တာကာအိချိ သမိုင်းနောက်ကြောင်းပြန်လှည့်ခြင်းက မုခုမသွေ ကျရှုံးမည်သာ ဖြစ်သည်

ပေကျင်း၊ နိုဝင်ဘာ ၂၀ ရက် (ဆင်ဟွာ)

ဂျပန်ဝန်ကြီးချုပ် ဆာနာအဲ တာကာအိချိသည် အလွန်အန္တရာယ်များသောနည်းလမ်းတစ်မျိုးဖြင့် ဂျပန်ဟူသောသင်္ဘောကြီးကို သမိုင်း၏မှောင်မိုက်သောသန္တာကျောက်တန်းသို့ဦးတည် ခုတ်မောင်းရန် ကြိုးပမ်းလျက်ရှိသည်။

မကြာသေးမီကာလတွင် ဆာနာအဲ တာကာအိချိက လွှတ်တော်၌ ပြောကြားခဲ့သည့် ထိုင်ဝမ်အရေးနှင့်စပ်လျဉ်းသော မှားယွင်းသည့် ပြောဆိုချက်များသည် ရိုးရှင်းသော “မတော်တဆ လွှတ်ခနဲ ပြောဆိုမိခြင်း” သို့မဟုတ် “ဟန်အမူအရာပျက်ခြင်း” လုံးဝ မဖြစ်နိုင်ဘဲ နိုင်ငံ၏အနာဂတ်နှင့် ဒေသတွင်းငြိမ်းချမ်းရေးကို အလျော်အစားထားကာ ပန်ဒိုရာသေတ္တာဖွင့်၍ နိုင်ငံရေး လောင်းကြေးထပ်ရန် ကြိုးပမ်းခြင်းဖြစ်သည်။ ယင်းမှာ ဂျပန်၏ငြိမ်းချမ်းရေးအခြေခံဥပဒေကို ပြောင်ပြောင်တင်းတင်းချိုးဖောက်ခြင်း ဖြစ်ရုံသာမက တရုတ်ပြည်တွင်းရေးအား ရုန့်ရင်းကြမ်းတမ်းစွာ စွက်ဖက်ခြင်းနှင့် စစ်ပွဲအလွန် နိုင်ငံတကာစည်းစနစ်အပေါ် ရည်ရွယ်ချက်ရှိရှိ ရန်စခြင်း ပို၍ပင် ဖြစ်ချေသည်။ မဝေးလံလှသည့် ရှေးယခင်က သမိုင်းသင်ခန်းစာရှိရာ တာကာအိချိ၏ သမိုင်းနောက်ကြောင်းပြန်လှည့်ခြင်းသည် အရှုံးဇာတ်သိမ်းသို့ မုချမသွေဆိုက်ရောက်မည်သာ ဖြစ်သည်။

ထိုင်ဝမ်အရေးနှင့်စပ်လျဉ်းသည့် တာကာအိချိ၏ မှားယွင်းသောပြောဆိုချက်များမှာ ဆိုးရွားလှရာ ၁၉၄၅ ခုနှစ် ဂျပန်စစ်ရှုံးနိမ့်ပြီးနောက်ပိုင်း ဂျပန်ခေါင်းဆောင်များ၏ “ပထမဆုံးအကြိမ်” ချိုးဖောက်မှုများစွာကို လုပ်ဆောင်ခဲ့သည်။ ယင်းမှာ ဂျပန်ခေါင်းဆောင်အနေဖြင့် ပထမဆုံးအကြိမ်အဖြစ် တရားဝင်နေရာတွင် “ထိုင်ဝမ်အရေးပေါ်လျှင် ဂျပန်အရေးပေါ်မည်” ဟု ချဲ့ကားပြောဆိုကာ အစုဖွဲ့မိမိကိုယ်ကိုကာကွယ်ခွင့် ကျင့်သုံးခြင်းနှင့် ဆက်စပ်လိုက်ခြင်း၊ ပထမဆုံးအကြိမ်အဖြစ် ထိုင်ဝမ်အရေးတွင် လက်နက်အင်အားဖြင့် ကြားဝင်ရန် ကြိုးပမ်းမည့် လောဘစိတ်အား ဖော်ပြခြင်း၊ ပထမဆုံးအကြိမ်အဖြစ် တရုတ်နိုင်ငံအပေါ် လက်နက်အင်အားဖြင့် ခြိမ်းခြောက်ခြင်း ဖြစ်သည်။ ထိုသို့သော ထိုင်ဝမ်နှင့်စပ်လျဉ်းသည့် မှားယွင်းသောပြောဆိုချက်များမှာ တရုတ်-ဂျပန်ဆက်ဆံရေး၏ နိုင်ငံရေးအခြေခံကို အရင်းအမြစ်မှ ထိခိုက်ပျက်စီးစေရာ တရုတ်ပြည်သူများ၏ အမျက်ဒေါသနှင့် ပြစ်တင်ရှုတ်ချမှုကို နှိုးဆွလိုက်ပေသည်။

