တရုတ်-ဥရောပ ပူးပေါင်းဆောင်ရွက်မှုက နှစ်ဖက်အတွက် အကျိုးဖြစ်ထွန်းသလို ကမ္ဘာကြီးအတွက်လည်း အကျိုးပြု

ပေကျင်း၊ ဒီဇင်ဘာ ၉ ရက် (ဆင်ဟွာ)

လက်ရှိနိုင်ငံတကာအခြေအနေ လှုပ်ခတ်မှုများ ပိုမိုဆိုးရွားလာရာ တရုတ်-ဥရောပက မဟာဗျူဟာ ချိတ်ဆက်မှုကို မြှင့်တင်ခြင်း၊ တွေ့ဆုံဆွေးနွေး ပူးပေါင်းဆောင်ရွက်မှုများ နက်ရှိုင်းစွာဖော်ဆောင်ခြင်းသည် နှစ်ဖက်အတွက် အကျိုးဖြစ်ထွန်းသလို ကမ္ဘာကြီးအတွက်လည်း အကျိုးပြုကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကောကျားခွန်းက ဒီဇင်ဘာ ၈ ရက်တွင် ပြောကြားခဲ့သည်။
မကြာသေးမီက စပိန်နိုင်ငံဘုရင်၊ ပြင်သစ်နိုင်ငံသမ္မတတို့ တရုတ်နိုင်ငံသို့ ခရီးစဉ်လာရောက်ခဲ့ကြောင်း၊ ဆက်လက်ပြီး ဂျာမနီနိုင်ငံခြားရေးဝန်ကြီးသည်လည်း တရုတ်နိုင်ငံသို့ ခရီးစဉ်လာရောက်မည်ဖြစ်ကြောင်း၊ ယင်းအပေါ် တရုတ်နိုင်ငံအနေဖြင့် မည်ကဲ့သို့ရှုမြင်သနည်း၊ ဥရောပက ဦးတည်ချက်ပြောင်းလဲ၍ တရုတ်နိုင်ငံနှင့် ပူးပေါင်းဆောင်ရွက်လိုသည်ဟု ယူဆပါသလောဟု သတင်းထောက်က ထိုနေ့သတင်းစာရှင်းလင်းပွဲတွင် မေးမြန်းခဲ့သည်။

ကောကျားခွန်းက ယခုနှစ်အတွင်း တရုတ်နိုင်ငံသည် ဥရောပနိုင်ငံ အဆင့်မြင့်အလွှာများနှင့် နီးကပ်စွာ သွားလာဆက်ဆံခဲ့ကြောင်း၊ နှစ်ဖက်အကြီးအကဲများက မဟာဗျူဟာမြောက် မိတ်ဖက်ဆက်ဆံရေးအား တစ်ဆင့်တိုးဖော်ဆောင်ခြင်း၊ အပြန်အလှန် အကျိုးဖြစ်ထွန်းသော ပူးပေါင်းဆောင်ရွက်မှုကို နက်ရှိုင်းစွာ လုပ်ဆောင်ခြင်းနှင့်စပ်လျဉ်း၍ အရေးကြီးသဘောတူညီချက် ရရှိခဲ့ပြီး မဟာဗျူဟာ လမ်းညွှန်မှု ပံ့ပိုးပေးလိုက်ကြောင်း၊ လက်ရှိ နိုင်ငံတကာအခြေအနေ လှုပ်ခတ်မှုများ ပိုမိုဆိုးရွားလာရာ တရုတ်-ဥရောပက မဟာဗျူဟာ ညှိနှိုင်းမှုကို မြှင့်တင်ခြင်း၊ တွေ့ဆုံဆွေးနွေး ပူးပေါင်းဆောင်ရွက်မှုများ နက်ရှိုင်းစွာဖော်ဆောင်ခြင်းသည် နှစ်ဖက်အတွက် အကျိုးဖြစ်ထွန်းသလို ကမ္ဘာကြီးအတွက်လည်း အကျိုးပြုကြောင်း ပြောကြားခဲ့သည်။

“တရုတ်နိုင်ငံအနေနဲ့ ဥရောပဘက်နဲ့အတူ နှစ်ဖက်အကြီးအကဲများ ရရှိထားတဲ့ အရေးကြီး သဘောတူညီချက်အား ကောင်းမွန်စွာ အကောင်အထည်ဖော်ရန်၊ ညှိနှိုင်းပူးပေါင်းဆောင်ရွက်မှုကို မြှင့်တင်ရန်၊ တရုတ်-ဥရောပဆက်ဆံရေး ကောင်းမွန်တည်ငြိမ်စွာ ဖွံ့ဖြိုးတိုးတက်မှုအား တွန်းအားပေးရန် လုပ်ဆောင်သွားဖို့ ဆန္ဒရှိပါတယ်” ဟု ကောကျားခွန်းက ပြောကြားခဲ့သည်။
နှစ်ဖက်အတူ နိုင်ငံစုံပူးပေါင်းဆောင်ရွက်မှုဝါဒအား ထိန်းသိမ်း၍ လွတ်လပ်သောကုန်သွယ်ရေးကို ထောက်ခံအားပေးခြင်း၊ စစ်ပွဲအလွန် နိုင်ငံတကာစည်းစနစ်နှင့် နိုင်ငံတကာ စည်းမျဉ်းစည်းကမ်းများကို ကာကွယ်ခြင်း၊ တစ်ဖက်သတ်ဝါဒနှင့် ဗိုလ်ကျအနိုင်ကျင့်မှုလုပ်ရပ်များကို ဆန့်ကျင်ခြင်း၊ ရာသီဥတုပြောင်းလဲမှု စသည့် ကမ္ဘာလုံးဆိုင်ရာ စိန်ခေါ်မှုများကို အတူကိုင်တွယ်စီမံခြင်း၊ ကမ္ဘာလုံးဆိုင်ရာ စီမံခန့်ခွဲမှု ပြည့်စုံကောင်းမွန်လာအောင် လုပ်ဆောင်ခြင်းတို့ဖြင့် တရုတ်-ဥရောပပြည်သူများကို အကျိုးပြုကာ လှုပ်ခတ်နေသော ကမ္ဘာကြီးအတွက် ပိုမိုများပြားသော တည်ငြိမ်မှုနှင့် သေချာရေရာမှုများ ဖြည့်တင်းပေးရမည်ဖြစ်ကြောင်း ၎င်းကပြောကြားခဲ့သည်။ (Xinhua)

——————-
(Chinese Version)
外交部：中欧合作有利于双方，也有利于世界
新华社北京12月8日电（记者刘杨、董雪）外交部发言人郭嘉昆8日表示，当前国际局势动荡加剧，中欧加强战略沟通、深化对话合作有利于双方，也有利于世界。
当日例行记者会上，有记者问：西班牙国王、法国总统刚访问了中国，接下来德国外长也将访华。请问中方对此怎么看？是否认为欧洲转变方向，想同中国合作？
郭嘉昆表示，今年以来，中国同欧洲国家高层交往频密。双方领导人就进一步发展战略伙伴关系、深化互利合作达成重要共识，提供了战略指引。当前国际局势动荡加剧，中欧加强战略沟通、深化对话合作有利于双方，也有利于世界。
“中方愿同欧方一道，落实好双方领导人达成的共识，加强团结协作，推动中欧关系健康稳定发展。”郭嘉昆说，双方要共同维护多边主义、支持自由贸易，捍卫战后国际秩序和国际规则，反对单边主义和霸凌行径，共同应对气候变化等全球性挑战，完善全球治理，造福中欧人民，为动荡世界注入更多稳定性和确定性。（完）