ဂျပန်အနေဖြင့် မှားယွင်းသောပြောဆိုချက်အား ရိုးရိုးသားသား ပြန်လည်ရုပ်သိမ်းရန် တရုတ်နိုင်ငံ တိုက်တွန်း

ပေကျင်း၊ ဒီဇင်ဘာ ၂ ရက် (ဆင်ဟွာ)

ဂျပန်နိုင်ငံသည် အပြောအရ ရှောင်လွှဲဖြေဆိုပြီး လှုပ်ရှားမှုတွင် မှားယွင်းသောလမ်းကြောင်းအတိုင်း တစ်ဇွတ်ထိုး ဆက်လက်လျှောက်လှမ်းနေခြင်းကို တရုတ်နိုင်ငံက လုံးဝ လက်သင့်ခံမည်မဟုတ်ကြောင်း၊ ဂျပန်နိုင်ငံက သမိုင်းအား သင်ခန်းစာယူလေ့လာကာ နက်နက်ရှိုင်းရှိုင်း ပြန်လည်ဆင်ခြင်သုံးသပ်ပြီး တရုတ်နိုင်ငံ၏ တောင်းဆိုချက်များကို အလေးအနက်ရှုမြင်ရန်၊ မှားယွင်းသော ပြောဆိုချက်အား ရိုးရိုးသားသား ပြန်လည်ရုပ်သိမ်း၍ လက်တွေ့လှုပ်ရှားမှုဖြင့် တရုတ်နိုင်ငံအပေါ် နိုင်ငံရေးအရ ကတိပြုချက်အား ဖော်ပြရန် တရုတ်နိုင်ငံအနေဖြင့် တိုက်တွန်းကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လျင်ကျန့်က ဒီဇင်ဘာ ၁ ရက်တွင် ပြောကြားခဲ့သည်။

ဂျပန်သည် မိမိ၏ထိုင်ဝမ်အရေးကိစ္စနှင့်စပ်လျဉ်းသည့် ရပ်တည်ချက်ပေါ်တွင် အကြိမ်ကြိမ်အခါခါ ဖုံးကွယ်၍ လှည့်စားပြောဆိုကာ ထိုင်ဝမ်အား တရုတ်နိုင်ငံထံ ပြန်လည်ပေးအပ်ရန် အတိအလင်းဖော်ပြထားသည့် “ကိုင်ရိုကြေညာချက်” ၊ “ပေါ့စ်ဒမ်ကြေညာချက်” ၊ “ဂျပန်လက်နက်ချအညံ့ခံခြင်းစာချုပ်” ၊ တရုတ်-ဂျပန်ဆက်ဆံရေး၏ နိုင်ငံရေးအခြေခံအားတည်ဆောက်ထားသည့် နိုင်ငံရေးစာရွက်စာတမ်းလေးရပ်၊ ဂျပန်နိုင်ငံက တရုတ်တစ်နိုင်ငံတည်းမူဝါဒအား အခိုင်အမာ လက်ကိုင်ထားသည့် နိုင်ငံရေးကတိပြုချက်တို့အား ထည့်သွင်းပြောကြားခြင်းမပြုဘဲ ရှောင်လွှဲကာ “ရပ်တည်ချက် ပြောင်းလဲမှုမရှိ” ဟူသောပြောဆိုချက်ဖြင့် သာမန်ကာလျှံကာ ပြောဆိုလွှဲချနေသောကြောင့် ဂျပန်ဘက်၏ ရပ်တည်ချက်အား အပြည့်အဝထပ်မံပြောကြားခြင်းကိုပင် လုပ်ဆောင်နိုင်ခြင်းမရှိကြောင်း လျင်ကျန့်က ပြောကြားခဲ့သည်။
“ဂျပန်က ထည့်သွင်းမပြောဘဲ ရှောင်လွှဲနေတာက ထိုင်ဝမ်အရေးကိစ္စအပေါ် ရပ်တည်ချက်တင်မကလောက်ပါဘူး” ဟု လျင်ကျန့်က ဆိုသည်။