တာကာအိချိ၏ လုပ်ရပ်မှာ တစ်သီးပုဂ္ဂလတစ်ဦးတည်း အပြုအမူမဟုတ်ဘဲ ယင်း၏နောက်ကွယ်က စစ်ဝါဒဖြင့် ပြန်လည်အသက်သွင်းရန်၊ စစ်ပွဲအလွန်စနစ်၏ အစည်းအနှောင်မှ ခြေစုံလွတ်မြောက်ရန် ကြိုးပမ်းသည့် ဂျပန်ပြည်တွင်း နောက်ကြောင်းပြန် လက်ယာယိမ်းအင်အားစုတစ်စု ဖြစ်သည်။ ဆာနာအဲ တာကာအိချိ ကဲ့သို့သူများ၏ စိတ်တွင် စွဲနေသည်က ဂျပန်ပြည်သူလူထု၏ ငြိမ်းချမ်းတည်ငြိမ်ရေးအား ကာကွယ်စောင့်ရှောက်ရန် မဟုတ်ဘဲ “ပြည်ပခြိမ်းခြောက်မှု” ကို အကြောင်းပြကာ ငြိမ်းချမ်းရေးအခြေခံဥပဒေကို ပြင်ဆင်ရန်၊ စစ်တပ် “ပုံမှန်အသွင်ပြောင်းရေး” ဟူသောအဆိုကို လက်တွေ့ဖော်ဆောင်ရန်၊ “စစ်ရေးကဏ္ဍ နိုင်ငံကြီး” ဟူသော လမ်းဟောင်းကို ပြန်လည်လျှောက်လှမ်းမှုအတွက် အတားအဆီးရှင်းလင်းရန်သာ ဖြစ်သလို ထိုင်ဝမ်အရေးသည် ယင်းအန္တရာယ်ရှိသည့်အစီအစဉ်ကို ၎င်းတို့ မတင်ရန် ထောက်တိုင်တစ်ခုသာ ဖြစ်ပေသည်။
၎င်းတို့အနေဖြင့် အန္တရာယ်အကျပ်အတည်းဟု ရည်ရွယ်ချက်ရှိရှိ မြှင့်တင်ဖြန့်ချိပြောဆိုကာ ဂျပန်ပြည်သူလူထုကို အမှုမထားဘဲ အိမ်နီးချင်း၏ဒိုင်းအကာဟူသော စစ်ပွဲယာဉ်ပေါ်သို့ ချည်နှောင်လိုက်ခြင်း၏ နောက်ဆုံးရည်ရွယ်ချက်မှာ ငြိမ်းချမ်းရေးအခြေခံဥပဒေကို ထိုးဖောက်၍ စစ်ပွဲဟူသော မိစ္ဆာဘီလူးကို လွှတ်ပေးရန် ဖြစ်သည်။

