နိုင်ငံတကာဥပဒေကို အခြေခံသည့် နိုင်ငံတကာ ပင်လယ်ပြင်ရေးရာ စည်းစနစ်ကို ကာကွယ်ထိန်းသိမ်းရန် တရုတ်ကိုယ်စားလှယ် တိုက်တွန်း

ကုလသမဂ္ဂ၊ ဩဂုတ် ၁၂ ရက် (ဆင်ဟွာ)

နိုင်ငံတကာဥပဒေကို အခြေခံသည့် နိုင်ငံတကာ ပင်လယ်ပြင်ရေးရာ စည်းစနစ်ကို ကာကွယ်ထိန်းသိမ်းရန် ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ဩဂုတ် ၁၁ ရက် လုံခြုံရေးကောင်စီ ပင်လယ်ရေကြောင်းလုံခြုံရေးဆိုင်ရာ အဆင့်မြင့် တံခါးဖွင့်ဆွေးနွေးပွဲ၌ ပါဝင်ဆွေးနွေးရာတွင် တိုက်တွန်းပြောကြားခဲ့သည်။

“ပင်လယ်ပြင် ဥပဒေဆိုင်ရာ ကုလသမဂ္ဂ သဘောတူညီချက် (UNCLOS)” သည် ပင်လယ်ပြင်ရေးရာကဏ္ဍ၏ ဘက်စုံဥပဒေစာတမ်း ဖြစ်ပြီး အခြားသော နိုင်ငံတကာ သဘောတူညီချက်၊ လုပ်ထုံးလုပ်နည်း နိုင်ငံတကာဥပဒေနှင့်အတူ မျက်မှောက်ခေတ် ပင်လယ်ပြင်ရေးရာစည်းစနစ်၏ မဏ္ဍိုင်အဖြစ် အတူတကွ ဖွဲ့စည်းထားခြင်း ဖြစ်ကြောင်း ဖုချုံးက ပြောကြားခဲ့သည်။ နိုင်ငံတကာဥပဒေကို အခြေခံသည့် နိုင်ငံတကာ ပင်လယ်ပြင်ရေးရာ စည်းစနစ်ကို အခိုင်အမာ ကာကွယ်ထိန်းသိမ်းရမည် ဖြစ်ကြောင်း၊ ပြည့်စုံမှု၊ တိကျမှု၊ ကောင်းမွန်သည့် သဘောထားရှိမှုများဖြင့် “ပင်လယ်ပြင် ဥပဒေဆိုင်ရာ ကုလသမဂ္ဂ သဘောတူညီချက် (UNCLOS)” ကို အနက်အဓိပ္ပာယ်ဖွင့်ကာ လျော်ကန်စွာ အသုံးပြုရမည် ဖြစ်ပြီး သင့်ရာရွေးသုံးမှုနှင့် စံနှုန်းနှစ်မျိုးထားမှုကို အမြစ်ဖြတ်ရမည် ဖြစ်ကြောင်း၊ အန္တရာယ်များကို ကောင်းမွန်ပြည့်စုံစွာ ညှိနှိုင်းဆွေးနွေးခြင်း၊ ဒေသတွင်း ပူးပေါင်းဆောင်ရွက်မှုကို အားဖြည့်ခြင်းဖြင့် အငြင်းပွားမှုများအား ငြိမ်းချမ်းစွာ ဖြေရှင်းရေးအား အားထားဆောင်ရွက်ရမည် ဖြစ်ကြောင်း၊ သမိုင်းတွင် ကျန်ရစ်သည့် ပင်လယ်ပြင်ပိုင်နက်နှင့် အခွင့်အရေး၊ အကျိုးစီးပွား အငြင်းပွားမှုကို အချင်းဖြစ်ပွားသူများက တိုက်ရိုက် ချစ်ကြည်ရင်းနှီးစွာ ညှိနှိုင်းဖြေရှင်းသင့်ကြောင်း၊ နိုင်ငံပေါင်းစုံ ပူးပေါင်းဆောင်ရွက်ရေးဝါဒကို အခိုင်အမာလက်ကိုင်ထားရမည်ဖြစ်သလို ကုလသမဂ္ဂ၏ တက်ကြွသည့်အခန်းကဏ္ဍမှ ပါဝင်မှုကို ထောက်ခံရမည် ဖြစ်ကြောင်း၊ ပင်လယ်ပြင် သဘာဝပတ်ဝန်းကျင် ထိန်းသိမ်းရေး၊ ဥတုရာသီပြောင်းလဲမှု၊ ပင်လယ်ရေ မျက်နှာပြင်မြင့်တက်မှု စသည့် စိန်ခေါ်မှုများကို အတူတကွ ရင်ဆိုင်ကိုင်တွယ်ရမည် ဖြစ်ကြောင်း ၎င်းက ပြောကြားခဲ့သည်။

