ဟောင်ကောင်အထူးအုပ်ခွင့်ရဒေသ တာ့ဖူခရိုင် မီးဘေးကူညီကယ်ဆယ်ရေးအတွင်း မေတ္တာတရားအား လက်ဆင့်ကမ်းပေးခြင်း

ဟောင်ကောင်၊ နိုဝင်ဘာ ၂၈ ရက် (ဆင်ဟွာ)

“စေတနာ့ဝန်ထမ်းတွေက ကျွန်မကို အင်္ကျီတွေပေးတယ်၊ ကျွန်မက ဒူးမကောင်းဘူးလေ။ သူတို့ ကျွန်မကို ကုတင်မွေ့ရာလည်း ထပ်တိုးပေးတယ်၊ ပြီးတော့ ခြုံစောင်ရောပေ့ါ။ တကယ်ပဲ သိပ်ကို စေတနာကောင်းကြတယ်။”
ဟောင်ကောင်မြို့သူ အသက် ၇၂ နှစ် အရွယ် မစ္စလောနှင့် ၎င်း၏ ခင်ပွန်းဖြစ်သူသည် တရုတ်နိုင်ငံ ဟောင်ကောင်ဒေသ ဟုန်ဖူအိမ်ရာဘေးရှိ ကွမ်လီအဆောက်အအုံတွင် နေထိုင်ခြင်းဖြစ်သည်။ အဆောက်အအုံပိတ်ထားခြင်းကြောင့် ၎င်းတို့ကို တုန်းချန်းလမ်း အားကစားရုံရှိ ယာယီခိုလှုံရာစခန်းတွင် နေရာချထားပေးခဲ့သည်။
ဤနေရာတွင် ခေါက်ဆွဲရှိကြောင်း၊ ထမင်းရှိကြောင်း၊ ဂရုတစိုက် ပြည့်ပြည့်စုံစုံ စီစဉ်ထားခြင်း ဖြစ်ကြောင်း မစ္စလော က သတင်းထောက်ကို ပြောပြသည်။

ဟောင်ကောင် ရှင်းကျဲ့ တာ့ဖူခရိုင်ရှိ ဟုန်ဖူအိမ်ရာသည် နိုဝင်ဘာ ၂၆ ရက်တွင် ပြင်းအား အဆင့် ၅ ရှိ မီးလောင်ကျွမ်းမှုဖြစ်ပွားခဲ့ရာ ရပ်ကွက်၏ တိတ်ဆိတ်မှုကို ဖြိုခွင်းလိုက်သည်။ မီးဘေးဖြစ်ပွားပြီးနောက် အထူးဒေသအစိုးရသည် အလျင်အမြန် အရေးတယူဆောင်ရွက်ခဲ့ပြီး လူမှုအသိုက်အဝန်း နယ်ပယ်အသီးသီးနှင့် ကျယ်ပြန့်များပြားလှသော မြို့သူ၊ မြို့သားများကို လျင်မြန်စွာ စုစည်းကာ အသက်ရှင်သန်မှု၏ဂုဏ်သိက္ခာ၊ လူနေရပ်ကွက်၏ကြံ့ကြံ့ခံနိုင်ရည်ရှိမှုနှင့် ဆက်နွယ်သည့် မေတ္တာတရား လက်ဆင့်ကမ်းမှုကို လုပ်ဆောင်ခဲ့ကြသည်။