ငြိမ်းချမ်းရေး၏ အသီးအပွင့်ရရှိလာခြင်းမှ ခဲရာခဲဆစ်ဖြစ်ရာ ဂျပန်ပြည်သူလူထုက နောက်ကြောင်းပြန် လက်ယာယိမ်းအစုအဖွဲ့၏ ကြံစည်ကြိုးပမ်းမှုကြောင့် လုံးဝလှည့်စားခံထားရခြင်း မရှိပေ။ တာကာအိချိ၏ အန္တရာယ်များသည့် ပြောဆိုချက်များ ထွက်ပေါ်လာသည့်အခါတွင် ဂျပန်ပြည်တွင်း၌ အထူးသတိထားမှုနှင့် ဆန့်ကျင်ကန့်ကွက်သည့် အသံလှိုင်းများ ပြင်းထန်ခဲ့သည်။ အကြီးဆုံး အတိုက်အခံပါတီခေါင်းဆောင်၏ ပြင်းပြင်းထန်ထန်ဝေဖန်မှုများမှသည် လစ်ဘရယ် ဒီမိုကရက်တစ်ပါတီအတွင်း ဝါရင့်လွှတ်တော်အမတ်များ၏ စိုးရိမ်ပူပန်မှုများအပြင် ပညာရှင်များ၏ နာကြည်းမှုနှင့် လူထု၏ အမျက်ဒေါသထွက် ဆန့်ကျင်ဆန္ဒပြမှုများအထိ အခြေအနေအမျိုးမျိုးမှာ ဂျပန်လူမှုအသိုက်အဝန်းတွင် ဆင်ခြင်တုံတရားရှိသောအသံနှင့် ငြိမ်းချမ်းရေးကို ကာကွယ်ထိန်းသိမ်းလိုသော အင်အားရှိနေသေးသည်ကို ဖော်ပြလျက်ရှိသည်။
“တာကာအိချိ ရာထူးမှ ဆင်းပေးရေး”၊ “စစ်ပွဲ လှုံ့ဆော်မှု မပြုရေး” ဟူသော ဟစ်ကြွေးသံများသည် နိုင်ငံကို လမ်းလွဲသို့ ပို့ဆောင်နေသည့် လက်ရှိအာဏာပိုင်အပေါ် ဂျပန်ပြည်သူ့သဘောထား၏ အားကောင်းသော တန်ပြန်ထိုးနှက်မှုများပင် ဖြစ်သည်။

သမိုင်းသည် ရောင်ပြန်ဟပ်သည့် ကြေးမုံတစ်ချပ်ဖြစ်သည်။ လွန်ခဲ့သည့်ရာစုနှစ်က ဂျပန်စစ်ဝါဒများ ဆင်နွှဲသည့် ကျူးကျော်စစ်ပွဲသည် အာရှနိုင်ငံအသီးသီးပြည်သူများကို နက်ရှိုင်းသောကပ်ဘေးဒုက္ခ သယ်ဆောင်ပေးခဲ့ရုံသာမက ဂျပန်ကိုယ်တိုင်လည်း ကြီးကြီးမားမား ပေးဆပ်ခဲ့ရရာ ပြန်လမ်းမရှိသော ချောက်ကမ်းပါးသို့ ကျလုဆဲဆဲ အနေအထား ဖြစ်ခဲ့ရသည်။ စစ်ပွဲအလွန် ဂျပန်နိုင်ငံအနေဖြင့် စီးပွားရေးပြန်လည်ရှင်သန်၍ ဖွံ့ဖြိုးစည်ပင်သာယာဝပြောရေးကို အကောင်အထည်ဖော်ဆောင်နိုင်ခြင်း၏ အခြေခံမှာ ၎င်းကငြိမ်းချမ်းစွာ ဖွံ့ဖြိုးတိုးတက်ရေးလမ်းကို ရွေးချယ်ပြီး ကမ္ဘာအား “နောက်ထပ်စစ်ပွဲ ထာဝရ မဆင်နွှဲတော့ပါ” ဟူသော ကတိကဝတ်ကို အလေးအနက်ပြုခဲ့ခြင်းကြောင့် ဖြစ်သည်။ ယင်းကတိကဝတ်သည် နိုင်ငံတကာအသိုက်အဝန်းသို့ ဂျပန်ပြန်လည်ရောက်ရှိနိုင်သော အခြေခံအုတ်မြစ်ဖြစ်သလို ကမ္ဘာတွင် ၎င်း ရပ်တည်သည့် အခြေခံအာမခံချက်လည်း ဖြစ်သည်။

