းအင်၊ အစိမ်းရောင် လမ်းပန်းဆက်သွယ်ရေးစသည့် ကဏ္ဍများ ပူးပေါင်းဆောင်ရွက်မှုကို စဉ်ဆက်မပြတ် နက်ရှိုင်းစေပြီး အစိမ်းရောင်သည် “ရပ်ဝန်းနှင့် ပိုးလမ်းမ” အရည်အသွေးမြင့် အတူတကွ တည်ဆောက်ရေး၏ တောက်ပသော အခြေခံဖြစ်လာခဲ့ကြောင်း၊ တရုတ်နိုင်ငံသည် အာဆီယံ (ASEAN) ၊ အာရပ်အဖွဲ့ချုပ် (Arab League) ၊ အာဖရိကသမဂ္ဂ (AU) ၊ အလယ်ပိုင်းနှင့် အရှေ့ပိုင်း ဥရောပနိုင်ငံများ၊ ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ၊ အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) စသည့် ဒေသကြီး ၆ ခုနှင့် စွမ်းအင်ဆိုင်ရာ ပူးပေါင်းဆောင်ရွက်မှု ပလက်ဖောင်း တည်ဆောက်ခဲ့ကာ နိုင်ငံပေါင်း ၃၄ နိုင်ငံနှင့် “ရပ်ဝန်းနှင့် ပိုးလမ်းမ” စွမ်းအင် ပူးပေါင်းဆောင်ရွက်မှု မိတ်ဖက်ဆက်ဆံရေး ထူထောင်ခဲ့ပြီး နိုင်ငံ၊ ဒေသပေါင်း ၁၀၀ ကျော်နှင့် အစိမ်းရောင် စွမ်းအင် စီမံကိန်း ပူးပေါင်းဆောင်ရွက်မှုကို ဖော်ဆောင်ခဲ့ကြောင်း အဆိုပါ စက္ကူဖြူစာတမ်းတွင် အလေးထား ဖော်ပြထားသည်။

တရုတ်နိုင်ငံသည် တစ်ကမ္ဘာလုံး၊ အထူးသဖြင့် ကျယ်ပြန့်သော ဖွံ့ဖြိုးဆဲနိုင်ငံများအတွက် အရည်အသွေးမြင့်မား၍ ထိရောက်မှုအားကောင်းသော စွမ်းအင်ကာဗွန်နည်းသော ပစ္စည်းကိရိယာများ ထုတ်ကုန်များ စဉ်ဆက်မပြတ် ပံ့ပိုးပေးလျက်ရှိကြောင်း၊ လေအားလျှပ်စစ်၊ နေရောင်ခြည်စွမ်းအင်သုံး လျှပ်စစ်ဓာတ်အားနှင့် စွမ်းအင်သစ်သုံး မော်တော်ယာဉ်များ စသည့် ထုတ်ကုန်များကို ကမ္ဘာတစ်ဝန်းရှိ နိုင်ငံနှင့် ဒေသပေါင်း ၂၀၀ ကျော်သို့ တင်ပို့လျက်ရှိကြောင်း၊ ကမ္ဘာတစ်ဝန်းသို့ လေအားလျှပ်စစ် စက်ပစ္စည်းများ၏ ၇၀ ရာခိုင်နှုန်း၊ နေရောင်ခြည်စွမ်းအင်သုံး စက်ပစ္စည်းများ၏ ၈၀ ရာခိုင်နှုန်း ပံ့ပိုးပေးခဲ့ပြီး ကမ္ဘာတစ်ဝန်း လေစွမ်းအင်နှင့် နေရောင်ခြည်စွမ်းအင် လျှပ်စစ်ဓာတ်အား ကုန်ကျစရိတ်များကို ၆၀ ရာခိုင်နှုန်းနှင့် ၈၀ ရာခိုင်နှုန်းကျော် အသီးသီး ကျဆင်းစေခဲ့ကြောင်း၊ “၁၄ ကြိမ်မြောက် ၅ နှစ်စီမံကိန်း” ကာလအတွင်း တင်ပို့ခဲ့သော လေအားလျှပ်စစ်၊ နေရောင်ခြည်စွမ်းအင်သုံး လျှပ်စစ်ဓာတ်အားထုတ်ကုန်ပစ္စည်းများက အခြားသော နိုင်ငံများအတွက် ကာဗွန်ထုတ်လွှတ်မှုကို စုစုပေါင်း တန်ချိန် ၄.၁ ဘီလီယံ လျှော့ချပေးခဲ့ကြောင်း စက္ကူဖြူစာတမ်းတွင် ထောက်ပြခဲ့သည်။