လူသားမျိုးနွယ်နေထိုင်သည့် အပြာရောင်ဂြိုဟ်ကို သီးခြားကျွန်းလေးများအဖြစ် ပင်လယ်ပြင်က ပိုင်းခြားထားခြင်းမျိုး မဟုတ်ဘဲ အေးအတူပူအမျှ အသိုက်အဝန်းကို ပင်လယ်ပြင်က ချိတ်ဆက်ထားခြင်း ဖြစ်ကြောင်း ဖုချုံးက ပြောကြားခဲ့သည်။
ဖွံ့ဖြိုးဆဲ ပင်လယ်သမုဒ္ဒရာ နိုင်ငံကြီးအနေဖြင့် တရုတ်နိုင်ငံသည် “ပင်လယ်ပြင် ဥပဒေဆိုင်ရာ ကုလသမဂ္ဂ သဘောတူညီချက် (UNCLOS)” ၏ တာဝန်ဝတ္တရားများကို တက်ကြွစွာ ဖော်ဆောင်ခဲ့သလို ကမ္ဘာလုံးဆိုင်ရာ ပင်လယ်သမုဒ္ဒရာ စီမံအုပ်ချုပ်မှု ဖြစ်စဉ်တွင် အပြုသဘောဆောင် ပါဝင်ခဲ့ရာ “အဏ္ဏဝါ ဇီဝမျိုးစုံမျိုးကွဲဆိုင်ရာ သဘောတူညီချက်” ကို ဦးစွာ လက်မှတ်ရေးထိုးပြီး ခွင့်ပြုရန် တက်ကြွစွာ တွန်းအားပေး ဆောင်ရွက်လျက်ရှိကြောင်း၊ တရုတ်နိုင်ငံသည် နိုင်ငံတကာအသိုက်အဝန်းအတွက် ပင်လယ်ရေကြောင်း စမ်းသပ်တိုင်းတာမှု၊ ပင်လယ်ရေကြောင်း လမ်းပြမှု၊ မိုးလေဝသခန့်မှန်းမှု၊ ဂြိုဟ်တုဆက်သွယ်မှု၊ လုံခြုံရေးအာမခံမှုနှင့် ဆေးကုသရေး အာမခံမှု စသည့် ပင်လယ်ပြင်ရေးရာ ပြည်သူ့ထုတ်ကုန်များကို စဉ်ဆက်မပြတ် ပံ့ပိုးခဲ့ရာ ဧဒင်ပင်လယ်ကွေ့၊ ဆိုမာလီယာပင်လယ်ပြင်သို့ ရေကြောင်းလိုက်ပါစောင့်ရှောက်ရေးအဖွဲ့ ၄၇ သုတ် စေလွှတ်ပြီး ဖြစ်ကြောင်း၊ တရုတ်နိုင်ငံသည် ပင်လယ်ပြင်ရေးရာ ကွဲလွဲမှုများကို တွေ့ဆုံညှိနှိုင်းဆွေးနွေးမှုမှတစ်ဆင့် တက်ကြွစွာ ဖြေရှင်းကာ ဒေသတွင်းနိုင်ငံများနှင့်အတူ ပင်လယ်ပြင် ငြိမ်းချမ်းတည်ငြိမ်ရေးကို ကာကွယ်ထိန်းသိမ်းခဲ့ကြောင်း၊ တရုတ်နိုင်ငံသည် ဆက်လက်၍ နိုင်ငံတကာအသိုင်းအဝိုင်းနှင့်အတူ ပင်လယ်သမုဒ္ဒရာကဏ္ဍ အေးအတူပူအမျှ အသိုက်အဝန်း တည်ဆောက်ရေးအတွက် မဆုတ်မနစ်ကြိုးပမ်းသွားမည် ဖြစ်ကြောင်း ၎င်းက ပြောကြားခဲ့သည်။ (Xinhua)

—————————–
(Chinese Version)
中国代表呼吁维护以国际法为基础的国际海洋秩序
新华社联合国8月11日电 中国常驻联合国代表傅聪11日在安理会海上安全问题高级别公开辩论会上发言，呼吁维护以国际法为基础的国际海洋秩序。
傅聪说，《联合国海洋法公约》是海洋领域的综合性法律文书，与其他国际条约和习惯国际法一道，共同构成现代海洋秩序的支柱。要坚定维护以国际法为基础的国际海洋秩序，完整、准确、善意地解释和适用《联合国海洋法公约》，杜绝选择性适用和双重标准。要完善危机沟通，加强区域合作，致力于和平解决争端。对于历史遗留的海上领土和权益争端，应由直接当事方友好协商解决。要坚持真正的多边主义，支持联合国发挥积极作用，共同应对海洋环保、气候变化、海平面上升等挑战。
傅聪说，人类居住的蓝色星球，不是被海洋割裂成各个孤岛，而是被海洋连接为命运共同体。作为发展中海洋大国，中方积极履行《联合国海洋法公约》义务，建设性参与全球海洋治理进程，率先签署并正在积极推进批准《海洋生物多样性协定》。中方持续为国际社会提供海洋航道测量、海上导航、气象预报、卫星通信、安全保障和医疗保障等海上公共产品，已向亚丁湾、索马里海域派遣了47批护航编队。中方积极通过对话谈判解决涉海分歧，同地区国家一道维护海上和平稳定。中方将继续同国际社会一道，为构建海洋命运共同体不懈努力。（完）
1. 这是7月16日在位于纽约的联合国总部拍摄的安理会加沙人道局势紧急公开会现场。新华社记者 谢锷 摄