ယခုအခါ တာကာအိချိ ကိုယ်စားပြုသည့် လက်ယာယိမ်းအင်အားစုသည် ယင်းအခြေခံအုတ်မြစ်ကို ဖြိုဖျက်ရန် ကြိုးပမ်းလျက်ရှိသည်။ ၎င်းတို့သည် သမိုင်းကို လေးစားကြောက်ရွံ့မှု အလျဉ်းမရှိ၊ စစ်ပွဲ၏ ရက်စက်ကြမ်းကြုတ်မှုကို ရွေးချယ်မှုဖြင့် မေ့ပျောက်ပစ်ပြီး မီးနှင့်ကစားကာ နိုင်ငံရေးကိုယ်ကျိုးစီးပွားကို ဖမ်းဆုပ်ရယူရန် စိတ်ကူးယဉ်ကြသည်။ သို့သော် ၎င်းတို့ နားလည်ရမည်မှာ ယနေ့ တရုတ်နိုင်ငံသည် လွန်ခဲ့သည့်ရာစုနှစ်က တရုတ်နိုင်ငံမဟုတ်တော့ခြင်း ဖြစ်ပြီး ယနေ့ကမ္ဘာ့အခင်းအကျင်းသည်လည်း ယခင်နှင့်မတူကွဲပြားနေသည်မှာ ကြာပြီဖြစ်ပေသည်။ မည်သူကမျှ တရုတ်ပြည်သူများ၏ နိုင်ငံအချုပ်အခြာအာဏာနှင့် နယ်မြေပိုင်နက်ပြည့်စုံမှုအား ကာကွယ်ထိန်းသိမ်းမည့် ခိုင်မာသော သန္နိဋ္ဌာန်၊ ခိုင်မြဲသော ဇွဲနပဲ၊ တောင့်တင်းသောစွမ်းအားကို လျှော့တွက်၍မရချေ။ ထိုင်ဝမ်အရေးသည် တရုတ်နိုင်ငံ ဗဟိုအကျိုးစီးပွား၏ အချက်အချာ ဖြစ်ပြီး ကျော်လွန်၍မရသော မျဉ်းနီနှင့် အောက်ဆုံးစည်းမျဉ်း ဖြစ်သည်။ တရုတ်နိုင်ငံပြည်တွင်းရေးကို စွက်ဖက်ရန်၊ တရုတ်နိုင်ငံပေါင်းစည်းရေးလုပ်ငန်းကြီးကို တားဆီးရန် ကြိုးပမ်းသော မည်သည့်လုပ်ရပ်မဆို မုချမသွေ ထိပ်တိုက်ပြင်းပြင်းထန်ထန်ထိုးနှက်ခံရမည် ဖြစ်သည်။

မိမိတို့အနေဖြင့် ဆာနာအဲ တာကာအိချိနှင့် ၎င်းအစိုးရအား သမိုင်းကို နက်နက်ရှိုင်းရှိုင်း ပြန်လည်ဆင်ခြင်သုံးသပ်ရန်၊ မှားယွင်းသောပြောဆိုချက်များကို ရုပ်သိမ်းရန်၊ တရုတ်နိုင်ငံနှင့်စပ်လျဉ်းသည့် အရေးကိစ္စတွင် ပြဿနာဖန်တီးမှုကို ရပ်တန့်ရန်၊ လက်တွေ့လုပ်ဆောင်မှုဖြင့် အမှားကိုဝန်ခံ၍ လွဲမှားမှုများကို ပြန်လည်တည့်မတ်ရန်၊ တရုတ်-ဂျပန် ဆက်ဆံရေး နိုင်ငံရေးအခြေခံကို ကာကွယ်ထိန်းသိမ်းရန် အလေးအနက်တိုက်တွန်းလျက်ရှိသည်။ တစ်ဖက်သတ်ခေါင်းမာစွာ ထင်တိုင်းကြဲခြင်းက မှားယွင်းသောလမ်းတွင် လျှောက်လှမ်းလေ ဝေးလံလေ ဖြစ်ကာ တရုတ်ပြည်သူ သန်း ၁,၄၀၀ ကျော်နှင့် တမင်ရန်လိုမည်ဆိုပါက ၎င်းကို စောင့်ဆိုင်းနေသည်မှာ လွန်ခဲ့သည့် နှစ်ပေါင်း ၈၀ ကထက်ပိုသော အလုံးစုံရှုံးနိမ့်မှုဖြစ်မည်မှာ ဧကန်မုချဖြစ်ပေသည်။ (Xinhua)