တရုတ်နိုင်ငံသည် အစိမ်းရောင်အယူအဆ၊ အစိမ်းရောင်နည်းပညာနှင့် သန့်ရှင်းစွမ်းအင် “သုံးမျိုးပေါင်းစည်းမှု” ပုံစံကို အသုံးပြု၍ ဖွံ့ဖြိုးဆဲနိုင်ငံများ၏ ရာသီဥတုပြောင်းလဲမှုအား ကိုင်တွယ်ဖြေရှင်းနိုင်စွမ်း မြှင့်တင်ရန် ထောက်ခံအားပေးခဲ့ကြောင်း၊ ၂၀၁၆ ခုနှစ်မှစ၍ စီမံကိန်းများအတွက် ရန်ပုံငွေ ယွမ်ဘီလီယံ ၁၇၇ ကျော်ကို စုစည်းထောက်ပံ့ပေးခဲ့ကြောင်း၊ ၂၀၂၅ ခုနှစ် အောက်တိုဘာလကုန်အထိ တရုတ်နိုင်ငံသည် ဖွံ့ဖြိုးဆဲနိုင်ငံ ၄၃ နိုင်ငံနှင့် ရာသီဥတုပြောင်းလဲမှုဆိုင်ရာ ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှု နားလည်မှုစာချွန်လွှာ ၅၅ စောင်ကို လက်မှတ်ရေးထိုးခဲ့ပြီးဖြစ်ကြောင်း၊ တစ်ချိန်တည်းမှာပင် တရုတ်နိုင်ငံသည် စွမ်းဆောင်ရည် တည်ဆောက်ရေး စီမံကိန်းအဆင့်ပေါင်း ၃၀၀ ကျော်ကို အကောင်အထည်ဖော်ဆောင်ရွက်ခဲ့ပြီးဖြစ်ကြောင်း စက္ကူဖြူစာတမ်းတွင် မိတ်ဆက်ဖော်ပြထားသည်။

အနာဂတ်ကို ရှေးရှုရာတွင် တရုတ်နိုင်ငံအနေဖြင့် နိုင်ငံတကာ အသိုင်းအဝိုင်းနှင့်အတူ ဂေဟယဉ်ကျေးမှု အခြေခံအုတ်မြစ်ကို အတူတကွ ခိုင်ခံ့စေပြီး အစိမ်းရောင်ဖွံ့ဖြိုးတိုးတက်ရေးလမ်းကြောင်းကို အတူတကွ လျှောက်လှမ်းလိုကြောင်း၊ ကမ္ဘာလုံးဆိုင်ရာ ရာသီဥတု စိန်ခေါ်မှုများကို အတူလက်တွဲ၍ ရင်ဆိုင်တုံ့ပြန်ကာ အစိမ်းရောင် ကမ္ဘာ့မိသားစုဥယျာဉ်ကို ကောင်းမွန်အောင် ထိန်းသိမ်းစောင့်ရှောက်ပြီး ပိုမိုသန့်ရှင်းသော၊ သာယာလှပသော ကမ္ဘာကြီးတည်ဆောက်သွားလိုကြောင်း စက္ကူဖြူစာတမ်းတွင် အလေးထား ဖော်ပြထားသည်။ (Xinhua)

တရုတ်နိုင်ငံ ကျန်းဆူးပြည်နယ် လျန်ယွင်ကန်ဆိပ်ကမ်းရှိ တုန်းဖောင်းဆိပ်ကမ်းရေးရာကုမ္ပဏီခွဲ၏ ကုန်တင်ဆိပ်ကမ်းတွင် ပြည်ပသို့ ပို့ဆောင်ရန်အတွက် သင်္ဘောများပေါ်သို့ ကားအမြောက်အမြားတင်ဆောင်ရန် အသင့်ဖြစ်နေသည်ကို ၂၀၂၅ ခုနှစ် အောက်တိုဘာ ၁၄ ရက်က တွေ့ရစဉ် (ဆင်ဟွာ)

………………………..
(Chinese Version)
碳达峰碳中和的中国行动白皮书丨白皮书：中国为全球气候治理注入强大动力
新华社北京11月8日电（记者魏玉坤、高敬）国务院新闻办公室8日发布的《碳达峰碳中和的中国行动》白皮书指出，中国为全球气候治理注入强大动力。中国坚定维护多边主义、推动国际合作，以中国理念和实践引领全球气候治理新格局。
白皮书指出，中国引领全球气候治理进程，积极推动《巴黎协定》的签署、生效、实施，坚定维护《联合国气候变化框架公约》及其《巴黎协定》确定的目标、原则和框架，坚持公平、共同但有区别的责任、各自能力原则，推动构建公平合理、合作共赢的全球气候治理体系。
白皮书强调，中国与共建“一带一路”国家持续深化绿色基建、绿色能源、绿色交通等领域合作，绿色已成为高质量共建“一带一路”的鲜明底色。中国搭建与东盟、阿盟、非盟、中东欧、上海合作组织、亚太经济合作组织等6大区域的能源合作平台，与34个国家建立了“一带一路”能源合作伙伴关系，与100多个国家和地区开展绿色能源项目合作。
白皮书指出，中国持续为全球尤其是广大发展中国家提供优质高效的能源低碳装备产品。风电、光伏、新能源汽车等产品出口到全球200多个国家和地区，向全球提供了70%的风电设备、80%的光伏组件设备，推动全球风电和光伏发电成本分别下降超过60%和80%，“十四五”期间出口的风电和光伏产品累计为其他国家减少碳排放约41亿吨。
白皮书介绍，中国采用绿色理念、绿色技术与清洁能源“三位一体”的模式，支持发展中国家提高应对气候变化能力。2016年以来，提供并动员项目资金超过1770亿元人民币。截至2025年10月底，中国已与43个发展中国家签署55份气候变化南南合作谅解备忘录。同时，中国已累计实施300多期能力建设项目。
白皮书强调，面向未来，中国愿与国际社会一道，同筑生态文明之基，同走绿色发展之路，携手应对全球气候挑战，守护好绿色地球家园，建设更加清洁、美丽的世界。（完）
图说1：7月3日拍摄的贵州金元么站农业光伏电站一隅（无人机照片）。新华社记者 陶亮 摄
图说2：10月14日，在江苏省连云港港东方港务分公司码头，大批汽车准备装船外运（无人机照片)。新华社发（王春摄）