ခိုလှုံရာစခန်း၏ “စိတ်အေးချမ်းစွာ အားကိုးအားထားပြုရာနေရာ”
မီးဘေးဖြစ်ပွားပြီးနောက် အထူးဒေသအစိုးရ ဌာနဆိုင်ရာများစွာက ညှိနှိုင်းပူးပေါင်းဆောင်ရွက်မှုများကို လျင်မြန်စွာ လုပ်ဆောင်ခဲ့ရာ တာ့ဖူခရိုင်အတွင်း၌ တုန်းချန်းလမ်း ရပ်ကွက်ခန်းမဆောင်၊ တာ့ဖူရပ်ကွက်စင်တာ၊ ဖုရှန့်ရပ်ကွက်ခန်းမဆောင်၊ ရှန့်လိုအဆောက်အဦ၊ ထိုက်ဟယ် အနီးတစ်ဝိုက်ရပ်ကွက်စင်တာ၊ တုန်းချန်းလမ်း အားကစားရုံ၊ ဟောင်ကောင်ပြန်လည်သန်စွမ်းရေးအသင်း ရှင်းကျဲ့ ပြန်လည်သန်စွမ်းရေးစင်တာ အပါအဝင် ယာယီခိုလှုံရာစခန်းများစွာကို ဖွင့်လှစ်ခဲ့သည်။

တရုတ်ခရစ်ယာန် ဖုန်လျန်ကျယ် အထိမ်းအမှတ် အထက်တန်းကျောင်းကလည်း အရေးပေါ် ဖွင့်လှစ်ပေးကာ ဘေးလွတ်ရာသို့ ရွှေ့ပြောင်းပေးထားသောဒေသခံများကို လက်ခံခဲ့သည်။

နိုဝင်ဘာ ၂၇ ရက် မွန်းလွဲ ၁ နာရီခန့်တွင် သတင်းထောက်က ဟုန်ဖူအိမ်ရာအနီး ဖုန်လျန်ကျယ် အထိမ်းအမှတ် အထက်တန်းကျောင်းရှိ ယာယီခိုလှုံရေးစခန်းသို့ သွားရောက်ခဲ့သည်။ ခိုလှုံသူများအား အဓိကလက်ခံထားသည့်နေရာကို ကြက်တောင်ကွင်းတစ်ကွင်း အကျယ်အဝန်းရှိသော မိုးလုံလေလုံခန်းမအတွင်း၌ ထားရှိခြင်း ဖြစ်ပြီး လူဦးရေ အတော်အသင့်များသော်လည်း စနစ်တကျ ရှိလှသည်။
ခန်းမအဝင်ဝတွင် လိုအပ်ချက်အတိုင်းအတာနှင့် လူဦးရေစီးဆင်းမှုအရ “ဘေးကင်းသူ စာရင်းသွင်းခြင်း”၊ “ဆေးဝါးပစ္စည်း အကူအညီ”၊ “ပျောက်ဆုံးသူ စာရင်းသွင်းခြင်း” ၊ “အစားအသောက်ပံ့ပိုးခြင်း” စသည့် အစိုးရဝန်ဆောင်မှု နေရာများ အစဉ်လိုက်ထားရှိထားသည်။ ခန်းမနှစ်ဖက်နှင့် ဗဟိုစင်တာတွင် နေထိုင်သူများ အနားယူရာ ထိုင်ခုံနေရာများ ထားရှိပြီး အီလက်ထရောနစ်ပစ္စည်းများ အားသွင်းရာတွင် အဆင်ပြေစေရန် ပလပ်ပေါက်များ ထားရှိပေးထားသည်။ ခန်းမပြင်ပတွင် သယ်ဆောင်နိုင်သော ပါဝါဘဏ်၊ ရေသန့်ဘူး၊ ဒိုင်ဗာ (Diaper) ၊ အသုံးများသောဆေးဝါးများ စသည့် ထောက်ပံ့ရေးပစ္စည်းများကို အမျိုးအစားခွဲခြား၍ ထားရှိပေးကာ လိုအပ်မှုများကို အချိန်မရွေးဖြည့်ဆည်းပေးနိုင်ရန် ကရုဏာရှင်အသင်း အသင်းသားများနှင့် စေတနာ့ဝန်ထမ်းများ ပူးပေါင်းဆောင်ရွက်ပြီး ဝေငှပေးလျက်ရှိသည်။