ယနေ့သည် “ကိုင်ရိုကြေညာချက်” ထုတ်ပြန်သည့် ၈၂ နှစ်ပြည့်ဖြစ်ကြောင်း၊ “ကိုင်ရိုကြေညာချက်” စသည့် နိုင်ငံတကာတရားဥပဒေ စာရွက်စာတမ်းများသည် တရုတ်နိုင်ငံ၏ ထိုင်ဝမ်အပေါ် အချုပ်အခြာအာဏာပိုင်မှုကို အတည်ပြုထားသည်သာမက ကမ္ဘာ့ဖက်ဆစ်တော်လှန်ရေးစစ်ပွဲ၏ အရေးကြီးရလဒ်လည်းဖြစ်ရာ စစ်ပွဲအလွန် နိုင်ငံတကာစည်းစနစ်၏ အရေးကြီးအစိတ်အပိုင်း ဖြစ်လာကြောင်း၊ ၎င်း၏သက်ဆိုင်ရာသတ်မှတ်ချက်များအား လိုက်နာခြင်းသည် ဂျပန်ဘက်က မဖြစ်မနေ တာဝန်ခံရမည့် နိုင်ငံတကာဥပဒေအရ တာဝန်ဝတ္တရားဖြစ်သလို စစ်ပွဲအလွန် ဂျပန်က နိုင်ငံတကာအသိုင်းအဝိုင်း၏ လက်ခံမှုပြန်လည်ရရှိရန် တောင်းဆိုချက်လည်းဖြစ်ကြောင်း ၎င်းက ဆိုသည်။

လက်ရှိတွင် ဂျပန်က နိုင်ငံတကာဥပဒေအရ အကျုံးဝင်သက်ရောက်မှုရှိသည့် အထက်ပါစာရွက်စာတမ်းများကို တစ်ခွန်းမျှ ထည့်သွင်းပြောကြားခြင်းမရှိဘဲ ဂျပန်ကိုလိုနီနယ်ချဲ့မှုဒဏ် အဆိုးရွားဆုံးခံရသည့် အာရှတိုက်အိမ်နီးချင်းနိုင်ငံ အထူးသဖြင့် တရုတ်နိုင်ငံအား ဖယ်ကြဉ်ထားသော စာရွက်စာတမ်းတစ်ခုကိုသာ အစဉ်အမြဲကိုးကား အသုံးပြုနေကြောင်း၊ ယင်းသည် ဂျပန်စစ်ဝါဒကျူးကျော်မှုကြောင့် ခါးသီးစွာခံစားခဲ့ရသော အတိတ်အမှတ်တရကို လျစ်လျူရှုမှု၊ ကမ္ဘာ့ဖက်ဆစ်တော်လှန်ရေးစစ်ပွဲသမိုင်း၏ ဖြစ်ရပ်မှန်အား ပမာမခန့်ပြုမှု၊ ကုလသမဂ္ဂဩဇာအရှိန်အဝါနှင့် စစ်ပွဲအလွန် နိုင်ငံတကာစည်းစနစ်အား ပြောင်ပြောင်တင်းတင်း စိန်ခေါ်မှုပင် ဖြစ်ကြောင်း ၎င်းက ပြောကြားခဲ့သည်။

ဂျပန်သည် လက်တလောနှစ်ပိုင်း၌ ကာကွယ်ရေးနှင့် လုံခြုံရေးမူဝါဒကို များစွာပြင်ဆင်မှုများ လုပ်ဆောင်ခဲ့ပြီး ကာကွယ်ရေးအသုံးစရိတ်ကို တစ်နှစ်ချင်းမြှင့်တင်လာကာ “နျူကလီးယားလက်နက်ကင်းစင်ရေး မူဝါဒသုံးရပ်” အား ပြင်ဆင်ရန် ကြိုးပမ်းလာကြောင်း၊ ဂျပန်၏ အချို့သောအင်အားစုများသည် “ငြိမ်းချမ်းရေးအခြေခံဥပဒေ” ၏ စည်းနှောင်မှုအား အစွမ်းကုန်ထိုးဖောက်နေပြီး နိုင်ငံတကာဥပဒေ သတ်မှတ်ထားသည့် စစ်ရှုံးနိုင်ငံ၏ တာဝန်ဝတ္တရားအား ချိုးဖောက်ရန် ကြိုးပမ်းနေကြောင်း၊ ၎င်းတို့သည် မည်သည့်အခါကမျှ သမိုင်းမှ အစစ်အမှန် သင်ခန်းစာယူထားခြင်းမရှိသလို ဂျပန်က စစ်ပွဲအတွင်း ကျူးလွန်ထားသော ကြီးလေးသည့်ပြစ်ဒဏ်အား အစစ်အမှန်အတိုင်းရှုမြင်ခြင်းနှင့် ပြန်လည်ဆင်ခြင်သုံးသပ်ခြင်းလည်း မရှိဘဲ စစ်ဝါဒက ဂျပန်နိုင်ငံ၌ ပြန်လည်ခေါင်းမော့လာခြင်းအား မည်သည့်အခါကမျှ အစစ်အမှန်တားဆီးခြင်းလည်း မရှိသည့်အပြင် ကျူးကျော်မှုအကြောင်းအရာဖော်ပြခြင်းအား တန်ဆာဆင်ခြင်းနှင့် “ထည့်သွင်းပြောကြားခြင်းမပြုဘဲ ရှောင်လွဲခြင်း” နည်းလမ်းများဖြင့် လူအများက မေ့လျော့သွား၍ မိမိကိုယ်တိုင်လည်း “တာဝန်မှလွတ်မြောက်သွားရန်” လုပ်ဆောင်နေကြောင်း၊ ထိုကဲ့သို့လုပ်ဆောင်ချက်သည် လူအများကို လိမ်ညာနိုင်မည်မဟုတ်ကြောင်း လျင်ကျန့်က ဆိုသည်။