ဂျပန်နိုင်ငံ တိုကျိုမြို့ရှိ စားသောက်ဆိုင်တစ်ခုတွင် စားသုံးနေသော ခရီးသွားဧည့်သည်အား ၂၀၂၅ ခုနှစ် နိုဝင်ဘာ ၁၇ ရက်က တွေ့ရစဉ် (ဆင်ဟွာ)

——————-
(Chinese Version)
新华时评丨高市开历史倒车必将失败
新华社北京11月19日电　题：高市开历史倒车必将失败 　　新华社记者 　　日本首相高市早苗正以一种极其危险的方式，试图调转日本的船头，驶向历史的暗礁。
高市近期在国会发表的涉台谬论，绝非简单的“口误”或“失态”，而是一场以国家前途和地区和平为筹码，妄图打开潘多拉魔盒的政治豪赌。这不仅是对日本和平宪法的公然背叛，更是对中国内政的粗暴干涉和对战后国际秩序的蓄意挑衅。殷鉴不远，高市开历史倒车，必将走向失败的结局。
高市涉台错误言论之恶劣，创下了1945年日本战败以来日本领导人的多个“首次”：这是日本领导人首次在正式场合鼓吹所谓“台湾有事就是日本有事”并与行使集体自卫权相关联，首次在台湾问题上表达试图武装介入的野心，首次对中国发出武力威胁。这一涉台错误言论从根本上损害了中日关系的政治基础，激起了中国人民的公愤和谴责。
高市之举并非孤立的个人行为，其背后是日本国内一股企图为军国主义招魂、彻底摆脱战后体制束缚的右翼逆流。高市早苗之流心心念念的，绝非守护日本民众的和平安宁，而是以“外部威胁”为借口，为修改和平宪法、实现所谓军队“正常化”、重走“军事大国”的老路扫清障碍，台湾问题只是他们撬动这个危险议程的支点之一。他们刻意渲染危机，不惜将日本民众绑上以邻为壑的战车，其最终目的，就是要突破和平宪法，将战争怪兽释放出来。
和平的果实来之不易，日本民众并未被右翼逆流的企图所完全蒙蔽。高市的危险言论一出，便在日本国内激起了高度警惕和强烈反对的声浪。从最大在野党党首的严厉批评，到自民党内部资深议员的忧心忡忡，再到学者的痛心疾首和民众的愤怒抗议，凡此种种，无不说明日本社会仍存理性声音和守护和平的力量。“高市下台”“不得煽动战争”的呼声，正是日本民意对当政者将国家引向歧途的有力回击。
历史是一面镜子。上世纪那场由日本军国主义发动的侵略战争，不仅给亚洲各国人民带来了深重灾难，也让日本自身付出了惨痛代价，几乎陷入万劫不复的境地。战后日本之所以能够实现经济复苏与繁荣，根本在于其选择了和平发展之路，并向世界作出了“永不再战”的郑重承诺。这一承诺是日本重返国际社会的基石，也是其立足世界的根本保障。
如今，高市及其代表的右翼势力，正试图摧毁这一基石。他们对历史毫无敬畏之心，对战争的残酷选择性遗忘，妄图通过玩火来攫取政治私利。但他们必须明白，今天的中国早已不是百年前的中国，今天的世界格局也早已不同往日。任何人都不要低估中国人民捍卫国家主权和领土完整的坚强决心、坚定意志和强大能力。台湾问题是中国核心利益中的核心，是不可逾越的红线和底线。任何试图干涉中国内政、阻挠中国统一大业的行径，都必将遭到迎头痛击。
我们严肃敦促高市早苗及其政府，深刻反省历史，收回错误言论，停止在涉华问题上制造事端，以实际行动认错纠偏，维护中日关系政治基础。一意孤行，在错误的道路上越走越远，执意要与14亿多中国人民为敌，那么等待它的，必将是比80年前更为彻底的失败。（完）
1. 10月21日，日本自民党总裁高市早苗（前排右二）在东京参加临时国会众议院首相指名选举，当选日本第104任首相。新华社记者 贾浩成 摄
2. 11月17日，游客在日本东京的一家餐厅用餐。新华社记者 贾浩成 摄