“မနေ့ညက တစ်မိသားစုလုံး ဒီမှာ ညအိပ်တာ။ ညဘက် ဒီမှာ နည်းနည်းအေးတယ်ဆိုပေမဲ့ ဒီမှာ ခြုံဖို့စောင်ရှိတယ်၊ အစားအသောက်လည်း သိပ်ကို စုံစုံလင်လင်ရှိတယ်။ အသီး၊ နွားနို့၊ ဆန်ပြုတ်ပူပူလေး ရှိသင့်တာတွေ အကုန်ပြည့်စုံတယ်” ဟု ဟုန်ဖူအိမ်ရာ မီးဘေးဒဏ်သင့်နေထိုင်သူတစ်ဦးဖြစ်သည့် မိန်းကလေး လီက ဆိုသည်။

ပြည်သူ့ရေးရာဌာန ဝန်ထမ်းများက အဝင်ဝတွင် အလှည့်ကျတာဝန်ယူ စောင့်ရှောက်ပေးလျက်ရှိပြီး မည်သည့်အခက်အခဲမဆို အချိန်မီပြောကြားနိုင်ရာ ၎င်းတို့က စိတ်အေးချမ်းရသည်ဟု ဆိုသည်။

“မလာခင်တော့ ရေမရှိမှာ၊ ညဘက်နေလို့ အဆင်မပြေမှာကို ပူပန်မိတာပေါ့။ ဒါပေမဲ့ ဒါတွေအားလုံး စီစဉ်ထားတာ သိပ်ကို ပြည့်စုံတာပဲ၊ ထင်ထားတာထက်ကောင်းတယ်။”

မြို့သူမြို့သားများက မိမိဆန္ဒအလျောက် “မြို့ပြ၏ နွေးထွေးမှု” ကို စုစည်းပေး

ကပ်ဘေး၏ရှေ့မှောက်တွင် ဟောင်ကောင်လူမှုအသိုက်အဝန်းက မိမိဆန္ဒအလျောက် စုစည်းဆောင်ရွက်သော အင်အားမှာ အလွန်ပင် နှလုံးသားကို နွေးထွေးစေခဲ့သည်။ သာမန်မြို့သူမြို့သားများ၊ လူမှုအဖွဲ့အစည်းကြီးအသီးသီး၊ ပရဟိတအသင်းအဖွဲ့များ၊ ကုမ္ပဏီလုပ်ငန်းများ၏ ကုသိုလ်ဒါနလုပ်ဆောင်ချက်များက စိမ့်စမ်းရေပမာ တသွင်သွင်စီးဆင်းရာမှ ပင်လယ်ပြင်ကြီးပမာ ပေါင်းစည်းစုဝေးလာသည်။
နိုဝင်ဘာ ၂၇ ရက် ညနေ ၄ နာရီခန့်က ဟုန်ဖူအိမ်ရာအနီး လသာဆောင်တစ်ခုတွင် မြို့သူမြို့သားများက သဒ္ဓါတရားထက်သန်စွာ လှူဒါန်းထားသည့် အင်္ကျီအဝတ်အစားများ တောင်လိုပုံနေသည်။ ယင်းနေရာတွင် စေတနာ့ဝန်ထမ်းအဖြစ် ကိုယ်တိုင်ပါဝင်ထမ်းဆောင်သူ မစ္စကောင်းက ပျားပန်းခပ် အလုပ်များလျက်ရှိသည်။ အင်္ကျီအဝတ်အစား လာရောက်လှူဒါန်းသူရှိလျှင် ၎င်းအနေဖြင့် အင်္ကျီ၊ ဘောင်းဘီ၊ စကတ် စသည်တို့ကို အရွယ်အစား အကြီးအသေးနှင့် အထူအပါးအလိုက်ခွဲကာ လိုအပ်သူများကို ခွဲဝေပေးသည်။
“အားလုံးအပြန်အလှန်ကူညီမယ်ဆိုရင် အခက်အခဲတွေကို သေချာပေါက် ကျော်လွှားနိုင်မှာပါ” ဟု ၎င်းက အင်္ကျီများကို စီရီရင်း သတင်းထောက်အား ပြောကြားခဲ့သည်။