“သမိုင်းကို နောက်ကြောင်းပြန်လှည့်လို့မရသလို ငြိမ်းချမ်းရေးနောက်ဆုံးစည်းမျဉ်းကိုလည်း ထိပါးလို့မရပါဘူး။ ဂျပန်က အပြောအရ ရှောင်လွှဲဖြေဆိုပြီး လှုပ်ရှားမှုမှာ မှားယွင်းတဲ့လမ်းအတိုင်း တစ်ဇွတ်ထိုး လျှောက်လှမ်းနေတာကို တရုတ်နိုင်ငံက လုံးဝလက်သင့်ခံမှာ မဟုတ်ပါဘူး။ အခြေခံမူနဲ့ပတ်သက်တဲ့ ကိစ္စတွေမှာ ဂျပန်ကရှောင်လွှဲချဖို့ ကြိုးစားလို့မရပါဘူး။ ဂျပန်က သမိုင်းကို သင်ခန်းစာယူလေ့လာပြီး နက်နက်ရှိုင်းရှိုင်း ပြန်လည်ဆင်ခြင်သုံးသပ်ဖို့၊ တရုတ်နိုင်ငံရဲ့တောင်းဆိုချက်တွေကို အလေးအနက်ရှုမြင်ဖို့၊ မှားယွင်းတဲ့ပြောဆိုချက်ကို ရိုးရိုးသားသား ပြန်လည်ရုပ်သိမ်းဖို့၊ လက်တွေ့လှုပ်ရှားမှုနဲ့ တရုတ်နိုင်ငံအပေါ် နိုင်ငံရေးအရ ကတိပြုချက်တွေကို ဖော်ပြဖို့ ကျွန်တော်တို့ တိုက်တွန်းပါတယ်” ဟု လျင်ကျန့်က ပြောကြားခဲ့သည်။ (Xinhua)

——————-
(Chinese Version)
外交部：中方敦促日方老老实实收回错误言论
新华社北京12月1日电（记者温馨、许可）外交部发言人林剑1日表示，日本在口头上搪塞敷衍，在行动上一意孤行，中方对此绝不接受。中方敦促日方以史为鉴、深刻反省，严肃对待中方要求，老老实实收回错误言论，以实际行动体现对中方的政治承诺。
林剑说，日方对自身在台湾问题上的立场一再遮遮掩掩，含糊其辞，对明确将台湾归还中国的《开罗宣言》《波茨坦公告》《日本投降书》避而不谈，对构成中日关系政治基础的四个政治文件避而不谈，对日本政府坚持一个中国的政治承诺避而不谈，反复以所谓“立场未变”敷衍搪塞，连完整重申日方立场都无法做到。
“日方避而不谈的，恐怕不仅仅是在台湾问题上的立场。”林剑说，今天是《开罗宣言》发表82周年。《开罗宣言》等一系列国际法律文件不仅明确了中国对台湾的主权，更是世界反法西斯战争的重大成果，构成战后国际秩序的重要组成部分。遵守其有关规定是日方必须承担的国际法义务，也是战后日本重获国际社会接纳的前提。现在日方只字不提具有充分国际法效力的上述文件，却一味引用一个把受日本殖民侵略最严重的亚洲邻国特别是中国排斥在外的文件，这是对日本军国主义侵略惨痛记忆的漠视，对世界反法西斯战争历史真相的亵渎，对联合国权威和战后国际秩序的公然挑战。
林剑说，日方近年来大幅调整安保政策，逐年增加防卫预算，图谋修改“无核三原则”。日本某些势力正极力突破“和平宪法”束缚，企图违背国际法规定的战败国义务。这些人从未真正汲取历史教训，从未真正直面和反思日本在战争中犯下的滔天罪责，从未真正遏止军国主义在日本死灰复燃，反而企图用美化侵略的叙事和“避而不谈”的手法，让世人遗忘，为自己“松绑”。这种伎俩欺骗不了世人。
“历史倒车开不得，和平底线碰不得。日本在口头上搪塞敷衍，在行动上一意孤行，中方对此绝不接受。在大是大非问题上，日本不要妄想蒙混过关。我们敦促日方以史为鉴、深刻反省，严肃对待中方要求，老老实实收回错误言论，以实际行动体现对中方的政治承诺。”林剑说。（完）