ဟုန်ဖူအိမ်ရာအနီးတွင် ကိုယ်ပိုင်ကားပိုင်ရှင်အချို့က ကားပြတင်းပေါက်တွင် “မီးဘေးသင့်ပြည်သူများအတွက် အခမဲ့ ကြိုပို့ဝန်ဆောင်မှု ပေးလိုပါတယ်” ဟူသော စာတန်းကပ်ထားပြီး သွားရေးလာရေးအတွက် တိတ်တဆိတ် အကူအညီပေးလျက်ရှိသည်။

အသက် ၃၀ ကျော်အရွယ် မစ္စချန်က လူမှုကွန်ရက်စာမျက်နှာတွင် အကူအညီတောင်းခံသည့် သတင်းတွေ့လိုက်ရပြီးနောက် နိုဝင်ဘာ ၂၇ ရက် မနက် အစောပိုင်းတွင်ပင် တုန်းချန်းလမ်း အားကစားရုံ ပြန်လည်နေရာချထားရေးစခန်းသို့ အပြေးအလွှားရောက်ရှိလာသည်။ ထိုနေရာသို့ ရောက်သည့်အခါ မိမိတစ်ဦးတည်းမဟုတ်သည်ကို တွေ့လိုက်ရသလို စေတနာ့ဝန်ထမ်း အများအပြားက နိုဝင်ဘာ ၂၆ ရက် ညမှ ယနေ့အထိ တာဝန်များကို ခိုင်ခိုင်မာမာထမ်းရွက်နေကြသည်။
“လှူဒါန်းတဲ့ပစ္စည်းတွေ အဆက်မပြတ်ပါပဲ။ အကျပ်အတည်းအချိန်အခါမှာ အားလုံးတစ်လှေတည်းစီး တစ်ခရီးတည်းသွားကြတယ်၊ ဒါက ကျွန်မတို့ ဟောင်ကောင်ရဲ့ ‘ခြင်္သေ့ကျောက်တောင် စိတ်ဓာတ်’ပါပဲ ” ဟု ထောက်ပံ့ရေးပစ္စည်းများဝေငှပေးကာ အလုပ်များနေရင်း လူမှုအသိုက်အဝန်း နယ်ပယ်အသီးသီး၏ နွေးထွေးမှုကို ခံစားရကြောင်း ၎င်းက ဆိုသည်။

ဖုန်လျန်ကျယ် အထိမ်းအမှတ် အထက်တန်းကျောင်း ယာယီခိုလှုံရေးစခန်းပြင်ပ ကျောင်းတံခါးမကြီးတွင် “ထောက်ပံ့ပစ္စည်းများလက်ခံခြင်းကို ယာယီရပ်ဆိုင်းထားပါသည်။ မြို့သူမြို့သားများအားလုံးကို ကျေးဇူးတင်ပါသည်” ဟူသော ပိုစတာကပ်ထားရသည်။ ယင်းမှာ ငြင်းပယ်ခြင်းမဟုတ်ဘဲ မြို့သူမြို့သားများ၏ လှူဒါန်းသော ထောက်ပံ့ရေးပစ္စည်းများမှာ လိုအပ်သည်ထက် များစွာ ကျော်လွန်နေသောကြောင့်ပင် ဖြစ်သည်။

အထူးလူအုပ်စုအပေါ် ဂရုစိုက်စောင့်ရှောက်ခြင်းက “လူသားဆန်သော အလင်းရောင်” ကို ထင်ရှားစေ

ဤကူညီကယ်ဆယ်မှုအတွင်း သက်ကြီးရွယ်အို စသည့် အထူးလူအုပ်စုအပေါ် ဂရုစိုက်စောင့်ရှောက်ခြင်းသည်လည်း ပို၍ပင် အသေးစိတ်ဖြစ်သည်။ ဖုန်လျန်ကျယ် အထိမ်းအမှတ် အထက်တန်းကျောင်း ယာယီခိုလှုံရေးစခန်းအတွင်း ခန်းမထောင့်တစ်နေရာ၌ အသက် ၈၀ ကျော် အရွယ် အဘိုးအဘွား ဇနီးမောင်နှံကို တွေ့ရသည်။ ၎င်းတို့သည် မီးလောင်မှုဖြစ်ပွားသည့်လူနေအိမ်ရာနှင့် တစ်လမ်းသာခြားသော ကွမ်ဖူအိမ်ရာ ကွမ်ရို့အဆောက်အအုံတွင် နေထိုင်သူများ ဖြစ်သည်။

အဘိုးအဘွားနှစ်ဦးလုံးသည် ရှေ့တစ်နေ့ ညနေပိုင်းမှ ယနေ့အထိ ခိုလှုံရေးစခန်းတွင် တောက်လျှောက်ရှိနေကြသည်။
ဤနေရာတွင် ထောက်ပံ့ရေးပစ္စည်းများ လုံလောက်ကြောင်း၊ လာရောက်ကူညီသည့် လူငယ်အများအပြား ရှိကြောင်း ၎င်းတို့က ပြောသည်။ ၎င်းတို့နှင့် ပြောနေစဉ်အတွင်းမှာပင် စေတနာ့ဝန်ထမ်းတစ်ဦးက အပေါ်ထပ်တွင် အနားယူမည်လားဟု လာရောက်မေးမြန်းမှုရှိသည်။
ခိုလှုံရေးစခန်း၌ အကူအညီပေးသည့် ဝန်ဆောင်မှုများသည်လည်း နေထိုင်သူများ၏ စိတ်ပိုင်းဆိုင်ရာ လိုအပ်ချက်များကို ထည့်သွင်းစဉ်းစားထားသည်။ တံခါးနှင့်အဝေးဆုံး ထောင့်ဖြတ်တစ်နေရာတွင် အတော်အသင့် တိတ်ဆိတ်သော စိတ်ပိုင်းဆိုင်ရာဖေးမကုသပေးသော နေရာတစ်ခုရှိသည်။
ဝန်ထမ်းများက ၎င်းတို့အနေဖြင့် ၂၄ နာရီ အလှည့်ကျ တာဝန်ထမ်းဆောင်လျက်ရှိကြောင်း၊ နေထိုင်သူများက မကြာခဏ လာရောက် အကူအညီတောင်းမှုများရှိကြောင်း၊ လက်ရှိ အရေးတကြီးလိုအပ်မှု အများစုမှာ ပျောက်ဆုံးနေသူများကို ရှာဖွေရန်၊ ဆေးဝါးပစ္စည်း၊ အစားအသောက်နှင့် ယာယီအိပ်စက်ရာနေရာ စသည်တို့ ဖြစ်ကြောင်း ဆိုသည်။

ထမင်းစားချိန်ရောက်ပြီဖြစ်ရာ စေတနာ့ဝန်ထမ်းများက နေထိုင်သူများကို အစားအသောက်များ လာယူကြရန် ကြေညာနှိုးဆော်လျက်ရှိသလို သွားရလာရအဆင်မပြေသူ သို့မဟုတ် အကြားအာရုံချို့ယွင်းသူ သက်ကြီးဘိုးဘွားများ အချိန်မီ ပူပူနွေးနွေး စားသောက်နိုင်စေရန် အစားအစာသတ္တာများကို သယ်ဆောင်ကာ ထိုင်ခုံနေရာများတွင် လိုက်လံဝေငှပေးလျက်ရှိသည်။ ပူပူနွေးနွေးထမင်းဟင်းများအပြင် အစားအစာပံ့ပိုးသည့်ဇုန်အတွင်း သစ်သီးဝလံ၊ ဘီစကွတ်၊ ကြက်ဥ၊ ချဉ်ဖတ်၊ ရေသန့်ဘူးနှင့် ရေနွေး စသည်တို့ကို ပြင်ဆင်ပေးထားသည်။

ခိုလှုံရေးစခန်းတွင် အရောင်အမျိုးမျိုးဝတ်ဆင်ထားသည့် ကရုဏာအသင်းက အသင်းသားများက အလုပ်များနေကြသည်။ ၎င်းတို့မှာ ရှားထျန် စသည့် နေရာအသီးသီးမှ လာကြသူများဖြစ်ပြီး ဝင်ရောက်လာသူရှိသည်နှင့် လိုအပ်ချက်များကို တက်ကြွစွာ မေးမြန်းကြသည်။ အစိုးရဌာနများ၊ လူမှုဖူလုံရေးအဖွဲ့အစည်းများ၊ စေတနာ့ဝန်ထမ်းအသင်းအဖွဲ့များနှင့် သာမန်မြို့သူမြို့သားများ၏ အင်အားသည် ပူးပေါင်းယှက်နွယ်လျက်ရှိရာ ခိုင်မြဲ၍ နွေးထွေးသော မီးဘေးကာကွယ်ကယ်ဆယ်ရေးကဏ္ဍကို အတူတကွ ခိုင်မာစွာ တည်ဆောက်လျက်ရှိပေတော့သည်။ (Xinhua)

တရုတ်နိုင်ငံ ဟောင်ကောင်အထူးအုပ်ချုပ်ခွင့်ရဒေသ၊ တာ့ဖူခရိုင် တုန်းချန်းလမ်းရပ်ကွက်တွင် ဝန်ထမ်းများက မြို့သူ၊ မြို့သားများ လှူဒါန်းသော ထောက်ပံ့ရေးပစ္စည်းများအား ရွှေ့ပြောင်းနေသည်ကို ၂၀၂၅ ခုနှစ် နိုဝင်ဘာ ၂၇ ရက်က တွေ့ရစဉ် (ဆင်ဟွာ)

တရုတ်နိုင်ငံ ဟောင်ကောင်အထူးအုပ်ချုပ်ခွင့်ရဒေသ ရှင်းကျဲ့နယ်မြေ၊ တာ့ဖူခရိုင် ဟုန်ဖူအိမ်ရာ မီးလောင်မှုဖြစ်ပွားရာနေရာမှ ဒဏ်ရာရသူတစ်ဦးအား ကူညီကယ်ဆယ်ရေးသမားများက သယ်ထုတ်လာသည်ကို ၂၀၂၅ ခုနှစ် နိုဝင်ဘာ ၂၇ ရက်က တွေ့ရစဉ် (ဆင်ဟွာ)

——————–
(Chinese Version)
特写：香港大埔火灾救援中的爱心接力
新华社香港11月27日电 题：香港大埔火灾救援中的爱心接力 　　奚天麒、赵曼君、李俞辉
“义工们给我提供了衣服，我膝盖不好，他们还给我加了床垫，还有毛毯。真的很好！”72岁的香港市民罗女士和先生住在宏福苑旁的广礼楼，他们因为封楼被安置在位于东昌街体育馆的临时庇护中心。罗女士告诉记者，这里有面、有饭，安排得很周到。
香港新界大埔区宏福苑26日发生五级火警，打破了社区的宁静。火灾发生后，特区政府迅速行动，社会各界及广大市民快速集结，展开一场关乎生命尊严与社区韧性的爱心接力。
庇护中心的“安心港湾”
火灾发生后，特区政府多部门迅速协调，在大埔区内开放了包括东昌街社区会堂、大埔社区中心、富善社区会堂、善楼、太和邻里社区中心、东昌街体育馆，以及香港伤健协会新界伤健中心在内的多个临时庇护中心。中华基督教会冯梁结纪念中学也紧急开放，接纳疏散居民。
27日13时许，记者走进位于宏福苑附近的冯梁结纪念中学临时庇护中心。主要收容空间设在一个羽毛球场大小的室内场馆内，虽然人员较多，但秩序井然。
在场馆入口处，根据需求迫切程度和人流动线，依次排列着“报平安”“药物支援”“失踪登记”“食物供应”等政府服务摊位。场馆两侧及中央设置了供居民休息的座位区，配备插线板，方便居民为电子设备充电。室外，移动充电宝、瓶装水、尿不湿、常用药品等物资分类摆放，由关爱队队员和义工合作分发，随时满足现场需求。
“昨晚一家都在这里过夜，虽然夜里有点冷，但这里有被子可用，饮食也很丰富，水果、牛奶、热粥等一应俱全。”宏福苑受灾居民李小姐说，门口还有民政署工作人员值守，任何问题都能及时沟通，让他们感到安心。“来之前还担心没水没电、夜里不好过，但各项安排都很周到，比预想中好。”
市民自发行动汇聚“城市温度”
灾难面前，香港社会自发凝聚的力量格外动人。普通市民、各大社团、慈善机构、企业的善行义举如涓涓细流，汇聚成海。
27日16时左右，在宏福苑附近的一处天台，市民自发捐赠的衣物堆积如山。主动在此担任义工的高女士忙得不可开交。有人捐来衣服，她按上衣下衣、大小号和厚薄分类，分发给有需要的人。她一边整理衣物一边对记者说：“大家相互帮忙，困难一定能过去的。”
在宏福苑附近，有私家车主在车窗前贴上“本人愿意为灾民免费接送服务”的字条，默默提供交通支持。
30多岁的陈小姐在看到社交媒体上的求助信息后，27日一早便赶到东昌街体育馆安置点。她发现，自己并非独行者，许多义工已从26日夜坚守至今。投身物资分发的忙碌中，她感受到社会各界的暖流：“捐赠物资络绎不绝。危难时刻，大家同舟共济，这正是我们香港的‘狮子山精神’。”
冯梁结纪念中学临时庇护中心外，大门上贴出了“暂停收物资，感谢各位市民”的海报。这并非拒绝，而是市民捐赠的物资已远超现场所需。
特殊群体关怀彰显“人文之光”
在这场救援中，对长者等特殊群体的关怀也尤为细致。在冯梁结纪念中学临时庇护中心内，记者在场馆角落遇到了一对年过八旬的夫妇。他们住在与着火居屋一街之隔的广福邨广佑楼。 　　两位老人自前一天下午至今，一直待在庇护中心。他们表示，这里物资充足，前来帮忙的年轻人很多。交谈间，就有义工主动上前，询问他们是否需要到楼上休息。
现场的支援服务也考虑到了居民的心理需求。在距离大门最远的对角线处，设置了相对安静的心理援助摊位。工作人员表示，他们24小时轮班值守，不时有居民前来求助，当前最迫切的需求集中在寻人、医药、餐食和临时过夜场所等方面。
饭点到了，有义工拿着广播提示居民领取餐食，也会提着餐箱到座位区进行分发，确保行动不便或听力不好的长者能及时吃上热饭。除了热腾腾的盒饭，食品供应区还备有水果、饼干、鸡蛋、腌菜、瓶装水和热水等。
现场，身着不同颜色夹克的关爱队队员穿梭忙碌，他们来自沙田等不同区域，一进门就会主动上前询问需求。政府部门、社福机构、义工团体与普通市民的力量交织在一起，共同构筑起一道坚实而温暖的救灾防线。（完）
1. 　11月27日，受火灾影响的市民被安置在香港大埔东昌街体育馆。新华社记者 陈铎 摄
2. 11月27日，在香港大埔东昌街社区，工作人员搬运市民捐赠的物资。 新华社记者 陈铎 摄
3. 11月27日，救援人员从香港新界大埔区宏福苑火灾现场运出伤者。新华社记者 陈铎 摄